Fleiri leiðbeiningar og aðferðir

Ertu að leita að enn fleiri aðferðum og leiðbeiningum varðandi hekl? Þá skaltu ekki missa af þessum kennslumyndböndum!

Flokkar
Myndbönd: 28
5:39
Hvernig á að setja merkiþræði í heklaða lykkju

Í þessu DROPS myndbandi sýnum við hvernig við setjum merkiþræði í stykki og hvernig síðar á að auka út framan við og aftan við merkiþræðina. Við notum garnið DROPS Snow í myndbandinu. Fylgja þarf uppskrift þar sem stendur hvar setja á merkiþræðina og hvernig auka á út lykkjum.
20:33
Hvernig á að klippa upp peysu með 6 mismunandi köntum að framan

Mörgum þykir erfitt að klippa í prjónað stykki, á meðan aðrir hafa ekki áhyggjur af því og klippa jafnvel upp stykkið án þess að sauma á undan með saumavél eða að hekla kant áður en klippt er. Þú VERÐUR að lesa textann að neðan til að fá betri yfirsýn og skilning á myndbandinu. Í þessu DROPS myndbandi notum við DROPS Nepal og sýnum 3 mismunandi aðferðir að sauma/ festa enda áður en maður klippir. Við sýnum einnig 6 mismunandi kanta að framan. Við sýnum ekki hvernig kantarnir að framan eru prjónaðir í þessu myndbandi. Í sýnishornunum í myndbandinu höfum við 7 «uppklippilykkjur» sem við prjónum með öðrum lit og við höfum merkt miðjulykkjuna með þræði í öðrum lit. Það er hægt að hafa færri eða fleiri «uppklippilykkjur». Það er regla að í mynstri á peysu er útskýrt hvernig prjónað er fram og til baka, þannig að þessar «uppklippilykkjur» eru ekki útskýrðar í mynstri, heldur verður maður að bæta þeim við. Í sýnishorni A og B er hekluð umferð með fastalykkjum í gegnum uppklippilykkju, á meðan sýnishorn C, D, E og F er notuð saumavél áður en klippt er upp. Í sýnishorni A eru heklaðir hálfur 3. og hálfur 4. lykkjubogar saman, á meðan sýnishorn B eru heklaðir hálfur 4. og hálfur 5. lykkjubogar saman. Það er saumaður sikk sakk saumur á C og D og sikk sakk saumur + 1 beinn saumur á E og F. Yfirlit yfir mismunandi kanta að framan: A) Uppklippikanturinn er heklaður með fastalykkjum með þynnri þræði en sjálft stykkið (notið þynnri þráð en stykkið sjálft og sömu gerð ef það er mögulegt, í þessu myndbandi notum við DROPS Flora litur nr. 19 kórall). Kanturinn er ein löng, laus lengja prjónuð í garðaprjóni sem saumuð er niður á stykkið, passið uppá að kanturinn að framan verði ekki of langur né of stuttur í samanburði við stykkið sjálft. Brúnin-kantur er saumað beint á stykkið á röngu. B) Uppklippikanturinn er heklaður með fastalykkjum með þynnri þræði en sjálft stykkið (notið þynnri þráð en stykkið sjálft og sömu gerð ef það er mögulegt, í þessu myndbandi notum við DROPS Flora litur nr. 19 kórall). Kanturinn að framan er prjónaður í eitt stykki þannig: Hálfur í stroffi sem verður kantur að framan (1 lykkja slétt, 1 lykkja brugðið með 1 kantlykkju í garðaprjóni yst) og hálfur í sléttprjóni sem verður kantur á bakhlið. Kantur að framan er saumaður niður á stykkið og sléttprjónaði hlutinn er lagður yfir brúnina-kant og saumaður niður frá röngu. C) Uppklippikanturinn er saumaður með sikk sakk saumi í saumavél, ca 0,5–1,0 cm frá þar sem klippa á upp. Við kant að framan hafa verið prjónaðar upp lykkjur í fyrstu lykkju í sjálfu stykki, þar sem hoppað var yfir ca 4. hverja lykkju/umferð á hæðina, svo að kanturinn að framan verði ekki of langur í samanburði við stykkið sjálft. Kanturinn að framan er prjónaður í garðaprjóni að óskuðu máli og felið brúnina-kant með fallegum borða. D) Uppklippikanturinn er saumaður með sikk sakk saum í saumavél, ca 0,5–1,0 cm frá þar sem klippa á upp. Við kant að framan hafa verið prjónaðar upp lykkjur í fyrstu lykkju í sjálfu stykkinu, þar sem hoppað var yfir ca 4. hverja lykkju/umferð á hæðina, þannig að kanturinn að framan verði ekki of langur í samanburði við stykkið sjálft. Kanturinn að framan er prjónaður í sléttprjóni að óskuðu máli, eftir það 1 umferð brugðið (uppábrot) og síðan aftur sléttprjón. Síðasti hlutinn sem er prjónaður í sléttprjóni á að leggja yfir brúnina-kant og sauma niður. E) Uppklippikanturinn er saumaður með 1 beinum saum yfir sikk sakk saum í saumavél (= saumar), ca 0,5-1,0 cm frá þar sem klippa á upp. Við kant að framan hafa verið teknar upp lykkjur í fyrstu lykkju í sjálfu stykkinu, þar sem hoppað var yfir ca. 4. hverja lykkju/umferð á hæðina, þannig að kanturinn að framan verði ekki of langur í samanburði við stykkið sjálft. Kanturinn að framan er prjónaður í stroffi, 2 lykkjur slétt, 2 lykkjur brugðið að óskuðu máli og brúnin-kantur er falinn með fallegum borða. F) Uppklippikanturinn er saumaður með 1 beinum saum yfir sikk sakk saum í saumavél (= 2 saumar), ca 0,5-1,0 cm frá þar sem klippa á upp. Við kant að framan hafa verið teknar upp lykkjur í fyrstu lykkju í sjálfu stykkinu, þar sem hoppað var yfir ca 4. hverja lykkju/umferð á hæðina, þannig að kanturinn að framan verði ekki of langur í samanburði við stykkið. Kanturinn að framan er prjónaður í stroffi ( 2 lykkjur slétt, 2 lykkjur brugðið) að óskuðu máli. Á bakhlið er tekinn upp sami fjöldi lykkja í sömu lykkju og stroffkantur að framan og prjónaður er hluti í sléttprjóni sem leggja á yfir brún-kant og sauma niður. Við notum garnið DROPS Nepal í myndbandinu.
3:47
Hvernig á að hekla kant

Í þessu DROPS myndbandi sýnum við hvernig hægt er að hekla kant yst utan um kant á stykki. Heklið þannig: Heklið 1 fastalykkju, * 2 loftlykkjur, hoppið yfir 2 lykkjur á breiddina / 4 umferðir garðaprjón á hæðina, 1 fastalykkja í næstu lykkju *, endurtakið frá *-*. Heklið fleiri eða færri loftlykkjur og hoppið yfir fleiri eða færri eftir því hvernig þú vilt að heklaði kanturinn líti út eða eftir því hvað stendur í mynstri. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:05
Hvernig á að hekla Í og UM lykkju

Í þessu DROPS myndbandi sýnum við muninn á hvernig heklað er Í lykkju og UM lykkju eins og við gerum í mörgum mynstrunum okkar, eins og í DROPS 162-15. Við höfum nú þegar heklað smá af mynstri. Í fyrstu umferð sýnum við hvernig við heklum 1 fastalykkju UM einn loftlykkjuboga og 9 stuðla UM næsta loftlykkjuboga. Í síðustu lykkjuna í umferð heklum við einn stuðul Í eina lykkju. Í umferð 2 sýnum við hvernig við heklum fastalykkju í lykkju og 1 fastalykkju um einn loftlykkjuboga. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan. Textinn í mynstri á myndbandinu er skrifaður á ensku. US-SE 1 ch = 1 loftlykkja, 1 sc in st = 1 fastalykkja í lykkju, dc in st = stuðull í lykkju, 1 dc around st = 1 stuðull um lykkju. 1 sc around st = fastalykkja um lykkju,
5:36
Hvernig á að fá beina heklaða kanta

Í þessu DROPS myndbandi sýnum við hvernig við getum komið í veg fyrir að kantarnir verði ójafnir eða að það komi göt þegar maður heklar. Þegar við heklum stuðla fram og til baka þá heklum við oft 3 loftlykkjur í byrjun á hverri umferð til að fá sömu hæð og á stuðli. Þessar loftlykkjur geta annað hvort verið sem viðbót við stuðla í umferð (þetta myndar þá auka lykkjur og kanturinn verður ójafn) eða þá jafngilda loftlykkjur einum stuðli (með þessu myndast gat í annarri hverri umferð). Hægt er að koma í veg fyrir þetta með því að draga út 1. lykkju í umferð, halda vel í þessa lykkju með vísifingri, færðu heklunálina að þér og síðan undir löngu fyrstu lykkjuna, stingið heklunálinni í fyrstu lykkjuna (í 1. umferð stingur maður heklunálinni undir 2 þræði), sækið þráðinn og heklið eins og venjulega einn stuðul. Lykkjuboginn verðu aleins laus, en þetta verður aftur fallegt eftir næstu umferð. Síðan er fyrsti stuðullinn í hverri umferð. Við notum garnið DROPS Snow í þessu myndbandi.
4:53
Hvernig á að hekla utan um stálþráð

Í þessu DROPS myndbandi sýnum við hvernig við heklum síðustu umferðina í hatti, þar sem einnig er heklað utan um stálþráð. Þannig að barðið verði aðeins stífara. Maður velur sjálfur hvort nota eigi einfaldan eða tvöfaldan stálþráð. Í myndbandinu heklum við fastalykkjur utan um tvöfaldan stálþráð. Tvinnið endana á stálþræðinum saman nokkrum sinnum og leggið þá saman við kantinn. Festið endana samtímis sem saumað er yfir stálþráðinn svo að þeir sjáist ekki. Við notum garnið DROPS Paris í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:03
Hvernig á að hekla keðjulykkjur utan um fastalykkjur

Í þessu DROPS myndbandi sýnum við hvernig við heklum keðjulykkjur utan um fastalykkjur, þannig að það myndist þykkur kantur. Með þessu náum við kantinum betur fram og að hann fær aðeins meiri þyngd. Við heklum við þessa umferð með tvöföldum þræði, en afgangur af stykkinu er einungis heklaður með 1 þræði. Það má ekki hekla keðjulykkjurnar of fast. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:18
Hvernig á að hekla utan um fastalykkju

Í þessu DROPS myndbandi sýnum við hvernig við heklum utan um sjálfa lykkjuna, ekki í lykkjubogann. Með þessu þá myndast nokkurs konar «kantur», eins og sjá má í hattinum Sunshine Smiles í DROPS 229-29. Við notum garnið DROPS Snow í myndbandinu Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:23
Hvernig á að hekla hring

Í þessu DROPS myndbandi sýnum við hvernig við heklum hring. Í nokkrum hekluppskriftum á að byrja með að hekla hring t.d. blóm. Fyrst er heklaður loftlykkjuhringur. Heklið síðan ákveðinn fjölda stuðla utan um hringinn, byrjið með 2-3 loftlykkjur til þess ná fram rétta hæð. Þessar loftlykkjur koma í stað fyrsta stuðuls. Endið hverja umferð með keðjulykkju í aðra /þriðju loftlykkju frá byrjun umferðar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:47
Hvernig á að hekla galdrahring

Í þessu DROPS myndbandi sýnum við hvernig við gerum galdrahring. Galdrahringur er aðferð sem er notuð þegar heklað er í hring í stað þess að hekla loftlykkju sem skilur eftir sig gat í miðju. Vefjið þræðinum um vinstri fingur. Heklið fastalykkjur í kringum þræðina/galdrahringinn og þráðarendann, þegar ávkeðinn fjöldi lykkja hefur verið heklaður, togið í endann á galdrahringnum þar til hringurinn lokast alveg. Haldið áfram að hekla hringinn. Seinni hluti myndbandsins sýnir hvernig byrjað er að hekla með stuðlum utan um galdrahringinn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:52
Hvernig á að hekla yfirdekkingu á tölu

Í þessu DROPS myndbandi sýnum við hvernig við heklum yfirdekkingu á tölu. Heklið 2 loftlykkjur, heklið síðan 6 fastalykkjur í fyrstu af 2 loftlykkjum sem voru heklaðar, endið með 1 keðjulykkju í fyrstu fastalykkju (= umferð 1). Setjið 1 merki í fyrstu lykkju í hverri umferð. Umferð 2: Heklið 1 loftlykkju, hekið 2 fastalykkjur í hverja fastalykkju og endið með 1 keðjulykkju í fyrstu fastalykkju í byrjun umferðar (= 12 fastalykkjur). Umferð 3 + umferð 4: Heklið 1 loftlykkju, heklið 1 fastalykkju í hverja fastalykkju og endið með 1 keðjulykkju í fyrstu fastalykkju í byrjun umferðar (= 12 fastalykkjur). Umferð 5: Heklið 1 loftlykkju, heklið 1 fastalykkju í aðra hverja fastalykkju og endið með 1 keðjulykkju í fyrstu fastalykkju í byrjun umferðar (= 6 fastalykkjur). Setjið töluna/hnappinn innan í yfirdekkinguna, þræðið í kringum opið og herðið að. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:36
Hvernig á að hekla hring

Í þessu DROPS myndbandi sýnum við hvernig við heklum mismunandi hringi sem eru í nokkrum af mynstrunum okkar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:02
Hvernig á að hekla perlur inn í stykki

Í þessu DROPS myndbandi sýnum við hvernig hægt er að hekla perlur inn í stykki. Áður en byrjað er að hekla þræðið eins margar perlur á þráðinn eins og á að nota með nál. Færið perlurnar frá og fitjið upp eins og venjulega. Heklið að þeim stað þar sem perlurnar eiga að koma inn í stykkið. Myndbandið sýnir fyrst hvernig perlurnar eru settar inn í stykkið þegar heklaðir eru stuðlar frá réttu, síðan frá röngu og að lokum hvernig perlurnar eru heklaðar inn þegar heklaðar eru fastalykkjur. Þegar heklaðir eru stuðlar þá er þráðurinn sóttur fyrir aftan perluna, heklið stuðul í næstu lykkju eins og venjulega, passið uppá að flytja perlu að fram- eða bakhlið áður en þráðurinn er dreginn í gegn í lokin. Þegar heklaðar eru fastalykkjur er þráðurinn sóttur upp fyrir aftan perluna, dragið þráðinn í gegn, hoppið yfir næstu lykkju og heklið næstu lykkju eins og áður. Í næstu umferð með fastalykkju / stuðli passið uppá að hekla lykkjur ofan við perluna þannig að fjöldi lykkja verði alltaf sá sami í umferð. Þvoið flíkina á röngu og notið þvottaskjóðu til þess að vernda perlurnar í þvotti. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:33
Hvernig á að hekla Moebius hring

Í þessu DROPS myndbandi sýnum við hvernig við heklum Moebius hring. Moebius, þýskur stærðfræðingur sem var uppi í byrjun 19 aldar, sem hannaði snúinn galdrahring sem þessi heklaðferð er byggð á. Heklið loftlykkjur í ákveðinni lengd sem er ummál kragans / hálsskjóls. Tengið í hring með 1 keðjulykkju. Umferð 1: Heklið 3 loftlykkjur (= 1 stuðull), hoppið yfir 1. loftlykkju, heklið síðan 1 stuðul í hverja loftlykkju umferðina hringinn, heklið einungis aftan í loftlykkju. Haldið nú áfram hringinn og heklið 1 stuðul í hverja loftlykkju framan í loftlykkju (það myndast þá "kross" í skiptingunum). Umferð 2: (Setjið eitt merki = byrjun umferðar). Byrjið á að hekla 1 stuðul í 3. loftlykkju í byrjun fyrri umferðar, heklið nú 1 stuðul í hvern stuðul umferðina hringinn. Haldið áfram hringinn með mynstur að eigin vali. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:18
Hvernig á að hekla í báða lykkjubogana eða í einn lykkjuboga

Í þessu DROPS myndbandi sýnum við hvernig við heklum í gegnum báða eða í einn lykkjuboga. Ef ekki er annað tekið fram í mynstri þá er heklað í báða lykkjubogana. Til þess að fá ólíka áferð á stykkið er hægt að hekla stundum einungis í aftari lykkjubogann og stundum þann fremri. Á myndbandinu sýnum við hvernig hægt er að nota þessar ólíku aðferðir til þess að fá mismunandi áferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:16
Hvernig á að hekla spíral

Í þessu DROPS myndbandi sýnum við hvernig hekla á spírallengjur. Þetta er reglulega skemmtileg og einföld aðferð til að hekla fallegt skraut. Heklið loftlykkjuband, ca tvöfalda þá lengd sem þú vilt hafa spírallengjuna. Í myndbandinu heklum við 22 loftlykkjur, snúið við og heklið til baka með 4 fastalykkjur í hverja loftlykkju. Hjálpið til með að láta lengjuna tvinnast saman í lokin. Við sýnum einnig tilbúna spírallengju þar sem við höfum bæði 2 og 3 fastalykkjur (UK: double crochet) í hverja lykkju og 2, 3 og 4 stuðla (UK: treble crochet) í hverja lykkju. Í myndbandinu notum við garnið DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:48
Hvernig á að hekla beggja vegna við loftlykkjuband

Í þessu DROPS myndbandi sýnum við hvernig við heklum báðum megin við loftlykkjuband. Þessi aðferð gefur fallega byrjun á botni á tösku, símahulstri eða einhverju álíka þegar óskað er eftir fallegum botni. Heklið ákv. fjölda loftlykkja. Heklið fastalykkju aftan í lykkjubogann á 2. loftlykkju frá heklunálinni, heklið áfram 1 fastalykkju aftan í lykkjubogann á hverri loftlykkju frá hvorri hlið á lengjunni. Heklið áfram í hring. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:46
Hvernig á að hekla hæl á sokk

Í þessu DROPS myndbandi sýnum við hvernig við heklum hæl á sokk. Heklið þannig: UMFERÐ 1 (= rétta): Heklið þann fjölda fastalykkja sem gefin er upp, síðan er fækkað um 1 flastalykkju með því að hekla saman næstu 2 fastalykkjur, snúið við með 1 loftlykkju. UMFERÐ 2 (= ranga): Heklið þar til sami fjöldi fastalykkja er eftir hinum megin eins og gert var í fyrri hlið, fellið af 1 fastalykkju snúið við með 1 loftlykkju. UMFERÐ 3 (= rétta): Heklið þar til 1 fastalykkja er eftir frá fyrri umferð. Fellið af 1 fastalykkju með því að hekla saman síðustu fastalykkju í umferð með næstu fastalykkju frá fyrstu umferð, snúið við með 1 loftlykkju. Endurtakið umferð 3 þar til allar lykkjur hvoru megin við miðjulykkju hafa verið heklaðar inn í hæl. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:01
Hvernig á að snúa við þegar heklaðar eru fastalykkjur

Í þessu DROPS myndbandi sýnum við hvernig hægt er að hekla fastalykkjur fram og til baka með 5 lykkjum og hvernig snúa á við. Hvernig verður stykkið mitt beint? Hvaða lykkju á að hekla fyrst eftir að snúið hefur verið við? Hvaða lykkja er síðasta lykkjan sem heklað er í? Heklið óskaðan fjölda af loftlykkjum (ll), (í sýnishorninu höfum við 5) + 1 auka lykkju. Heklið 1 fastalykkju í 2. loftlykkju frá heklunálinni, heklið fastalykkju í hverja af þeim loftlykkjum sem eftir eru út umferðina, snúið við. Heklið 1 loftlykkju til að snúa við með, heklið 1 fastalykkju í 2. loftlykkju frá heklunálinni og í þær fastalykkjur sem eftir eru í umferð, snúið við. Endurtakið síðustu umferð til þess að fá beint stykki með stöðugan fjölda af lykkjum í umferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:00
Hvernig á að laga hálsmál þegar það er of vítt/teygjanlegt

Í þessu DROPS myndbandi sýnum við hvernig hægt er að laga hálsmál ef það er of vítt eða of teygjanlegt. Í myndbandinu sýnum við hvernig hægt er að hekla band aftan við hnakka til þess að hálsmálið teygist ekki. Við notum garn í öðrum lit til þess að það sjáist vel hvað við gerum. Stingið heklunálinni innanverðu í gegnum eina lykkju, sækið þráðinn og dragið í gegn, stingið heklunálinni í gegnum næstu lykkju, dragið þráðinn í gegn og gerið eina keðjulykkju, endurtakið þetta en hoppið yfir t.d. aðra hverja eða 3. hverja lykkju eftir því hversu mikið þú vilt herða að. Eftir síðustu lykkju er klippt frá, dragið þráðinn í gegnum lykkjuna og festið enda í hvorri hlið.
3:43
Hvernig á að snúa stykki við þegar heklað er með stuðlum

Í þessu DROPS myndbandi sýnum við hvernig snúa á stykki við þegar heklað er með stuðlum. Hvernig fær maður stykkið beint? Hvaða lykkja er fyrsta lykkjan sem maður heklar í eftir að hafa snúið við? Hvaða lykkja er síðasta lykkjan sem maður heklar í? Í þessu myndbandi sýnum við dæmi um hvernig við heklum stuðla fram og til baka með 5 lykkjum. Heklið 1 loftlykkju færri en óskaður fjöldi stuðla (okkar sýnishorn 5) + auka loftlykkjur, þ.e.a.s. heklið 4-3 = 7 loftlykkjur. Heklið 1 stuðul í 4. loftlykkju frá heklunálinni, heklið stuðul í hverja af loftlykkjum sem eftir eru í umferðinni, snúið við. Heklið 3 loftlykkjur til að snúa við með sem koma í staðin fyrir 1. stuðul í næstu umferð, heklið 1 stuðul í 2., 3. og 4. stuðul í umferð og síðan 1 stuðul í 3. loftlykkju frá byrjun fyrri umferðar, snúið við. Endurtakið síðustu umferð til þess að fá beint stykki með stöðugan fjölda lykkja í umferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:59
Hvernig á að laga útdregnar lykkjur

Í þessu DROPS myndbandi sýnum við gott ráð hvernig hægt er að redda lykkju sem dregist hefur út úr stykkinu. Prufið fyrst að draga aðeins í stykkið, í báðar áttir, þannig að það mesta af lykkjunni dragist inn þar sem hún á að vera. Ef lykkjan er enn aðeins of laus, notið heklunál og fylgið þræðinu og dragið aðeins í þráðinn. Ef þú ert ekki 100% ánægð þá er hægt að strekkja stykkið. Leggið stykkið í volgt vatn (það má ekki vera of heitt) í 30-40 mínútur. Pressið síðan vatnið úr og leggið stykkið á heitt gólf eða á dýnu, í það form sem þú óskar eftir og látið þorna. Í þessu myndbandi notum við garnið DROPS Alaska.
2:51
Hvernig hægt er að laga gleymdan stuðul

Í þessu DROPS myndbandi sýnum við hvernig hægt er að hekla inn stuðul sem hefur gleymst í stykki sem er með stuðlum. Hafið þráðinn á bakhlið, sækið þráðinn með heklunálinni, heklið 3 loftlykkjur, endið með að sækja þráðinn í umferðina að ofan og dragið í gegnum lykkjuna á heklunálinni. Klippið frá og festið enda. Við notum garnið DROPS Snow í myndbandinu.
10:34
Hvernig á að hekla hæl með fastalykkjum

Í þessu DROPS myndbandi sýnum við hvernig við heklum hæl með fastalykkjum, sem meðal annars er notað í sokkunum «Rainbow Racers» í DROPS 214-58. Við höfum nú þegar heklað stroffið og sýnum í myndbandinu hvernig við heklum yfir 16 lykkjur á stroffi og hvernig við fækkum um 8 lykkjur, þar á eftir að auka út/hekla upp lykkjur í hliðum, þar til við fáum aftur 16 lykkjur. «Rainbow Racers» sokkarnir eru heklaðir úr 2 þráðum DROPS Delight, en í myndbandinu notum við 1 þráð DROPS Snow. Fylgja þarf mynstri með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.