DROPS Super Sale - 30% AFSLÁTTUR á 6 garntegundum í allan júní!

Útsaumur

Viltu læra að sauma mismunandi spor í prjóna- eða heklverefnum? Kennslumyndböndin okkar sýna þér hvernig!

Flokkar
Myndbönd: 20
2:13
Hvernig á að sauma kappmellu / tunguspor

Í þessu DROPS myndbandi sýnum við hvernig við saumum kappmellu /tunguspor. Saumið með smáu spori þétt í kringum hnappagat, eða stærri spor með lengra millibili sem skraut meðfram kanti. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:31
Hvernig á að hekla línur til skrauts

Í þessu DROPS myndbandi sýnum við hvernig hægt er að hekla línur til skrauts til að skreyta flík. Notið heklunál og heklið í gegnum stykkið með þráðinn á bakhlið á stykki. Línurnar þurfa ekki að vera lóðréttar eða láréttar heldur er hægt að hekla þannig að línurnar myndi bókstafi eða eitthvað annað. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:55
Hvernig á að sauma út blóm

Í þessu DROPS myndbandi sýnum við hvernig við saumum út blóm á prjónað stykki. Frískaðu uppá gamlan hálsklút, vettlinga eða peysu. Endalausir möguleikar á grófleika og litum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:09
Hvernig á að sauma krosssaum

Í þessu DROPS myndbandi sýnum við hvernig við saumum í stykki með krosssaum. Skreyttu auðveldlega með krosssaumi í prjónaðri flík. Myndbandið sýnir útsaum með krosssaumi yfir 2 lykkjur á breiddina og 2 lykkjur á hæðina. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:49
Hvernig á að gera franskan hnút

Í þessu DROPS myndbandi sýnum við hvernig við gerum franskan hnút. Stingið nálinni í lykkjuna þar sem hnúturinn á að vera staðsettur. Leggið nálina flata meðfram stykkinu og snúið þræðinum 2 sinnum utan um nálina og myndið lykkju, dragið nálina í gegnum þessa lykkju svo að það verði tvöfaldur hnútur á þræðinum. Stingið nálinni í næstu lykkju og festið á bakhlið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:21
Hvernig á að sauma út keðjusaum

Í þessu DROPS myndbandi sýnum við hvernig við saumum út einfaldan keðjusaum. Stingdu nálinni inn frá röngu og upp að framhlið þar sem þú vilt að keðjusaumurinn byrji. Stingdu nálinni aftur niður í sama gat og þráðurinn kom frá og stingdu toppnum á nálinni aftur upp í framhliðina ca 2 cm lengra fram – láttu þráðinn liggja undir toppnum á nálinni. Dragðu nú þráðinn í gegnum stykkið og þá myndast lykkja með þræðinum sem kemur upp í miðju á lykkju. Stingdu nálinni niður í stykkið ca 0,5 lykkju framan við bogann og dragðu nálina í gegnum stykkið. Keðjusaumurinn er nú tilbúinn, ef þú vilt hafa fleiri spor þá er hægt að endurtaka frá byrjun. Festu þráðinn frá röngu. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:42
Hvernig á að sauma út leggsaum

Í þessu DROPS myndbandi sýnum við hvernig við saumum út leggsaum. Stingdu nálinni inn frá röngu og upp að framhlið þar sem leggsaumurinn á að byrja. Hoppaðu fram ca 1-1,5 cm, stingdu nálinni niður í stykkið og aftur upp að réttu ca 1-1,5 cm lengra fram. Dragðu nálina í gegn. Nú hefur myndast eitt spor og eitt bil fram að næsta spori. Þetta spor er fyrst saumað aftur á bak og síðan fram þannig – Hoppaðu til baka að fyrra spori og stingdu nálinni í gatið þar sem fyrra spor endaði og stingdu nálinni upp aftur að réttu ca 1-1,5 cm lengra fram. Þú getur haldið svona áfram, ef þig langar til að hafa fleiri flatsaums spor. Þegar síðasta leggsaumssporið endar, stingdu nálinni í gatið þar sem fyrra sporið endaði. Dragðu þráðinn að röngu. Leggsaum er hægt að sauma út bæði lóðrétt, lárétt, á ská og í hring. Við notum garnið DROPS Snow í myndbandinu. Fylgja þarf uppskrift og mynsturteikningu þar sem þessi aðferð er notuð ásamt því að sjá myndband. Þú finnur mynstur þar sem þessi aðferð er notuð með því að smella á myndirnar að neðan.
1:47
Hvernig á að sauma út leggsaumshnút

Í þessu DROPS myndbandi sýnum við hvernig við saumum út leggsaumshnút. Stingdu nálinni inn frá röngu og upp að framhlið þar sem leggsaumurinn á að byrja. Stingdu nálinni niður í stykkið og út aftur að röngu ca 0,5 – 1,5 lykkju frá gati þar sem þráðurinn kom upp. Saumaðu upp og niður í þessi göt eins mörgum sinnum og þörf er á til að hnúturinn verði í óskaðri stærð. Við notum garnið DROPS Snow í myndbandinu. Fylgja þarf uppskrift og mynsturteikningu þar sem þessi aðferð er notuð ásamt því að sjá myndband. Þú finnur mynstur þar sem þessi aðferð er notuð með því að smella á myndirnar að neðan.
1:28
Hvernig á að sauma út flatsaum

Í þessu DROPS myndbandi sýnum við hvernig við saumum út flatsaum. Stingdu nálinni inn frá röngu og upp að framhlið þar sem þú vilt að fyrsta sporið með flatsaum byrji. Hoppaðu fram 0,5 – 1 cm og stingdu nálinni niður í stykki og aftur upp þar sem þú vilt byrja á næsta spori með flatsaum og dragðu þráðinn í gegn. Hoppaðu fram 0,5 – 1 cm og stingdu nálinni niður í stykkið og aftur upp þar sem þú vilt byrja á næsta spori með flatsaum og dragðu þráðinn í gegn. Haltu svona áfram þar til þú hefur eins mörg spor og þig langar til. Við notum garnið DROPS Snow í myndbandinu. Fylgja þarf uppskrift og mynsturteikningu þar sem þessi aðferð er notuð ásamt því að sjá myndband. Þú finnur mynstur þar sem þessi aðferð er notuð með því að smella á myndirnar að neðan.
2:25
Hvernig á að sauma út snúinn keðjusaum

Í þessu DROPS myndbandi sýnum við hvernig við saumum út snúinn keðjusaum. Stingdu nálinni inn frá röngu og upp að framhlið þar sem þú vilt að keðjusaumurinn byrji. * Stingdu toppnum nálinni aftur niður í sama gat og þráðurinn kom frá og stingdu toppnum á nálinni aftur upp í framhliðina ca 2 cm lengra fram – láttu þráðinn liggja undir toppnum á nálinni. Taktu nú bogann upp á milli fingranna, snúðu boganum í hring 2-3 sinnum áður en hann er lagður aftur undir toppinn á nálinni. Dragðu nú þráðinn aftur varlega þannig að sporið dragist fallega saman. Ef þig langar til að hafa fleiri keðjusauma á hæðina, endurtaktu þá frá *. Endaðu með að stinga nálinni niður í stykkið ca 0,5 lykkju framan við bogann og dragðu þráðinn alveg í gegnum stykkið. Við notum garnið DROPS Snow í myndbandinu. Fylgja þarf uppskrift og mynsturteikningu þar sem þessi aðferð er notuð ásamt því að sjá myndband. Þú finnur mynstur þar sem þessi aðferð er notuð með því að smella á myndirnar að neðan.
1:45
Hvernig á að sauma þræðispor

Í þessu DROPS myndbandi sýnum við hvernig við saumum þræðispor. Þræðispor er grunnspor í útsaumi. Þetta spor er gert þannig að nálinni er stungið inn og út úr stykkinu. Auðvelt er að stýra lengd á sporum og geta þau verið mismunandi. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:41
Hvernig á að sauma sikk-sakk spor

Í þessu DROPS myndbandi sýnum við hvernig við saumum út sikk-sakk spor í stykki. Notið andstæða liti til þess að gera sikk-sakk línur. Fyrst er saumað spor sem vísar í aðra áttina. Stingið síðan nálinni upp og niður í gegnum stykkið, snúið síðan við og saumið spor sem vísa í hina áttina til þess að mynda sikk-sakk mynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:11
Hvernig á að sauma lykkjuspor

Í þessu DROPS myndbandi sýnum við hvernig við saumum lykkjuspor. Þegar prjónað er með mörgum litum er einfaldara að sauma einn eða fleiri liti inn í stykkið með lykkjuspori í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:28
Hvernig á að gera lausa hnúta fyrir skraut

Í þessu DROPS myndbandi sýnum við hvernig hægt er að gera lausa hnúta fyrir skraut eins og t.d. snjó, tölur og augu, sem er í snjókalli í peysu DROPS Children 30-28 og DROPS 183-13. Við notum DROPS Air garnið í þessu myndbandi. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
1:27
Hvernig á að gera skrauthnút

Í þessu DROPS myndbandi sýnum við hvernig við hnýtum hnút sem er festur sem skraut á jólasvein sem er prjónaður í peysu. Sama aðferð er einnig notuð til að gera stjörnu efst á jólatré. HNÚTUR: Hnúturinn er hnýttur í kringum lykkju. Klippið 2 þræði af litnum natur (jólasveinn) / gulur (jólatré), ca 10 cm. Leggið þræðina saman, notið nál og þræðið þræðina í gegnum efstu natur / gulu lykkjuna efst á jólasveinahúfu / jólatré, þannig að báðir þráðarendarnir liggi frá réttu á stykki, hvoru megin við lykkjuna. Hnýtið hnút, hnýtið síðan annan hnút, í gagnstæða átt. Klippið þræðina ca ½ cm (jólasveinn) / 1 cm (jólatré). Peysan með jólasveinum / jólatrjám er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:40
Hvernig á að sauma saman með krosssaumi í DROPS 161-4

Í þessu DROPS myndbandi sýnum við hvernig við saumum saman tvö stykki með því að sauma með krosssaumi. Þessi aðferð er notuð í peysu í DROPS 161-4. Þessi peysa er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
2:17
Hvernig á að sauma dindil á páskahéra í páskasokkum DROPS Extra 0-1421

Í þessu DROPS myndbandi sýnum við hvernig við saumum / saumum út dindil á héra í páskasokkum DROPS Extra 0-1421. Saumið 6 löng spor fyrir miðju og 2 styttri spor hvoru megin við dindil þannig að hann verði meiri um sig. Sjá mynsturteikningu fyrir staðsetningu. Þessir sokkar eru prjónaðir úr DROPS Karisma, sama garn og notað er í myndbandi. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
7:51
Hvernig á að sauma köngulóarvef í körfu í DROPS Extra 0-1171

Í þessu DROPS myndbandi sýnum við hvernig við saumum köngulóarvef-mynstur á Halloween körfuna í DROPS Extra 0-1171. VEFUR: Köngulóarmynstur er saumað með litnum svartur – sjá mynsturteikningu A.1. Lóðréttu línurnar sem eru fyrir miðju eru fyrst saumaðar og saumaðar jafnt yfir með byrjun í fyrstu umferð með flastalykkjum með litnum svartur. Saumið síðan hornréttu línurnar í 3 umferð. Byrjið lóðréttu línurnar með 1 spori í byrjun umferð (- sjá ör í mynstri), saumið 1 spor í miðju á botni, saumið í gegnum kant, þræðið á bakhlið, saumið i gegnum kant, saumið 1 spor í miðju á botn o.s.frv. hringinn – ATH: Passið uppá að herða ekki á þræði. Saumið síðan hornréttu línurnar (= 3 umf), saumið 1 leggsaumsspor um hverja af lóðréttu línunum í kross-punkti svo að lóðréttu línurnar festist. Þessi vefur er saumaður með DROPS Nepal, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:24
Hvernig á að hekla augu í leikfangamús

Í þessu DROPS myndbandi sýnum við hvernig við heklum augun í leikfangamúsinni í DROPS Extra 0-1506. Augun eru hekluð í gegnum langar fastalykkjur sem heklaðar eru í lykkju 2 umferðum fyrir neðan. Heklið þannig: Heklið 1 fastalykkju í hverja af 8 fyrstu fastalykkjum í umferð með Litur 1, stingið heklunálinni í næstu lykkju í umferð 6 (=2 umferðir fyrir neðan), notið nú Litur 2 og dragið þennan þráð í gegnum lykkjuna, skiptið til baka yfir í Litur 1 og dragið þráðinn í gegnum 2 lykkjurnar á heklunálinni (= 1 auga / 1 löng fastalykkja), heklið 1 fastalykkju í hverja af 6 næstu fastalykkjum með Litur 1, stingið heklunálinni ínæstu lykkju í umferð 6 (= 2 umferðir fyrir neðan), notið Litur 2 og dragið þennan þráð í gegnum lykkjuna, skiptið til baka yfir í Litur 1 og dragið þráðinn í gegnum 2 lykkjurnar á heklunálinni (= 1 auga / löng fastalykkja), heklið 1 fastalykkju í hverja af 8 síðustu fastalykkjum = 24 lykkjur. Festið þráðarendana af Litur 2 að innanverðu (ranga) á músinni. Þessi mús er hekluð úr DROPS Lima, en í myndbandinu notum við grófara garn; DROPS Snow. Fylgja þarf mynstri til þess að geta fylgt myndbandinu eftir. Þú finnur mynstrið með því að smella á myndina að neðan.
6:10
Hvernig á að gera andlit á jólasvein í jólapeysu í DROPS Children 32-20

Í þessu DROPS myndbandi sýnum við hvernig við festum skeggið, yfirvaraskeggið og hvernig við saumum út augun á jólasvein í jólapeysunni DROPS Children 32-20. SKEGG: 1 kögur = 1 þráður ca 45 cm með natur. Klippið 18 kögur. Hvert kögur á að festast á efri hlið á brugðinni lykkju í hálsi á jólasveini. Leggið þræðina saman tvöfalda, þræðið lykkjunni utan um lykkjuna, þræðið eftir það endunum í gegnum lykkjuna og herðið að. Festið kögur í hverja og eina af 17 lykkjum sem eftir eru yfir brugðnum lykkjum. Gerið síðan lausan hnút á alla endana, svona ca mitt á þráðum. Klippið skeggið til í óskaða lengd. YFIRVARASKEGG: 1 kögur = 1 þráður ca 7 cm með natur. Klippið 8 kögur. Leggið þræðina saman tvöfalda, þræðið lykkjuna utan um lykkju á neðri hlið á brugðinni lykkju í andliti á jólasveini, þræðið eftir það endunum í gegnum lykkjuna og herðið að. Festið kögur í hverja af hinum 7 lykkjunum á neðri hlið á brugðnu lykkjunum. Klippið skeggið til í óskaða lengd. AUGU: Notið afgang af svartur. Saumið lykkjuspor yfir 3 lykkjur og saumið eitt spor þvert yfir næstu lykkju að miðju. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.