Accessories

Flokkar
Myndbönd: 124
10:37
Hvernig á að prjóna þumal á vettling

Í þessu DROPS myndbandi sýnum við hvernig prjóna á þumal á vettling. Hér sýnum við hvernig aukið er út fyrir þumal með því að slá 1 sinni uppá prjóninn hvoru megin við merkta lykkju, í næstu umferð er uppslátturinn prjónaður aftan í lykkjubogann til að koma í veg fyrir gat. Endurtakið útaukningu í næstu umferð og haldið síðan áfram hringinn í sléttprjón nokkrar umferðir (eða fylgið uppskrift). Þegar útaukning hefur verið gerð til loka eru allar útauknar lykkjur settar á kaðlaprjón eða á þráð, fitjið upp eina nýja lykkju (eða þann fjölda lykkja samkvæmt uppskrift) fyrir aftan þessar lykkjur og haldið áfram hringinn. Þegar búið er að prjóna vettlinginn eru þumalykkjur settar aftur á prjón og teknar eru upp lykkjur í kanti fyrir aftan þær. Prjónið nú þumal í hring í sléttprjóni. Þegar óskaðri lengd er náð eru allar lykkjur prjónaðar saman 2 og 2 hringinn. Klippið frá og þræðið þráðinn í gegnum þær lykkjur sem eftir eru, herðið að og festið þráðinn að innanverðu á þumli. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:27
Hvernig á að prjóna op fyrir þumal á vettlingi

Í þessu DROPS myndbandi sýnum við hvernig hægt er að prjóna op fyrir þumal eins og gert er í mörgum af okkar vinsælu vettlingum. Hér er mynsturteikning fyrir allan vettlinginn og önnur fyrir þumalinn. Við höfum prjónað eftir stærra mynstrinu þar til byrjað er á útaukningu fyrir þumal (svörtu ferningarnir í stærra mynstrinu). Eftir það prjónum við eftir stóra- og litla mynstrinu (þumal). Þegar prjónuð hefur verið öll útaukning í mynstri fyrir þumal, eru settar x-margar lykkjur (sá fjöldi lykkja sem stendur í uppskrift) á þráð. Síðan eru fitjaðar upp x-fjölda lykkja (sá fjöldi sem stendur í uppskrift) fyrir aftan þumalinn og nú er allur vettlingurinn prjónaður áfram eftir stóra mynstrinu. Þegar vettlingurinn hefur verið prjónaður, eru þumallykkjur settar til baka á prjóninn. Prjónið nú upp x-fjölda lykkja (þann fjölda sem stendur í uppskrift) fyrir aftan þumal og nú er prjónað mynstur fyrir þumal. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:28
Hvernig á að prjóna einfaldan þumal

Í þessu DROPS myndbandi sýnum við hvernig við prjónum einfaldan þumal í vettlingi. Við prjónum að merkiþræði (bleikur þráður) þar sem þumallinn á að vera þegar við prjónum vettlinginn. Síðan drögum við merkiþráðinn út og lykkjurnar eru settar á sokkaprjóna. Við prjónum einnig upp nýjar lykkjur í hliðum (sjá mynstur til að áætla fjölda), eftir þetta er þumallinn prjónaður til loka. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:56
Hvernig á að prjóna hárband í A.4 í DROPS Children 26-6

Í þessu DROPS myndbandi sýnum við hvernig við prjónum falleg hárband eftir mynsturteikningu A.1 í DROPS Children 26-6. Við höfum nú þegar prjónað mynsturteikningu 3 sinnum á hæðina svo að auðveldara sé að sjá mynstrið. Þetta hárband er prjónað úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
8:19
Hvernig á að prjóna A.1 og A.2 í DROPS Extra 0-1095

Í þessu DROPS myndbandi sýnum við hvernig við prjónum eftir mynsturteikningu A.1 og A.2 í sokkum í DROPS Extra 0-1095. Í myndbandinu sýnum við einungis frá réttu. Við prjónum kantlykkju í hvorri hlið í garðaprjóni og höfum nú þegar prjónað mynstureininguna 2 sinnum á hæðina svo að auðveldara sé að sjá mynstrið. Þessi sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:02
Hvernig á að prjóna áferðamynstur í DROPS 209-11

Í þessu DROPS myndbandi sýnum við hvernig við prjónum áferðamynstur samkvæmt mynsturteikningu A.1a, A.1b og A.1c í hálsskjólinu «Crisp Morning Rain» DROPS 209-11. Við erum með færri fjölda lykkja en sem stendur í mynstri og við höfum nú þegar prjónað samkvæmt mynsturteikningu 2 sinnum á hæðina. Í myndbandinu sýnum við umferð 1-4. Þetta hálsskjól er prjónaður úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
24:18
Hvernig á að prjóna A.5 í DROPS 165-39

Í þessu DROPS myndbandi sýnum við hvernig prjónað er eftir mynsturteikningu A.5 í DROPS 165-39. Við höfum nú þegar prjónað hálft mynstrið á hæðina (það sem er fyrir neðan rauðu línuna), þannig að léttara er að sjá mynstrið. Við byrjum myndbandið á umferð 17 og sýnum umferð 17-24, við bendum á mynsturteikningu í leiðinni svo að auðveldara er að sjá hvar við erum stödd. Þetta stykki er prjónað úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:27
Hvernig á að prjóna A.1 í hálsskjóli í DROPS 173-26

Í þessu DROPS myndbandi sýnum við hvernig við prjónum hálsskjól í DROPS 173-26 eftir mynsturteikningu A.1. Í myndbandinu höfum við nú þegar prjónað mynstrið einu sinni á hæðina. Þetta hálsskjól er prjónað úr DROPS Polaris, en í myndbandinu notum við fínna garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
17:48
Hvernig á að prjóna A.3A og A.3B í hálsskjóli í DROPS 171-18

Í þessu DROPS myndbandi sýnum við hvernig við prjónum hálsskjól í DROPS 171-18 eftir mynsturteikningu A.3A og A.3B. Í myndbandinu höfum við nú þegar prjónað stroff (styttra en það sem er gefið upp í uppskrift) og við sýnum mynstrið einu sinni á hæðina. Í lok myndbands sýnum við hvernig árangurinn verður eftir að hafa prjónað mynstrið 3 sinnum á hæðina. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
18:26
Hvernig á að prjóna A.3 í DROPS 181-35

Í þessu DROPS myndbandi sýnum við hvernig við prjónum eftir mynsturteikningu A.3, sem er í hálsskjólinu «Silver Leaf» í setti DROPS 181-35. Við höfum nú þegar prjónað stroffið og byrjum myndbandið með 1 umferð af A.3. Við sýnum 1 mynstureiningu af A.3 í fyrstu 6 umferðum, eftir það sýnum við 1 mynstureiningu af A.3 í 14. og 15. umferð og að lokum sýnum við 1 mynstureiningu af A.3 í 24. umferð (munið að stóri ferningurinn í mynsturteikningu er engin lykkja, en hoppið yfir þessa rúðu). Þetta hálsskjól er prjónað úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
10:40
Hvernig á að prjóna með fingrum og höndum hálsskjól

Í þessu DROPS myndbandi sýnum við hvernig við prjónum með fingrunum tvær dokkur úr Big Delight, þar á eftir prjónum við með höndunum hálsskjól úr garninu sem við prjónuðum með fingrunum. Fitjið upp 7 lykkjur og prjónið með höndunum 17-19 umferðir (þær fara eftir prjónfestunni/stærð á höndum). Fellið af og saumið endana saman. Gjörðu svo vel, nú ertu komin með flott hálsskjól.
23:58
Hvernig á að prjóna lambhúshettu / balaclava

Í þessu DROPS myndbandi sýnum við hvernig við prjónum lambhúshettu / balaclava. Við prjónum minnstu stærðina DROPS 204-21. Við höfum nú þegar fitjað upp 68 lykkjur og prjónað 1 umferð slétt. Sjá MYNSTUR með nánari leiðbeiningum. Þessi lambhúshetta / balaclava er prjónuð úr DROPS Snow, sama garni og við notum í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:33
Hvernig á að prjóna A.1, A.2 og A.3 í DROPS 150-42

Í þessu DROPS myndbandisýnum við hvernig fallegt gatamynstur er prjónað eftir mynsturteikningu A.1, A.2 og A.3 í setti í DROPS 150-42. Við prjónum 2 kantlykkjur í garðaprjóni eins og í uppskrift. Við höfum þegar prjónað 1 mynstureiningu af mynstri á hæðina og þannig auðveldar það að sjá þetta fallega mynstur. Við prjónum nú 1 mynstureiningu á hæðina og fylgjum mynsturteikningu: Prjónið 2 kantlykkjur í garðaprjóni (slétt í hverri umferð), byrjið að framan neðst í horninu á mynsturteikningu A.1 (sem samanstendur af 2 lykkjum), haldið áfram að A.2 (sem samanstendur af 6 lykkjum) og endurtakið A.2 (3 sinnum á myndbandi) þar til 7 lykkjur eru eftir í umferð, nú er A.3 prjónað (sem samanstendur af 5 lykkjum) og að lokum 2 kantlykkjur í garðaprjóni. Við sýnum allar mynsturumferðir sem prjónaðar eru frá réttu samkvæmt mynstri og umferð á röngu eru sýndar hratt. (Munið eftir að prjóna 2 kantlykkjur í garðaprjóni í hvorri hlið). Þetta sett er prjónað úr DROPS Lima, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
11:22
Hvernig á að prjóna M.1 og stuttar umferðir í DROPS 131-47

Í þessu DROPS myndbandi sýnum við hvernig við prjónum kaðal í M.1 jafnframt því sem við prjónum stuttar umferðir í húfu í DROPS 131-47. Við prjónum minnstu stærðina (S) í myndbandinu og höfum nú þegar prjónað M.1 einu sinni á hæðina. Við byrjum myndbandi með því að prjóna 29 lykkjur áður en við snúum við í fyrstu umferðinni (stutt umferð). Þessi húfa er prjónuð úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:39
Hvernig á að prjóna A.1 í DROPS 166-13

Í þessu DROPS myndbandi sýnum við hvernig prjónað er eftir mynsturteikningu A.1 í settinu Ruth DROPS 166-13. Í myndbandinu höfum við nú þegar prjónað stroff (= 2 lykkjur brugðið /1 lykkju slétt) yfir allar lykkjur þar til stykkið mælist 4 cm. Við prjónum mynstur A.1 einu sinni á hæðina. Þetta sett er prjónað úr DROPS Lima, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:46
Hvernig á að prjóna A.1A og A.1B í DROPS 166-37

Í þessu DROPS myndbandi sýnum við hvernig við prjónum gatamynstur í húfunni Esmee í DROPS 166-37 samkvæmt mynsturteikningu A.1A og A.1B. Í myndbandinu höfum við nú þegar prjónað 2 umferðir garðaprjón og mynstur 1 sinni á hæðina. Við sýnum mynstur A.1A einu sinni á hæðina og mynstur A.1B einu sinni á hæðina. Þessi húfa er prjónuð úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
26:11
Hvernig á að prjóna A.1 í DROPS 166-34

Í þessu DROPS myndbandi sýnum við byrjum á húfu í DROPS 166-34. Við prjónum fyrstu 14 umferðir í mynsturteikningu A.1 og í umferð 10 sýnum við hvernig maður skiptir frá sokkaprjónum yfir á hringprjóna. Þessi húfa er prjónuð úr DROPS Delight og DROPS Kid-Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
25:26
Hvernig á að prjóna A.1, A.2 og A.3 í DROPS 165-39

Í þessu DROPS myndbandi sýnum við hvernig við prjónum mynsturteikningu A.1, A.2 og A.3 í húfunni Dancing Leaves DROPS 165-39. Við sýnum byrjun á húfunni og oftast er útskýrt í myndbandi hvaða umferð og mynstur er prjónað. Þessi húfa er prjónuð úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:44
Hvernig á að prjóna gatamynstur í DROPS 164-34

Í þessu DROPS myndbandi sýnum við hvernig við prjónum gatamynstur samkvæmt mynsturteikningu A.1 í DROPS 164-34. Í myndbandinu höfum við 2 lykkjur slétt í hvorri hlið. Við höfum nú þegar prjónað 4 umferðir garðaprjón og mynstur einu sinni á hæðina svo að mynstrið sjáist betur. Við prjónum mynstrið fram og til baka, en einnig er hægt að prjóna það í hring á hringprjóna. Þetta sett er prjónað úr DROPS Nepal, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
17:40
Hvernig á að prjóna A.1, A.2, A.3 og A.4 í húfu í DROPS 164-39

Í þessu DROPS myndbandi sýnum við hvernig við prjónum húfu í DROPS 164-39 eftir mynsturteikningu A.1, A.2, A.3 og A.4. Þessi húfa er prjónuð úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:39
Hvernig á að prjóna A.1 í DROPS 164-38

Í þessu DROPS myndbandi sýnum við hvernig við prjónum litla kaðla samkvæmt mynsturteikningu A.1 í DROPS 164-38. Í þessu myndbandi höfum við nú þegar prjónað mynstur A.1a og sýnum umferð 1-4 í mynsturteikningu A.1b. Þetta sett er prjónað úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
23:56
Hvernig á að prjóna blaðamynstur í DROPS 123-35

Í þessu myndbandi sýnum við hvernig þú prjónar blaðamynstur í basker húfu DROPS 123-35. Við prjónum 4 endurtekningar af mynsturteikningu í hring, með brugðnar lykkjur á milli til að blöðin sjáist betur og við spólum hratt í gegnum endurtekningarnar á mynstri. Þessi húfa er prjónuð með 1 þræði DROPS Alpaca saman með 1 þræði DROPS Kid-Silk, en í myndbandinu notum við grófara garn, 1 þráð Snow. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
15:13
Hvernig á að prjóna A.1B og A.2 í húfu í DROPS 171-18

Í þessu DROPS myndbandi sýnum við hvernig við prjónum eftir mynsturteikningu A.1B og A.2 í húfu DROPS 171-18. Í myndbandinu höfum við nú þegar prjónað mynstur A.1A. Við hraðspólum yfir léttari einingarnar. Þessi húfa er prjónuð úr DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:25
Hvernig á að prjóna áferðamynstur í hring

Í þessu DROPS myndbandi sýnum við hvernig við prjónum mynsturteikningu M.1 í húfu DROPS 135-31. Við endurtökum þetta áferðamynstur 10 sinnum í umferð og prjónum eina heila endurtekningu á hæðina. Við höfum nú þegar prjónað stroff og 1 mynsturteikningu á mynstri. Þessi húfa er prjónuð úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.