DROPS Super Sale - 30% AFSLÁTTUR á 5 tegundum af mjúku merino garni!

Hringlaga berustykki

Horfðu á kennslumyndböndin okkar og lærðu hvernig á að prjóna hringlaga berustykki! Þú munt læra hvernig á að móta og vinna hringlaga berustykki, sem oft eru notuð í hefðbundnum peysumynstrum.

Flokkar
Myndbönd: 10
1:54
Hvernig á að auka út 1 lykkju samhverft

Í þessu DROPS myndbandi sýnum við samhverfa útaukningu sem gefur 1 nýja lykkju, við sýnum þetta 2 sinnum í sömu umferð. Fylgdu leiðbeiningum 1-4 að neðan: 1. Lyftið yfir fyrstu lykkju af vinstri prjóni yfir á hægri prjón eins og prjóna eigi brugðið. Hafið þráðinn sem prjónað er með aftan við stykkið. 2. Stingið inn vinstri prjóni aftan í lyftu lykkjuna og síðan inn á milli lyftu lykkjunnar og næstu lykkju á hægri prjóni. 3. Sláið 1 sinni uppá prjóninn með þráðinn utan um hægri prjón og dragið uppsláttinn í gegnum lykkjuna þannig að það myndist 1 ný lykkja á hægri prjóni. 4. Sleppi ysta hluta af lykkjunni af vinstri prjóni og prjónið síðan hinn þráðinn á lykkjunni slétt í gegnum fremri lykkjubogann. Nú hefur verið aukið út um 1 lykkju. Við notum garnið DROPS Snow í myndbandinu. Þessa aðferð er hægt að nota í mörgum mynstrum.
3:21
Hvernig á að auka út 2 lykkjur til 4 lykkjur, prjónað í hring

Í þessu DROPS myndbandi sýnum við hvernig við aukum úr 2 lykkjum í 4 lykkjur. Við sýnum útaukningarnar tvisvar og hvernig auknar lykkjur eru prjónaðar í næstu umferð. Prjónið 2 lykkjur slétt saman, en sleppið ekki lykkjunum af vinstri prjóni, sláið 1 sinni uppá prjóninn, prjónið 1 lykkju slétt í aftari lykkjuboga á hvorum 2 lykkjum á vinstri prjóni, nú má taka lykkjurnar af vinstri prjóni = 2 lykkjur eru hafa núna verið gerðar að 4 lykkjum (uppslátturinn er prjónaður snúinn slétt í næstu umferð - svo ekki myndist gat) Við notum garnið DROPS Snow í myndbandinu. Þessa aðferð er hægt að nota í fleiri mynstrum - þú getur fundið uppskriftir með því að smella á myndirnar hér að neðan:
3:17
Hvernig á að auka út 2 lykkjur til 3 lykkjur - prjónað í hring

Í þessu DROPS myndbandi sýnum við hvernig við aukum um 2 lykkjur í 3 lykkjur. Við sýnum útaukningarnar tvisvar og hvernig aukningarlykkjur eru prjónaðar í næstu umferð. Prjónið 2 lykkjur slétt saman, en sleppið ekki lykkjum af vinstri prjóni, sláið 1 sinni uppá prjóninn, prjónið sömu 2 lykkjur slétt saman 1 sinni til viðbótar, en í gegnum aftari lykkjubogann, sleppið nú lykkjunum af vinstri prjóni = 2 lykkjur hafa verið auknar í 3 lykkjur (uppslátturinn er prjónaður snúinn slétt í næstu umferð til að koma í veg fyrir göt). Við notum garnið DROPS Snow í myndbandinu. Þessi tækni er notuð í nokkrum mynstrum - þú getur fundið mynstur með því að smella á myndirnar hér að neðan:
3:04
Hvernig á að auka út í brugðnum lykkjum

Í þessu DROPS myndbandi sýnum við hvernig við aukum út í brugðnum lykkjum. Þetta myndband sýnir stroff sem er prjónað með 2 lykkjur slétt, 2 lykkjur brugðið þar sem 2 lykkjur brugðið er aukið út til 3 lykkjur brugðið. Frá réttu: Takið upp þráðinn á milli 1 lykkju slétt og 1 lykkja brugðið. Prjónið þessa lykkju snúna brugðið aftan í lykkjubogann. Fylgja þarf uppskrift til þess að geta fylgt myndbandinu eftir.
11:13
Hvernig á að prjóna upphækkun við miðju að aftan

Í þessu DROPS myndbandi sýnum við hvernig við prjónum upphækkun með snúningum. Þessi aðferð er oft notuðu í uppskriftunum okkar á buxum eða aftan í hnakka á peysum og jakkapeysum. Í þessu myndbandi byrjum við frá byrjun á umferð (= prjónamerki /miðja að aftan) og prjónum þannig: prjónið 10 lykkjur, snúið við (til þess að koma í veg fyrir göt þá tökum við lykkju af prjóni óprjónaða þegar prjónað er til baka og herðum aðeins á þræðinum), prjónið 20 lykkjur, snúið við, prjónið 30 lykkjur, snúið við og prjónið 40 lykkjur, snúið við. Að lokum prjónum við 1 umferð sléttprjón yfir allar lykkjur. Við höfum nú gert eina upphækkun (= fleiri umferðir) fyrir miðju á stykki. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:46
Hvað er berustykki?

Í þessu DROPS myndbandi sýnum við nokkur dæmi um berustykki. Berustykki er eftri hlutinn á t.d. peysu, kjól eða jakkapeysu.
10:43
Hvernig á að auka út og merkja útauknar lykkjur með prjónamerkjum í klukkuprjóni

Í þessu DROPS myndbandi sýnum við hvernig við aukum út og merkjum útauknar lykkjur með mismunandi litum, eins og gert er í peysunni «Cheers to Lift» í DROPS 212-28. AUKIÐ SVONA ÚT LYKKJUR MEÐ FJÓLUBLÁUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, færið fjólubláa prjónamerkið að þessari lykkju (þ.e.a.s. lykkju á hægri prjóni), en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar = 3 lykkjur (= 2 lykkjur fleiri). Prjónamerkið situr í fyrstu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. AUKIÐ SVONA ÚT LYKKJUR MEÐ GRÆNUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar og færið græna prjónamerkið að þessari lykkju = 3 lykkjur (= 2 lykkjur fleiri). Prjónamerkið situr í síðustu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. Í næstu umferð eru prjónaðar 3 lykkjur inn í klukkuprjóns mynstri þannig: Sláið 1 sinni uppá prjóninn, takið 1 lykkju óprjónaða eins og prjóna eigi brugðið, prjónið uppsláttinn brugðið, sláið 1 sinni uppá prjóninn, takið 1 lykkju óprjónaða eins og prjóna eigi brugðið. Síðan er prjónað áfram í klukkuprjóns mynstri. Þessi peysa er prjónuð úr DROPS Brushed Alpaca Silk og DROPS Glitter, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
18:59
Hvernig á að prjóna byrjun á peysu

Í þessu DROPS myndbandi sýnum við hvernig við prjónum byrjun á peysunni Breaking Sunlight í DROPS 213-36, með sömu útaukningu með 8 merkiþræði er einnig notað í öðrum peysum. Við höfum nú þegar fitjað upp 80 lykkjur (stærð S) og prjónið 1 umferð slétt. Við byrjum myndbandið á að prjóna strofff (1 lykkja slétt, 1 lykkja brugðið) í 2 umferðir. Eftir það skiptum við yfir í grófari prjóna, prjónum áferðamynstur (1 lykkja slétt, 1 lykkja garðaprjón) og setjum 8 prjónamerki í stykkið + 1 merki (grænt) sem sýnir byrjun á umferð. Við sýnum 4 umferðir til viðbótar, en í 2 síðustu umferðunum sýnum við ekki allar umferðirnar. Þessi peysa er prjónuð úr DROPS Paris, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
12:57
Hvernig á að prjóna samkvæmt mynsturteikningu A.2 í DROPS 222-32 og DROPS 223-2 - Hluti 1

Í þessu DROPS myndbandi sýnum við hvernig við prjónum umferð 1-9 samkvæmt mynsturteikningu A.2 í peysunni «Swing by Spring Top» í DROPS 222-32 og kjólnum «Swing by Spring» í DROPS 223-2. Við höfum nú þegar prjónað kant í hálsi, mynsturteikningu A.1. Við notum færri fjölda lykkja en sem stendur í mynstri. Bæði peysan og kjólinn er prjónað úr DROPS Belle, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
15:17
Hvernig á að prjóna samkvæmt mynsturteikningu A.2 í DROPS 222-32 og DROPS 223-2 - Hluti 2

Í þessu DROPS myndbandi sýnum við hvernig við prjónum umferð 10-28 samkvæmt mynsturteikningu A.2 í peysunni «Swing by Spring Top» í DROPS 222-32 og kjólnum «Swing by Spring» í DROPS 223-2. Við höfum nú þegar prjónað kant í hálsmáli, mynsturteikningu A.1 og umferð 1-9. Við sýnum byrjun á umferð, en umferð 11-20 sýnum við ekki. Við notum færri fjölda lykkja en sem stendur í mynstri. Bæði peysan og kjólinn er prjónað úr DROPS Belle, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.