DROPS Super Sale - 30% AFSLÁTTUR á 6 garntegundum í allan júní!

Grunntækni í úrtöku

Langar þig til að læra undirstöðu í úrtöku? Við erum með kennslumyndbönd til að sýna þér hvernig þú getur fækkað lykkjum með því að prjóna 2 lykkjur slétt eða brugðið saman, með því að lyfta lykkju yfir eina eða fleiri lykkjur og fleira.

Flokkar
Myndbönd: 6
1:17
Hvernig á að fækka um 1 lykkju

Í þessu DROPS myndbandi sýnum við hvernig við fækkum / fellum af 1 lykkju frá réttu með því að lyfta 1 lykkju af prjóni, prjóna næstu lykkju, steypa lyftu lykkjunni yfir prjónuðu lykkjuna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:24
Hvernig á að fækka lykkjum með því að prjóna 2 lykkjur saman

Í þessu DROPS myndbandi sýnum við hvernig við fækkum/fellum af með því að prjóna 2 lykkjur saman. Kanski er þetta auðveldasta leiðin til þess að fækka um 1 lykkju - prjónið 2 lykkjur saman. Í myndbandinu prjónum við 2 lykkjur slétt saman fyrst framan í lykkjubogann - þá vísar úrtakan til hægri, síðan prjónum við 2 lykkjur snúnar slétt saman, þ.e.a.s. þá prjónum við aftan í lykkjubogann - þá vísar úrtakan til vinstri. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:21
Hvernig fækka á lykkjum með því að lyfta 1 lykkju af prjóni, 1 lykkja slétt, steypa lyftu lykkjunni

Í þessu DROPS myndbandi sýnum við hvernig við fækkum lykkjum með því að lyfta 1 lykkju af prjóni, prjóna 1 lykkju slétt, steypa lyftu lykkjunni yfir prjónuðu lykkjuna. Með þessu þá fækkum við lykkjum og þær vísa til vinstri. Hægt er fá sömu útkomu þannig: Lyftið 1 lykkju af prjóni, lyftið 1 lykkju af prjóni, stingið vinstri prjóni inn í þessar lykkjur og prjónið þær slétt saman. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:37
Hvernig á að fækka / fella af 2 lykkjur brugðið saman

Í þessu DROPS myndbandi sýnum við hvernig við fækkum / fellum af 2 lykkjur brugðið saman. Þegar við fellum af brugðnar lykkjur, þá prjónum við 2 lykkjur brugðið saman í 1 lykkju. Í myndbandinu sýnum við fyrst algengustu aðferðina (á Norðurlöndunum) og síðan hvaða aðferð er notuð í Bandaríkjunum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:13
Hvernig á að fækka 3 lykkjum í 1 lykkju

Í þessu DROPS myndbandi sýnum við hvernig við fækkum lykkjum með því að prjóna 3 lykkjur í 1 lykkju. Til þess að gera fallega úrtöku þar sem fækkar er úr 3 lykkjum í 1 lykkju, með því að fækka lykkjum hvoru megin við miðjulykkju, sýnum við þetta í myndbandinu með tveimur aðferðum: Fyrst með aðstoð kaðlaprjóns, síðan án kaðlaprjóns sem hentar vel ef garnið er ekki mjög slétt eða skiptir sér. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
0:59
Hvernig fækka á lykkjum með að lyfta 2 lykkjum af prjóni, prjóna þær saman

Í þessu DROPS myndbandi sýnum við hvernig við fækkum lykkjum með því að lyfta 1 lykkju af prjóni, lyfta 1 lykkju af prjóni, prjóna lyftu lykkjurnar saman. Lyftið 1 lykkju af prjóni, lyftið annarri lykkju af prjóni, setjið lyftu lykkjurnar aftur yfir á vinstri prjón og prjónið þær saman. Þetta er affelling sem vísar til vinstri. Þessi aðferð er mikið notuð í stað þess að lyfta 1 lykkju af prjóni, prjóna 1 lykkju slétt og steypa lyftu lykkjunni yfir. Báðar aðferðirnar gefa sömu útkomu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.