DROPS Children 49 · Fullt af nýrri hönnun fyrir börn!

Önnur prjónaráð og aðferðir

Flokkar
Myndbönd: 32
1:16
Hvernig á að nota merkiþráð á milli 2 lykkja

Í þessu DROPS myndbandi sýnum við hvernig við staðsetjum merkiþráð. Það er oft snjallt að nota merkiþráð til að merkja hvar í stykki er aukið út eða lykkjum fækkað, í byrjun á umferð eða í hlið þegar prjónað er í hring á prjóna eða hringprjóna o.s.frv. Þú getur látið þráðinn fylgja með í stykkinu upp úr og dregið hann út í lokin. Í þessu myndbandi er aukið út um 1 lykkju hvoru megin við merkiþráðinn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:17
Hvernig á að prjóna í hring með 2 hringprjónum

Í þessu DROPS myndbandi sýnum við hvernig hægt er að prjóna í hring með 2 hringprjónum. Þegar prjónaðir eru minni stykki á hringprjón eins og sokkar eða stroff og þú vilt ekki nota sokkaprjóna eða þeir eru ekki til taks, er hægt að prjóna í hring á tvo hringprjóna. Fitjið upp með einum hringprjóni, takið síðan helming af lykkjunum og setjið á annan hringprjón. Dragið prjóninn inn að þeirri hlið sem þú ert með þráðinn sem þú ætlar að prjóna með. Passið uppá að lykkjur í umferð eru ekki snúnar þegar þú tengir þær saman. Byrjið að prjóna lykkjur á prjóni þar sem þráðurinn situr ekki fastur. Passið uppá að herða að fyrstu lykkjunni sem er prjónuð. Prjónið með sama prjóni og þær lykkjur sem prjóninn er á, látið hinn prjóninn hvíla. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:09
Hvernig á að prjóna brot/fellingu

Í þessu DROPS myndbandi sýnum við hvernig hægt er að prjóna brot/fellingu. Þegar prjónað er brot t.d. við miðju eða undir brjósti myndast mjög glæsilegt og kvenlegt form á stykkið. Myndbandið sýnir fyrst brot sem opnast út til vinstri og síðan brot sem opnast út til hægri. Þetta brot er prjónað yfir 10 lykkjur og við byrjum á að setja 5 lykkjur á hjálparprjón framan við stykkið, prjónið fyrstu lykkju af hjálparprjóni með fyrstu lykkju á prjóni, alls 5 sinnum. Næsta brot vísar í hina áttina og þá eru lykkjurnar settar á hjálparprjón aftan við stykkið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:45
Hvernig á að prjóna kraga sem skarast að framan/sjalkraga

Í þessu DROPS myndbandi sýnum við hvernig við prjónum kraga sem skarast að framan / sjalkraga. Til þess að geta prjónað kraga sem skarast að framan eins og t.d. sjalkraga, er byrjað á að taka upp nýjar lykkjur fyrir aftan skilgreindar miðjulykkjur. Ef þú vilt að kragakanturinn/kantur að framan verði 14 lykkjur á breidd er byrjað 7 lykkjum á undan prjónamerki fyrir miðju. Prjónið 14 kantlykkjur í mynstri og sléttprjón yfir þær lykkjur sem eftir eru. Í lok umferðar eru teknar upp 14 nýjar lykkjur fyrir aftan kantlykkjurnar, snúið við. Í næstu umferð frá röngu: Prjónið fyrstu 14 kantlykkjur í mynstri og sléttprjón yfir þær lykkjur sem eftir eru þar til komið er að 14 lykkjum á hægra framstykki, prjónið þær kantlykkjur í mynstri, snúið við. Haldið áfram að prjóna fram og til baka með 14 kantlykkjur í mynstri í hvorri hlið. Gott er að nota prjónamerki til þess að skilja að lykkjur sem eru kantlykkjur í mynstri og aðrar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:18
Hvernig á að prjóna magic loop

Í þessu DROPS myndbandi sýnum við hvernig hægt er að prjóna með magic loop. Í mynstri þar sem nota á sokkaprjóna og hringprjóna með sama númeri í mynstri, þá er hægt að notast við hringprjóna og prjóna magic loop / galdralykkju með hringprjóni í stað sokkaprjóna. Hringprjóninn þarf að vera langur (minnst 80 cm) og vera með sveiganlegri snúru. Fitjið upp þann fjölda lykkja sem á að vera í mynstri, færið lykkjurnar til að miðju á snúrunni. Skiptu lykkjunum í tvennt og dragðu snúruna út á milli lykkja í miðju. Færið til prjónaendana að hvorri hlið, passið að lykkjurnar verði ekki snúnar. Þráðar endinn sem prjóna á með, er á aftari prjóninum og byrjað er að prjóna lykkjur af fremri prjóninum. Dragið út aftari prjóninn til þess að prjóna lykkjur á þeim fremri. Þegar lykkjur af fremri prjóninum hafa verið prjónaðar, snúið við og færið lykkjur til baka á auða prjóninn og prjónið þá hlið á sama hátt. Haldið svona áfram í hring, passið alltaf upp á að draga út þann prjón frá þeirri hlið sem þú hefur þráðar endann. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:32
Hvernig á að prjóna blúndu

Í þessu DROPS myndbandi sýnum við hvernig hægt er að prjóna blúndu. Ef þú vilt hafa lausa blúndu utan á flík þá prjónar þú fyrst blúnduna sér. Til að gera blúndu þá verður þú í síðustu umferðinni (frá röngu ef prjónað er fram og til baka) að prjóna lykkjurnar til skiptis saman 2 og 2 (eins og útskýrt er í myndbandi). Ef þú vilt hafa fleiri eða færri fellingar, þá eru prjónaðar saman fleiri eða færri lykkjur, eða samkvæmt uppskrift. Leggið blúnduna utan á stykkið og prjónið lykkjurnar saman 2 og 2. Þ.e.a.s. 1. lykkja á blúndu saman við 1. lykkju á stykki, 2. lykkju á blúndu saman við 2. lykkju á stykki o.s.frv. Haldið áfram að prjóna í hring eða fram og til baka þar til kominn er líning/kantur með blúndu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:26
Hvernig á að prjóna garðaprjón yfir nokkrar lykkjur í hring á hringprjón

Í þessu DROPS myndbandi sýnum við hvernig hægt er að prjóna garðaprjón í hring yfir nokkrar lykkjur. Í útskýringu kemur stundum fyrir að sagt er að prjóna eigi garðaprjón nokkrar umferðir yfir vissan fjölda lykkja t.d. fyrir miðju að framan eða í hlið, en aðrar lykkjur eru prjónaðar í sléttprjóni eða einhverju öðru mynstri. Prjónið í hring á hringprjón þannig: Þær lykkjur sem prjónaðar eru í garðaprjóni eru prjónaðar brugðið í 2. hverri umferð og slétt í 2. hverri umferð, aðrar lykkjur eru prjónaðar áfram slétt í hverri umferð eða eftir uppskrift. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:08
Hvernig á að prjóna garðaprjón yfir nokkrar lykkjur fram og til baka

Í þessu DROPS myndbandi sýnum við hvernig hægt er að prjóna garðaprjón fram og til baka yfir nokkrar lykkjur. Í útskýringu kemur stundum fyrir að sagt er að prjóna eigi garðaprjón nokkrar umferðir yfir vissan fjölda lykkja t.d. fyrir miðju að framan eða í hlið, en aðrar lykkjur eru prjónaðar í sléttprjóni eða einhverju öðru mynstri. Prjónið fram og til baka þannig: Merktar lykkjur fyrir miðju eru prjónaðar slétt í hverri umferð á meðan lykkjur beggja vegna við miðjulykkjurnar eru prjónaðar í sléttprjóni halda áfram með slétt frá réttu og brugðið frá röngu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:53
Hvernig á að prjóna op í hálsmáli

Í þessu DROPS myndbandi sýnum við hvernig hægt er að prjóna op í hálsmáli með kanti í garðaprjóni. Prjónið 4 umferðir í garðaprjóni yfir 8 miðjulykkjur á prjóni (hinar lykkjur eru prjónaðar eins og áður). Skiptið nú stykkinu við miðju að framan fyrir op fyrir hálsmál og hvort stykki er prjónað til loka fyrir sig. Haldið nú áfram að prjóna sléttprjón með 4 lykkjur í garðaprjóni við opið. Fellið af lykkjur í 1. stykki samkvæmt mynstri. Þegar 2. stykki er prjónað eftir skiptinguna byrjar 1. umferð mitt að framan. Byrjið á að prjóna upp 1 lykkju í 1. lykkju frá hinni hliðinni á opi í hálsmáli og prjónið lykkjuna saman með 1. lykkju á prjóni. Þetta er gert til að það komi ekki hak neðst í opi. Prjónið áfram í sléttprjóni með 4 lykkjur garðaprjón við op. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:01
Hvernig á að prjóna lykkju / hanka

Í þessu DROPS myndbandi sýnum við hvernig við prjónum lykkju / hanka. Hver pottaleppur, þvottapoki eða handklútur þarf að hafa lítinn hanka og það er mjög hagkvæmt ef lykkjan / hankinn er samtengdur stykkinu. Þegar stykkið hefur verið prjónað til loka er næsta umferð gerð til þess að prjóna hanka / lykkju þannig: Prjónið þar til 2 lykkjur eru eftir. Á undan síðustu 2 lykkjum, fitjið upp 7 nýjar lykkjur á prjóninn, prjónið nú 2 síðustu lykkjur í umferð slétt saman. Í næstu umferð eru allar lykkjur felldar af með sléttu (einnig nýju lykkjurnar fyrir hanka). Fylgja þarf uppskrift til þess að geta fylgt myndbandinu eftir. Þú getur séð mynstur þar sem þessi aðferð er notuð með því að smella á myndina að neðan.
1:59
Hvernig á að setja lykkjur á þráð (margar í einu)

Í þessu DROPS myndbandi sýnum við hvernig við setjum margar lykkjur í einu á þráð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:16
Hvernig á að setja lykkjur til baka af þræði yfir á prjón

Í þessu DROPS myndbandi sýnum við hvernig við setjum lykkjur af þræði aftur yfir á prjóninn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:28
Hvernig á að prjóna aftur á bak

Í þessu DROPS myndbandi sýnum við hvernig hægt er að prjóna stuttar umferðir eins og á bandi, belti, eyrnabandi, prjónað fram og til baka yfir kúlur, snúa við á hæl, þá getur verið mjög gott að kunna aðferð við að prjóna aftur á bak. Það sparar mikinn tíma og orku við það að þurfa alltaf að snúa stykkinu við fram og til baka. Í myndbandinu sýnum við bæði Evrópska prjónaaðferð og síðan Ameríkanska prjónaaðferð og síðast en ekki síst dæmi um hvernig hægt er að prjóna kúlu með þessari aðferð. Passið uppá að leggja þráðinn í rétta átt í kringum prjóninn á leiðinni til baka, þannig að lykkjurnar snúa í rétta átt í næstu umferð.
1:35
Hvernig á að lyfta 1. lykkju yfir án þess að prjóna hana

Í þessu DROPS myndbandi sýnum við hvernig við lyftum 1. lykkju í hverri umferð ef það koma upp vandamál við að fá fallegan kant þegar 1. lykkja er prjónuð. Fyrst sýnum við 1. lykkju prjónaða, eftir það hvernig hægt er að lyfta 1. lykkju yfir í stað þess að prjóna hana. Við notum garnið DROPS Snow í þessu myndbandi.
2:27
Hvernig á að prjóna merkiþráð utan um lykkju

Í þessu DROPS myndbandi sýnum við hvernig hægt er að prjónað merkiþráð utan um lykkju. Þegar þarf að nota merkiþráð í stykki þá setur maður oftast merkiþráð á milli tveggja lykkja, en í sumum tilvikum þá á að setja merkiþráð í lykkju. Til að sleppa við að láta merkiþráðinn sitja í lykkju, þá er hægt að láta merkiþráðinn fylgja lykkjunni hringinn. Við notum garnið DROPS Snow í myndbandinu
5:31
Hvernig á að prjónalykkjur af lausum þræði

Í þessu DROPS myndbandi sýnum við hvernig við prjónum lykkjur af lausum þræði. Það kemur fyrir á nokkrum stöðum í sokka / vettlinga mynstrum að viss fjöldi lykkja skal settur á þráð. Síðar er þessi þráður dreginn út og lykkjur hvoru megin við þráðinn er skipt niður á sokkaprjóna. Teknar eru upp nokkrar lykkjur í hvorri hlið og prjónað er í hring fyrir hæl / þumal. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:10
Hvernig á að prjóna með 3 dokkum samtímis

Í þessu DROPS myndbandi sýnum við hvernig við prjónum með 3 dokkum svo að það þurfi ekki að vera löng hopp á röngunni. Við prjónum fyrst með dokku í grænum lit, eftir það 1 dokku með gráum lit og svo að lokum einni nýrri dokku með grænum lit. Til þess að koma í veg fyrir göt í litaskiptum þá verður að vefja þræðina utan um hvorn annan. Við notum DROPS Snow í þessu myndbandi. Þú finnur mynstur þar sem þessi aðferð er notuð með því að smella á myndirnar að neðan.
8:27
Hvernig á að prjóna op fyrir þumal á vettlingi

Í þessu DROPS myndbandi sýnum við hvernig hægt er að prjóna op fyrir þumal eins og gert er í mörgum af okkar vinsælu vettlingum. Hér er mynsturteikning fyrir allan vettlinginn og önnur fyrir þumalinn. Við höfum prjónað eftir stærra mynstrinu þar til byrjað er á útaukningu fyrir þumal (svörtu ferningarnir í stærra mynstrinu). Eftir það prjónum við eftir stóra- og litla mynstrinu (þumal). Þegar prjónuð hefur verið öll útaukning í mynstri fyrir þumal, eru settar x-margar lykkjur (sá fjöldi lykkja sem stendur í uppskrift) á þráð. Síðan eru fitjaðar upp x-fjölda lykkja (sá fjöldi sem stendur í uppskrift) fyrir aftan þumalinn og nú er allur vettlingurinn prjónaður áfram eftir stóra mynstrinu. Þegar vettlingurinn hefur verið prjónaður, eru þumallykkjur settar til baka á prjóninn. Prjónið nú upp x-fjölda lykkja (þann fjölda sem stendur í uppskrift) fyrir aftan þumal og nú er prjónað mynstur fyrir þumal. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:28
Hvernig á að prjóna einfaldan þumal

Í þessu DROPS myndbandi sýnum við hvernig við prjónum einfaldan þumal í vettlingi. Við prjónum að merkiþræði (bleikur þráður) þar sem þumallinn á að vera þegar við prjónum vettlinginn. Síðan drögum við merkiþráðinn út og lykkjurnar eru settar á sokkaprjóna. Við prjónum einnig upp nýjar lykkjur í hliðum (sjá mynstur til að áætla fjölda), eftir þetta er þumallinn prjónaður til loka. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:21
Hvernig á að setja 2 skálmar á sama hringprjón

Í þessu DROPS myndbandi sýnum við hvernig við setjum 2 skálmar á sama hringprjóna og prjónum fram og til baka. Þegar búið er að setja báðar skálmarnar á hringprjónana þá er prjónað þannig: UMFERÐ 1 (rétta): Fellið af 4 lykkjur og prjónið slétt út umferðina. Snúið við. UMFERÐ 2 (ranga): Fellið af 4 lykkjur og prjónið brugðið út umferðina. Snúið við. Prjónið áfram samkvæmt mynstri. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:36
Hvernig á að setja saman 2 skálmar

Í þessu DROPS myndbandi sýnum við hvernig við setjum saman tvær skálmar og fitjum upp lykkjur á milli skálma. Við höfum nú þegar prjónað 2 skálmar og byrjum myndbandið á að fitja upp nýjar lykkjur, prjónum aðra skálmina, fitjum upp nýjar lykkjur og svo prjónum við seinni skálmina. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:51
Hvernig á að prjóna hettu

Í þessu DROPS myndbandi sýnum við hvernig við prjónum hettu. Ef prjónuð er hetta á flík þá eru lykkjur teknar upp frá réttu í kringum op á hálsmáli eða hettan er prjónuð sér eins og myndbandið sýnir og hettan saumuð niður í lokin. Prjónið fram og til baka að óskaðri lengd. Myndbandið sýnir þar sem prjónað er í sléttprjón með 3 lykkjur garðaprjón í hvorri hlið við opið. Þegar hettan hefur verið prjónuð er fellt af, hettan brotin saman tvöföld og saumuð saman frá réttu með spori í sömu stærð og prjónuðu lykkjurnar. Með þessu þá sést saumurinn ekki. Einnig er hægt að fella af eins og vanalega með 3 prjónum eða lykkja saman. Hægt er að sjá mismunandi myndbönd með aðferðum í myndböndunum okkar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:19
Hvernig á að prjóna lengingu á prjónaða ermi / á fram- og bakstykki

Í þessu DROPS myndbandi sýnum við hvernig við setjum lykkjur frá ermi á prjón, klippum frá stroffið til að geta lengt ermina fyrst með garðaprjóni og síðan með stroffprjóni. Skiptingin verður nánast ósýnilegt. Í lok myndbandsins sýnum við einnig sýnishorn með tveimur ólíkum litum til þess að skiptingin sjáist betur. Ermin á myndbandinu er prjónuð neðan frá og upp, en lengingin er prjónuð ofan frá og niður. Sömu aðferð er einnig hægt að nota til þess að lengja fram- og bakstykki á peysu.
2:33
Hvernig á að taka úr / setja í fyllingu í púða

Stundum vill maður þvo púðaver eftir nokkurn tíma og í þessu DROPS myndbandi sýnum við hvernig þú getur klippt upp frágangsþráðinn til þess að ná fyllingunni út (púðanum) og hvernig þú setur fyllinguna aftur í (púðann) og saumar saman. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.