DROPS Super Sale - 30% AFSLÁTTUR á 4 tegundum af ullargarni!

Vesti

Flokkar
Myndbönd: 7
21:11
Hvernig á að prjóna skáhallandi öxl, fitja upp fyrir hálsmáli, prjóna bakstykkið saman, ásamt i-cord

Í þessu DROPS myndbandi sýnum við hvernig á að prjóna hvert framstykki með skáhallandi öxl og stuttum umferðum, stykkið er prjónað neðan frá og upp. Síðan sýnum við hvernig á að auka út lykkjur fyrir hálsmáli og sameina axlirnar fyrir bakstykki, síðan er prjónað ofan frá og niður. I-cord kantur er í hvorri hlið. Við höfum nú þegar prjónað einn hluta af framstykki og fækkað lykkjum í hálsmáli. Myndbandið sýnir hvernig við prjónum 6 stuttar umferðir (German short rows) á hægra framstykki og myndum skáhalldandi öxl. Síðan sýnum við hvernig auka á um 1 lykkju 3 sinnum í átt að hálsmáli, sem er nú bakstykkið. Þá sýnum við það sama fyrir vinstri öxl og fitjum að lokum upp 12 lykkjur á milli axla áður en axlirnar eru prjónaðar saman. Við notum garnið DROPS Snow í myndbandinu. Þessi tækni er notuð í mynstrinu DROPS 255-9, Driftwood West, með öðrum lykkjufjölda, fjölda stuttra umferða og lykkjum í uppfitjun. Þú getur fundið mynstur með því að smella á myndirnar hér að neðan:
14:24
Hvernig á að fækka lykkjum fyrir hálsmáli og skáhallandi öxl - bakstykki

Í þessu DROPS myndbandi sýnum við hvernig við fækkum lykkjum fyrir hálsmáli og skáhallandi öxl, sem m.a. er á bakstykki í vestinu «Unexpected» í DROPS 218-21. Við prjónum einungis síðasta hlutann á bakstykki og notum lykkjufjöldann frá minnstu stærðinni. Þetta vesti er prjónað úr DROPS Alpaca Bouclé og DROPS Kid-Silk, en í myndbandinu notum við bara eina gerð að garni; DROPS Nepal. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:44
Hvernig á að fækka lykkjum fyrir V-hálsmáli

Í þessu DROPS myndbandi sýnum við hvernig við fækkum lykkjum fyrir V-hálsmáli, sem m.a. er í vestinu «Unexpected» í DROPS 218-21. Við prjónum einungis síðasta hlutann á framstykki þar sem við sýnum hvernig við prjónum 5 lykkjur garðaprjón yfir miðjulykkjur, setjum hægra framstykki á þráð, fækkum um 1 lykkju á undan / á eftir 5 lykkjum í garðaprjóni og tökum upp lykkjur aftan við lykkjur í garðaprjóni neðst niðri í v-hálsmáli. Við notum lykkjufjöldann frá minnstu stærðinni, en höfum ekki eins margar umferðir á milli úrtöku. Þetta vesti er prjónað úr DROPS Alpaca Bouclé og DROPS Kid-Silk, en í myndbandinu notum við bara eina gerð að garni; DROPS Nepal. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:43
Hvernig á að prjóna síðustu umferðina á skáhallandi öxl og fella af

Í þessu DROPS myndbandi sýnum við hvernig við prjónum síðustu umferð þar sem lykkjum er fækkað fyrir skáhallandi öxl, sem m.a. er í vestinu «Unexpected» í DROPS 218-21. Við prjónum tvö stutt stykki og sýnum einungis síðustu umferð og affellingu á öðru stykkinu. Prjónið 1 umferð slétt frá röngu, til að koma í veg fyrir göt í hverri skiptingu þar sem lykkjurnar voru settar á þráð er hlekkurinn sóttur á undan næstu lykkju upp og prjónaður snúinn slétt saman með fyrstu lykkjunni á vinstri prjóni. Fellið því næst laust af með sléttum lykkjum frá réttu. Endurtakið meðfram hinum þremur öxlunum. Saumið axlasauma innan við affellingarkantinn – passið uppá að saumurinn verði ekki stífur. Þetta vesti er prjónað úr DROPS Alpaca Bouclé og DROPS Kid-Silk, en í myndbandinu notum við bara eina gerð að garni; DROPS Nepal. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
6:22
Hvernig á að prjóna gatamynstur í DROPS 118-38

Í þessu DROPS myndbandi sýnum við hvernig við prjónum gatamynstru meðfram kanti í vesti í DROPS 118-38. Við höfum nú þegar prjónað 1 mynstureiningu á hæðina. Við byrjum neðst í hægra horni á mynstri. Við prjónum fyrstu umferð í mynstri frá réttu frá hægri til vinstri. Önnur umferð er prjónuð frá röngu, samkvæmt teikningu frá vinstri til hægri. Fylgið mynsturteikningu í uppskrift. Þetta vesti er prjónað úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:46
Hvernig á að prjóna M.1 í DROPS 117-20

Í þessu DROPS myndbandi sýnum við hvernig við prjónum mynsturteikningu M.1 í vesti í DROPS 117-20. Í þessu myndbandi höfum við 2 kantlykkjur í garðaprjóni í hvorri hlið, við prjónum M.1 tvisvar sinnum á eftir hvoru öðru og við höfum nú þegar prjónað 2 mynstureiningar á hæðina. Þetta vesti er prjónað úr DROPS Puna, en í myndbandi notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
3:18
Hvernig á að prjóna upp lykkjur í DROPS 173-39

Í þessu DROPS myndbandi sýnum við hvernig við prjónum upp lykkjur í kaðlabekk í DROPS 173-39. Við sýnum aðeins brot af kaðlabekknum og prjónum upp lykkjur á annarri hliðinni. Vestið er prjónað úr DROPS Puna, en í myndbandinu prjónum við með grófara garni, DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.