DROPS Super Sale - 30% AFSLÁTTUR á 4 tegundum af ullargarni!

Klukkuprjón / Enskt stroffprjón

Við erum með gagnleg ráð og leiðbeiningar til að prjóna enskt stroffprjón (einnig þekkt sem klukkuprjón). Lærðu hvernig á að auka út, fækka og fella af lykkjur í klukkuprjóni/ensku stroffprjóni, ásamt öðru gagnlegu, með því að horfa á kennslumyndböndin okkar!

Flokkar
Myndbönd: 20
2:34
Hvernig á að fella laust af í klukkuprjóni

Í þessu DROPS myndbandi sýnum við hvernig hægt er að fella af í klukkuprjóni þar sem uppslátturinn er einnig felldur af eins og eigin lykkja, þannig að það verður 1 lykkja + 1 lykkja með uppslætti = 3 lykkjur sem á að fella af. Þetta er gert til að affellingarkanturinn verði ekki of stífur. Ef kanturinn er enn of stífur, er hægt að nota grófari prjóna fyrir affellinguna. Við notum garnið DROPS Air í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
1:46
Hvernig á að fella af í klukkuprjóni

Í þessi DROPS myndbandi sýnum við hvernig hægt er að fella af í klukkuprjóni. Þegar fellt er af í klukkuprjóni er mynstrinu fylgt eftir þannig að kanturinn verði teygjanlegur. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur (fyrsta lykkjan og síðasta lykkjan í myndbandinu eru kantlykkjur sem felldar eru af slétt). Lykkjan (sem ætti að hafa verið tekin óprjónuð samkv. mynstri) er prjónuð brugðið, næsta lykkja er prjónuð slétt saman með uppslættinum, fellið af með því að steypa 1. lykkjunni yfir 2. lykkjuna á hægri prjóni, haldið svo áfram samkv. myndbandi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:07
Hvernig á að auka út í klukkuprjóni

Í þessu DROPS myndbandi sýnum við hvernig við aukum út með uppslætti í hvorri hlið á stykki í klukkuprjóni. Uppslátturinn er prjónaður jafnóðum inn í mynstrið, en það myndast ekki ný "klukkuprjóns-röð" í hvorri hlið fyrr en aukið hefur verið út tvisvar sinnum í hvorri hlið. Í myndbandinu aukum við út um 1. umferð og í 2. umferð sýnum við hvernig við prjónum uppsláttinn snúinn (prjónum aftan í lykkjubogann). Síðan aukum við aftur út í 5. umferð og í 6. umferð sýnum við hvernig uppslátturinn er prjónaður snúinn jafnframt sem hann er prjónaður inn í mynstur. Að lokum er hægt að sjá 2 nýjar "klukkuprjóns-raðir" í hvorri hlið sem samanstanda af alls 4 útaukningum í hvorri hlið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:19
Hvernig á að auka út í klukkuprjóni með því að prjóna nokkrar lykkjur í sömu lykkju

Í þessu DROPS myndbandi sýnum við hvernig auka á út í klukkuprjóni með uppslætti með því að prjóna nokkrar lykkjur í sömu lykkju og hvernig prjóna á eftir útaukningu, t.d. eins og í DROPS 194-13. ATH! Í útskýringu er prjónað í hring, en í þessu myndbandi prjónum við frá hægri til vinstri (= engar brugðnar lykkjur). Í 1. umferð í myndbandi prjónum við aðeins af 3. umferð, útskýringu á klukkuprjóni bæði fyrir og á eftir fjölda útaukna lykkja. Aukið út lykkjur þannig: Prjónið 5 lykkjur í lykkju og uppslátt þannig: * Prjónið uppslátt og lykkjuna slétt saman, en bíðið með að steypa lykkjunni og uppslættinum sem prjónað var af prjóni, sláið 1 sinni uppá hægri prjón, prjónið frá *-* 2 sinnum og prjónið lykkjuna og uppsláttinn slétt saman 1 sinni til viðbótar = 5 lykkjur (= 4 lykkjur fleiri). Í næstu umferð (= umferð 2 í útskýringu af mynstri) prjónið útauknar lykkjur inn í klukkuprjón. Það er ekkert klukkuprjóns uppsláttur í útaukning, þannig að lykkjan sem prjóna á saman við uppslátt er prjónuð án uppsláttar. Í næstu umferð er prjónað eins og útskýring á 3. umferð af klukkuprjóni. Í þessu myndbandi notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:03
Hvernig á að auka út um 4 lykkjur í klukkuprjóni

Í þessu DROPS myndbandi sýnum við hvernig við prjónum 5 lykkjur í klukkuprjóns lykkju (= prjónað er í lykkjuna undir næstu lykkju og aukið er út um 4 lykkjur). Við sýnum þetta tvisvar sinnum í myndbandinu og prjónum þannig: Prjónið 1 lykkju slétt, en bíðið með að lyfta lykkjunni af prjóni, * sláið 1 sinni uppá hægri prjón, prjónið sömu lykkju slétt án þess að lyfta henni af vinstri prjóni *, prjónið frá *-* alls 2 sinnum, sleppið síðan lykkjunni af vinstra prjóni = 5 lykkjur (þ.e.a.s. 4 lykkjur fleiri). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:54
Hvernig á að prjóna í lykku fyrir neðan og hvernig á að auka út 4 lykkjur í 1 lykkju

Í þessu DROPS myndbandi sýnum við hvernig við prjónum 1 lykkju slétt undir næstu lykkju og hvernig við aukum út um 4 lykkjur í einu og sömu lykkjuna. Þessi mynsturteikning er sótt frá DROPS 201-40, en sama aðferð er notuð í nokkrum öðrum mynstrum. Við byrjum myndbandið með því að sýna hvernig við prjónum mynsturteikningu A.1 og þá sérstaklega hvernig við prjónum 1 lykkju slétt í lykkjuna undir næstu lykkju og köllum þessa fyrir klukkuprjónslykkju. Við sýnum 1. umferð af A.1 4 sinnum. Í 2. umferð á mynsturteikningunni eru allar lykkjurnar prjónaðar brugðið. Þegar A.2 hefur verið prjónað sýnum við hvernig 5 lykkjur eru prjónaðar í klukkuprjónslykkjuna þannig: Prjónið 1 lykkju slétt, en bíðið með að steypa lykkjunni af prjóninum, * sláið 1 sinni uppá hægri prjóninn, prjónið sömu lykkju slétt án þess að steypa henni af vinstri prjóni *, prjónið frá *-* alls 2 sinnum, sleppið síðan eftir það lykkjunni af vinstri prjóni = 5 lykkjur (þ.e.a.s. 4 lykkjur fleiri). Eftir það sýnum við hvernig mynsturteikning A.3 er prjónuð. Við notum garnið DROPS Snow í myndbandinu. Þetta garn er frekar þykkt, en ef prjónað er með fínna garni þá kemur útaukningin í klukkuprjónslykkjunni að verða betri. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
1:00
Hvernig á að auka út um 4 lykkjur prjónað með tveimur litum í klukkuprjóni í 1 lykkju og uppslátt

Í þessu DROPS myndbandi sýum við hvernig við aukum út 4 lykkjur prjónað með tveimur litum í klukkuprjóni í 1 lykkju og uppslátt þannig: = Prjónið uppsláttinn og sléttu lykkjuna slétt saman, en bíðið með að taka lykkjuna af prjóninum, * sláið 1 sinni uppá hægri prjón og prjónið lykkjuna og uppsláttinn saman án þess að steypa lykkjunni af prjóni *, prjónið frá *-* alls 2 sinnum = 5 lykkjur (þ.e.a.s. 4 lykkjur fleiri). Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
5:18
Hvernig á að auka út í fölsku klukkuprjóni

Í þessu DROPS myndbandi sýnum við hvernig auka á út í fölsku klukkuprjóni og hvernig prjónað er á eftir útaukningu, eins og er t.d. í peysu DROPS 197-2 og pilsi í DROPS 197-37. Við byrjum með að prjóna 7 lykkjur falskt klukkuprjón áður en við aukum út þannig: Prjónið uppsláttinn og sléttu lykkjuna slétt saman, en bíðið með að steypa uppslættinum og sléttu lykkjunni af prjóni. * Sláið 1 sinni uppá hægri prjón og prjónið sléttu lykkjuna og uppsláttinn slétt saman *, prjónið frá *-* alls 2 sinnum = 5 lykkjur (= 4 útauknar lykkjur). Í næstu umferð eru nýjar lykkjur prjónaðar inn í klukkuprjón (þannig: * 1 uppsláttur, steypið 1 lykkju yfir á hægri prjón eins og prjóna eigi hana brugðna, 1 lykkja brugðin *, endurtakið frá *-* 1 sinni til viðbótar. 1 uppsláttur, steypið yfir 1 lykkju á hægri prjón eins og prjóna eigi hana brugðna). Haldið áfram með klukkuprjóns mynstur. Prjónið klukkuprjón í næstu umferð þannig: * Prjónið uppsláttinn og sléttu lykkjuna slétt saman, 1 lykkja brugðin *, endurtakið frá *-* út umferðina. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:35
Hvernig á að fækka lykkjum í klukkuprjóni

Í þessu DROPS myndbandi sýnum við hvernig við fækkum lykkjum í klukkuprjóni með uppslætti í peysu DROPS 133-11. Við sýnum úrtökuna einu sinni í hvorri hlið og einu sinni til viðbótar í annarri hliðinni eftir 3 umferð í klukkuprjóni. Við prjónum með færri lykkjum en í uppskrift og spólum hratt yfir einfaldari einingar. Peysan er prjónuð úr DROPS Nepal, en í myndbandinu prjónum við með grófara garni, DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
1:44
Hvernig á að fækka um 2 lykkjur í klukkuprjóni, sem snýr til vinstri eða hægri

Í þessu DROPS myndbandi sýnum við hvernig hægt er að fækka um 2 lykkjur í klukkuprjóni. Fyrst sýnum við úrtöku sem snýr til vinstri og eftir það til hægri. Þessi úrtaka er notuð meðal annars í DROPS 194-22. Fækkið lykkjum til vinstri þannig: = Lyftið hægri lykkju og uppslátt yfir á hægri prjón eins og prjóna eigi slétt. Prjónið 1 lykkju brugðið, sláið 1 sinni uppá prjóninn og 1 lykkju slétt (= 3 lykkjur, meðtalinn uppsláttur) slétt saman, steypið uppslættinum og sléttu lykkjunni sem steypt var yfir á hægri prjón, yfir lykkjurnar sem voru prjónaðar slétt saman (= fækkað um 2 lykkjur). Fækkið lykkjum til hægri þannig: = Prjónið 1 uppslátt, 1 lykkju slétt, 1 lykkju brugðið, 1 uppslátt, 1 lykkju slétt (= 5 lykkjur, meðtalinn uppsláttur) slétt saman (= fækkað um 2 lykkjur). Í þessu DROPS myndbandi notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:37
Hvernig á að fækka um 2 lykkjur til vinstri og hægri í tveggja lita klukkuprjóni

Í þessu DROPS myndbandi sýnum við hvernig við fækkum 2 lykkjur til vinstri og hvernig við fækkum 2 lykkjur til hægri. Fyrst sýnum við hvernig við fækkum lykkjum til vinstri = fækkið um 2 lykkjur til vinstri þannig: Takið fyrstu lykkjuna og uppsláttinn laust yfir á hægri prjón eins og prjóna eigi slétt saman, prjónið 2 næstu lykkjur slétt saman (þ.e.a.s. 1 lykkja brugðin + lykkju og uppslátt), lyftið því næst óprjónuðu lykkjunni og uppsláttinn yfir lykkjurnar sem prjónaðar voru saman (= 2 lykkjur færri). Eftir þetta sýnum við hvernig hægt er að fækka lykkjum til hægri: = fækkið um 2 lykkjur til hægri þannig: Takið fyrstu lykkjuna og uppsláttinn laust yfir á hægri prjón eins og prjóna eigi saman, prjónið eina lykkju brugðið, lyftið því næst óprjónuðu lykkjunni og uppsláttinn yfir brugðnu lykkjuna, lyftið lykkjunni til baka yfir á vinstri prjón, lyftið lykkjunni og uppslættinum yfir lykkjuna sem sett var til baka á vinstri prjón, lyftið að lokum þeirri lykkju sem eftir er á hægri prjón (= 2 lykkjur færri). Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú getur séð mynstur þar sem þessi aðferð er notuð með því að smella á myndina að neðan.
2:52
Hvernig á að fækka um 4 lykkjur í tveggja lita klukkuprjóni

Í þessu DROPS myndbandi sýnum við hvernig við fækkum um 4 lykkjur = lyftið fyrstu lykkjunni og uppsláttinn yfir á hægri prjón eins og prjóna eigi slétt saman, lyftið brugðnu lykkjunni laust yfir á hægri prjón eins og prjóna eigi brugðið, setjið næstu lykkju og uppsláttinn á hjálparprjón framan við stykkið, prjónið næstu lykkju á vinstri prjón brugðið, lyftið lausu brugðnu lykkjunni yfir brugðnu lykkjuna sem var prjónuð, setjið síðan þessa lykkju til baka á vinstri prjón, lyftið næstu lykkju og uppslátt yfir lykkjuna sem var sett til baka á vinstri prjón, lyftið þessari lykkju yfir á hægri prjón, lyftið fyrstu lykkjunni og uppslættinum yfir þessa lykkju, setjið til baka lykkju og uppslátt frá hjálparprjóni á vinstri prjón, lyftið lykkjunni á hægri prjón til baka á vinstri prjón, lyftið að lokum lykkjunni og uppslættinum (sem sat á hjálparprjóni) yfir síðustu lykkjuna sem var sett á vinstri prjón og lyftið að auki þeirri lykkju sem eftir eru yfir á hægri prjón (= 4 lykkjur færri). Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:22
Hvernig á að fækka um 2 lykkjur til vinstri og 2 lykkjur til hægri í 2 lita klukkuprjóni frá röngu

Í þessu DROPS myndbandi sýnum við hvernig við fækkum um 2 lykkjur til vinstri og 2 lykkjur til hægri í 2-lita klukkuprjóni frá röngu. Úrtaka til vinstri: Prjónið 2 lykkjur brugðið saman (uppsláttur og brugðin lykkja + 1 lykkja slétt), lyftið næsta uppslætti og brugðinni lykkju yfir á hægri prjón, setjið þær aftur til baka yfir á vinstri prjón þannig að lykkjan sé yst (og uppslátturinn sem lykkja nr tvö), setjið til baka lykkjuna sem var prjónuð saman á vinstri prjón, haldið þræðinum framan við stykkið, lyftið lykkjunni og uppslættinum á vinstri prjón (þ.e.a.s. önnur og þriðja lykkja á vinstra prjóni) yfir lykkjuna sem var sett til baka á vinstri prjón (með þráðinn framan við stykkið), setjið að lokum þessa lykkju til baka á hægri prjón (= 2 lykkjur færri). Úrtaka til hægri (það er mikilvægt að halda þræðinum framan við stykkið allan tímann í gegnum þessa úrtöku): Lyftið uppslættinum og brugðnu lykkjunni yfir á hægri prjón, setjið sléttu lykkjuna á hjálparprjón framan við stykkið (með þráðinn framan við lykkjuna), lyftið næsta uppslætti og brugðnu lykkjunni á vinstri prjón laust yfir á hægri prjón, setjið til baka lykkjuna af hjálparprjóni á vinstri prjón, prjónið þessa lykkju brugðið, lyftið brugðnu lykkjunni og uppslættinum (þ.e.a.s. annarri og þriðju lykkju á hægri prjón) yfir ystu lykkjuna, lyftið næstu brugðnu lykkju og uppslætti (þ.e.a.s. aðra og þriðju lykkju á hægri prjón) yfir ystu lykkju (= 2 lykkjur færri). Við notum garnið DROPS Snow í þessu myndbandi. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:48
Hvernig á að fækka um 2 lykkjur til vinstri og 2 lykkjur til hægri í 2 lita klukkupr. frá röngu fra

Í þessu DROPS myndbandi sýnum við hvernig við fækkum um 2 lykkjur til vinstri og 2 lykkjur til hægri í 2-lita klukkuprjóni frá RÖNGU – fram og til baka. Úrtaka til vinstri: Lyftið yfir fyrstu lykkjunni og uppslættinum á hægri prjón eins og prjóna eigi slétt saman, prjónið 2 næstu lykkjur slétt saman (þ.e.a.s. 1 lykkja brugðið + lykkja og uppsláttur), steypið síðan lyftu lykkjunni og uppslættinum yfir lykkjurnar sem prjónaðar voru saman (= 2 lykkjur færri). Úrtaka til hægri: Lyftið yfir fyrstu lykkjunni og uppslættinum á hægri prjón eins og prjóna eigi slétt saman, prjónið 1 lykkju brugðið, steypið lyftu lykkjunni og uppslættinum yfir brugðnu lykkjuna, lyftið til baka lykkjunni á vinstri prjón, lyftið lykkjunni og uppslættinum yfir lykkjuna sem sett var til baka á vinstri prjón, lyftið að lokum yfir lykkjuna sem eftir er á hægri prjón (= 2 lykkjur færri). Wrong side = ranga. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:25
Hvernig á að fækka um 4 lykkjur í klukkuprjóni með 2 litum

Í þessu DROPS myndbandi sýnum við hvernig við fækkum um 4 lykkjur í klukkuprjóni með 2 litum, sem meðal annars er notað í húfunni í DROPS 204-18. Í þessu myndbandi fækkum við um 4 lykkjur með því að prjóna 5 lykkjur og 3 uppslætti (= alls 8 lykkjur) saman þannig: Lyftið 5 fyrstu lykkjunum af þessum 8 lykkjum (þ.e.a.s. 3 lykkjur og 2 uppslættir) yfir á hægri prjón eins og prjóna eigi slétt saman, prjónið 3 næstu lykkjurnar (þ.e.a.s. 2 lykkjur og 1 uppsláttur) slétt saman, steypið 5 lausu lykkjunum (uppslátturinn meðtalinn) frá hægri prjóni yfir lykkjurnar sem prjónaðar voru saman (= 4 lykkjur færri). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
0:47
Hvernig á að fækka um 2 lykkjur til hægri í klukkuprjóni með 2 litum

Í þessu DROPS myndbandi sýnum við hvernig við fækkum um 2 lykkjur til hægri í klukkuprjóni með 2 litum, sem meðal annars er í húfunni í DROPS 204-18. Við fækkum um 2 lykkjur til hægri þannig: Prjónið 3 lykkjur og 2 uppslætti (= alls 5 lykkjur) slétt saman. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
12:54
Hvernig á að fækka um 2 lykkjur til vinstri, til hægri og hvernig á að fækka 4 lykkjur saman

Í þessu DROPS myndbandi sýnum við hvernig við fækkum um 2 lykkjur til vinstri, 2 lykkjur til hægri og hvernig við fækkum 4 lykkjur saman. Þessi aðferð við úrtöku er notuð í Lacey Laurels sjalinu í DROPS 203-14. Við höfum nú þegar prjónað 30 umferðir í mynsturteikningu með 2 lykkjur í garðaprjóni í hvorri hlið og sýnum umferð 1 í myndbandinu hvernig við fækkum um 2 lykkjur til vinstri með því að lyfta 1 lykkju af prjóni eins og prjóna eigi slétt, eftir það prjónum við 2 næstu lykkjur slétt saman, steypum síðan lyftu lykkjunni yfir lykkjurnar sem prjónaðar voru saman (= 2 lykkjur færri). Eftir þetta prjónum við 1 lykkju slétt, 1 lykkju slétt í lykkjuna undir næstu lykkju og 1 lykkju slétt. Síðan sýnum við hvernig við fækkum um 2 lykkjur til hægri: Prjónið 3 lykkjur slétt saman (= 2 lykkjur færri). Í umferð 35 sýnum við hvernig við fækkum um 4 lykkjur: Lyftið 3 lykkjum af prjóni eins og prjóna eigi þær slétt saman, prjónið 2 lykkjur slétt saman, steypið 3 lyftu lykkjunum yfir lykkjurnar sem prjónaðar voru saman. Þetta sjal er prjónað úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:05
Hvernig á að prjóna upp tapaða lykkju í klukkuprjóni og setja aftur til baka upp á prjóninn

Í þessu DROPS myndbandi sýnum við hvernig við setjum tapaðar lykkjur í klukkuprjóni með uppslætti aftur á prjóninn. Í myndbandinu sýnum við klukkuprjón þannig: KLUKKUPRJÓN (prjónað fram og til baka): UMFERÐ 1: 1 lykkja garðaprjón, * 1 lykkja slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, endurtakið frá *-* þar til 2 lykkjur eru eftir, endið á 1 lykkja slétt, 1 lykkja garðaprjón. UMFERÐ 2: 1 lykkja garðaprjón, * 1 lykkja slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið saman uppsláttinn og óprjónuðu lykkjuna slétt *, endurtakið frá *-* þar til 2 lykkjur eru eftir, endið á að slá 1 sinni uppá prjóninn, lyftið 1 lykkju af prjóni eins og prjóna eigi bruðgið, 1 lykkja garðaprjón. UMFERÐ 3: 1 lykkja garðaprjón, * prjónið saman uppsláttinn og óprjónuðu lykkjuna slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, endurtakið frá *-* þar til 3 lykkjur eru eftir, prjónið saman uppsláttinn og óprjónuðu lykkjuna slétt, 1 lykkja garðaprjón. Endurtakið umferð 2 og 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:33
Hvernig á að taka upp tapaða lykkju í klukkuprjóni með tveimur litum

Það er alltaf erfitt að missa lykkju á meðan verið er að prjóna. Í þessu DROPS myndbandi sýnum við hvernig hægt er að taka upp lykkju prjónaða í klukkuprjóni með tveimur litum. Notið heklunál, * Stingið heklunálinni í lykkjuna með lit-1, «hoppið yfir» 1 þráð með lit-2 og stingið heklunálinni undir 2 næstu þræði með lit-2. Sækið þráðinn með lit-1 og dragið þráðinn undir 2 liti-2 þræðina og aftur í gegnum lykkju á heklunálinni * (= 1 lykkja klár). Endurtakið frá *-* að «toppi», síðasti litur-2 þráðurinn er tekinn upp og settur á vinstri prjón (= 1 uppsláttur). Í þessu myndbandi notum við garnið DROPS Snow.
10:43
Hvernig á að auka út og merkja útauknar lykkjur með prjónamerkjum í klukkuprjóni

Í þessu DROPS myndbandi sýnum við hvernig við aukum út og merkjum útauknar lykkjur með mismunandi litum, eins og gert er í peysunni «Cheers to Lift» í DROPS 212-28. AUKIÐ SVONA ÚT LYKKJUR MEÐ FJÓLUBLÁUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, færið fjólubláa prjónamerkið að þessari lykkju (þ.e.a.s. lykkju á hægri prjóni), en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar = 3 lykkjur (= 2 lykkjur fleiri). Prjónamerkið situr í fyrstu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. AUKIÐ SVONA ÚT LYKKJUR MEÐ GRÆNUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar og færið græna prjónamerkið að þessari lykkju = 3 lykkjur (= 2 lykkjur fleiri). Prjónamerkið situr í síðustu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. Í næstu umferð eru prjónaðar 3 lykkjur inn í klukkuprjóns mynstri þannig: Sláið 1 sinni uppá prjóninn, takið 1 lykkju óprjónaða eins og prjóna eigi brugðið, prjónið uppsláttinn brugðið, sláið 1 sinni uppá prjóninn, takið 1 lykkju óprjónaða eins og prjóna eigi brugðið. Síðan er prjónað áfram í klukkuprjóns mynstri. Þessi peysa er prjónuð úr DROPS Brushed Alpaca Silk og DROPS Glitter, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.