DROPS Super Sale - 5 vinsælar garntegundir á AFSLÆTTI í allan apríl!

Áferðaprjón

Langar þig að læra að prjóna fallega áferð? Við erum með kennslumyndbönd til að leiðbeina þér í því að búa til kúlur, kaðla, perluprjón, stroffprjón, brómberjamynstur, öldumynstur og margar fleiri glæsilegar aðferðir.

Flokkar
Myndbönd: 264
3:42
Hvernig á að prjóna i-cord kant, fram og til baka

Í þessu DROPS myndbandi sýnum við hvernig við prjónum i-cord kant bæði frá réttu og frá röngu. Þær 6 fyrstu / 6 síðustu lykkjurnar á eftir i-cord kantinum eru prjónaðar í garðaprjóni (= lykkjur eru prjónaðar bæði frá réttu og frá röngu). Í byrjun umferðar frá réttu er prjónað þannig: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt og 6 lykkjur í garðaprjóni. Prjónið sléttprjón. Í lok umferðar frá réttu er prjónað þannig: Prjónið 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt. Í byrjun umferðar frá röngu er prjónað þannig: Lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt, prjónið 6 lykkjur í garðaprjóni. Prjónið sléttprjón. Í lok umferðar frá röngu er prjónað þannig: 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. Við notum garnið DROPS Snow í myndbandinu. Þessi aðferð er notuð í mörgum af mynstrunum okkar – þú finnur mynstur þar sem þessi aðferð er notuð með því að smella á myndirnar að neðan.
7:38
Hvernig á að prjóna með 2 litum

Í þessu DROPS myndbandi sýnum við hvernig hægt er að prjóna fram og til baka með 2 litum í mynstri. Í þessu myndbandi sýnum við hvernig prjónað er fram og til baka eftir mynstri, prjónað er með tveimur litum. Sá litur sem ekki er notaður fylgir með á bakhliðinni í umferð séð frá réttu. Passið uppá að þráðurinn sem fylgir með á bakhlið sé ekki of strekktur eða of laus. Ef það eru fleiri en 3 lykkjur í röð í mynstri með sama lit þá er litunum snúið utan um hvorn annan eftir ca 3. hverja lykkju. Það er gert þannig: Þráðurinn er tekinn til skiptis yfir og undir þann lit sem fylgir með á bakhliðinni. Í umferð frá röngu er þráðurinn sem fylgir með fyrir framan stykkið, munið eftir að hafa rétta spennu á þræðinum. Ath: Ef ekki er notaður einn litur alla leiðina út umferð, þá er hægt að geyma litinn þar sem hann endar. Ef nota á litinn í byrjun næstu umferðar, þá verður liturinn að fylgja með út umferðina að kanti með því að snúa litinum utan um litinn sem prjónað er með, með ca 3 l millibili. Ekki hafa áhyggjur ef þetta verður aðeins ójafnt, stykkið jafnar sig þegar það er bleytt og lagt til í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:46
Hvernig á að prjóna með 2 litum - US/UK

Í þessu DROPS myndbandi sýnum við hvernig prjónað er með 2 litum með US/UK aðferðinni. Í þessu myndbandi prjónum við fram og til baka eftir mynstri, við prjónum með tveimur litum. Sá litur sem ekki er notaður fylgir með á bakhliðinni í umferð séð frá réttu. Passið uppá að þráðurinn sem fylgir með á bakhlið sé ekki of stífur eða of laus. Ef það eru fleiri en 3 lykkjur í röð í mynstri með sama lit þá er litunum snúið utan um hvorn annan eftir ca 3. hverja lykkju. Það er gert þannig: Þráðurinn er tekinn til skiptis yfir og undir þann lit sem fylgir með á bakhlið. Í umferð frá röngu er þráðurinn sem fylgir með framan við stykkið, munið eftir að hafa rétta spennu á þræðinum. ATH: Ef ekki er notaður einn litur alla leiðina út umferðina, þá er hægt að geyma hann þar sem hann endar. Ef nota á litinn í byrjun næstu umferðar, þá verður liturinn að fylgja með út umferðina að kanti með því að snúa honum utan um litinn sem prjónað er með ca 3 lykkju millibili. Ekki hafa áhyggjur ef þetta verður aðeins ójafnt, stykkið jafnar sig þegar það er bleytt og lagt til í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:29
Hvernig á að prjóna sléttprjón

Í þessu DROPS myndbandi sýnum við hvernig prjóna á sléttprjón. Sléttprjón er hefðbundin aðferð til að fá jafna og flata áferð á stykki. Þegar prjónað er fram og til baka eins og útskýrt er í myndbandinu þá eru prjónaðar sléttar lykkjur á framhlið á stykki en brugðnar lykkjur á bakhlið á stykki. Þegar prjónað er í hring á hringprjóna eða á prjóna eru allar lykkjur prjónaðar slétt í öllum umferðum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:49
Hvernig á að prjóna garðaprjón

Í þessu DROPS myndbandi sýnum við hvernig prjóna á garðaprjón fram og til baka með hefðbundinni aðferð. Þegar garðaprjón er prjónað fram og til baka eru lykkjur prjónaðar slétt í öllum umferðum. Þegar prjónað er í hring á hringprjóna eða á prjóna þá er prjónuð ein umferð slétt og ein umferð brugðið. Endurtakið síðan þessar tvær umferðir. ATH! Þegar prjónaðir eru garðar þá fær maður fleiri garða á hæðina á 10 cm miðað við þegar prjónað er sléttprjón. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:58
Hvernig á að prjóna garðaprjón í hring á hringprjón

Í þessu DROPS myndbandi sýnum við hvernig hægt er að prjóna garðaprjón í hring á hringprjón. Prjónið eina umferð slétt *prjónið eina umferð brugðið, svo eina umferð slétt*, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:06
Hvernig á að prjóna stroff (1 lykkja slétt, 1 lykkja brugðið)

Í þessu DROPS myndbandi sýnum við hvernig prjóna á stroff (1 lykkja slétt, 1 lykkja brugðið). Stroff gefur teygjanleika sem oftast er í köntum við hálsmáli og á ermum. Hér er mikilvægt að allar sléttar lykkjur komi ofan á hverja aðra og að allar brugðnar lykkjur komi ofan á hverja aðra. Í myndbandinu prjónum við 1 lykkju slétt, 1 lykkju brugðið. Fyrsta umferð (rétta): 1 lykkja slétt, 1 lykkja brugðið. Haldið svona áfram út umferðina. Önnur umferð (ranga): 1 lykkja brugðið yfir 1 lykkju brugðið, 1 lykkja slétt yfir 1 lykkju slétt. Haldið svona áfram út umferðina. Endurtakið 1. og 2. umferð þar til stroffið er hefur náð óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:34
Hvernig á að prjóna kantlykkju í garðaprjóni

Í þessu DROPS myndbandi sýnum við hvernig hægt er að prjóna kantlykkju í garðaprjóni. Þegar prjónuð er flík er ein lykkja í hvorri hlið á stykkinu sem er kantlykkja. Kantlykkjan er venjulega ekki talin með í mynstri og það eru mismunandi leiðir til að prjóna þessa kantlykkju. Það fer eftir hverskonar kant á að prjóna, hvort sauma eigi kantinn niður sem hliðarsaum eða hvort kanturinn eigi að vera sýnilegur eins og á hálsklút eða framan á peysu. Kantlykkja í garðaprjóni - er hentug þegar þú vilt fá stífan en fallegan kant á stykki sem seinna er saumað saman eða teknar upp lykkjur. Prjónið kantlykkju slétt í hverri umferð og kantlykkjan verður þannig prjónuð í garðaprjóni eins og í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:55
Hvernig á að prjóna kantlykkjur í sléttprjóni

Í þessu DROPS myndbandi sýnum við hvernig hægt er að prjóna kantlykkjur í sléttprjóni. Þegar prjónuð er flík er ein lykkja í hvorri hlið á stykkinu sem er kantlykkja. Kantlykkjan er venjulega ekki talin með í mynstri og það eru mismunandi leiðir til að prjóna þessa kantlykkju. Það fer eftir hverskonar kant á að prjóna, hvort sauma eigi kantinn niður sem hliðarsaum eða hvort kanturinn eigi að vera sýnilegur eins og á hálsklút eða framan á peysu. Kantlykkja í sléttprjóni - er þægileg þegar prjónað er sléttprjón og prjónað er með grófu garni. Þá er ekki fallegt að hafa þykkan hliðarsaum og það verður að vera möguleiki á að sauma í ytri lykkjubogann. Prjónið kantlykkjuna slétt í öllum umferðum frá réttu og kantlykkjuna brugðið í öllum umferðum frá röngu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:03
Hvernig á að prjóna kantlykkju sem keðjulykkju

Í þessu DROPS myndbandi sýnum við hvernig hægt er að prjóna kantlykkjur sem keðjulykkjur. Þegar prjónuð er flík er ein lykkja í hvorri hlið á stykkinu sem er kantlykkja. Kantlykkjan er venjulega ekki talin með í mynstri og það eru mismunandi leiðir til að prjóna þessa kantlykkju. Það fer eftir hvernig kant á að prjóna, hvort sauma eigi kantinn niður sem hliðarsaum eða hvort kanturinn eigi að vera sýnilegur eins og t.d. á hálsklút eða framan á peysu. Keðjulykkja - er hentug þegar óskað er eftir að fá fallegan kant, eins og á hálsklút eða framan á jakkapeysu. Til að ná fram þessari fínu tvinnuðu keðjulykkju meðfram kanti þá er prjónað þannig: Í hverri umferð er 1. lykkju lyft af prjóni eins og prjóna eigi slétt. Síðasta lykkja í hverri umferð er prjónuð brugðið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:06
Hvernig á að fella af með picotkanti

Í þessu DROPS myndbandi sýnum við hvernig við fellum af með picotkanti. Í þessu myndbandi þá prjónum við þannig: Prjónið 1 lykkju slétt (* stingið hægri prjóni inn á milli 2 fyrstu lykkja á vinstri prjóni (þ.e.a.s. á milli lykkja á prjóni, ekki í gegnum lykkjuna), sláið 1 sinni uppá prjóninn, dragið uppsláttinn fram á milli lykkjanna og setjið uppsláttinn yfir á vinstri prjón *, endurtakið frá *-* 2 sinnum til viðbótar (= 3 nýjar lykkju á vinstra prjóni). ** Prjónið fyrstu lykkju á vinstra prjóni slétt, steypið fyrstu lykkju á hægra prjóni yfir síðustu lykkju sem var prjónuð **), endurtakið frá **-** alls 5 sinnum og endurtakið (-) meðfram allri umferðinni þar til 1 lykkja er eftir. Klippið frá og dragið í gegnum síðustu lykkjuna. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:09
Hvernig á að fella af með picotkanti í stroffi

Í þessu DROPS myndbandi sýnum við hvernig hægt er að fella af með picotkanti í stroffi sem er prjónað með 1 lykkju snúna slétt – 1 lykkju brugðið. Prjónið 1 lykkju slétt, * stingið inn hægri prjóni á milli 2 næstu lykkja á vinstra prjóni (þ.e.a.s. á milli lykkja á prjóni, ekki í gegnum lykkjurnar), sláið 1 sinni uppá hægri prjón, dragið fram uppsláttinn á milli lykkja og setjið uppsláttinn á vinstri prjón *, prjónið frá *-* alls 3 sinnum (= 3 nýir uppslættir á vinstra prjóni), prjónið slétt og fellið af 7 lykkjur (= 1. lykkja á hægri prjóni + 3 uppslættir + 3 lykkjur). Haldið nú áfram að prjóna frá *-* og fellið af 7 lykkjur alveg eins meðfram allri affellingunni. Þegar ekki eru nægilega margar lykkjur eftir til að gera nýja picot eru lykkjurnar sem eftir eru felldar af slétt. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
3:03
Hvernig á að prjóna sólfjaðrir með útaukningu á milli lykkja

Í þessu DROPS myndbandi sýnum við hvernig við prjónum sólfjaðrir á milli 2 lykkja jafnframt því sem við aukum út 5 lykkjur. * Stingið prjóninum í bilið með merkiþræði, sláið 1 sinni uppá prjóninn og dragið þráðinn fram að framhlið á stykki, prjónið 1 lykkju slétt *, endurtakið frá *-* alls 5 sinnum (= 5 uppslættir á prjóninum). ATH: Passið uppá að uppslættirnir verið jafn langir (mikilvægt er að uppslættirnir verði ekki of stífir, til að koma í veg fyrir að prjónfestan verði of stíf á hæðina). Í næstu umferð er uppslátturinn prjónaður slétt. Einnig er hægt að auka út með fleiri eða færri lykkjum, mundu að lesa mynstrið yfir áður en þú prjónar til að vita lengdina á uppslættinum. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:48
Hvernig á að prjóna sólfjaðrir með útaukningu í lykkju

Í þessu DROPS myndbandi sýnum við hvernig við prjónum sólfjaðrir í lykkju jafnframt því sem við aukum út 5 lykkjur. * Stingið prjóninum í bilið með merkiþræði, sláið 1 sinni uppá prjóninn og dragið þráðinn fram að framhlið á stykki, prjónið 1 lykkju slétt *, endurtakið frá *-* alls 5 sinnum (= 5 uppslættir á prjóninum). ATH: Passið uppá að uppslættirnir verið jafn langir (mikilvægt er að uppslættirnir verði ekki of stífir, til að koma í veg fyrir að prjónfestan verði of stíf á hæðina). Í næstu umferð er uppslátturinn prjónaður slétt. Einnig er hægt að auka út með fleiri eða færri lykkjum, mundu að lesa mynstrið yfir áður en þú prjónar til að vita lengdina á uppslættinum. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:37
Hvernig á að prjóna garðaprjón með sokkaprjónum

Í þessu DROPS myndbandi sýnum við hvernig hægt er að prjóna garðaprjón í hring á sokkaprjóna. Umferð 1: Prjónið allar lykkjur brugðið. Umferð 2: Prjónið allar lykkjur slétt. Endurtakið 1. og 2. umferð. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:12
Hvernig á að prjóna öldumynstur

Í þessu DROPS myndbandi sýnum við hvernig hægt er að gera öldumynstur með aðstoð uppslátta og úrtöku. Í myndbandinu er fylgt eftir mynstureiningu sem nær yfir 17 lykkjur á breiddina og 4 umferðir á hæðina. UMFERÐ 1 (rétta): * Prjónið 2 lykkjur slétt saman 3 sinnum, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 2 lykkjur slétt saman 3 sinnum *, endurtakið frá *-*. UMFERÐ 2 (ranga): Prjónið allar lykkjur slétt (þær verða brugðnar séð frá réttu). UMFERÐ 3: Prjónið allar lykkjur slétt. UMFERÐ 4: Prjónið allar lykkjur brugðið. Fellið af jafnframt því að 1. umferð í M.1 er prjónuð, þannig verður affellingarkanturinn einnig öldulaga. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
13:53
Hvernig á að prjóna öldumynstur eftir mynsturteikningu

Í þessu DROPS myndbandi sýnum við hvernig við prjónum eftir mynsturteikningu A.1 og A.2 í barnateppinu Good Night í DROPS Baby 33-4. Við prjónum 2 mynstureiningar á breiddina á mynsturteikningu og við höfum nú þegar fitjað upp 42 lykkjur + 3 kantlykkjur í hvorri hlið (= 48 lykkjur). Þetta teppi er prjónað úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:45
Hvernig á að prjóna öldumynstur í A.1 í DROPS 163-17

Í þessu DROPS myndbandi sýnum við hvernig við prjónum eftir mynsturteikningu A.1 í teppinu Mermaid Song í DROPS 163-17. Við prjónum 3 kantlykkjur í hvorri hlið og prjónum A.1 2 sinnum á breiddina. Við höfum nú þegar prjónað A.1 2 sinnum á hæðina og byrjum myndbandið á umferð 6 í mynstri, frá röngu. Teppið er prjónað úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
17:54
Hvernig á að prjóna M.1 í DROPS 118-16

Í þessu DROPS myndbandi sýnum við hvernig við prjónum eftir mynsturteikningu M.1 í pilsi í DROPS 118-16. Í myndbandinu höfum við nú þegar prjónað 2 mynstureiningar af M.1. Þetta pils er prjónað úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:59
Hvernig á að prjóna öldumynstur

Í þessu DROPS myndbandi sýnum við hvernig við prjónum öldumynstur, sem er í nokkrum af mynstrunum okkar. Í þessu myndbandi höfum við fitjað upp 40 lykkjur og prjónað 2 umferðir slétt. Haldið síðan áfram þannig: UMFERÐ 1 (rétta): Prjónið þessa umferðir með úrtöku sem er undirstaða fyrir öldumynstur: Fyrir miðju á hverri mynstureiningu er lykkum fækkað með því að lyfta 1 lykkju af prjóni, 1 lykkja slétt, steypið lyftu lykkjunni yfir og prjónið síðan 2 lykkjur slétt saman eins og útskýrt er í mynsturteikningu í mynstri. UMFERÐ 2 (ranga): Prjónið allar lykkjur brugðið. UMFERÐ 3 (rétta): Fækkið lykkjum á sama hátt og í umferð 1, til viðbótar er aukið út um 1 lykkju hvoru megin við hverja mynstureiningu. Endurtakið umferð 2 og 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:56
Hvernig á að prjóna kúlu

Í þessu DROPS myndbandi sýnum við hvernig við prjónum kúlu. Prjónið 5 lykkjur í sömu lykkju þannig: Prjónið 1 lykkju slétt, sláið 1 sinni uppá prjóninn, 1 lykkja slétt, sláið 1 sinni uppá prjóninn, 1 lykkja slétt, snúið við, prjónið 5 umferðir sléttprjón yfir þessar lykkjur. Steypið nú 2. lykkju á hægri prjóni yfir 1. lykkju, síðan 3. lykkju yfir 1. lykkju, síðan 4. lykkju yfir 1. lykkju og að lokum 5. lykkju yfir 1. lykkju = 1 lykkja eftir á prjóni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:31
Hvernig á að prjóna einfalda kúlu

Í þessu DROPS myndbandi sýnum við hvernig hægt er að prjóna einfalda litla kúlu. Prjónið 4 lykkjur í 1 lykkju með því að prjóna í annað hvert skipti framan í og aftan í lykkjuna, alls 4 sinnum. Prjónið síðan 4 umferðir sléttprjón fram og til baka yfir þessar 4 lykkjur. Steypið síðan 2. lykkju á hægri prjóni yfir 1. lykkju, 3. lykkju yfir 1. lykkju og að lokum 4. lykkju yfir 1. lykkju (= 1 lykkja eftir). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:34
Hvernig á að prjóna kúlu

Í þessu DROPS myndbandi sýnum við hvernig hægt að prjóna kúlur með tveimur mismunandi aðferðum. Í báðum aðferðunum er mikilvægt að hafa lausar lykkjur. Ef þú prjónar gatamynstur þá kemur fyrir að prjónaðar eru kúlur. Prjónaðar kúlur er Eistnesk aðferð og gefa kúlarnar fallega áferð. Kúlurnar mynna á blómaknúppa. Gerið eina kúlu með því að prjóna 1 lykkju slétt og sláið x sinnum uppá prjóninn nokkrum sinnum í sömu lykkju, endið á að prjóna 1 lykkju slétt. Algengast er endað þegar búið er að slá 5, 7 eða 9 sinnum uppá prjóninn eða eftir því hversu stór kúlan eigi að vera. Setjið til baka allar lykkjur yfir á vinstri prjón, jafnframt eru allar lykkjur prjónaðar saman í 1 lykkju. Herðið á þræðinum og haldið áfram að prjóna. Eða notið heklunál og gerið það sama. * Stingið heklunálinni í gegnum lykkjuna, sækið þráðinn, bregðið þræðinum 1 sinni um heklunálina, endurtakið frá *, endið með að stinga heklunálinni í gegnum lykkjuna og sækið þráðinn. Bregðið síðan þræðinum um heklunálina og dragið þráðinn í gegnum allar lykkjur á heklunálinni = lykkja. Setjið til baka þessa lykkju yfir á hægri prjón, herðið á þræði og haldið áfram að prjóna.
5:39
Hvernig á að prjóna kúlur yfir 6 umferðir

Í þessu DROPS myndbandi sýnum við hvernig við prjónum kúlu í sléttprjóni yfir 6 umferðir eins og m.a. má sjá í þæfðu pottaleppunum í DROPS Extra 0-1431. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.