Heklað berustykki

Berustykki er hægt að hekla á marga mismunandi vegu. Hér eru nokkur kennslumyndbönd til að hekla laskalínu og hringlaga berustykki.

Flokkar

Myndbönd: 3

12:10

Hvernig á að hekla bakstykki, framstykki og ermar á eftir berustykki

Í þessu DROPS myndbandi sýnum við hvernig þú heldur áfram með bak, framstykki og ermar eftir að berustykki hefur verið heklað. Í myndbandinu heklum við þannig: stuðla yfir vinstra framstykki, 4 loftlykkjur = undir ermi, stuðla yfir bakstykki, 4 loftlykkjur = undir ermi og endum með stuðla yfir hægra framstykki. Í seinni röðinni sýnum við hvernig þú heklar stuðla um loftlykkjur undir hvorri ermi. Að lokum sýnum við hvernig þú heklar í kringum handveginn til að byrja á ermi þar sem heklað er ofan frá og niður. Þetta er hefðbundin aðferð. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan. Til að sjá hvernig auka á út með aðstoð prjónamerkja í hringlaga berustykki sjá: Hvernig á að hekla berustykki í hring: aukið út hægra/vinstra megin við hvert prjónamerki

17:23

Hvernig á að hekla laskalínu með útaukningu, ofan frá og niður

Þegar heklað er berustykki með laskalínu, heklað ofan frá og niður, þá er hægt að auka út með því að hafa prjónamerki á ákveðnum stöðum í röð þannig að þá myndast laskalína í hverri skiptingu á fram- og bakstykki og á ermum. Í þessu DROPS myndbandi sýnum við hvernig hægt er að gera þetta. Við heklum fram og til baka, en hægt er að nota þessa aðferð þegar heklað er í hring. Í myndbandinu höfum við sett 4 prjónamerki í röð og í fyrstu röðinni aukum við út við hvert prjónamerki með því að hekla 2 stuðla, 2 loftlykkjur, 2 stuðla um loftlykkjubogann. Í annarri röð þá sýnum við hvernig þú heklar handveg þegar berustykki er lokið og í þriðju röðinni sýnum við hvernig þú heklar stuðla í loftlykkjur undir handveg. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.

15:36

Hvernig á að hekla laskalínu með úrtöku, neðan frá og upp

Í þessu DROPS myndbandi sýnum við úrtöku í laskalínu á heklaðri peysu eins og í DROPS 151-37. Peysan er hekluð neðan frá og upp og við byrjum með að sýna hvernig mismunandi stykki hekluð saman: Hægra framstykki, ermi, bakstykki, ermi og vinstra framstykki. Eftir það sýnum við hvernig þú staðsetur prjónamerkin við hverja skiptingu fyrir laskalínu og svo heklum við 2 raðir með úrtöku í laskalínu, sú fyrsta með stuðlum og sú seinni með fastalykkjum. Við heklum fram og til baka, en þessa aðferð má einnig nota ef heklað er í hring. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.