Other Crochet Textures

Flokkar
Myndbönd: 29
8:53
Hvernig á að hekla stjörnumynstur fram og til baka

Í þessu DROPS myndbandi sýnum við hvernig við heklum stjörnumynstur fram og til baka. Byrjað er með oddatölu fjölda loftlykkja. Minnst 7 loftlykkjur fyrir 1 stjörnu, 9 loftlykkjur eru fyrir 2 stjörnur, 11 loftlykkjur eru fyrir 3 stjörnur o.s. frv. Í sýnishorninu okkar heklum við 13 loftlykkjur fyrir 4 stjörnur. UMFERÐ 1 (ranga): Takið upp 5 loftlykkjur með byrjun í 2. loftlykkju frá heklunálinni = 6 loftlykkjur á heklunálinni, bregðið þræðinum um heklunálina og dragið þráðinn í gegnum allar 6 lykkjurnar, heklið 1 loftlykkju sem myndar gat yfir þessar 6 lykkjur, * takið upp 1 lykkju í gatinu, 1 lykkju í hlið af þeirri síðustu af 6 lykkjunum, 1 lykkja í sömu loftlykkju eins og sú síðasta af 6 lykkjum sem tekin var upp, 1 lykkja í hvora af næstu 2 lykkjum = 6 lykkjur á heklunálinni, bregðið þræðinum um heklunálina og dragið þráðinn í gegnum allar 6 lykkjurnar, 1 loftlykkja *, endurtakið frá *-*. Heklið 1 hálfan stuðul í síðustu loftlykkju, Snúið við. UMFERÐ 2 (ranga): Heklið 2 loftlykkjur, heklið 2 hálfa stuðla í hvert "stjörnugat", endið umferð á 1 hálfum stuðli í síðustu lykkju. Snúið við. UMFERÐ 3: Heklið 3 loftlykkjur, takið upp 1 lykkju í 2. og 3. loftlykkju frá heklunálinni, 1 lykkja í fyrstu 3 lykkjur í umferð = 6 lykkjur á heklunálinni, bregðið þræðinum um heklunálina og dragið þráðinn í gegnum allar 6 lykkjurnar, heklið 1 loftlykkju, * takið upp 1 lykkju í gatið, 1 lykkja í hlið á síðustu af þessum 6 lykkjum, 1 lykkju í sömu lykkju og sú síðasta af þessum 6 lykkjum sem teknar voru upp, 1 lykkja í hvora af næstu 2 lykkjum = 6 lykkjur á heklunálinni, bregðið þræðinum um heklunálina og dragið þráðinn í gegnum allar 6 lykkjurnar, 1 loftlykkja *, endurtakið umferð 2 og 3 fyrir stjörnumynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:53
Hvernig á að hekla stjörnumynstur - heklað í hring

Í þessu DROPS myndbandi heklum við stjörnumynstur í hring. Við heklum 25 LAUSAR loftlykkjur og tengjum í hring með 1 keðjulykkju í fyrstu loftlykkju. UMFERÐ 1: Heklið 3 loftlykkjur, takið upp 5 lykkjur með byrjun í 2. loftlykkju frá heklunálinni (= 6 lykkjur á heklunálinni), bregðið þræðinum um heklunálina og dragið þráðinn í gegnum allar 6 lykkjur, heklið 1 loftlykkju sem myndar gat efst í 6 loftlykkjum, * takið upp 1 lykkju í gatinu, 1 lykkja í hlið á síðustu lykkju af þeim 6 lykkjum, 1 lykkju í sömu loftlykkju eins og sú síðasta af þeim 6 lykkjum sem teknar voru upp, 1 lykkja í hvora af næstu 2 loftlykkjum (= 6 lykkjur á heklunálinni), bregðið þræðinum um heklunálina og dragið þráðinn í gegnum allar 6 lykkjur, 1 loftlykkja *, endurtakið frá *-* alls 11 sinnum, endið á 1 keðjulykkju í 3. lofltykkju frá byrjun umferðar. UMFERÐ 2: 2 loftlykkjur, heklið 2 hálfan stuðul í hvert «stjörnugat», endið umferð á 1 keðjulykkju í 2. loftlykkju frá byrjun umferðar = 12 stjörnur. UMFERÐ 3: 3 loftlykkjur, takið upp 1 lykkju í 2. og 3. loftlykkju frá heklunálinni, 1 lykkja aftan í lykkjubogann af þeim fyrstu 3 hálfu stuðlum í umferð (= 6 lykkjur á heklunálinni), bregðið þræðinum um heklunálina og dragið þráðinn í gegnum allar 6 lykkjur, 1 loftlykkja, * takið upp 1 lykkju í gatinu, 1 lykkju við hliðina á síðustu lykkju af þeim 6 lykkjum, 1 lykkja aftan í lykkjubogann á sama hálfa stuðli og síðasta lykkja af þeim 6 lykkjum sem teknar voru upp, 1 lykkja í aftari lykkjubogann af hvorum af næstu 2 hálfum stuðlum (= 6 lykkjur á heklunálinni), bregðið þræðinum um heklunálina og dragið þráðinn í gegnum allar 6 lykkjur, 1 loftlykkja *, endurtakið frá *-* alls 11 sinnum, endurtakið með 1 keðjulykkju í 3. loftlykkju frá byrjun umferðar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:04
Hvernig á að hekla randalínu

Í þessu DROPS myndbandi sýnum við hvernig við heklum vinsælu randalínuna okkar. Þetta hekl er alltaf jafn vinsælt. Heklið fjölda loftlykkja sem hægt er að deila með 3, í myndbandinu eru heklaðar 18 loftlykkjur. Umferð 1: Heklið 3 stuðla í 6. loftlykkju frá heklunálinni, * hoppið yfir 2 loftlykkjur, 3 stuðlar í næstu loftlykkju *, endurtakið frá *-* út umferðina. Snúið við. Umferð 2: Heklið 3 loftlykkjur, 3 stuðlar á milli 2 fyrstu stuðla hópa frá fyrri umferð, * heklið 3 stuðla á milli næstu 2 stuðla hópa *, endurtakið frá *-* út umferðina og endið með 3 stuðla í loftlykkjubogann í byrjun fyrri umferðar – þegar draga á þráðinn í gegn í lokin á síðasta stuðli, skiptið um lit ef rendurnar eiga að vera í mismunandi litum. Hægt er að klippa frá og festa enda síðar (við sýnum það síðar í myndbandinu), eða látið þráðinn fylgja meðfram kantinum, ef hekla á lista / kant í kringum stykki í lokin. Endurtakið umferð 2. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
13:49
Hvernig á að hekla körfumynstur

Í þessu DROPS myndbandi sýnum við hvernig við heklum körfumynstur. Í þessu myndbandi byrjum við með 26 loftlykkjum, snúið við og heklið 1 stuðul í 4. loftlykkju frá heklunálinni, síðan 1 stuðul í hverja loftlykkju = 24 stuðlar (deilanlegir með 4). UMFERÐ 2: Heklið 1 loftlykkju, heklið * 1 stuðul framan frá utan um hvern af næstu 4 stuðlum, 1 stuðul aftan frá um hvern af næstu 4 stuðlum *, endurtakið frá *-*. UMFERÐ 3: Heklið eins og umferð 2. UMFERÐ 4: Heklið 1 loftlykkju, heklið * 1 stuðul aftan frá um hvern af næstu 4 stuðlum, 1 stuðul framan frá um hvern af næstu 4 stuðlum *, endurtakið frá *-*. UMFERÐ 5: Heklið eins og umferð 4. Endurtakið umferð 2-5 í körfumynstri. Í myndbandinu notum við garnið DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:29
Hvernig á að hekla stroff

Í þessu DROPS myndbandi sýnum við hvernig við heklum stroff sem lítur út fyrir að sé prjónað 1 lykkja slétt, 1 lykkja brugðið. Heklið þann fjölda loftlykkja/lengd sem óskað er eftir. UMFERÐ 1: Heklið þann óskaðan fjölda loftlykkja, í myndbandinu heklum við 12 loftlykkjur, snúið. UMFERÐ 2: Heklið 1 loftlykkju, 1 fastalykkju í hverja loftlykkju út umferðina, snúið. UMFERÐ 3: Heklið 1 loftlykkju, heklið 1 keðjulykkju í hverja fastalykkju út umferðina, snúið. UMFERÐ 4: Heklið 1 loftlykkju, 1 fastalykkja í hverja keðjulykkju út umferðina, snúið. Endurtakið umferð 3 og 4 að óskuðu máli. Við notum garnið DROPS Snow í myndbandinu.
15:00
Hvernig á að hekla Larksfoot lykkjur

Í þessu DROPS myndbandi sýnum við ykkur hvernig hekla á Larksfoot lykkjur. Heklið þann fjölda loftlykkja sem hægt er að deila með 4+1. Við höfum nú þegar heklað band með 21 loftlykkju og höfum valið að hekla með 3 litum. Röð 1: Heklið 1 stuðul í 4. loftlykkju frá heklunálinni, 1 stuðull í næstu loftlykkju, * 1 loftlykkja, hoppið yfir 1 lykkju, 1 stuðul í hverja af næstu 3 lykkjum *, endurtakið frá *-* út röðina, snúið. Röð 2: Heklið 3 loftlykkjur (= 1 stuðull), 1 stuðull í hvorn af næstu 2 stuðlum, * 1 loftlykkja, hoppið yfir 1 lykkju, 1 stuðull í hvern af næstu 3 stuðlum *, endurtakið frá *-* út röðina (síðasti stuðull endar í 3. loftlykkju frá byrjun á fyrri röð, jafnframt er nýr þráður með nýjum lit dreginn í gegn), snúið. Röð 3: Heklið 3 loftlykkjur (= 1 stuðull), * 1 loftlykkja, hoppið yfir 1 lykkju, 1 stuðull í næsta stuðul, 1 stuðull um loftlykkju frá 1. röð/2. röð að neðan, 1 stuðull í næstu lykkju *, endurtakið frá *-* út röðina, endið með 1 loftlykkju, hoppið yfir 1 lykkju og 1 stuðul í 3. loftlykkju frá byrjun á fyrri röð, snúið. Röð 4: Heklið 3 loftlykkjur (= 1 stuðull), * 1 loftlykkja, hoppið yfir 1 lykkju, 1 stuðull í hvern af næstu 3 stuðlum *, endurtakið frá *-* út röðina, endið með 1 loftlykkju, hoppið yfir 1 lykkju, 1 stuðull í 3. loftlykkju frá byrjun á fyrri röð, jafnframt er nýr þráður með nýjum lit dreginn í gegn, snúið. Röð 5: Heklið 3 loftlykkjur (= * 1 stuðull), 1 langur stuðull um loftlykkju frá 3. röð/2. röð að neðan, 1 stuðull í næstu lykkju, 1 loftlykkja, hoppið yfir 1 lykkju *, endurtakið frá *-* út röðina, en endið eftir 1 stuðul í næstu lykkju, 1 langur stuðull um loftlykkju frá 3. röð/2. röð að neðan, 1 stuðull í 3. loftlykkju frá byrjun á fyrri röð, snúið. Endurtakið röð 2-5 að óskaðri lengd. Í myndbandinu heklum við röð 1-5 einu sinni, eftir það röð 2 einu sinni til viðbótar. Í myndbandinu notum við DROPS Snow, en í litlu hekl prufunni höfum heklað úr DROPS Puna, heklunál 4, byrjum með 40 + 1 loftlykkjur, röð 1 er hekluð einu sinni, röð 2-5 eru heklaðar 4 sinnum, eftir það er röð 2 hekluð einu sinni til viðbótar.
10:25
Hvernig á að hekla Spike Stitch - langar fastalykkjur

Í þessu DROPS myndbandi sýnum við hvernig við heklum «Spike stitch» einnig nefnd «Löng fastalykkja». Heklið eina loftlykkjuumferð með þann fjölda lykkja sem er deilanlegur með 6 + 1, í þessu myndbandi höfum við nú þegar heklað 24 + 1 loftlykkju. Heklið áfram þannig: 1. UMFERÐ: Snúið stykkinu, 1 loftlykkja, 1 fastalykkja í 2. lykkju frá heklunálinni, eftir það er hekluð 1 fastalykkja í hverja af næstu lykkjum út umferðina, snúið. 2. UMFERÐ: 1 loftlykkja, 1 fastalykkja í hverja af næstu lykkjum út umferðina, snúið. 3-6. UMFERÐ: Endurtakið umferð 2, en þegar draga á þráðinn í gegn í síðustu lykkju í 6. umferð, skiptið um lit, snúið. Nú á að hekla «Spike Stitch» /fastalykkju með mismunandi lengdum. 7. UMFERÐ: Heklið 1 loftlykkju, 1 fastalykkja í 1. lykkju, 1 fastalykkja í næstu lykkju, en í umferðina að neðan, 1 fastalykkja í næstu lykkju, en 2 umferðum að neðan, 1 fastalykkja í næstu lykkju, en 3 umferðum að neðan, 1 fastalykkja í næstu lykkju, en 4 umferðum að neðan, 1 fastalykkja í næstu lykkju, en í 5 umferðum að neðan. Ein eining af «Spike Stitch» er lokið, munið eftir að draga aðeins í löngu fastalykkjurnar og snúið. Endurtakið umferð 2-6, skiptið um lit og heklið eina umferð með «Spike Stitch». Heklið svona að óskaðri lengd. Litla prufan í myndbandinu er hekluð úr DROPS Cotton Merino, en við notum grófara garn þegar við heklum; DROPS Snow.
4:38
Hvernig á að hekla «waistcoat stitch»

Í þessu DROPS myndbandi sýnum við hvernig við heklum prjónaða lykkju, sem einnig er kölluð «waistcoat stitch» eða bara fastalykkja. Venjulega heklar maður fastalykkju í báða lykkjubogana frá fyrri umferð, en hér heklum við á milli 2 fastalykkja, heklað er efst í öfugt V. Munið eftir að hekla laust! Fyrst sýnum við einungis með einum lit, eftir það með tveimur litum þannig að það myndist litið hjarta. Í myndabandinu notum við DROPS Snow.
5:14
Hvernig á að hekla jarðaber

Í þessu DROPS myndbandi sýnum við hvernig hekla á jarðaber. Við heklum stuðla fram að lykkju þar sem hekla á jarðaberið. Skiptið um lit (rauður) og heklið 7 stuðlar í næstu lykkju, teygið út heklunálina og stingið henni inn í 1. stuðul og lykkju frá síðasta stuðli, skiptið um lit (grænn) og dragið þráðinn í gegnum lykkjuna á 1. stuðli. Stingið heklunálinni í gegnum 1. og 2. stuðul og sækið þráðinn, endurtakið þetta á milli allra stuðlana 6 sinnum alls = 7 lykkjur á heklunálinni, bregðið þræðinum um heklunálina og dragið þráðinn í gegnum allar 7 lykkjurnar. Skiptið um lit (ljós grár) og heklið 1 loftlykkju. Heklið 1 stuðul í hverja af næstu lykkjum að næsta jarðaberi sem á að hekla. Í þessu myndbandi heklum við 3 stuðla í gegnum hvert jarðaber og við heklum í kringum böndin/þræðina sem ekki eru notaðir. Þegar skipta á um lit, er litnum skipt út þegar draga á þráðinn í gegn í lokin. Við notum garnið DROPS Snow í þessu myndbandi og litli prufu búturinn er heklaður úr DROPS Muskat.
9:44
Hvernig á að hekla «The Block Stitch»

Í þessu DROPS myndbandi sýnum við hvernig við heklum «The Block Stitch». Við heklum eina umferð með loftlykkjum með fjölda sem er deilanlegur með 3 + 1 loftlykkjum. Við heklum 15 + 1 lykkju í myndbandinu. Við heklum 15 loftlykkjur með litur 1. UMFERÐ 1: Heklið 1 loftlykkja, 1 fastalykkja í 2. loftlykkju frá heklunálinni, 1 fastalykkja í næstu lykkju,* 2 loftlykkjur, hoppið yfir 2 lykkjur, 1 fastalykkja í hvora af næstu 2 lykkjum *, endurtakið út umferðina og endið með 1 fastalykkju í hvora af síðustu 2 lykkjum, snúið. UMFERÐ 2: Heklið 2 loftlykkjur, 1 stuðull í fyrstu lykkju, heklið nú 3 stuðla í hvern loftlykkjuboga út umferðina. Endið með 1 stuðul í síðustu lykkju, en dragið þráðinn í gegn í lokin með litur 2, snúið. Klippið frá lit 1. UMFERÐ 3: Heklið 1 loftlykkju, 1 fastalykkja í 1. lykkju, 1 fastalykkja á milli síðasta stuðlahóps og síðasta stuðlahóps frá fyrri umferð, * 2 loftlykkjur, 1 fastalykkja á milli stuðlahópa frá fyrri umferð *, endurtakið frá *-* út umferðina og endið með 1 fastalykkju í 3. loftlykkjur frá fyrri umferð, jafnframt er skipt yfir í lit 3, snúið. Klippið frá lit 2. UMFERÐ 4: Heklið 3 loftlykkjur, 1 stuðul í 1. lykkju, heklið 3 stuðla í hvern loftlykkjuboga út umferðina og endið með 1 stuðul í síðustu lykkju, snúið. Klippið frá lit 3. Endurtakið nú umferð 3 og 4 að óskaðri lengd. Við notum garnið DROPS Snow í myndbandinu. Þessi litla prufa er hekluð úr DROPS Puna með heklunál 3,5.
6:26
Hvernig á að hekla ástarhnúta ferning

Í þessu DROPS myndbandi sýnum við hvernig við heklum ástarhnúta ferning. Heklaðir ástarhnútar með innblæstri frá keltneskum að eilífu hnútum, tákn fyrir eilífa ást. 1. ÁSTARHNÚTUR: * Dragið út lykkju á heklunálinni ca 4 cm, bregðið þræðinum um heklunálina, dragið uppsláttinn í gegnum lykkju, stingið heklunálinni í gegnum lykkjuna (= 2 lykkjur á heklunálinni), bregðið þræðinum um heklunálina, dragið uppsláttinn í gegnum 2 lykkjur á heklunálinni *, endurtakið frá *-* = 1 ástarhnútur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:18
Hvernig á að hekla ástarhnútar þríhyrning

Í þessu DROPS myndbandi sýnum við hvernig við heklum ástarhnútar þríhyrning. Heklaðir ástarhnútar með innblæstri frá keltneskum að eilífu hnútum, tákn fyrir eilífa ást. 1. ÁSTARHNÚTUR: * Dragið út lykkju á heklunálinni ca 4 cm, bregðið þræðinum um heklunálina, dragið uppsláttinn í gegnum lykkjuna, stingið heklunálinni í gegnum lykkjuna sem myndaðist fyrir aftan löngu lykkjuna, bregðið þræðinum um heklunálina, dragið þráðinn í gegnum lykkjuna(= 2 lykkjur á heklunálinni), bregðið þræðinum um heklunálina, dragið uppsláttinn í gegnum 2 lykkjur á heklunálinni *, endurtakið frá *-* = 1 ástarhnútur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:56
Hvernig á að gera túniskt hekl

Í þessu DROPS myndbandi sýnum við hvernig við gerum túniskt hekl. (Aðferð þar sem í stærri verkefnum þarf að nota langa heklunál). Byrjið á að gera band með loftlykkjuumferðum. Heklið 1. umferð með því að stinga heklunálinni í gegnum 2. loftlykkju frá heklunálinni og sækið þráðinn, stingið heklunálinni í gegnum næstu loftlykkju og sækið þráðinn, haldið svona áfram út umferðina. Allar nýjar lykkjur eru á heklunálinni og að lokum eru álíka margar lykkjur á heklunálinni eins og gefið er upp í mynstri. Snúið ekki við, heldur byrjið nú að fella af hverja lykkju með því að draga fyrst þráðinn í gegnum fyrstu lykkju, síðan er þráðurinn dreginn í gegnum 2 lykkju í einu út umferðina. Passið uppá að lykkjufjöldinn haldist stöðugur í hverri umferð þegar teknar eru upp nýjar lykkjur. Með þessari aðferð er hægt að ná þéttri áferð með rúðumynstri og augljósa framhlið og bakhlið.
5:49
Hvernig á að hekla prjónaðar lykkjur með túnisku hekli

Í þessu DROPS myndbandi sýnum við heklaðferð þar sem gefur prjónað útlit. (Aðferð sem í stærri verkefnum þarf að nota langa heklunál). Byrjið á að gera band með loftlykkjuumferðum. Heklið 1. umferð með því að stinga heklunálinni í gegnum 2. loftlykkju frá heklunálinni og sækið þráðinn, stingið heklunálinni í gegnum næstu loftlykkju og sækið þráðinn, haldið svona áfram út umferðina. Allar nýjar lykkjur eru á heklunálinni og að lokum eru álíka margar lykkjur á heklunálinni eins og gefið er upp í mynstri. Snúið ekki við, heldur byrjið nú að fella af hverja lykkju með því að draga fyrst þráðinn í gegnum fyrstu lykkju, síðan er þráðurinn dreginn í gegnum 2 lykkju í einu út umferðina. Passið uppá að lykkjufjöldinn haldist stöðugur í hverri umferð þegar teknar eru upp nýjar lykkjur. Með þessari aðferð er hægt að ná þéttri áferð með rúðumynstri og augljósa framhlið og bakhlið.
5:24
Hvernig á að hekla keðjulykkjur (bosniskt hekl)

Í þessu DROPS myndbandi sýnum við þrjár mismunandi aðferðir við að hekla keðjulykkjur. Munið eftir að hekla LAUST. Við byrjum á að fitja upp ávkeðinn fjölda loftlykkja og tengja þær saman með keðjulykkju. Nú heklum við í hring með keðjulykkjum í fyrstu umferð neðan við loftlykkjurnar. Með þessu fáum við fallegan uppfitjunarkant og að stykkið rúllast ekki upp. Eftir fyrstu umferð höldum við áfram að hekla í hring/hekla aftan við/efri lykkjulið (grænn þráður). Eftir þetta sýnum við hvernig hægt er að hekla í hring/hekla keðjulykkjur í fremri/neðri lykkjulið (bleikur þráður) og að lokum sýnum við hvernig hægt er að hekla keðjulykkjur í gegnum báða lykkjuliðina (hvítur þráður). Þegar keðjulykkjur eru heklaðar í báða lykkjuliðina kallast þetta ekki heklað í hring. Þegar heklað er í hring/heklaðar keðjulykkjur í aftari/efri lykkjulið myndast láréttar rendur og þegar heklað er í hring/heklaðar keðjulykkjur í fremri/neðri lykkjulið myndast snúin áferð. Hring-hekl aðferðin gefur þétta og slitsterka áferð sem er minna teygjanleg og þegar heklað er í hring/heklað í hring allan tíman þá er tilvalið að gera það fyrir húfur og vettlingar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:18
Hvernig á að hekla rendur

Í þessu DROPS myndbandi sýnum við hvernig við heklum rendur. Þegar rendur eru heklaðar, eða þegar skipt er um lit, þá er það gert þannig: Þegar síðasta lykkjan er hekluð með litnum sem hætta á með, bíðið með að draga þráðinn í gegn í lokin. Herðið aðeins á þræðinum. Snúið stykkinu með 1 loftlykkju og haldið áfram með nýja litnum. Ef lengra bil á að vera á milli randa snúið þá nýja litnum utan um fyrri lit þegar komið er út að enda á umferðar, svo að gamli liturinn fylgi með upp meðfram kantinum á stykkinu þangað til þörf er á að nota hann aftur. Ef hekla á peysu þá koma þræðirnir til með að liggja meðfram innanverðum hliðarsaumi og ef heklaður er pottaleppur þá er hægt að hekla kant utan um pottaleppinn í lokin og þá sjást þræðirnir ekki meðfram kantinum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:49
Hvernig á að hekla sítrónubörk - hekláferð

Í þessu DROPS myndbandi sýnum við hvernig við heklum áferð sem mynnir á sítrónubörk. Byrjið á loftlykkjuröð, snúið við og heklið í hverja loftlykkju til skiptis fastalykkju og stuðul í aðra hverja loftlykkju. Í næstu umferð er heklað þannig: Heklið 1 fastalykkju í 1 stuðul og 1 stuðul í 1 fastalykkju. Endurtakið þessa umferð til þess að fá áferð eins og á sítrónuberki.
10:31
Hvernig á að hekla lykkjur

Í þessu DROPS myndbandi sýnum við hvernig hægt er að hekla lykkjur. Þetta er skemmtilegt og skrautlegt! Heklaðu kant með lykkjum, hálsklút með lykkjum, húfu með lykkjum... Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:37
Hvernig á að hekla stuðla í kross

Í þessu DROPS myndbandi sýnum við hvernig við heklum stuðla í kross. Heklið yfir jafnan fjölda lykkja sem er deilanlegur með tveimur. Heklið stuðla í kross þannig: Heklið 3 loftlykkjur, * hoppið yfir 1 lykkju, 1 stuðul í næstu lykkju, síðan 1 stuðul í lykkju sem hoppað var yfir *, endurtakið frá *-* út umferðina, endið á 1 stuðli í síðustu lykkju. Það myndast falleg áferð ef heklað er önnur hver umferð með stuðlum í kross og önnur hver umferð með fastalykkjum eins og útskýrt er í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:50
Hvernig á að hekla kústskafts mynstur

Í þessu DROPS myndbandi sýnum við hvernig við heklum kústaskafts mynstur, söguleg aðferð frá 1800. Notuð er heklunál og breiður prjónn. Hefðbundið er að nota kústskaft en breiður prjónn úr plasti hentar betur. Því breiðari prjónn því meiri áhrif. Stykkið myndast er mjúkt en stöðugt, sem passar vel fyrir sjöl og teppi þar sem óskað er eftir spennandi áferð á hornum. Byrjað er með loftlykkjubandi. Fjöldi loftlykkja er venjulega deilanlegur með 3-6, við notum 5. Þá byrjum við með 15 loftlykkjum sem er 3 x 5. UMFERÐ 1: Takið upp lykkju í gegnum hverja af loftlykkjum og setjið lykkjurnar á prjóninn. UMFERÐ 2: Heklið í lykkjur af prjóni með því að taka upp 5 lykkjur í hvert skipti og heklið 5 fastalykkjur í gegnum toppinn á öllum lykkjum í hverri einingu í sama skipti. UMFERÐ 3: Takið upp lykkjur í gegnum hverja af fastalykkjum og setjið lykkjur á prjóninn. Endurtakið umf 2-3.
4:12
Hvernig á að hekla stroff lárétt

Í þessu DROPS myndbandi sýnum við hvernig við heklum teygjanlegt stroff sem hentar vel á húfum eða á sokkum. Heklið loftlykkjuband að óskaðri lengd. Heklið 1 fastalykkjur í 2. loftlykkju frá heklunálinni, síðan 1 fastalykkju í hverja fastalykkju út umferðina. Heklið fram og til baka með fastalykkju aftan í lykkjubogann á hverri lykkju að óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:36
Hvernig á að hekla stroff lóðrétt

Í þessu DROPS myndbandi sýnum við hvernig við heklum teygjanlegt stroff. Heklið loftlykkjuband að óskaðri vídd, fjöldinn þarf að vera deilanlegur með 2. UMFERÐ 1: Heklið 1 stuðul í 3. loftlykkju frá heklunálinni, síðan 1 stuðul í hverja loftlykkju í umferð. UMFERÐ 2: Heklið 2 loftlykkjur, * 1 stuðul í næsta stuðul að framan, 1 stuðul í næsta stuðul að aftan, endurtakið frá *-* út umferðina, 1 hálfur stuðull í síðustu lykkju. UMFERÐ 3: Heklið 2 loftlykkjur, * 1 stuðull í næsta stuðul að aftan, 1 stuðull í næsta stuðul að framan, endurtakið frá *-* út umferð, 1 hálfur stuðull í síðustu l. Endurtakið umferð 2-3 fyrir stroff.
14:25
Hvernig á að hekla Catherine hjólamynstur

Í þessu DROPS myndbandi sýnum við hvernig við heklum Catherine hjólamynstur. Þegar þú heklar þetta mynstur eins og við gerum í þessu myndbandi, þá byrjar þú með fjölda loftlykkja sem er deilanlegur með 10 + 2. Í mynna stykkinu okkar þá byrjum við með 22 loftlykkjur. UMFERÐ 1: Byrjið í 2. loftlykkju frá heklunálinni og heklið 2 fastalykkjur, * hoppið yfir 3 loftlykkjur, 7 stuðlar í næstu loftlykkju, hoppið yfir 3 loftlykkjur, 1 fastalykkja í næstu 3 loftlykkjur, endurtakið frá * og endið á 1 fastalykkju í síðustu 2 loftlykkjur í umferð og þegar þráðurinn er dreginn í gegn í lokin er skipt um lit. Snúið við. UMFERÐ 2: Heklið 3 loftlykkjur upp frá 1. fastalykkju, heklið stuðul í næstu 3 loftlykkjur og bíðið með að draga þráðinn í gegn í lokin í hverjum stuðli, dragið síðan þráðinn í gegnum allar lykkjur og heklið 1 loftlykkju til þess að halda saman, 3 loftlykkjur, 3 fastalykkjur, 3 loftlykkjur, * heklið stuðla í næstu 7 lykkjur og bíðið með að draga þráðinn í gegnum hvern stuðul, dragið síðan þráðinn í gegnum allar 8 lykkjurnar á heklunálinni, heklið 1 loftlykkju til þess að halda saman, 3 loftlykkjur, 3 fastalykkjur, 3 loftlykkjur, endurtakið frá *, heklið stuðla í síðustu 4 lykkjur og bíðið með að draga þráðinn í gegnum hvern stuðul, dragið síðan þráðinn í gegnum allar 5 lykkjur á heklunálinni, heklið 1 loftlykkju til þess að halda saman. Snúið. UMFERÐ 3: Heklið 3 loftlykkjur, 3 stuðlar í loftlykkjugatið frá fyrri umferð, fastalykkja í næstu 3 fastalykkjur frá fyrri umferð, * 7 stuðlar í næsta gat, fastalykkja í næstu 3 fastalykkjur, endurtakið frá *, 4 stuðlar í síðasta gatið og þegar þráðurinn er dreginn í gegn í lokin er skipt um lit. Snúið við. UMFERÐ 4: Heklið 1 loftlykkju, 1 fastalykkja í 1. og 2. stuðul. * 3 loftlykkjur, heklið stuðla í næstu 7 lykkjur og bíðið með að draga þráðinn í gegn í lokin í hverjum stuðli, dragið síðan þráðinn í gegnum allar 8 lykkjur á heklunálinni, heklið 1 loftlykkju til þess að halda saman, 3 loftlykkjur, 3 fastalykkjur , endurtakið frá *, endið á fastalykkju í síðustu 2 lykkjur. Snúið við. UMFERÐ 5: Heklið 1 loftlykkju, fastalykkja í 1. og 2. stuðul, * 7 stuðla í næsta gat, 3 fastalykkjur, endurtakið frá *, endið á fastalykkju í síðustu 2 lykkjur í umferð og þegar draga á þráðinn í gegn í lokin er skipt um lit. Snúið við. Endurtakið umf 2-5.
12:16
Hvernig á að hekla krókódílamynstur

Í þessu DROPS myndbandi sýnum við hvernig við heklum krókódílamynstur. Heklið ákveðin fjölda loftlykkja, fjöldinn á að vera deilanlegur með 6 + 4, í sýnishorninu okkar höfum við heklað 16 loftlykkjur. Heklið allar umferðir frá réttu án þess að snúa stykkinu við í lok hverrar umferðar. UMFERÐ 1: Heklið 1 stuðul í 4. loftlykkju, * 2 loftlykkjur, hoppið yfir 2 loftlykkjur, 2 stuðlar í næstu loftlykkju, endurtakið frá * út umferðina. UMFERÐ 2: Heklið 3 loftlykkjur, 4 stuðlar niður í kringum 1. stuðul, 1 loftlykkja, 5 stuðlar upp í kringum næsta stuðul, * 1 loftlykkja, hoppið yfir næsta par með 2 stuðlum, 5 stuðlar niður í kringum næsta stuðul, 1 loftlykkja, 5 stuðlar upp í kringum næsta stuðul, endurtakið frá * út umferðina. UMFERÐ 3: Heklið 1 keðjulykkju í miðjuna á síðu skel, 3 loftlykkjur, 1 stuðlar í sama gat, * 2 loftlykkjur, 2 stuðlar á milli næsta pars með 2 stuðlum og heklið í kringum bæði stykkin, 2 loftlykkjur, 2 stuðlar í miðju á næstu skel, endurtakið frá * út umferðina. UMFERÐ 4: Heklið 1 loftlykkju, hoppið yfir 1 stuðul, * 5 stuðlar niður í kringum næsta stuðul, 1 loftlykkja, 5 stuðlar upp í kringum næsta stuðul, 1 loftlykkja, hoppið yfir næsta par með 2 stuðlum, endurtakið frá * út umferðina, endið á einni keðjulykkju á milli síðustu 2 stuðlum í umferð. UMFERÐ 5: Heklið 3 loftlykkjur, 1 stuðull í 1. lykkju, * 2 loftlykkjur, 2 stuðlar í miðju á næstu skel, 2 loftlykkjur, 2 stuðlar á milli næsta pars með 2 stuðlumog heklið í kringum bæði stykkin, endurtakið frá * út umferðina. Endurtakið umferð 2-5.