DROPS Super Sale - 30% AFSLÁTTUR á 6 tegundum af bómullargarni í mars!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 592
6:35
Hvernig á að prjóna upp lykkjur fyrir kant í hálsmáli á peysu með evrópskri öxl

Í þessu DROPS myndbandi sýnum við hvernig við prjónum upp lykkjur í kringum hálsmál á peysu með evrópskri öxl, notið prjón eða heklunál. Eftir það er stroffið prjónað eins og útskýrt er í mynstri. Það eru margar aðferðir við að prjóna stroff (t.d. 1 lykkja slétt / 1 lykkja brugðið, 2 lykkjur slétt / 2 lykkjur brugðið, 1 lykkja snúið slétt / 1 lykkja brugðið o.s.frv.) Hægt er að prjóna einfaldan kant í hálsmáli, tvöfaldan kant í hálsmáli eða háan kant í hálsmáli. Í myndbandinu sýnum við tvöfaldan kant í hálsmáli í stroffpróni prjónað þannig: 2 lykkjur slétt, 2 lykkjur brugðið, fellt er af með sléttum lykkjum yfir sléttar lykkjur og brugðnum lykkjum yfir brugðnar lykkjur og eftir það er stroffið brotið niður að innan verðu á stykki og fest. Í þessu myndbandi prjónum við með 2 garntegundum, DROPS Lima litur nr 9029 salvíu grænn og DROPS Kid-Silk litur nr 45, mjúk mynta og prjón 5 mm. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
5:17
Hvernig á að prjóna German Short Rows - með tvöfaldri lykkju fram og til baka

German short rows = Stykkinu er snúið mitt í umferð. Stykkinu er snúið mitt í umferð. Með því að prjóna stuttar umferðir þá myndast lítið gat - hægt er að loka þessu gati með því að herða á þræði eða nota aðferðina German short row. Umferð 1 (rétta): Prjónið fram að þeim stað þar sem snúa á stykkinu, snúið, þegar prjónað er áfram verðu lítið gat við snúninginn – hægt er að loka þessu gati þannig: Umferð 2 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju (lykkja og þráður yfir prjóninum). Prjónið fram að þeim stað þar sem snúa á við. Snúið stykkinu. Umferð 3 (= rétta): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem liggur yfir prjóninum og lykkjan er prjónað slétt saman = 1 lykkja. Prjónið fram að þeim stað þar sem snúa á við. Snúið stykkinu. Umferð 4 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem liggur yfir prjóninum og lykkjan er prjónað slétt saman = 1 lykkja. Prjónið fram að þeim stað þar sem snúa á við. Snúið stykkinu. Endurtakið umferð 3. og 4. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
8:41
Hvernig á að prjóna German Short Rows - með tvöfaldri lykkju utan um prjóninn

German short rows= Stykkinu er snúið mitt í umferð. Með því að prjóna stuttar umferðir þá myndast lítið gat - hægt er að loka þessu gati með því að herða á þræði eða nota aðferðina German short row. Umferð 1 (= rétta): Prjónið fram að þeim stað sem snúa á stykkinu, snúið, þegar prjónað er áfram þá myndast lítið gat við snúninginn – það er hægt að loka þessu gati þannig: Umferð 2 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju (með einni lykkju og einum þræði yfir prjóninn). Prjónið fram að þeim stað þar sem snúa á stykkinu. Snúið stykkinu. Umferð 3 (= rétta): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjunni þannig að þráðurinn sem var lagður yfir prjóninn og lykkjuna er prjónað slétt saman = 1 lykkja. Prjónið fram að þeim stað þar sem snúa á stykkinu. Snúið stykkinu. Umferð 4 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem var lagður yfir prjóninn og lykkjuna er prjónað brugðið saman = 1 lykkja. Prjónið fram að þeim stað þar sem snúa á stykkinu. Snúið stykkinu. Endurtakið 3. og 4. umferð. Við notum garnið DROPS Snow í myndbandinu. Þessi aðferð er notuð í mörgum af mynstrunum okkar – Þú finnur mynstur þar sem þessi aðferð er notuð með því að smella á myndirnar að neðan.
3:42
Hvernig á að prjóna i-cord kant, fram og til baka

Í þessu DROPS myndbandi sýnum við hvernig við prjónum i-cord kant bæði frá réttu og frá röngu. Þær 6 fyrstu / 6 síðustu lykkjurnar á eftir i-cord kantinum eru prjónaðar í garðaprjóni (= lykkjur eru prjónaðar bæði frá réttu og frá röngu). Í byrjun umferðar frá réttu er prjónað þannig: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt og 6 lykkjur í garðaprjóni. Prjónið sléttprjón. Í lok umferðar frá réttu er prjónað þannig: Prjónið 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt. Í byrjun umferðar frá röngu er prjónað þannig: Lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt, prjónið 6 lykkjur í garðaprjóni. Prjónið sléttprjón. Í lok umferðar frá röngu er prjónað þannig: 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. Við notum garnið DROPS Snow í myndbandinu. Þessi aðferð er notuð í mörgum af mynstrunum okkar – þú finnur mynstur þar sem þessi aðferð er notuð með því að smella á myndirnar að neðan.
6:10
Hvernig á byrjandi að byrja að prjóna

Í þessu DROPS myndbandi sýnum við hvernig við fitjum upp, prjónum sléttar lykkjur fram og til baka og að lokum endum við stykkið með því að fella af. Ef náð er tökum á þessum aðferðum þá er þetta byrjunin á mörgum og spennandi verkefnum t.d. eins og fyrsta þvottastykkinu, pottaleppa eða eyrnabandi. Þegar prjónaðar eru allar lykkjur í hverri umferð slétt er það kallað garðaprjón. Þá er lítur stykkið út eins á báðum hliðum, fullkomið prjón fyrir trefla og hálsklúta!
2:40
Hvernig á að fitja upp með hefðbundinni aðferð

Í þessu DROPS myndbandi sýnum við hvernig við fitjum upp með hefðbundinni aðferð sem gefur stöðugan en samt teygjanlegan kant. Þessi aðferð nefnist Silfurfit. Uppfitjunin á að vera þétt en samt ekki of stíf. Ef fitjað er upp of fast er gott að skipta yfir í grófari prjóna eða leggja tvo prjóna saman þegar fitjað er upp. Munið bara að skipta yfir í réttan grófleika á prjónum áður en byrjað er að prjóna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:16
Hvernig á að fitja upp með lykkjum

Í þessu DROPS myndbandi sýnum við hvernig hægt er að fitja upp með lykkjum. Þetta er einföld aðferð og mjög auðveld fyrir byrjendur. Þessa aðferð notum við einnig þegar fitjaðar eru upp nýjar lykkjur í hlið á stykki t.d. við sameiningu á ermum og fram- og bakstykki og þá eru fitjaðar upp nýjar lykkjur í hvorri hlið fyrir ermi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:07
Hvernig á að prjóna sléttar lykkjur (EU)

Í þessu DROPS myndbandi sýnum við hvernig við prjónum sléttar lykkjur með hefðbundinni aðferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:07
Hvernig á að prjóna sléttar lykkjur (US/UK)

Í þessu DROPS myndbandi sýnum við hvernig við byrjum að prjóna. Við byrjun með sléttum lykkjum. Í myndbandinu prjónum við sléttar lykkjur eins og gert er á Englandi og í Bandaríkjunum. Þetta þýðir að við höldum á þræðinum í hægri hönd og vefjum þræðinum utan um prjóninn með hægri hönd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:04
Hvernig á að prjóna brugðnar lykkjur

Í þessu DROPS myndbandi sýnum við hvernig hægt er að prjóna brugðnar lykkjur með skandinavisku aðferðinni. Þetta er gömul, hefðbundin aðferð við að prjóna brugðnar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:38
Hvernig á að prjóna með 2 litum

Í þessu DROPS myndbandi sýnum við hvernig hægt er að prjóna fram og til baka með 2 litum í mynstri. Í þessu myndbandi sýnum við hvernig prjónað er fram og til baka eftir mynstri, prjónað er með tveimur litum. Sá litur sem ekki er notaður fylgir með á bakhliðinni í umferð séð frá réttu. Passið uppá að þráðurinn sem fylgir með á bakhlið sé ekki of strekktur eða of laus. Ef það eru fleiri en 3 lykkjur í röð í mynstri með sama lit þá er litunum snúið utan um hvorn annan eftir ca 3. hverja lykkju. Það er gert þannig: Þráðurinn er tekinn til skiptis yfir og undir þann lit sem fylgir með á bakhliðinni. Í umferð frá röngu er þráðurinn sem fylgir með fyrir framan stykkið, munið eftir að hafa rétta spennu á þræðinum. Ath: Ef ekki er notaður einn litur alla leiðina út umferð, þá er hægt að geyma litinn þar sem hann endar. Ef nota á litinn í byrjun næstu umferðar, þá verður liturinn að fylgja með út umferðina að kanti með því að snúa litinum utan um litinn sem prjónað er með, með ca 3 l millibili. Ekki hafa áhyggjur ef þetta verður aðeins ójafnt, stykkið jafnar sig þegar það er bleytt og lagt til í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:46
Hvernig á að prjóna með 2 litum - US/UK

Í þessu DROPS myndbandi sýnum við hvernig prjónað er með 2 litum með US/UK aðferðinni. Í þessu myndbandi prjónum við fram og til baka eftir mynstri, við prjónum með tveimur litum. Sá litur sem ekki er notaður fylgir með á bakhliðinni í umferð séð frá réttu. Passið uppá að þráðurinn sem fylgir með á bakhlið sé ekki of stífur eða of laus. Ef það eru fleiri en 3 lykkjur í röð í mynstri með sama lit þá er litunum snúið utan um hvorn annan eftir ca 3. hverja lykkju. Það er gert þannig: Þráðurinn er tekinn til skiptis yfir og undir þann lit sem fylgir með á bakhlið. Í umferð frá röngu er þráðurinn sem fylgir með framan við stykkið, munið eftir að hafa rétta spennu á þræðinum. ATH: Ef ekki er notaður einn litur alla leiðina út umferðina, þá er hægt að geyma hann þar sem hann endar. Ef nota á litinn í byrjun næstu umferðar, þá verður liturinn að fylgja með út umferðina að kanti með því að snúa honum utan um litinn sem prjónað er með ca 3 lykkju millibili. Ekki hafa áhyggjur ef þetta verður aðeins ójafnt, stykkið jafnar sig þegar það er bleytt og lagt til í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:49
Hvernig á að prjóna brugðnar lykkjur (EU)

Í þessu DROPS myndbandi sýnum við hvernig er hægt að prjóna brugðnar lykkjur með hefðbundinni aðferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:13
Hvernig á að prjóna brugðnar lykkjur UK/US

Í þessu DROPS myndbandi sýnum við hvernig við prjónum brugðnar lykkjur. Við prjónum brugðnar lykkjur eftir enskri aðferð. Hér höldum við þræðinum í hægri hönd, leggjum þráðinn utan um prjóninn með hægri hönd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:29
Hvernig á að prjóna sléttprjón

Í þessu DROPS myndbandi sýnum við hvernig prjóna á sléttprjón. Sléttprjón er hefðbundin aðferð til að fá jafna og flata áferð á stykki. Þegar prjónað er fram og til baka eins og útskýrt er í myndbandinu þá eru prjónaðar sléttar lykkjur á framhlið á stykki en brugðnar lykkjur á bakhlið á stykki. Þegar prjónað er í hring á hringprjóna eða á prjóna eru allar lykkjur prjónaðar slétt í öllum umferðum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:19
Hvernig á að prjóna sléttprjón í hring á hringprjón

Í þessu DROPS myndbandi sýnum við hvernig prjóna á sléttprjón í hring á hringprjóna. Fitjið upp, tengið stykkið saman og prjónið í hring í sléttprjóni á hringprjón. Passið uppá að 1. umferðin sé ekki snúin, prjónið allar lykkjur slétt hring eftir hring. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:08
Hvernig á að prjóna sléttprjón fram og til baka á hringprjón

Í þessu DROPS myndbandi sýnum við hvernig prjóna á sléttprjón fram og til baka á hringprjón. Fitjið upp, snúið, prjónið sléttprjón fram og til baka á hringprjón. Fyrsta umferð = ranga. Fyrir sléttprjón: * 1 umferð brugðið, 1 umferð slétt *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:49
Hvernig á að prjóna garðaprjón

Í þessu DROPS myndbandi sýnum við hvernig prjóna á garðaprjón fram og til baka með hefðbundinni aðferð. Þegar garðaprjón er prjónað fram og til baka eru lykkjur prjónaðar slétt í öllum umferðum. Þegar prjónað er í hring á hringprjóna eða á prjóna þá er prjónuð ein umferð slétt og ein umferð brugðið. Endurtakið síðan þessar tvær umferðir. ATH! Þegar prjónaðir eru garðar þá fær maður fleiri garða á hæðina á 10 cm miðað við þegar prjónað er sléttprjón. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:58
Hvernig á að prjóna garðaprjón í hring á hringprjón

Í þessu DROPS myndbandi sýnum við hvernig hægt er að prjóna garðaprjón í hring á hringprjón. Prjónið eina umferð slétt *prjónið eina umferð brugðið, svo eina umferð slétt*, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:05
Hvernig á að auka út með uppslætti

Í þessu DROPS myndbandi sýnum við hvernig við aukum út með uppslætti, þetta er útaukning sem myndar fallegt gat. Í myndbandinu sýnum við tvisar sinnum hvernig hægt að að prjóna uppsláttinn framan í eða aftan í lykkjubogann eftir því hve stórt/lítið gatið á að vera. Þegar prjónað er aftan í lykkjubogann er lykkjan snúin og gatið verður aðeins minna fyrir vikið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:17
Hvernig á að fækka um 1 lykkju

Í þessu DROPS myndbandi sýnum við hvernig við fækkum / fellum af 1 lykkju frá réttu með því að lyfta 1 lykkju af prjóni, prjóna næstu lykkju, steypa lyftu lykkjunni yfir prjónuðu lykkjuna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:46
Hvernig á að fella af frá réttu

Í þessu DROPS myndbandi sýnum við hvernig við fellum af frá réttu. Affelling kallast sú aðferð sem er notuð til þess að hefta lykkjur þannig að þær rakni ekki upp. Einnig til þess að mynda handveg, hálsmál og axlir. Affellingin má hvorki vera of laus eða of föst þar sem þú þarft að koma peysunni yfir höfuðið. Til þess að koma í veg fyrir að fellt sé af of fast er hægt að nota grófari prjóna við affellinguna. Tvær lykkjur eru prjónaðar slétt, fyrri lykkjunni er steypt yfir, næsta lykkja er prjónuð slétt og fyrri lykkju steypt yfir o.s. frv. þar til ein lykkja er eftir, klippið frá og dragið þráðinn í gegnum síðustu lykkjuna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:32
Hvernig á að skipta um lit

Í þessu DROPS myndbandi sýnum við hvernig skipt er um lit yfir í annan lit eða frá einni dokku yfir í aðra. Þræðirnir eru festir lóðrétt í kantlykkju í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:19
Hvernig á að prjóna snúna lykkju slétt

Í þessu DROPS myndbandi sýnum við hvernig prjóna á lykkju snúna slétt. Þegar prjóna á lykkju snúna slétt þá er prjónað í aftari lykkjubogann (í stað fremri eins og venjulega). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.