DROPS Alpaca Party - 13 tegundir af alpakka garni á afslætti í allan október!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 600
4:11
Hvernig á að prjóna gatamynstur í DROPS 132-26

Í þessu DROPS myndbandi sýnum við hvernig við prjónum einfalt gatamynstur í setti í DROPS 132-26. Þetta sett er prjónað úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:04
Hvernig á að prjóna gataraðir og gatamynstur í DROPS 152-16

Í þessu DROPS myndbandi sýnum við hvernig við prjónum GATARAÐIR og GATAMYNSTUR í sjali í DROPS 152-16. Við sýnum fyrst hvernig við fitjum upp og prjónum þar til við höfum 17 lykkjur á prjóni, eftir 1. hraðspólunina byrjum við á umferð 3 sem sýnir GATARÖÐ eins og útskýrt er í mynstri. Eftir það höldum við áfram að prjóna umferð 4 og 5. Eftir 2. hraðspólunina höfum við prjónað smá lengd þannig að við höfum 2 gataraðir og sýnum nú GATAUMFERÐ. Þetta sjal er prjónað úr DROPS BabyAlpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:18
Hvernig á að prjóna kant á sjali, jafnframt því að fella af

Í þessu DROPS myndbandi sýnum við hvernig við prjónum kant á sjali jafnframt því sem við fellum af. Þegar lykkjur af sjali hafa verið prjónaðar, á ekki að snúa stykkinu, fitjið upp 14 nýjar lykkjur fyrir kant á sjali frá röngu. Snúið við, prjónið 1 umferð slétt yfir 14 nýju lykkjurnar (= rétta), snúið stykkinu við og prjónið áfram eftir mynstri = 1 umf í mynstureiningu frá röngu. Í þessu myndbandi höfum við prjónað fyrstu umferðina á kanti. Við byrjun nú á annarri umferð af kantmynstri: UMFERÐ 1 = ranga: Lyftið 1 lykkju af prjóni eins og prjóna eigi brugðið, 1 lykkja slétt, sláið 1 sinni uppá prjóninn, 2 lykkjur saman slétt og prjónið garðaprjón þar til 4 lykkjur eru eftir á prjóni, sláið 1 sinni uppá prjóninn, 2 lykkjur saman slétt, sláið 2 sinnum uppá prjóninn (= 2 lykkjur), 2 lykkjur slétt. Snúið stykki. UMFERÐ 2 = rétta: Prjónið 2 lykkjur slétt, prjónið annan uppsláttinn af þeim tveimur sem voru slegnir uppá prjóninn, sá seinni er steyptur niður af prjóni, prjónið garðaprjón þar til 3 lykkjur eru eftir að kantlykkjum, sláið 1 sinni uppá prjóninn, 2 lykkjur saman slétt og prjónið nú saman síðustu kantlykkjuna slétt með fyrstu lausu lykkjunni af sjali. Snúið við og prjónið UMFERÐ 3 í mynstri o.s.frv. Í síðustu umferð frá réttu, fellið af fyrstu 8 kantlykkjurnar, prjónið síðan afgang eftir mynstri = 14 lykkjur á prjóni og endurtakið aftur mynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
18:10
Sjal: Hvernig á að hekla byrjun á sjali í DROPS 166-20

Í þessu DROPS myndbandi sýnum við hvernig við heklum byrjun á sjali í DROPS 166-20 eftir mynstri A.1, A.2 og A.3. Þetta sjal er prjónað úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
15:39
Hvernig á að prjóna A.1 í DROPS 165-37

Í þessu DROPS myndbandi sýnum við hvernig byrjað er á sjali í DROPS 165-37 samkvæmt mynsturteikningu A.1. Þetta sjal er prjónað úr DROPS Brushed Alpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
25:48
Hvernig á að prjóna sjal með öldukanti í DROPS 166-26

Í þessu DROPS mynstri sýnum við hvernig við prjónum sjalið Eurydice með öldukanti í DROPS 166-26. Í myndbandinu sýnum við fyrst umferð 1-16 og þar á eftir endurtekningu af umferð 9-16 og fyrstu pífunni. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
15:23
Hvernig á að prjóna A.3 (kant með götum) í DROPS 143-5

Í þessu DROPS myndbandi sýnum við hvernig kanturinn í sjali í DROPS 143-5 er prjónaður samkvæmt mynsturteikningu A.3. Við prjónum 1 heila mynstureiningu á mynsturteikningu og sýnum jafnframt hvernig síðasta lykkjan er tekin upp yst í sjali með hægri prjóni og tekin upp yfir fyrstu prjónuðu lykkju í A.3. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:53
Hvernig á að fella af með picotkanti í DROPS 169-8

Í þessu DROPS myndbandi sýnum við hvernig við fellum af með picotkanti. Í þessu myndbandi þá prjónum við þannig: Fellið af 2 fyrstu lykkjur á prjóni (* stingið inn hægri prjón á milli 2 fyrstu lykkja á vinstri prjóni, (þ.e.a.s. á milli lykkja á prjóni, ekki í gegnum lykkju), sláið 1 sinni uppá hægri prjóninn, dragið fram uppsláttinn á milli lykkja og setjið uppsláttinn á vinstri prjón *, endurtakið frá *-* 2 sinnum til viðbótar, (= 3 nýjar lykkjur á vinstri prjón) ** Prjónið fyrstu lykkju á vinstri prjón slétt, steypið fyrstu lykkju á hægri prjón yfir síðustu lykkju sem var prjónuð ** ), endurtakið frá **-** alls 7 sinnum og endurtakið (-) meðfram öllu sjalinu þar til 1 lykkja er eftir. Klippið frá og þræðið þráðinn í gegnum síðustu lykkju. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
19:34
Hvernig á að prjóna sjal með kaðlakanti

Í þessu DROPS myndbandi sýnum við hvernig þú prjónar Winter Cozy sjalið með kaðlakanti í DROPS 172-10. Þetta sjal er prjónað úr DROPS Cloud, en í myndbandinu notum við annað garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
31:56
Hvernig á að prjóna kant á sjali í DROPS 169-29

Í þessu DROPS myndbandi sýnum við hvernig við prjónum kant samkvæmt mynstri A.11 í sjali DROPS 169-29. Við höfum nú þegar fitjað upp 15 nýjar lykkjur og prjónum eina heila mynstureiningu af mynstri á hæðina. Sjalið er prjónað úr DROPS BabyAlpaca Silk, en í myndbandinu prjónum við með grófara garni, DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
14:53
Hvernig á að prjóna sjal með röndum og picotkant í DROPS 178-18

Í þessu DROPS myndbandi sýnum við hvernig prjóna á rendur og picotkant í DROPS 178-18. Þetta sjal er prjónað úr DROPS Fabel, en í myndbandinu prjónum við með DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:01
Hvernig á að prjóna A.1 í DROPS 180-32

Í þessu DROPS myndbandi sýnum við hvernig við prjónum samkvæmt mynsturteikningu A.1 sem er í sjalinu Warm Waves í DROPS 180-32. Við höfum nú þegar prjónað 2 umferðir garðarpjón (= 2 umferðir með sléttum lykkjum) og byrjum með 3 lykkjur slétt síðan prjónum við A.1 tvisvar sinnum á eftir hvoru öðru áður en við endum með 3 lykkjur slétt. Þetta sjal er prjónað úr DROPS Delight, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
28:01
Hvernig á að byrja á sjali með blöðum sem er prjónað í garðaprjóni og stuttum umferðum

Í þessu DROPS myndbandi sýnum við hvernig við byrjum að prjóna sjal með blöðum prjónað í garðaprjóni og með stuttum umferðum. Við prjónum samkvæmt mynsturteikningu A.1 í DROPS 196-5, með sömu aðferð sem er einnig notuð í öðrum mynstrum. Þetta sjal er prjónað úr DROPS Delight, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
14:07
Hvernig á að prjóna samkvæmt mynsturteikningu M.1 í hálsklútnum í DROPS 136-2

Í þessu DROPS myndbandi sýnum við hvernig við prjónum eftir mynsturteikningu A.1 2 sinnum á hæðina í hálsklútnum «Caress» í DROPS 136-2. Við höfum nú þegar fitjað upp 10 lykkjur og byrjum myndbandið á að prjóna 1 umferð slétt frá röngu áður en við byrjum á mynsturteikningu. Við sýnum einnig hvernig við aukum út með uppslætti eftir prjónamerkið 2 sinnum á hæðina. Þessi hálsklútur er prjónaður úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
12:00
Hvernig á að gera blúndukantinn í sjali DROPS Extra 0-1241

Í þessu DROPS myndbandi sýnum við hvernig við prjónum blúndukantinn samkvæmt mynsturteikningu A.3 í Acqua di Mare sjalinu í DROPS Extra 0-1241. Við sýnum hvernig 1. mynstureiningin af A.3 er prjónuð. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:32
Hvernig á að prjóna brotið perluprjón í DROPS 189-18

Í þessu DROPS myndbandi sýnum við hvernig við heklum brotið perluprjón (1), í byrjun og í lok hverrar mynstureiningar (umferð 1-4), við fitjum upp lykkjur fyrir lykkju, fellum af og sýnum hvernig við saumum affellingarkantinn. Við notum færri fjölda af lykkjum en þann sem gefinn er upp í mynstri. Við höfum nú þegar prjónað 2 mynstureiningar (= 8 umferðir) með perluprjóni. Þessir pottaleppar eru heklaðir úr DROPS Safran, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
14:57
Hvernig á að prjóna spíral pottalepp

Í þessu DROPS myndbandi sýnum við hvernig við prjónum pottalepp í hring eins og spíral, sem meðal annars er í pottaleppnum Betty í DROPS 147-30. Við sýnum hvernig við fitjum upp 2 lykkjur og prjónum umferð 1-21, eftir það sýnum við umferð 91-98 þar sem í umferð 94 sýnum hvernig við tökum upp ystu lykkjuna frá fyrstu umferð, prjónum fyrstu lykkjuna frá vinstri prjóni og steypum síðan lykkjunni yfir. Þegar prjónað hefur verið að prjónamerki sem sett var í umferð 90, byrjar úrtaka. Við sýnum fyrstu og síðustu úrtöku (prjónum 2 lykkjur slétt saman) og að lokum hvernig við prjónum lykkjuna. Pottaleppurinn er prjónaður úr DROPS Big Delight, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:20
Hvernig á að prjóna lykkju á pottalepp

Í þessu DROPS myndbandi sýnum við hvernig við prjónum lykkju á pottalepp. Garnið sem við notum er DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:00
Hvernig á að prjóna lykkju á handklæði

Í þessu DROPS myndbandi sýnum við hvernig við prjónum lykkju á handklæði. Fitjið upp X fjölda lykkja (í þessu myndbandi höfum við fitjað upp 18 lykkjur). Prjónið lykkjuna frá réttu þannig: 2 lykkjur slétt, fellið af næstu X fjölda lykkja (við höfum fellt af 5 lykkjur) með því að lyfta síðustu af 2 lykkjunum yfir lykkju sem var prjónuð síðust, prjónið garðaprjón yfir þær lykkjur sem eftir eru. Fylgið mynstri fyrir afgang af handklæði. Í myndbandinu höfum við prjónað garðaprjón að óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
13:43
Hvernig á að prjóna teppi horn í horn

Í þessu DROPS myndbandi sýnum við hvernig á að prjóna teppi horn í horn í garðaprjóni. Við sýnum hvernig er byrjað með að auka út í báðum hliðum, eftir það hvernig aukið er út og lykkjum fækkað til þess að hafa sama fjölda lykkja við miðjueininguna og hvernig lykkjum er fækkað í báðum hliðum í lokin. Við sýnum einungis lítið teppi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
20:30
Hvernig á að prjóna grasker

Í þessu DROPS myndbandi sýnum við hvernig við prjónum grasker eftir mynsturteikningu sem m.a. er notuð fyrir í DROPS Extra 0-1170. Í myndbandinu prjónum við minni stærðina. Þetta grasker er prjónað úr DROPS Nepal, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:59
Hvernig á að hekla blóm með pufflykkjum

Í þessu DROPS myndbandi sýnum við hvernig við heklum blóm með ananaslykkjum / pufflykkjum. Þetta litla blóm er einfalt og auðvelt að gera og er tilvalið til skreytinga! Heklið þannig: Heklið 4 loftlykkjur og tengið saman í hring með 1 keðjulykkju í fyrstu loftlykkju. UMFERÐ 1: Heklið 3 loftlykkjur og eftir það 11 stuðla um loftlykkjuhringinn (= 12 stuðlar). Endið á 1 keðlulykkju í þriðju loftlykkju. UMFERÐ 2: ** 2 loftlykkjur, * bregðið þræðinum um heklunálina, stingið heklunálinni í gegnum keðlulykkju undir 2 loftlykkjur, dragið þráðinn í gegn *, endurtakið 2 sinnum til viðbótar = 7 loftlykkjur á heklunálinni (lykkjurnar á heklunálinni eiga að vera lausar, ca sama hæð og 2 loftlykkjur). Bregðið þræðinum um heklunálina og stingið heklunálinni í gegnum næstu lykkju, sækið þráðinn og dragið þráðinn í gegn, endurtakið 2 sinnum til viðbótar = alls 13 lykkjur á heklunálinni. Bregðið þræðinum í síðasta skipti um heklunálina og dragið í gegnum allar lykkjur á heklunálinni. 2 loftlykkjur og 1 keðjulykkja í næstu lykkju. ** Endurtakið frá **-** 5 sinnum til viðbótar = 6 pufflykkjur/blöð á blómi. Klippið frá og festið enda. Þetta blóm er heklað úr DROPS Snow.
4:41
Hvernig á að enda úrtöku í laskalínu á framstykki í DROPS Children 32-20

Í þessu DROPS myndbandi sýnum við 2 síðustu umferðirnar með laskalínu og úrtöku í hálsi á framstykki í DROPS Children 32-20. Miðju lykkjurnar eru settar á þráð, við erum með 5 lykkjur hvoru megin og byrjum frá réttu á vinstri öxl: Prjónið 1 kantlykkju í garðaprjóni, fækkið lykkjum fyrir laskalínu eins og áður (takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð), prjónið 2 lykkjur slétt saman (úrtaka í hálsmáli) = 3 lykkjur á prjóni, snúið stykkinu. Prjónið brugðið frá röngu, 1 kantlykkja í garðaprjóni, snúið stykkinu. 1 kantlykkja í garðaprjóni, fækkið lykkjum fyrir laskalínu = 2 lykkjur á prjóni. Snúið stykkinu, fellið af lykkjur með brugðnu og klippið frá. Prjónið nú hægri öxl frá réttu: Prjónið 2 lykkjur slétt saman (úrtaka í hálsmáli), fækkið lykkjum fyrir laskalínu (2 lykkjur slétt saman), 1 kantlykkja í garðaprjóni (= 3 lykkjur). Snúið stykkinu og prjónið 1 kantlykkju í garðaprjóni, brugðið frá röngu, snúið stykkinu. Fækkið lykkjum fyrir laskalínu, 1 kantlykkja í garðaprjóni, snúið stykkinu og fellið af lykkjur með brugðið. Við notum garnið DROPS Air í myndbandinu, sama garn og notað er í jólapeysunni. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
1:31
Hvernig á að fækka lykkjum í laskalínu frá réttu - fram og til baka

Í þessu DROPS myndbandi sýnum við hvernig við fækkum lykkjum í laskalínu frá réttu, fram og til baka. Fækkið lykkjum í byrjun á umferð þannig: Prjónið 1 kantlykkju í garðaprjóni, takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 1 lykkja færri). Fækkið lykkjum í lok umferðar þannig: Prjónið þar til 3 lykkjur eru eftir á prjóni, 2 lykkjur slétt saman og 1 kantlykkja í garðaprjóni (= 1 lykkja færri). Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú getur séð mynstur þar sem þessi aðferð er notuð með því að smella á myndina að neðan.