Home

Flokkar
Myndbönd: 238
8:33
Hvernig á að hekla pottalepp með pufflykkjum

Í þessu DROPS myndbandi sýnum við hvernig við heklum pottaleppinn «Tea Break» með pufflykkjum samkvæmt mynsturteikningu A.1, A.2 og A.3 í DROPS Extra 0-1483. Við erum með færri lykkjur en það sem gefið er upp í mynstri og sýnum umferð 2 og 3 í mynsturteikningu. Þessir pottaleppar eru heklaðir úr DROPS Paris, en í myndbandinu notum við grófara garn; DROPS Snow. Þú finnur mynstrið með því að smella á myndina að neðan.
4:15
Hvernig á að prjóna með þræði til að draga stykkið saman

Í þessu DROPS myndbandi sýnum við hvernig hægt er að prjóna stykki með þræði til að síðar sé hægt að nota til að draga stykkið saman/herða að. Stundum þarf að draga saman tá á sokk, á húfu eða einhverri annarri hönnun meðfram kantinum þegar stykkið er tilbúið fyrir frágang. Hægt er að sauma þráð í lokin en einfaldast og fallegasti er að láta þráðinn fylgja með meðfram kantinum þegar prjónað er. Setjið þráð í ystu lykkju og látið þennan þráð fylgja með út kantinn, passið að leggja þráðinn sem þú prjónar með í utan um auka þráðinn þegar stykkinu er snúið í kanti. Í lokin er hert að, hnýtt og endar festir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:10
Hvernig á að gera blómahengi (fléttað) í DROPS Extra 0-1142

Í þessu DROPS myndbandi sýnir hversu auðvelt er að gera fallegt blómahengi. Fyrst höfum við heklað botninn með tvöföldum þræði Paris, síðan höfum við mælt upp 6 lengdir með tvöföldum þræði ca 200 cm í hverjum lit. Þræðið hvern enda með 6 þræði í hvern af 6 loftlykkjubogum og brjótið lengdirnar saman tvöfaldar (= 12 þræðir). Fléttið síðan alla 6 lengdirnar (= 12 þræðir = 1 flétta x 6 fléttur í kringum botninn). Hnýtið síðan saman 2 og 2 fléttur, fylgið myndbandinu til frekari skýringar. Stærð/form á blómahengi sem á að nota ákveður hversu mikil fjarlægð þarf að vera á milli hnúta. Hnýtið saman alla þræðina í endann og látið annað hvort vera dúsk eða festið alla þræði 1 og 1 eftir hnútinn. Botn: Heklið 4 loftlykkjur með 2 þráðum Paris og tengið saman í hring með 1 keðjulykkju í fyrstu loftlykkju. UMFERÐ 1: Heklið 1 loftlykkju, 8 fastalykkju um hringinn. Endið á 1 keðjulykkju í fyrstu fastalykkju. UMFERÐ 2: 3 loftlykkjur (koma í stað 1 stuðuls), 2 stuðlar í fyrstu fastalykkju, 3 stuðlar í hverja fastalykkju umferðina hringinn, endið á 1 keðjulykkju í 3. loftlykkju frá byrjun umferð. UMFERÐ 3: Heklið * 2 loftlykkjur, hoppið yfir 2 stuðla, heklið 2 fastalykkju í hvern af næstu stuðlum *, endurtakið frá *-* 4 sinnum til viðbótar og endið á 2 loftlykkjum, hoppið yfir 2 stuðla, heklið 1 fastalykkju og endið á 1 keðjulykkju í næsta stuðul = 6 loftlykkjubogar, klippið frá og festið enda. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:01
Hvernig á að gera blómahengi í DROPS Extra 0-1141

Í þessu DROPS myndbandi sýnum við hvernig hægt er að gera einfalt en fallegt blómahengi. Við höfum notað 3 mismunandi liti í DROPS Cotton Light (lime nr 29, khaki nr 12 og brúnn nr 22). Gerið snúruna þannig: Klippið 1 þráð í hverjum lit 600 cm langa, leggið þá saman tvöfalda og tvinnið saman þar til þeir taka í, leggið snúruna tvöfalda þannig að hún tvinni sig aftur saman. Snúran verður ca 105 cm löng (í myndbandinu tvinnum við mun styttri snúru). Gerið eina snúru þar sem þræðirnir (einn af hverjum lit) er 1200 cm. Hnýtið hnút með allar 6 snúrurnar í öðrum endanum, þannig að það verði einn dúskur ca 12 cm. Hnýtið síðan saman snúruna 2 og 2, fylgið myndbandinu til frekari útskýringa. Stærðin/formið á blómakrukkunni sem á að nota ákveður bilið á milli hnúta sem þarf að vera frá hverjum öðrum. Ca 20 cm frá enda er langa snúran notuð til þess að snúa hringinn á hinum 5 snúrunum. Snúið hringinn þar til það er ca 2,5 cm eftir. Leggið snúrurnar sem eru saman snúnar tvöfalda, haldið áfram að snúa í kringum allar 11 með löngu snúrunni og festið síðan löngu snúruna við hinar snúrurnar (saumið inn enda 2 og 2 saman). Þetta blómahengi er gert úr DROPS Cotton Light, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:32
Hvernig á að hekla blóm með 3 lögum af blöðum og 6

Í þessu DROPS myndbandi sýnum við hvernig við heklum blóm með 3 blöðum og 6 blöðum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:13
Hvernig á að hekla einfalda litla rós

Í þessu DROPS myndbandi sýnum við hvernig við heklum einfalda fallega litla rós. Heklið 9 loftlykkjur. UMFERÐ 1: Snúið við og heklið 1 stuðul í 3. loftlykkju frá heklunálinni. Heklið 2 stuðla í hverja af næstu 5 loftlykkjum = 12 stuðlar. Snúið við. UMFERÐ 2: Heklið 3 loftlykkjur, heklið síðan 5 stuðla í bilið á milli 1. og 2. stuðuls frá fyrri umferð. * Hoppið yfir 2 stuðla og í næsta bil eru heklaðir 5 stuðlar *, endurtakið frá *-* út umferðina = 6 rósarblöð. Klippið frá. Snúið uppá og myndið rós og festið saman með nokkrum litlum sporum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
17:09
Hvernig á að hekla blóm með 3D áhrifum

Í þessu DROPS myndbandi sýnum við hvernig hægt er að hekla fallegt blóm með 3D áhrifum. Heklið 10 loftlykkjur og tengið í hring með 1 keðjulykkju. UMFERÐ 1: Heklið 1 loftlykkju, 23 fastalykkjur í kringum hringinn, 1 keðjulykkju í fyrstu fastalykkju. UMFERÐ 2: Heklið 4 loftlykkjur, * 9 loftlykkjur (= loftlykkjubogi), hoppið yfir 2 fastalykkjur og heklið einn tvíbrugðinn stuðul í 3 fastalykkju *, endurtakið frá *-* 6 sinnum til viðbótar. Heklið 9 loftlykkjur, endið á 1 keðjulykkju í 4. loftlykkju í byrjun umferðar = 8 loftlykkjubogar. Heklið nú fram og til baka í kringum hvern loftlykkjuboga og tvíbrugðinn stuðul. RÖÐ 1: Heklið 12 fastalykkjur í kringum fyrsta loftlykkjuboga, 6 fastalykkjur niður í kringum tvíbrugðinn stuðul og endið á 1 fastalykkju í tvíbrugðinn stuðul, snúið við. RÖÐ 2: Heklið 1 loftlykkju, hoppið yfir 1 fastalykkju, 1 fastalykkja í hverja af næstu 3 fastalykkjum, 1 hálfur stuðull í næstu fastalykkju, 2 stuðlar í næstu fastalykkju, 1 stuðull og 1 tvíbrugðinn stuðull í næstu fastalykkju. Heklið nú aftan í lykkjubogann eftirfarandi: * 2 tvíbrugðna stuðla í næstu fastalykkju, 1 tvíbrugðinn stuðul í næstu fastalykkju *, endurtakið frá *-* tvisvar sinnum til viðbótar. Heklið 2 tvíbrugðna stuðla í sömu fastalykkju, 1 tvíbrugðinn stuðul og 1 stuðul í næstu fastalykkju, 2 stuðla í næstu flastalykkju, 1 hálfan stuðul í næstu fastalykkju, 1 fastalykkju í næstu fastalykkju, 1 keðjulykkju í síðustu lykkju, snúið við. RÖÐ 3: Heklið 1 loftlykkju, hoppið yfir fyrstu lykkju og heklið fastalykkju í næstu 25 lykkjur. Brjótið saman stykkið til hægri og snúið upp og niður (blaðið að þér) og heklið 1 fastalykkju í 2 fastalykkjur sem eftir eru í umferð 2. Snúið við. RÖÐ 4: Heklið 1 loftlykkju, 1 keðjulykkju í fyrstu fastalykkju, * 1 loftlykkju, 1 keðjulykkju *, endurtakið frá *-* út röðina, snúið við. RÖÐ 5: Heklið keðjulykkju í alla fremstu lykkjubogana frá RÖÐ 2 (nú er eitt blað heklað til loka). Endurtakið röð 1-5 7 sinnum til viðbótar, en endið á síðasta blómablaðinu með einni keðjulykkju í fyrstu fastalykkju frá RÖÐ 1. Skreytið gjarna blómið með perlu í miðjunni.
12:21
Hvernig á að hekla blóm með 6 blómablöðum

Í þessu DROPS myndbandi sýnum við hvernig á að hekla blóm með 6 blómablöðum. Heklið 6 loftlykkjur og tengið saman í hring með 1 keðjulykkju. UMFERÐ 1: Heklið 1 loftlykkju, 12 fastalykkjur í hringinn og endið á 1 keðjulykkju í fyrstu fastalykkju. UMFERÐ 2: Heklið 4 loftlykkjur (koma í stað 1 tvíbrugðna stuðuls), 1 tvíbrugðinn stuðull í fyrstu fastalykkju, * 5 loftlykkjur, hoppið yfir 1 fastalykkju, heklið 1 tvíbrugðinn stuðul, en bíðið með að bregða þræðinum um heklunálina og að draga þráðinn í gegn í lokin, heklið 1 tvíbrugðinn stuðul í sömu lykkju, en nú er þráðurinn dreginn í gegnum allar 3 lykkjurnar á heklunálinni *. Endurtakið frá *-* 4 sinnum til viðbótar og endið á 5 loftlykkjum og 1 keðjulykkju í toppi á 1 tvíbrugðna stuðlahópnum = 6 tvíbrugðnir stuðlahópar. BLÓMABLAÐ: * Heklið 3 loftlykkjur, um 1. tvíbrugðna stuðlahóp frá fyrri umferð er heklað þannig: ** 9 stuðlar, en bíðið með að bregða þræðinum um heklunálina í lokin og að draga þráðinn í gegn = 10 lykkjur á heklunálinni, bregðið þræðinum um heklunálina og dragið þráðinn í gegnum síðustu lykkju, bregðið þræðinum um heklunálina og dragið þráðinn í gegnum næstu tvær lykkju, bregðið þræðinum um heklunálina og dragið þráðinn í gegnum tvær næstu lykkjur, haldið svona áfram þar til þú hefur 1 lykkju eftir á heklunálinni **. Heklið 3 loftlykkjur, 1 keðjulykkja í 3 loftlykkju frá heklunálinni. Heklið nú hringinn 2 tvíbrugðna stuðla í tvíbrugðna stuðlahópinn frá fyrri umferð alveg eins, heklið frá **-**. Heklið nú 1 keðjulykkju hringinn í 3 loftlykkju í byrjun umferð. 1 keðjulykkja í kringum toppinn á tvíbrugðna stuðlahópnum frá 2. umferð. Heklið 6 fastalykkjur í kringum loftlykkjuboga og endið á 1 keðjulykkju í topp á næsta tvíbrugðna stuðlahóp *. Endurtakið frá *-* 5 sinnum til viðbótar, en við síðasta blómið er endað á 1 keðjulykkju í 1. loftlykkju í umferð = 6 blómablöð. Grænu blómin eru hekluð úr DROPS Snow, en bleiku blómin eru hekluð úr DROPS Cotton Viscose.
10:49
Hvernig á að hekla sexhyrnt Afríkanskt blóm

Í þessu DROPS myndbandi sýnum við hvernig við heklum sexhyrnt Afríkanskt blóm. Heklið 5 loftlykkjur og tengið saman í hring með 1 keðjulykkju í fyrstu loftlykkju með LIT 1. UMFERÐ 1: Heklið 3 loftlykkjur (koma í stað 1 stuðuls), 1 stuðul í hringinn, * 1 loftlykkja, 2 stuðlar í hringinn *, endurtakið frá *-* 4 sinnum til viðbótar. Heklið 1 loftlykkju og endið á 1 keðjulykkju í 3 loftlykkjur frá byrjun umferðar. Klippið frá. UMFERÐ 2: Skiptið yfir í LIT 2 og heklið 1 keðjulykkju um loftlykkjuboga, 3 loftlykkjur (koma í stað 1 stuðuls), 1 stuðull, 1 loftlykkja, 2 stuðlar í sama loftlykkjuboga. Heklið nú í næsta loftlykkjuboga þannig: * 2 stuðlar, 1 loftlykkja, 2 stuðlar *, endurtakið frá *-* í næsta loftlykkjuboga umferðina hringinn. Endið á 1 keðjulykkja í 3 loftlykkjur frá byrjun umferðar. UMFERÐ 3: 1 keðjulykkja í loftlykkjuboga, 3 loftlykkjur (koma í stað 1 stuðuls), 6 stuðlar í sama loftlykkjuboga. Heklið * 7 stuðla í næsta loftlykkjuboga *, endurtakið frá *-* umferðina hringinn og endið á 1 keðjulykkju með LIT 3 í 3 loftlykkju frá byrjun umferðar. Klippið frá. UMFERÐ 4: Heklið 1 loftlykkju, 1 fastalykkja í hvern af næstu 6 stuðlum, 1 stuðull á milli stuðla frá UMFERÐ 2 (laus stuðull), * 1 fastalykkja í næstu 7 stuðla, 1 stuðull á milli stuðla frá UMFERÐ 2 *, endurtakið frá *-* umferðina hringinn og endið á 1 keðjulykkju í loftlykkju frá byrjun umferðar með LIT 4. UMFERÐ 5: Heklið 3 loftlykkjur (koma í stað 1 stuðul) 1 stuðull í hverja af næstu 4 fastalykkjum, 1 loftlykkja, 1 stuðull í sömu fastalykkju, 1 stuðull í hverja af næstu 4 fastalykkjum, * 4 stuðlar, 1 loftlykkja, 1 stuðull í sömu flastalykkju, 1 stuðull í hverja af næstu 4 fastalykkjum *, endurtakið frá *-* 4 sinnum til viðbótar. Heklið 1 stuðull í hvern af næstu 4 stuðlum, 1 loftlykkja, 1 stuðull í sömu fastalykkju, 3 stuðlar í hverja af næstu 3 fastalykkjum og endið á 1 keðjulykkju í 3. loftlykkju frá byrjun umferðar. Klippið frá. Blómið er heklað úr DROPS Snow.
17:07
Hvernig á að hekla blómið friðarlilja

Í þessu DROPS myndbandi sýnum við hvernig þú heklar friðarlilju. Við heklum úr DROPS Snow, en litla liljan er hekluð úr DROPS Safran, heklunál nr 3, litur nr 18, 11 og 31 og hún er ca 10 gr og mælist 27 cm. LITUR 1: Heklið 5 loftlykkjur og tengið í hring með 1 keðjulykkju í 1. loftlykkju. UMFERÐ 1: 1 loftlykkja, 8 fastalykkjur í hringinn, 1 keðjulykkja í 1. fastalykkju í umferð, UMFERÐ 2: 2 loftlykkjur, 2 hálfir stuðlar í hverja af 3 næstu fastalykkjum, 2 stuðlar í hvora af næstu 2 fastalykkjum, 2 hálfir stuðlar í hverja af næstu 3 fastalykkjum. Endið á 1 keðjulykkju í 1. hálfa stuðul í umferð. UMFERÐ 3: 2 loftlykkjur, * 1 hálfur stuðull í hvora af næstu 2 lykkjum, 2 hálfir stuðlar í næstu lykkju, 1 hálfur stuðull í hvora af næstu 2 lykkjum, 2 hálfir stuðlar í næstu lykkju, 2 stuðlar í hverja af 4 næstu lykkju, 1 hálfur stuðull í hvora af næstu 2 lykkjum, 2 hálfir stuðlar í næstu lykkju, 2 hálfir stuðlar í hvora af næstu 2 lykkjum, endið á 1 keðjulykkju í 1. hálfan stuðul í umferð. UMFERÐ 4: 2 loftlykkjur, * 1 hálfur stuðull í hvora af næstu 2 lykkjum, 2 hálfir stuðlar í næstu lykkju, * endurtakið frá *-* umferðina hringinn og endið á 1 keðjulykkju í 1. hálfan stuðul í umferð. UMFERÐ 5: 2 loftlykkjur, * 1 hálfur stuðull í hverja af næstu 3 lykkjum, 2 hálfir stuðlar í næstu lykkju, * endurtakið umferðina hringinn og endið á 1 keðjulykkju í 1. hálfa stuðul í umferð. UMFERÐ 6: 2 loftlykkjur, * 1 hálfur stuðull í hverja af næstu 4 lykkjum, 2 hálfir stuðlar í næstu lykkju, * endurtakið umferðina hringinn og endið á 1 keðjulykkju í 1. hálfa stuðul í umferð. UMFERÐ 7: 2 loftlykkjur, 1 hálfur stuðull í hverja af næstu 22 lykkjum, 1 stuðull í hvora af næstu 2 lykkjum, 2 tvíbrugðnir stuðlar í næstu lykkju, 3 loftlykkjur, 1 keðjulykkja í 1. loftlykkju, 2 tvíbrugðnir stuðlar í sömu lykkju, 1 stuðull í hvora af næstu 2 lykkjum, 1 hálfur stuðull í hverja af næstu 21 lykkjum og endið á 1 keðjulykkja í 1. hálfa stuðul í umferð. Klippið frá, en skiljið eftir nægilega langan enda fyrir frágang. LITUR 2: Heklið 12 lykkjur, * 1 fastalykkja aftan í 2. loftlykkjur frá heklunálinni, síðan er hekluð 1 fastalykkja aftan í hverja loftlykkju í loftlykkjuröð, í síðustu loftlykkju eru heklaðar 2 fastalykkjur, snúið við og heklið fastalykkju í hverja loftlykkju í fremri loftlykkjuboga út umferðina, endið á 2 fastalykkjum í síðustu loftlykkju *. Heklið 1 umferð með 1 fastalykkju í hverja fastalykkju og endið á 1 keðjulykkju í 1. fastalykkju í umferð, klippið frá *, en skiljið eftir nægilega langan enda til þess að sauma stykkið saman. Brjótið stykkið saman tvöfalt og saumið niður *. Klippið frá og festið enda. LITUR 3: Heklið 45 loftlykkjur. Heklið frá *-* . (Leggið e.t.v. vír innan í stykkið). Klippið frá og festið enda. Saumið stilkinn við blómið.
6:51
Hvernig á að hekla sumarlegt armband með blómi

Í þessu DROPS myndbandi sýnum við hvernig hægt er að gera mjög einfalt en falleg armband með blómi. Við sýnum hvernig armbandið er heklað með DROPS Snow, en höfum notað DROPS Belle, heklunál nr 3,5 og tölur 15 mm stærð á öðru armbandinu á myndbandinu. ARMBAND: Heklið 14 loftlykkjur, 29 lausar loftlykkjur, snúið við, 1 keðjulykkja í 2. loftlykkju frá heklunálinni, 1 fastalykkja í hverja af næstu 26 fastalykkjum, 1 keðjulykkja í næstu lykkju, snúið við, hoppið yfir 1 lykkju og heklið 1 keðjulykkju. Heklið 1 fastalykkju í hverja af næstu fastalykkjum út umferðina, en endið á 1 keðjulykkju í síðustu lykkju. Heklið 14 loftlykkjur. Klippið frá og festið þráðinn (gerið e.t.v. hnút). BLÓM: Heklið 3 loftlykkjur og tengið saman í hring með 1 keðjulykkju í fyrstu loftlykkju. UMFERÐ 1: 1 loftlykkju, heklið 6 fastalykkjur um hringinn og endið á 1 keðjulykkju í fyrstu loftlykkju frá byrjun umferð. UMFERÐ 2: 1 loftlykkja, í hverja fastalykkju út umferðina er heklað: 1 fastalykkja, 3 loftlykkjur, í 3. loftlykkju frá heklunálinni eru heklað 1 hálfur stuðull og 1 stuðull. Endið á 1 keðjulykkju í fyrstu fastalykkju frá byrjun umferðar = 6 blöð. Klippið frá og festið þráðinn. Saumið eina tölu í blómið og saumið blómið niður á bandið. Armbandið mælist 29 cm (án 14 cm bands til þess að hnýta saman með) og er ca 2 gr að þyngd (án tölu).
16:13
Hvernig á að hekla stórt blóm á tátilju

Í þessu DROPS myndbandi höfum við notað uppskrift af blómi sem við höfum puntað upp sumar tátiljurnar okkar með. Við höfum saumað niður eina perlu og búið til snúru (15 loftlykkjur) sem við festum blómið með við tátiljurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:59
Hvernig á að hekla blóm með pufflykkjum

Í þessu DROPS myndbandi sýnum við hvernig við heklum blóm með ananaslykkjum / pufflykkjum. Þetta litla blóm er einfalt og auðvelt að gera og er tilvalið til skreytinga! Heklið þannig: Heklið 4 loftlykkjur og tengið saman í hring með 1 keðjulykkju í fyrstu loftlykkju. UMFERÐ 1: Heklið 3 loftlykkjur og eftir það 11 stuðla um loftlykkjuhringinn (= 12 stuðlar). Endið á 1 keðlulykkju í þriðju loftlykkju. UMFERÐ 2: ** 2 loftlykkjur, * bregðið þræðinum um heklunálina, stingið heklunálinni í gegnum keðlulykkju undir 2 loftlykkjur, dragið þráðinn í gegn *, endurtakið 2 sinnum til viðbótar = 7 loftlykkjur á heklunálinni (lykkjurnar á heklunálinni eiga að vera lausar, ca sama hæð og 2 loftlykkjur). Bregðið þræðinum um heklunálina og stingið heklunálinni í gegnum næstu lykkju, sækið þráðinn og dragið þráðinn í gegn, endurtakið 2 sinnum til viðbótar = alls 13 lykkjur á heklunálinni. Bregðið þræðinum í síðasta skipti um heklunálina og dragið í gegnum allar lykkjur á heklunálinni. 2 loftlykkjur og 1 keðjulykkja í næstu lykkju. ** Endurtakið frá **-** 5 sinnum til viðbótar = 6 pufflykkjur/blöð á blómi. Klippið frá og festið enda. Þetta blóm er heklað úr DROPS Snow.
13:11
Hvernig á að hekla fallegt blóm

Í þessu DROPS myndbandi sýnum við hvernig við heklum fallegt blóm sem er í nokkrum af mynstrum okkar. Við sýnum byrjun og endi á hverri umferð. Heklið 4 loftlykkjur og tengið í hring með 1 keðjulykkju í fyrstu loftlykkju. UMFERÐ 1: Heklið 1 loftlykkju, 8 fastalykkjur um hringinn, endið á 1 keðjulykkju í fyrstu fastalykkju. UMFERÐ 2: Heklið 6 loftlykkjur (= 1 stuðull + 3 loftlykkjur), * 1 stuðull í næstu fastalykkju, 3 loftlykkjur *, endurtakið frá *-* alls 7 sinnum og endið á 1 keðjulykkju í 3. loftlykkju í byrjun umferð = 8 loftlykkjubogar. UMFERÐ 3: Heklið 1 loftlykkju, heklið nú um hvern loftlykkjuboga þannig: Heklið 1 fastalykkju, 1 hálfan stuðul, 3 stuðlar, 1 hálfur stuðull og 1 fl, endið umferð á 1 keðjulykkju í byrjun á umferð = 8 blöð. UMFERÐ 4: Heklið 7 loftlykkjur, * 1 fastalykkja á milli 2 næstu blaða, 6 loftlykkjur *, endurtakið frá *-* alls 7 sinnum, endið umferð með 1 keðjulykkju í 1. loftlykkju frá byrjun á umferð = 8 loftlykkjubogar. UMFERÐ 5: 1 loftlykkja, heklið áfram þannig um hvern loftlykkjuboga: 1 fastalykkja, 1 hálfur stuðull, 5 stuðlar, 1 hálfur stuðull og 1 fastalykkja, endið umferð með 1 keðjulykkju í loftlykkju frá byrjun á umferð = 8 blöð. UMFERÐ 6: Heklið 10 loftlykkjur, * 1 fastalykkja á milli 2 næstu blaða, 9 loftlykkjur *, endurtakið frá *-* alls 7 sinnum, endið umferð með 1 keðjulykkju í 1. loftlykkju frá byrjun umferðar = 8 loftlykkjubogar. UMFERÐ 7: 1 loftlykkja, heklið áfram þannig um hvern loftlykkjuboga: 1 fastalykkja, 1 hálfur stuðull, 1 stuðull, 5 tvíbrugðnir stuðlar, 1 stuðull, 1 hálfur stuðull og 1 fastalykkja, endið umferð með 1 keðjulykkju í loftlykkju frá byrjun á umferð = 8 blöð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:54
Hvernig á að hekla rós í DROPS 147-55

Í þessu DROPS myndbandi sýnum við hvernig við heklum rósina í DROPS 147-58. Þessi rós er hekluð úr DROPS Muskat, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:47
Hvernig á að prjóna blómið Blágresi (Geranium) í DROPS 147-57

Í þessu DROPS myndbandi sýnum við hvernig við heklum blómið Blágresi (Geranium) í DROPS 147-57. Þetta blóm er heklað úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:00
Hvernig á að hekla blómið Kóraltopp (Kalanchoe) í DROPS 147-56

Í þessu DROPS myndbandi sýnum við hvernig við heklum blómið Kóraltoppur (Kalanchoe) í DROPS 147-56. Þetta blóm er heklað úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
8:46
Hvernig á að hekla rós í DROPS 147-55

Í þessu DROPS myndbandi sýnum við hvernig við heklum rós í DROPS 147-55. Þetta blóm er heklað úr DROPS Nepal, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
3:26
Hvernig á að hekla blómið Baldursbrá (Margeritt) í DROPS 147-54

Í þessu DROPS myndbandi sýnum við hvernig við heklum Baldursbrá (Margeritt) í DROPS 147-54. Þetta blóm er heklað úr DROPS Paris, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:38
Hvernig á að hekla sumarblóm

Í þessu DROPS myndbandi sýnum við hvernig við heklum sumarblóm í DROPS 147-53. Þetta sumarblóm er heklað úr DROPS Paris, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:11
Hvernig á að hekla blómið Baldursbrá (Margeritt) með stórum blöðum í DROPS 147-52

Í þessu DROPS myndbandi sýnum við hvernig við heklum blómið Baldursbrá (Margeritt). Blómið er heklað úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
9:44
Hvernig á að hekla blómið Glitkarfa (Gerbera) í DROPS 147-51

Í þessu DROPS myndbandi sýnum við hvernig við heklum blómið Glitkörfu (Gerbera) í DROPS 147-51. Þetta blóm er heklað úr DROPS Paris, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
8:55
Hvernig á að hekla blómið Ígulrós með blöðum

Í þessu DROPS myndbandi sýnum við hvernig við heklum blómið Ígulrós með blöðum í DROPS 147-50, en þetta blóm er einnig í öðrum mynstrum (með og án blaða). Þetta blóm er heklað úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:48
Hvernig á að hekla blómið Klæðisblóm (Tagetes) í DROPS 147-49

Í þessu DROPS myndbandi er sýnt hvernig hekla á Klæðisblóm (Tagetes) í DROPS 147-49. Þetta blóm er heklað úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.