DROPS Children 49 · Fullt af nýrri hönnun fyrir börn!

Hvernig á að prjóna gatamynstur í DROPS 164-34

Í þessu DROPS myndbandi sýnum við hvernig við prjónum gatamynstur samkvæmt mynsturteikningu A.1 í DROPS 164-34. Í myndbandinu höfum við 2 lykkjur slétt í hvorri hlið. Við höfum nú þegar prjónað 4 umferðir garðaprjón og mynstur einu sinni á hæðina svo að mynstrið sjáist betur. Við prjónum mynstrið fram og til baka, en einnig er hægt að prjóna það í hring á hringprjóna. Þetta sett er prjónað úr DROPS Nepal, en í myndbandinu notum við grófara garn; DROPS Snow.
Fylgja þarf uppskrift til þess að geta fylgt myndbandinu eftir.
Þú finnur mynstrið með því að smella á myndina að neðan.

Mynstur þar sem þessi aðferð er notuð

DROPS 164-34

DROPS 164-34
Annað tungumál:

Myndband #785, skráð í: Lærðu að prjóna, Mynstur kennslumyndbönd, Áferðaprjón, Gatamynstur, Fylgihlutir, Prjónamynstur, Húfur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Marie skrifaði:

Pour le bonnet, il y a une torsade de fait, elle n'est pas indiqué dans les explications. Les explications sont de faire A1(30m) et A2(58m) sur hauteur de 20 cm. je ne comprend pas quand on doit faire la torsade. Merxi

16.03.2023 - 03:25

DROPS Design :

Bonjour Marie, pour le bonnet, on n'a pas de torsade, juste le motif ajouré de A.1 qui va décaler les mailles par le biais des diminutions et des jetés comme au milieu de A.4 - cette vidéo montre un point similaire et devrait vous aider à mieux visualiser comment faire. Bon tricot!

16.03.2023 - 09:31

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna hettuhálsklút í DROPS 253-61
20:09
Hvernig á að prjóna hettuhálsklút í DROPS 253-61

Í þessu DROPS myndbandinu höfum við nú þegar prjónað hettuna (stærð L/XL) og höfum sett lykkjurnar á 2 lykkjuhaldara / þráð. Við sýnum fyrst hvernig við prjónum upp lykkjur í kringum hettuna og prjónum i-cord affellingu þar til 2 lykkjur eru eftir á prjóni. Þessar 2 lykkjur eru settar á annan lykkjuhaldara / þráð, en það eru prjónaðar upp 2 lykkjur í hinni hliðinni sem eru settar á hinn lykkjuhaldarann / þráð. Lesið I-CORD AFFELLING í uppskriftinni. Það eru eftir 2 lykkjur á prjóni þegar kanturinn hefur verið prjónaður til loka, klippið þráðinn og setjið 2 lykkjur á lykkjuhaldara / þráð. Takið upp 2 nýjar lykkjur í hinni hliðinni á hettunni og setjið þær á lykkjuhaldara / þráð. Setjið lykkjurnar frá hinum lykkjuhaldaranum / þræðinum yfir á prjóninn. Síðan sýnum við hvernig við fitjum upp lykkjur fyrir hægri hluta á hálsklútnum, prjónum 1 umferð áður en hálsklúturinn er prjónaður saman með hettunni með byrjun fyrir miðju að aftan. Jafnframt eru prjónaðar i-cord kantlykkjur og stroffprjón í perluprjóni. Lesið nánari útskýringu í uppskrift í útskýringu á I-CORD AFFELLING, 2 I-CORD KANTLYKKJUR, stroffprjón í perluprjóni og hvernig prjóna á hálsklútinn saman við hettuna. Þegar allar lykkjur hafa verið prjónaðar upp frá hettunni (50 prjónaðar umferðir), þá eru eftir 2 lykkjur á lykkjuhaldara / þræði (í myndbandinu eru þær settar á prjóninn), prjónið þessar 2 lykkjur slétt (í stærð S/M eru 3 lykkjur settar aftur á þráðinn, prjónið 1 lykkju slétt og 2 síðustu lykkjurnar slétt saman). Eftir þetta er prjónuð 1 umferð frá röngu þar sem prjónaðar eru 2 i-cord kantlykkjur, 2 lykkjur brugðið saman, eftir það stroffprjón í perluprjóni þar til 3 lykkjur eru eftir, þá er prjónuð 1 lykkja brugðið og endað með 2 i-cord kantlykkjur. Fylgið útskýringu í uppskrift hvernig fella á af þeim lykkjum sem eftir eru í hægri hluta á hálsklút. Við sýnum 1. umferð (frá réttu) af 8 fyrstu umferðum, þá sýnum við 1. umferð með úrtöku (frá réttu). Prjónið síðan vinstri hluta á hálsklút. Eftir það er uppfitjunarkanturinn á hægri hluta og vinstri hluta á hálsklútnum saumaður saman fyrir miðju að aftan með lykkjuspori. Við notum garnið DROPS Daisy og DROPS Kid-Silk í myndbandinu, sama liti og prjónastærð eins og stendur í uppskrift.
Video thumbnail for Hvernig á að prjóna mosaik mynstur í húfu DROPS 197-19
22:02
Hvernig á að prjóna mosaik mynstur í húfu DROPS 197-19

Í þessu DROPS myndbandi sýnum við hvernig við prjónum smá hluta af mynsturteikningu í húfunni «Hint of Heather» í DROPS 197-19. Við höfum nú þegar prjónað stroffið og til og með umferð 10, við sýnum umferð 11-17 í myndbandinu. Hver umferð í mynsturteikningu jafngildir 2 umferðum. Þ.e.a.s. frá réttu er mynsturteikningin prjónuð frá hægri til vinstri og frá röngu er sama umferð prjónuð frá vinstri til hægri. ATH! Mikilvægt er að fylgja mynsturteikningunni vel. Allt litamynstrið er prjónað í garðaprjóni, en mynstrið er ekki prjónað í venjulegum brugðnum lykkjum. Þessi húfa er prjónuð úr DROPS Nord, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna lambhúshettu / balaclava
23:58
Hvernig á að prjóna lambhúshettu / balaclava

Í þessu DROPS myndbandi sýnum við hvernig við prjónum lambhúshettu / balaclava. Við prjónum minnstu stærðina DROPS 204-21. Við höfum nú þegar fitjað upp 68 lykkjur og prjónað 1 umferð slétt. Sjá MYNSTUR með nánari leiðbeiningum. Þessi lambhúshetta / balaclava er prjónuð úr DROPS Snow, sama garni og við notum í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna húfu í DROPS 192-4
5:43
Hvernig á að prjóna húfu í DROPS 192-4

Í þessu DROPS myndbandi prjónum við eftir mynsturteikningu A.1 – stærð S/M, en við höfum fitjað upp færri lykkjur en stendur í mynstri (48 lykkjur/3 mynstureiningar af A.1). Við sýnum hvernig 8 fyrstu lykkjur í umferð 1 eru prjónaðar, eftir það sýnum við hluta af umferð 5 og 6. Að lokum sýnum við hvernig mynstrið lítur út þegar A.1 hefur verið prjónað til loka. Þessi húfa er prjónuð úr DROPS Lima og DROPS Kid-Silk, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna gatamynstur í húfu DROPS 182-27
15:03
Hvernig á að prjóna gatamynstur í húfu DROPS 182-27

Í þessu DROPS myndbandi sýnum við hvernig byrja á að prjóna húfu með gatamynstri eftir mynsturteikningu A.1 í DROPS 182-27. Þessi húfa er prjónuð úr DROPS Snow. Við notum sama garn í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna A.1 í DROPS 182-8
12:59
Hvernig á að prjóna A.1 í DROPS 182-8

Í þessu DROPS myndbandi sýnum við hvernig við prjónum eftir mynsturteikningu A.1 í húfu Raspberry Truffle í DROPS 182-8. Við erum með færri lykkjur en það sem gefið er upp í mynstri og við höfum nú þegar prjónað byrjun á húfunni. Við byrjum myndbandið með mynsturteikningu A.1 og sýnum 2 mynstureiningar af umferð 1-3. Við sýnum 2 fyrstu og síðustu mynstureininguna af umferð 7, síðan 2 mynstureiningar af umferð 8, 1 mynstureiningu af umferð 9-10 og að lokum hvernig húfan kemur til með að líta út eftir mynstureiningu A.1 á hæðina. Þessi húfa er prjónuð úr DROPS Puna, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.