Frágangur myndbönd

Lærðu hvernig á að setja saman verkefnið þitt með kennslumyndböndunum okkar! Þú getur saumað verkefnið saman, prjónað saman eða heklað saman og við erum með skref-fyrir-skref myndbönd til að leiðbeina þér um hinar ýmsu aðferðir.

Flokkar
Myndbönd: 70
8:14
Hvernig á að hekla ferninga saman með loftlykkjum og fastalykkjum

Í þessu DROPS myndbandi sýnum við hvernig við heklum saman ferninga með loftlykkjum og fastalykkjum. Leggið 2 ferninga saman með röngu að röngu og heklið í gegnum bæði lögin þannig: 1 fastalykkja utan um loftlykkjur í horni, * 4 loftlykkjur, hoppið yfir 3 stuðla (= stuðlahópur) og heklið 1 fastalykkju á milli 2 stuðlahópa, * heklið frá *-* fram til og með horninu, heklið 1 loftlykkju (skipting í næstu 2 ferninga), heklið 1 fastalykkju utan um hornið á næstu 2 ferningum. Heklið frá *-* þar til allir ferningarnir í umferðinni hafa verið heklaðir saman. Klippið þráðinn og heklið síðan ferningana saman þvert yfir á sama hátt. Við notum garnið DROPS Paris í myndbandinu. Þessi aðferð er notuð í mörgum af mynstrunum okkar – þú finnur mynstur þar sem þessi aðferð er notuð með því að smella á myndirnar að neðan.
4:01
Hvernig á að hekla ferninga saman

Í þessu DROPS myndbandi sýnum við hvernig hægt er að hekla ferninga saman. Heklið ferningana saman eða stykkin saman yst í kanti. Heklið 1 fastalykkju í horni á 1. ferningi, 2 loftlykkjur, 1 fastalykkju í horni á 2. ferningi, * 4 loftlykkjur, 1 fastalykkja á ská til baka að 1. ferningi, 2 loftlykkjur beint að 2. ferningi, 1 fastalykkja í 2. ferning *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:41
Hvernig á að hekla ömmuferninga saman

Í þessu DROPS myndbandi sýnum við hvernig við heklum ömmuferninga saman. Heklið 1 fastalykkju í loftlykkjuboga í horninu á öðrum ferningnum, 2 loftlykkjur, 1 fastalykkja í loftlykkjuboga í horninu á hinum ferningnum, * 2 loftlykkjur, 1 fastalykkja í næsta loftlykkjubogaboga á fyrri ferningnum, 2 loftlykkjur, 1 fastalykkja í næsta loftlykkjuboga á seinni ferningnum*, endurtakið frá *-*. Ferningarnir eru fyrst heklaðir saman á lengdina síðan á breiddina. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:46
Hvernig á að hekla ferninga saman með keðjulykkjum

Í þessu DROPS myndbandi sýnum við hvernig hægt er að hekla ferninga saman með keðjulykkjum. Heklið ferningana saman með því að hekla í ystu lykkjubogana í hverjum ferningi. Passið uppá að keðjulykkjurnar verði ekki stífar. Við notum garnið DROPS Paris í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
18:20
Hvernig á að hekla saman ferninga í DROPS 117-35

Í þessu DROPS myndbandi sýnum við hvernig við heklum saman ferninga í sjalinu Sea of Stars í DROPS 117-35. Við höfum nú þegar heklað eina röð með 4 ferningum og byrjum myndbandið á að gera nýjan ferning sem á að hekla saman við hina 4 ferningana (= ein röð með 5 ferningum). Í ca miðju myndbandi sýnum við hvernig við heklum saman 2 ferninga með röð með 5 ferningum (við höfum nú þegar heklað UMFERÐ 1 á ferningnum). Þetta sjal er heklað úr DROPS Classic Alpaca og DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:57
Hvernig á að hekla ferninga saman í DROPS 163-3

Í þessu DROPS myndbandi sýnum við hvernig við heklum saman ferninga í teppinu Winter Garden í DROPS 163-3. Teppið er heklað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
3:11
Hvernig á hekla 2 ferninga saman eftir mynsturteikningu

Í þessu DROPS myndbandi sýnum við hvernig við heklum 2 ferninga saman eftir mynsturteikningu, eins og gert er með ferninga í töskunni í DROPS 175-17. Þessir ferningar eru einnig í teppi í DROPS 175-16. Taskan er hekluð úr DROPS Paris, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
1:57
Hvernig á að hekla stykki saman

Í þessu DROPS myndbandi sýnum við hvernig við heklum stykki saman t.d. á hæl á tátilju eða efst á húfu þá skrifum við stundum að leggja eigi stykkið saman tvöfalt og hekla stykkin saman í gegnum bæði lögin. Í myndbandinu útskýrum við hvernig þetta er gert. Þessið aðferð er líka góð þegar hekla þarf saman axlarstykki. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:31
Hvernig á að hekla ferninga saman í DROPS 153-41

Í þessu DROPS myndbandi sýnum við hvernig við heklum ferninga saman í teppinu Do As Your Dream í DROPS 153-41. Teppið er heklað úr DROPS Lima, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:15
Hvernig á að sauma saman op undir ermi með laskalínu (lykkjuspor)

Í þessu DROPS myndbandi sýnum við tvær ólíkar aðferðir við að sauma saman op undir ermum á jakkapeysu/peysu með laskalínu. Fyrst sýnum við hvernig við saumum saman með lykkjuspori, svo að við fáum ósýnilegan saum. Lykkjurnar verða að vera í sömu stærð og prjónuðu lykkjurnar. Munið að herða ekki á þræðinum. Ef prjónað er með grófu garni þá sleppur maður við þykkan saum í bakhliðinni. Síðan sýnum við hvernig við saumum saman með því að sauma sauminn í innsta lykkjubogann. Þá fær maður þykkari saum en sem kemur ekki til með að sjást þar sem saumurinn er undir ermi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
13:07
Hvernig á að hekla saman ferninga í teppi í DROPS Baby 4-21

Í þessu DROPS myndbandi sýnum við hvernig við heklum saman fjóra ferninga og hvernig þeir eru heklaðir saman í röð með stuðlum og loftlykkjum í kringum teppið í DROPS Baby 4-21. Þetta teppi er heklað úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
2:45
Hvernig á að hekla 2 stykki saman

Í þessu DROPS myndbandi sýnum við hvernig við heklum 2 stykki saman. Þessi aðferð er m.a. notuð við axlasaum í stað þess að lykkja saman. Við notum garnið DROPS Snow í myndbandinu.
3:31
Hvernig á að hekla saman hárband

Í þessu DROPS myndbandi sýnum við hvernig við heklum saman uppfitjunarkant og affellingarkant með umferð með fastalykkjum sem er gert í hárbandinu DROPS 209-13 og 209-14. Við notum garnið DROPS Merino Extra Fine í myndbandinu, sama garn og er notað í DROPS 209-14. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:46
Hvernig á að hekla blúndukant við stykki með gatamynstri

Í þessu DROPS myndbandi sýnum við hvernig við heklum niður blúndukant á stykki. Heklið frá röngu, festið þráðinn með fastalykkju um úrtöku í gatamynstri, færið heklunálina í gegnum stykkið (frá röngu að réttu – þráðurinn stoppar frá röngu), færið heklunálina áfram á milli 2 ystu stuðlana á blúndukanti og til baka að röngu á stykki, bregðið þræðinum um heklunálina og dragið þráðinn í gegnum lykkjurnar á heklunálinni þannig að blúndukanturinn verði fastur við stykki *, heklið 8 loftlykkjur (frá röngu á stykki), hoppið að næstu úrtöku á stykki, færið heklunálina í gegnum stykkið frá röngu að réttu (þráðurinn stoppar frá röngu), færið heklunálina á milli 6. og 7. stuðul á eftir síðasta skipti sem blúndukanturinn var festur á stykkið og til baka að röngu, bregðið þræðinum um heklunálina og dragið þráðinn í gegnum lykkjurnar á heklunálinni þannig að blúndukanturinn verði fastur við stykkið *, endurtakið frá *-*. Það er mikilvægt að saumurinn verði ekki stífur, þá kemur stykkið til með að missa teygjanlekann. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir og e.t.v. mynsturteikningu. Þú finnur mynstur þar sem þessi aðferð er notuð með því að smella á myndirnar að neðan.
3:57
Hvernig er frágangur með ósýnilegu spori

Í þessu DROPS myndbandi sýnum við frágang með ósýnilegum hliðarsaumi á prjónuðu stykki. Saumið innan við kantlykkju í hvorri hlið. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:42
Hvernig er frágangur með ósýnilegu lykkjuspori

Í þessu DROPS myndbandi sýnum við hvernig við saumum með ósýnilegu lykkjuspori á prjónuðu stykki. Þetta er hentug aðferð t.d. þegar sauma á axlir saman. Saumið frá réttu á báðum stykkjum. Saumuðu lykkjurnar verða að vera með sama grófleika / í sömu stærð og prjónuðu lykkjurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:08
Hvernig á að sauma jaðarsaum

Í þessu DROPS myndbandi sýnum við hvernig hægt er að gera frágang á stykki með jaðarsaumi. Þetta er algeng aðferð við að sauma saman stykki t.d. hliðarsauma. Í myndbandinu notum við ólíkan lit til þess að sjá hvernig við saumum. Ef endinn er nógu langur frá uppfitjunarkantinum þá er hann notaður til þess að sauma saman stykkið. Sporið er saumað í bilið á milli kantlykkja og næstu lykkju. Leggið stykkið með kantana að hvoru öðru með réttuna fram. Dragið aðeins í kantlykkjuna þannig að auðveldara er að sjá bilið á milli kantlykkju og næstu lykkju. Stingið nálinni undir þráðinn. Dragið nálina í gegn undir þráðinn og stingið síðan nálinni undir þráðinn í hinni hliðinni. Saumið fram og til baka á milli þessa. Með jöfnu millibili er hægt að draga þráðinn að þér og stykkin dragast saman með ósýnilegum saumi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:57
Hvernig er frágangurinn með ósýnilegum saumi / lykkjuspori frá röngu

Í þessu DROPS myndbandi sýnum við hvernig hægt er að sauma ósýnilegan saum í affellingarkanti frá röngu, (hægt er að nota sömu aðferð þegar uppfitjunarkantur og affellingarkantur eru saumir saman). Leggið röngu að röngu, byrjið með að festa stykkin með því að sauma í hornalykkjurnar nokkrum sinnum. Stingið nálinni í ystu lykkju á fyrra stykkinu (niður og upp), eftir það er ysta lykkjan saumuð á seinna stykkinu (niður og upp), haldið síðan áfram að sauma í annað hvort stykkið, niður og upp. Við notum garnið DROPS Snow í myndbandinu.
6:06
Hvernig á að sauma ósýnilegt lykkjuspor, bæði frá réttu og frá röngu

Í þessu DROPS myndbandi sýnum við hvernig við saumum ósýnilegt lykkjuspor, bæði frá og frá röngu. Við notum garnið DROPS Snow í myndbandinu. Fylgja þarf uppskrift og mynsturteikningu þar sem þessi aðferð er notuð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:40
Hvernig á að gera frágang með ósýnilegum saum (prjónað)

Í þessu DROPS myndbandi sýnum við hvernig hægt er að prjóna tvö stykki saman með ósýnilegum saumi. Þessi aðferð hentar vel í toppi á tá á sokk, á öxlum o.fl. Hafið lykkjurnar á prjóninum með réttunna fram. Þráðurinn er festur í aftari hluta á stykkinu. Gerið eftirfarandi 4 þrep og endurtakið þau: 1. Stingið prjóninum frá röngu inn í 1. lykkju á fremri prjóni, dragið þráðinn í gegn, steypið lykkjunni af. 2. Stingið prjóninum frá réttu inn í næstu lykkju á fremri prjóni, dragið þráðinn í gegn (látið lykkju vera eftir á prjóni). 3. Stingið prjóninum frá réttu inn í næstu lykkju á aftari prjóni, dragið þráðinn í gegn, steypið lykkju af. 4. Stingið prjóninum frá röngu inn í næstu lykkju á aftari prjóni, dragið þráðinn í gegn, (látið lykkju vera eftir á prjóni). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:13
Hvernig er frágangur með lykkjuspori

Í þessu DROPS myndbandi sýnum við hvernig við lykkjum saman tvö stykki með lykkjuspori. Þessi aðferð hentar vel við frágang á sokkum, öxlum o.fl. Hafið lykkjurnar á tveimur prjónum með réttunna fram. Bandið situr fast í aftari hluta. Byrjið þannig: Stingið nál með þræði í gegnum lykkjur á fremri prjóni eins og prjóna eigi brugðið, stingið síðan nálinni í gegnum fyrstu lykkju á aftari prjóni eins og prjóna eigi slétt. Herðið á þræði – nú ertu klár til að byrja. Fylgið næstu 4 þrepum og endurtakið þau: 1. Stingið nálinni í gegnum lykkju á fremri prjóni eins og prjóna eigi slétt, steypið lykkjunni af. 2. Stingið nálinni í gegnum næstu lykkju á fremri prjóni eins og prjóna eigi brugðið. Dragið þráðinn alveg í gegn (látið lykkju vera eftir á prjóni). 3. Stingið nálinni í gegnum lykkju á aftari prjóni eins og prjóna eigi brugðið, steypið lykkjunni af. 4. Stingið nálinni í gegnum næstu lykkju á aftari prjóni eins og prjóna eigi brugðið. Dragið þráðinn alveg í gegn (látið lykkjuna vera eftir á prjóni). Hugsið " slétt, ranga – ranga, slétt " og byrjið alltaf á fremri prjóni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:43
Hvernig á að sauma saman stykki í garðaprjóni

Í þessu DROPS myndbandi sýnum við hvernig við saumum saman stykki í garðaprjóni til að fá saum sem sést ekki. Saumið eitt spor í gegnum hvern "hnút" og síðan eitt spor í hvert bil. Saumið fram og til baka frá réttu á stykkinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:41
Hvernig á að sauma saman affellingarkant sem er prjónaður í garðaprjóni

Í þessu DROPS myndbandi sýnum við 2 aðferðir við að sauma saman stykki sem er prjónað í garðaprjóni. Brjótið stykkið að réttu á móti réttu og saumið affellingarkantinn í ysta lykkjubogann þannig að saumurinn verði ekki þykkur. 1. Stingdu nálinni inn að þér í ysta liðinn á fyrstu lykkjunni næst þér, stingdu síðan nálinni inn frá þér í ysta liðinni á næstu lykkju næst þér og í ysta liðinn á næsta spori lengst frá þér. Stingdu síðan nálinni að þér í ysta liðinn á næstu lykkju lengst frá þér og í ysta liðinn á næstu lykkju næst þér og endurtaktu þetta. Við sýnum einnig hvernig þessi aðferð lítur út með öðrum lit. 2. Stingdu nálinni inn að þér í ysta liðinn á fyrstu lykkju næst þér, færðu síðan nálina inn að þér í ysta liðinn á næstu lykkju lengst frá þér og í ysta liðinn á næstu lykkju næst þér og endurtaktu þetta. Við sýnum einnig hvernig þessi aðferð lítur út með öðrum lit. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:05
Hvernig á að sauma saman 2 stykki með I-cord affellingu

I-cord = hólkur. Í þessu DROPS myndbandi sýnum við hvernig við saumum saman tvö stykki með I-cord affellingu innan við ystu lykkjur í hvoru stykki. Við notum garnið DROPS Snow í myndbandinu. Aðferðina er hægt að nota í fleiri mynstrum – Þú finnur mynstur þar sem þessi aðferð er notuð með því að smella á myndirnar að neðan.