DROPS Children 49 · Fullt af nýrri hönnun fyrir börn!

Sjöl & hálsklútar

Flokkar
Myndbönd: 60
20:09
Hvernig á að prjóna hettuhálsklút í DROPS 253-61

Í þessu DROPS myndbandinu höfum við nú þegar prjónað hettuna (stærð L/XL) og höfum sett lykkjurnar á 2 lykkjuhaldara / þráð. Við sýnum fyrst hvernig við prjónum upp lykkjur í kringum hettuna og prjónum i-cord affellingu þar til 2 lykkjur eru eftir á prjóni. Þessar 2 lykkjur eru settar á annan lykkjuhaldara / þráð, en það eru prjónaðar upp 2 lykkjur í hinni hliðinni sem eru settar á hinn lykkjuhaldarann / þráð. Lesið I-CORD AFFELLING í uppskriftinni. Það eru eftir 2 lykkjur á prjóni þegar kanturinn hefur verið prjónaður til loka, klippið þráðinn og setjið 2 lykkjur á lykkjuhaldara / þráð. Takið upp 2 nýjar lykkjur í hinni hliðinni á hettunni og setjið þær á lykkjuhaldara / þráð. Setjið lykkjurnar frá hinum lykkjuhaldaranum / þræðinum yfir á prjóninn. Síðan sýnum við hvernig við fitjum upp lykkjur fyrir hægri hluta á hálsklútnum, prjónum 1 umferð áður en hálsklúturinn er prjónaður saman með hettunni með byrjun fyrir miðju að aftan. Jafnframt eru prjónaðar i-cord kantlykkjur og stroffprjón í perluprjóni. Lesið nánari útskýringu í uppskrift í útskýringu á I-CORD AFFELLING, 2 I-CORD KANTLYKKJUR, stroffprjón í perluprjóni og hvernig prjóna á hálsklútinn saman við hettuna. Þegar allar lykkjur hafa verið prjónaðar upp frá hettunni (50 prjónaðar umferðir), þá eru eftir 2 lykkjur á lykkjuhaldara / þræði (í myndbandinu eru þær settar á prjóninn), prjónið þessar 2 lykkjur slétt (í stærð S/M eru 3 lykkjur settar aftur á þráðinn, prjónið 1 lykkju slétt og 2 síðustu lykkjurnar slétt saman). Eftir þetta er prjónuð 1 umferð frá röngu þar sem prjónaðar eru 2 i-cord kantlykkjur, 2 lykkjur brugðið saman, eftir það stroffprjón í perluprjóni þar til 3 lykkjur eru eftir, þá er prjónuð 1 lykkja brugðið og endað með 2 i-cord kantlykkjur. Fylgið útskýringu í uppskrift hvernig fella á af þeim lykkjum sem eftir eru í hægri hluta á hálsklút. Við sýnum 1. umferð (frá réttu) af 8 fyrstu umferðum, þá sýnum við 1. umferð með úrtöku (frá réttu). Prjónið síðan vinstri hluta á hálsklút. Eftir það er uppfitjunarkanturinn á hægri hluta og vinstri hluta á hálsklútnum saumaður saman fyrir miðju að aftan með lykkjuspori. Við notum garnið DROPS Daisy og DROPS Kid-Silk í myndbandinu, sama liti og prjónastærð eins og stendur í uppskrift.
15:46
Hvernig á að prjóna byrjun á (öldumynstri ) sikk-sakk sjali eftir mynsturteikningu

Í þessu DROPS myndbandi sýnum við hvernig við prjónum 11 fyrstu umferðirnar í vinsæla sikk-sakk sjalinu okkar samkvæmt mynsturteikningu. Fitjið upp 17 lykkjur og prjónið 1 umferð brugðið frá röngu, haldið síðan áfram eins og útskýrt er í myndbandi, endurtakið mynstrið 8 sinnum yfir lykkjur á prjóninum og endið umferð með 1 lykkju í sléttprjóni. Í hverri umferð frá röngu eru allar lykkjur og uppslátturinn prjónað brugðið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:49
Hvernig á að prjóna sjal frá miðju og út

Í þessu DROPS myndbandi sýnum við hvernig er hægt að fá fallega byrjun á sjali sem er prjónað frá miðju og út. Þessi aðferð er oft notuð í mynstrunum okkar. Í uppskrift segir t.d. prjónið 6 umferðir slétt yfir 3 lykkjur og í lok 6. umferðar er ekki snúið við, heldur er stykkinu snúið 90 gráður réttsælis, prjónið upp 3 lykkjur meðfram kanti (þ.e.a.s. prjónið 1 lykkju síðast í hverri sléttri umferð), snúið stykkinu einu sinni til viðbótar, 90 gráður réttsælis og prjónið upp 3 lykkjur meðfram uppfitjunarkanti (þ.e.a.s. 1 lykkju í hverja lykkju) = 9 lykkjur á prjóni. Haldið áfram með mynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:33
Hvernig á að prjóna 1.-8. umferð í sjali í DROPS 204-3

Í þessu DROPS myndbandi sýnum við hvernig við prjónum 8 fyrstu umferðir í Burning Leaves sjalinu í DROPS 204-3 sem er prjónað í klukkuprjóni. Við höfum nú þegar fitjað upp 7 lykkjur og prjónið 1 umferð brugðið og byrjum myndbandið með 1. umferð frá röngu. Við sýnum einnig hvernig við fellum af, þar sem við fellum uppsláttinn af eins og eigin lykkja. Þetta er gert til að affellingarkanturinn verði ekki stífur. Útskýringu fyrir hverja umferð sérð þú undir mynstri / smelltu á myndina að neðan. Þetta sjal er prjónað úr DROPS Kid-Silk, en í myndbandinu notum við grófara garn; DROPS Snow.
20:12
Hvernig á að byrja á sjali í DROPS 203-13

Í þessu DROPS myndbandi sýnum við hvernig við byrjum á sjalinu Owl Feathers í DROPS 203-13. Við höfum nú þegar fitjað upp 6 lykkjur og sýnum hvernig við prjónum 3 fyrstu umferðirnar áður en við byrjum á mynsturteikningu A.1A, A.2, A.3 og A.4A. Við sýnum 11 umferðir í mynsturteikningu. Þetta sjal er prjónað úr DROPS Alpaca og DROPS Delight, en í myndbandinu notum við grófara garn; DROPS Nepal. Fylgja þarf uppskrift til þess að geta fylgt myndbandinu eftir, það er mjög mikilvægt að lesa kaflann um 2-LITA MYNSTUR Í KLUKKUPRJÓNI OG KANTLYKKJA Í GARÐAPRJÓNI. Þú getur séð þetta mynstur með því að smella á myndina að neðan.
3:00
Hvernig á að prjóna umferð 13 í sjali í DROPS 203-13

Í þessu DROPS myndbandi sýnum við hvernig við prjónum 13. umferð í mynsturteikningu A.1A, A.2, A.3 og A.4A. Það sem er sérstakt með þessa umferð er hvernig hringurinn í fernings tákni er prjónað. Prjónið þannig: Prjónið 3 lykkjur í slétta lykkju og uppsláttinn þannig: Prjónið uppsláttinn og sléttu lykkjuna slétt saman, en bíðið með að steypa lykkjunni af prjóni, sláið 1 sinni uppá hægri prjón og prjónið lykkjuna og uppsláttinn slétt saman = 3 lykkjur (þ.e.a.s. 2 lykkjur fleiri). Þetta sjal er prjónað úr DROPS Alpaca og DROPS Delight, en í myndbandinu notum við grófara garn; DROPS Nepal. Fylgja þarf uppskrift til þess að geta fylgt myndbandinu eftir, það er mjög mikilvægt að lesa kaflann um 2-LITA MYNSTUR Í KLUKKUPRJÓNI OG KANTLYKKJA Í GARÐAPRJÓNI. Þú finnur mynstrið með því að smella á myndina að neðan.
8:51
Hvernig á að prjóna 21.-22. umferð í sjali í DROPS 203-13

Í þessu DROPS myndbandi sýnum við hvernig við prjónum 21.-22. umferð í mynsturteikningu A.1A, A.2, A.3 og A.4A. Það sem er sérstakt með þessa umferð er hvernig aukið er út um 4 lykkjur í 1 lykkju og hvernig prjóna á 8 lykkjur saman. Hvernig á að prjóna 5 lykkjur í 1 lykkju = Prjónið 5 lykkjur í slétta lykkju og uppsláttinn þannig: Prjónið uppsláttinn og sléttu lykkjuna slétt saman, en bíðið með að steypa lykkjunni af prjóni, * sláið 1 sinni uppá hægri prjón og prjónið lykkjuna og uppsláttinn slétt saman án þess að steypa lykkjunni af prjóni *, prjónið frá *-* alls 2 sinnum = 5 lykkjur (þ.e.a.s. 4 lykkjur fleiri). Hvernig á að prjóna 8 lykkjur saman = prjónið 5 lykkjur og 3 uppslætti (= alls 8 lykkjur) saman þannig: Lyftið 3 fyrstu lykkjunum og 2 uppsláttunum laust yfir á hægri prjón eins og prjóna eigi þær slétt saman, prjónið næstu 2 lykkjur og 1 uppslátt slétt saman, steypið 5 lausu lykkjunum (ásamt uppslætti) frá hægri prjóni yfir lykkjurnar sem prjónaðar voru saman (þ.e.a.s. 4 lykkjur færri). Þetta sjal er prjónað úr DROPS Alpaca og DROPS Delight, en í myndbandinu notum við grófara garn; DROPS Nepal. Fylgja þarf uppskrift til þess að geta fylgt myndbandinu eftir, það er mjög mikilvægt að lesa kaflann um 2-LITA MYNSTUR Í KLUKKUPRJÓNI OG KANTLYKKJA Í GARÐAPRJÓNI. Þú finnur mynstrið með því að smella á myndina að neðan.
22:26
Hvernig á að prjóna sjalið í DROPS 203-16

Í þessu DROPS myndbandi sýnum við hvernig á að byrja á sjalinu Sandstone Wrap í DROPS 203-16. Við höfum nú þegar fitjað upp 5 lykkjur og sýnum hvernig á að prjóna 7 fyrstu umferðirnar. Þegar 35 lykkjur eru á prjóni þá er byrjað að prjóna 2-lita klukkuprjón. Þetta sjal er prjónað úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:30
Hvernig á að byrja að prjóna sjal með litlum i-cord

Í þessu DROPS myndbandi sýnum við hvernig við byrjum á að prjóna sjalið Phoenix Wrap í DROPS 212-21. Sjalið byrjar með því að prjónaður er einn lítill i-cord, sem lykkjur eru prjónaðar upp í. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:19
Hvernig á að prjóna umferð 1-4 í sjali DROPS 212-21

Í þessu DROPS myndbandi sýnum við hvernig við prjónum umferð 1-4 í Phoenix Wrap sjalinu í DROPS 212-21. Við höfum nú þegar prjónað i-cord í byrjun á sjalinu og sýnum hvernig við prjónum umferð 1-4. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:05
Hvernig á að byrja að prjóna sjal

Í þessu DROPS myndbandi sýnum við hvernig við byrjum á að prjóna sjalið í DROPS 214-42. Þetta sjal er prjónað frá hlið í garðaprjóni. Við erum með minni fjölda lykkja en það sem stendur í uppskrift (14 lykkjur) og við sýnum hvernig fyrsta umferðin er prjónuð. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
23:37
Hvernig á að byrja að prjóna sjal með tveggja lita klukkuprjóni

Í þessu DROPS myndbandi sýnum við hvernig við byrjum á að prjóna sjal með2 litum í klukkuprjóni, með útaukningu með 2 lykkjum bæði frá réttu og frá röngu og 4 útauknar lykkjur frá réttu. Þessi byrjun með útaukningu er í sjalinu «Sunset Hug» í DROPS 211-20 og í myndbandinu sýnum við hvernig við fitjum upp 7 lykkjur og hvernig umferð 1-15 er prjónuð. Sjalið «Sunset Hug» er prjónað úr DROPS Alpaca og DROPS Delight, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
11:25
Hvernig á að prjóna M.1B í DROPS 140-14, 133-1 og 130-1

Í þessu DROPS myndbandi sýnum við hvernig mynstur M.1B er prjónað (síðasti hluti í mynsturteikningu) í þremur af vinsælum sjölum frá okkur. Við sýnum 2 mynstureiningar af mynstri við hlið á hvor annarri. Við höfum sett hvítan þráð til merkingar sem sýnir hvar 2. mynstureiningin byrjar (mynstrið inniheldur fleiri mynstureiningar). UMFERÐ 1 og allar umferðir frá röngu eru prjónaðar brugðið frá röngu – umferð 1 er ekki sýnd í myndbandinu. UMFERÐ 2 (rétta):* Prjónið 2 lykkjur slétt saman, sláið 1 sinni uppá prjóninn*, endurtakið út umferðina og endið alltaf á 1 lykkju slétt í síðustu lykkju. UMFERÐ 3 (ranga): Prjónið brugðið. UMFERÐ 4 (rétta): Prjónið 2 lykkjur slétt í eina lykkju, 3 lykkjur slétt, lyftið 1 lykkju af prjóni, 1 lykkja slétt, steypið lyftu lykkjunni yfir, endurtakið að næstu mynstureiningu og endið á 1 lykkju slétt í síðustu lykkju. UMFERÐ 6 (rétta): Prjónið 2 lykkjur slétt í eina lykkju, 2 lykkjur slétt í eina lykkju, 3 lykkjur slétt, lyftið 1 lykkju af prjóni, 1 lykkja slétt, steypið lyftu lykkjunni yfir, 2 lykkjur slétt saman, 3 lykkjur slétt, 2 lykkjur slétt í eina lykkju, 2 lykkjur slétt í eina lykkju, endurtakið út að næstu mynstureiningu og endið á 1 lykkju slétt í síðustu lykkju. Í hvert skipti sem prjónuð er umferð 6 og umferð 10 (með 2 x 2 lykkjur slétt í eina lykkju á eftir hverri annarri) færðu eina auka slétta lykkju hvoru megin við úrtöku fyrir miðju á mynstureiningunni. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
6:34
Hvernig á að prjóna M.1 í DROPS 133-2

Í þessu DROPS myndbandi sýnum við hvernig er prjónað eftir mynsturteikningu M.1 til að ná fram kúlum og gatamynstri í sjali í DROPS 133-2. Við höfum nú þegar prjónað 10 umferðir af mynsturteikningu til þess að geta betur sýnt hvernig mynstrið lítur út. Við prjónum 1 kantlykkju í hvorri hlið í garðaprjóni (slétt í öllum umferðum). Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:11
Hvernig á að prjóna gatamynstur í DROPS 132-26

Í þessu DROPS myndbandi sýnum við hvernig við prjónum einfalt gatamynstur í setti í DROPS 132-26. Þetta sett er prjónað úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:10
Hvernig á að hekla sjalið í DROPS 153-9

Í þessu DROPS myndbandi sýnum við hvernig við byrjum á að prjóna sjalið Bayside í DROPS 153-9. Sjalið er prjónað í garðaprjóni og sléttprjóni, jafnframt er aukið út með því að slá 1 sinni uppá prjóninn í annarri hliðinni á stykkinu. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:04
Hvernig á að prjóna gataraðir og gatamynstur í DROPS 152-16

Í þessu DROPS myndbandi sýnum við hvernig við prjónum GATARAÐIR og GATAMYNSTUR í sjali í DROPS 152-16. Við sýnum fyrst hvernig við fitjum upp og prjónum þar til við höfum 17 lykkjur á prjóni, eftir 1. hraðspólunina byrjum við á umferð 3 sem sýnir GATARÖÐ eins og útskýrt er í mynstri. Eftir það höldum við áfram að prjóna umferð 4 og 5. Eftir 2. hraðspólunina höfum við prjónað smá lengd þannig að við höfum 2 gataraðir og sýnum nú GATAUMFERÐ. Þetta sjal er prjónað úr DROPS BabyAlpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:01
Hvernig á að fækka og auka út lykkjum í DROPS 155-11

Í þessu DROPS myndbandi sýnum við hvernig við fækkum og aukum út í sjali í DROPS 155-11. Við höfum fitjað upp 3 lykkjur og prjónað 1 umferð slétt. Prjónið nú eftirfarandi: UMFERÐ 1: Prjónið 1 lykkju slétt, sláið 1 sinni uppá prjóninn, prjónið allar lykkjur slétt út umferðina. UMFERÐ 2: Prjónið allar lykkjur og uppsláttinn slétt. Endurtakið síðan umferð 1-2 þar til fjöldinn er kominn sem gefinn er upp í mynstri. Í myndbandinu sýnum við fyrstu 8 umferðirnar, þar á eftir sýnum við hvernig við fellum af með uppslætti. Fellið af þannig: * Fellið af 2 lykkjur, sláið 1 sinni uppá prjóninn og fellið laust af *, endurtakið frá *-* út umferðina. Þetta sjal er prjónað úr DROPS Verdi, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:18
Hvernig á að prjóna kant á sjali, jafnframt því að fella af

Í þessu DROPS myndbandi sýnum við hvernig við prjónum kant á sjali jafnframt því sem við fellum af. Þegar lykkjur af sjali hafa verið prjónaðar, á ekki að snúa stykkinu, fitjið upp 14 nýjar lykkjur fyrir kant á sjali frá röngu. Snúið við, prjónið 1 umferð slétt yfir 14 nýju lykkjurnar (= rétta), snúið stykkinu við og prjónið áfram eftir mynstri = 1 umf í mynstureiningu frá röngu. Í þessu myndbandi höfum við prjónað fyrstu umferðina á kanti. Við byrjun nú á annarri umferð af kantmynstri: UMFERÐ 1 = ranga: Lyftið 1 lykkju af prjóni eins og prjóna eigi brugðið, 1 lykkja slétt, sláið 1 sinni uppá prjóninn, 2 lykkjur saman slétt og prjónið garðaprjón þar til 4 lykkjur eru eftir á prjóni, sláið 1 sinni uppá prjóninn, 2 lykkjur saman slétt, sláið 2 sinnum uppá prjóninn (= 2 lykkjur), 2 lykkjur slétt. Snúið stykki. UMFERÐ 2 = rétta: Prjónið 2 lykkjur slétt, prjónið annan uppsláttinn af þeim tveimur sem voru slegnir uppá prjóninn, sá seinni er steyptur niður af prjóni, prjónið garðaprjón þar til 3 lykkjur eru eftir að kantlykkjum, sláið 1 sinni uppá prjóninn, 2 lykkjur saman slétt og prjónið nú saman síðustu kantlykkjuna slétt með fyrstu lausu lykkjunni af sjali. Snúið við og prjónið UMFERÐ 3 í mynstri o.s.frv. Í síðustu umferð frá réttu, fellið af fyrstu 8 kantlykkjurnar, prjónið síðan afgang eftir mynstri = 14 lykkjur á prjóni og endurtakið aftur mynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:43
Hvernig á að prjóna þríhyrnt sjal í DROPS 127-8

Í þessu DROPS myndbandi sýnum við hvernig hægt er að prjóna þríhyrnt sjal í DROPS 127-8. Þríhyrnd sjöl sem eru laust prjónuð eru alltaf vinsæl og nýtast vel. Notið fínt garn og grófa prjóna! Fitjið upp 4 lykkjur. Í næstu umferð er aukið út um 1 lykkju með því að slá 1 sinni uppá prjóninn á eftir fyrstu lykkjunni í byrjun umferðar. Haldið áfram fram og til baka og aukið út um 1 lykkju í byrjun hverrar umferðar þar til óskaðri breidd er náð. Uppslátturinn er prjónaður slétt, svo það myndist gat. Fellið mjög laust af. Þetta sjal er prjónað úr DROPS Kid-Silk, við prjónum með sama garni í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
16:00
Hvernig á að byrja á sjali í DROPS 137-4

Í þessu DROPS myndbandi sýnum við hvernig við prjónum byrjun á sjali í DROPS 137-4. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:34
Hvernig á að prjóna byrjun á sjali í DROPS 160-10

Í þessu DROPS myndbandi sýnum við hvernig við prjónum byrjun á sjalinu Summer Diamond í DROPS í 160-10. Þetta sjal er prjónað úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:10
Sjal: Hvernig á að hekla byrjun á sjali í DROPS 166-20

Í þessu DROPS myndbandi sýnum við hvernig við heklum byrjun á sjali í DROPS 166-20 eftir mynstri A.1, A.2 og A.3. Þetta sjal er prjónað úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
15:39
Hvernig á að prjóna A.1 í DROPS 165-37

Í þessu DROPS myndbandi sýnum við hvernig byrjað er á sjali í DROPS 165-37 samkvæmt mynsturteikningu A.1. Þetta sjal er prjónað úr DROPS Brushed Alpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.