DROPS Super Sale - 30% AFSLÁTTUR á 6 garntegundum í allan júní!

Prjónaðir kantar

Viltu klára verkefnið þitt með fallegum kanti? Við erum með kennslumyndbönd fyrir margar mismunandi aðferðir eins og picot, sólfjaðrakanti, blúndur, pífur og fleira.

Flokkar
Myndbönd: 40
3:42
Hvernig á að prjóna i-cord kant, fram og til baka

Í þessu DROPS myndbandi sýnum við hvernig við prjónum i-cord kant bæði frá réttu og frá röngu. Þær 6 fyrstu / 6 síðustu lykkjurnar á eftir i-cord kantinum eru prjónaðar í garðaprjóni (= lykkjur eru prjónaðar bæði frá réttu og frá röngu). Í byrjun umferðar frá réttu er prjónað þannig: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt og 6 lykkjur í garðaprjóni. Prjónið sléttprjón. Í lok umferðar frá réttu er prjónað þannig: Prjónið 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt. Í byrjun umferðar frá röngu er prjónað þannig: Lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt, prjónið 6 lykkjur í garðaprjóni. Prjónið sléttprjón. Í lok umferðar frá röngu er prjónað þannig: 6 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. Við notum garnið DROPS Snow í myndbandinu. Þessi aðferð er notuð í mörgum af mynstrunum okkar – þú finnur mynstur þar sem þessi aðferð er notuð með því að smella á myndirnar að neðan.
4:06
Hvernig á að fella af með picotkanti

Í þessu DROPS myndbandi sýnum við hvernig við fellum af með picotkanti. Í þessu myndbandi þá prjónum við þannig: Prjónið 1 lykkju slétt (* stingið hægri prjóni inn á milli 2 fyrstu lykkja á vinstri prjóni (þ.e.a.s. á milli lykkja á prjóni, ekki í gegnum lykkjuna), sláið 1 sinni uppá prjóninn, dragið uppsláttinn fram á milli lykkjanna og setjið uppsláttinn yfir á vinstri prjón *, endurtakið frá *-* 2 sinnum til viðbótar (= 3 nýjar lykkju á vinstra prjóni). ** Prjónið fyrstu lykkju á vinstra prjóni slétt, steypið fyrstu lykkju á hægra prjóni yfir síðustu lykkju sem var prjónuð **), endurtakið frá **-** alls 5 sinnum og endurtakið (-) meðfram allri umferðinni þar til 1 lykkja er eftir. Klippið frá og dragið í gegnum síðustu lykkjuna. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:09
Hvernig á að fella af með picotkanti í stroffi

Í þessu DROPS myndbandi sýnum við hvernig hægt er að fella af með picotkanti í stroffi sem er prjónað með 1 lykkju snúna slétt – 1 lykkju brugðið. Prjónið 1 lykkju slétt, * stingið inn hægri prjóni á milli 2 næstu lykkja á vinstra prjóni (þ.e.a.s. á milli lykkja á prjóni, ekki í gegnum lykkjurnar), sláið 1 sinni uppá hægri prjón, dragið fram uppsláttinn á milli lykkja og setjið uppsláttinn á vinstri prjón *, prjónið frá *-* alls 3 sinnum (= 3 nýir uppslættir á vinstra prjóni), prjónið slétt og fellið af 7 lykkjur (= 1. lykkja á hægri prjóni + 3 uppslættir + 3 lykkjur). Haldið nú áfram að prjóna frá *-* og fellið af 7 lykkjur alveg eins meðfram allri affellingunni. Þegar ekki eru nægilega margar lykkjur eftir til að gera nýja picot eru lykkjurnar sem eftir eru felldar af slétt. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
9:59
Hvernig á að prjóna kant með fléttu

Í þessu DROPS myndbandi sýnum við hvernig við prjónum fléttu kant. Kantur með fléttu er einfaldast að prjóna í hring á hringprjóna. Við fitjum fyrst upp jafnan fjölda lykkja (í pörum) með 2 litum. Eftir það þá tökum við af fyrstu lykkjunar á prjóninum og setjum prjónamerki áður en við prjónum fyrstu umferð slétt. Við prjónum annan hvorn litinn til skiptis. Næstu tvær umferðirnar eru prjónaðar brugðið og munið eftir að prjóna með sama lit og í umferðinni á undan. Þegar þú prjónar fyrstu umferðina brugðið er þráðurinn frá dokkunni lagður upp til hægri yfir prjóninn og þegar þú prjónar hina umferðina brugðið er þráðurinn frá dokkunni lagður fyrir framan stykkið til vinstri.
4:04
Hvernig á að prjóna i-ord affellingu

Í þessu DROPS myndbandi csýnum við hvernig þú prjónar i-cord affellingu sem er t.d. notuð í sjali DROPS 190-15. Prjónið og fellið af þannig: * Prjónið 2 lykkjur slétt, 2 næstu lykkjur eru prjónaðar snúnar slétt saman. Færið 3 lykkjur af hægri prjón til baka yfir á vinstri prjón (í sömu röð og þær eru) *, endurtakið frá *-* þar til allar lykkjur á vinstri prjón hafa verið felldar af og það eru 3 lykkjur á hægri prjóni. Færið allar lykkjurnar yfir á vinstri prjón og fellið síðan þessar 3 lykkjur af slétt. Þetta sjal er prjónað úr DROPS Flora, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:46
Hvernig á að prjóna i-cord kant - snúruprjón

Í þessu DROPS myndbandi sýnum við hvernig við prjónum i-cord kant / snúruprjón á stykki í garðaprjóni (lykkjurnar eru prjónaðar slétt í hverri umferð). Við höfum valið að hafa 3 kantlykkjur í hvorri hlið sem mynda þennan kant. Í hverri umferð eru 3 fyrstu lykkjum lyft af prjóni yfir á hægri prjón eins og prjóna eigi þær brugðið og 3 síðustu lykkjur í hverri umferð eru prjónaðar brugðið. Prjónið þannig: * Lyftið 3 lykkjum yfir á hægri prjón eins og prjóna eigi brugðið, herðið á þræði, prjónið slétt út umferðina þar til eftir eru 3 lykkjur, prjónið þessar lykkjur brugðið, snúið stykki * og endurtakið frá *-*. Það verður að prjóna nokkra cm og draga aðeins í kantinn til að sjá hvernig útkoman verður. Við notum garnið DROPS Snow í myndbandinu.
9:07
Hvernig á að prjóna i-cord affellingarkant

Í þessu DROPS myndbandi sýnum við hvernig við prjónum i-cord kant, jafnframt því sem við fellum af. Fitjið upp 4 nýjar lykkju á hægri prjón frá röngu, snúið stykkinu. Notið gjarna annan prjón. * Prjónið 3 lykkjur slétt, 2 næstu lykkjur eru prjónaðar snúnar slétt saman. Setjið þessar 4 lykkjur til baka á vinstri prjón *, endurtakið frá *-* út umferðina og fellið af. Saumið saman uppfitjunarkantinn og affellingarkantinn. Við notum garnið DROPS Snow í myndbandinu.
3:09
Hvernig á að prjóna i-cord með 2 lykkjum

Í þessu DROPS myndbandi sýnum við hvernig við prjónum 2 i-cord lykkjur í hvorri hlið, jafnframt því sem aukið er út um 1 lykkju í annarri hliðinni. Þessar 2 kantlykkjur er einnig hægt að prjóna í flík án þess að auka út eins og t.d. í peysu. Í byrjun umferðar eru prjónaðar 2 kantlykkjur þannig: Lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt. Í lok umferðar eru prjónaðar 2 kantlykkjur þannig: Prjónið þar til 2 lykkjur eru eftir í umferð, lyftið 1 lykkju af prjóni eins og prjóna eigi brugðið með þráðinn framan við stykkið og prjónið 1 lykkju slétt. Endurtakið þetta í byrjun og lok hverrar umferðar. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:01
Hvernig á að prjóna picot kant

Í þessu DROPS myndbandi sýnum við hvernig við prjónum fallegan picot kant. Prjónið fram og til baka. UMFERÐ 1: Prjónið slétt. UMFERÐ 2: Prjónið slétt. UMFERÐ 3: Prjónið slétt þar til 4 lykkjur eru eftir, þær eru prjónaðar þannig: Prjónið 2 lykkjur slétt saman, sláið 1 sinni uppá prjóninn, í 2 síðustu lykkjum eru prjónaðar 2 lykkjur í hverja lykkju = 2 nýjar lykkjur. UMFERÐ 4: Fellið af 2 fyrstu lykkjurnar og haldið áfram með slétt út umferðina. Endurtakið umferð 1 til 4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:59
Hvernig á að prjóna uppábrotinn kant með picot

Í þessu DROPS myndbandi sýnum við hvernig við prjónum fallegan en kvennlegan kant með picot. Við prjónum umferð með gatamynstri og sú umferð er notuð þegar kanturinn er brotinn saman og öll lengdarmæling er gerð þaðan á meðan prjónað er. Prjónið nokkra cm í sléttprjóni og prjónið síðan gatamynstur frá réttu þannig: * Prjónið 2 lykkjur slétt saman, sláið 1 sinni uppá prjóninn *, endurtakið frá *-* út umferðina. Haldið áfram í sléttprjóni eða eftir mynstri. Í lokin er kanturinn brotinn saman tvöfaldur að röngu og saumaður niður með smáu spori. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:36
Hvernig á að prjóna einfaldan picotkant

Í þessu DROPS myndbandi sýnum við hvernig við prjónum einfaldan picotkant. Við prjónum fram og til baka í myndbandinu, en einnig er hægt að prjóna í hring. Í umferð 1 er prjónað þannig: * 7 lykkjur slétt, lyftið 2. lykkju á hægri prjóni yfir ystu lykkju á hægri prjóni (yfir síðustu lykkju sem var prjónuð), lyftið næstu lykkju á hægri prjóni yfir ystu lykkju á hægri prjóni (2 lykkjur færri = 1 bogi) *, prjónið frá *-* út umferðina. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:30
Hvernig á að prjóna picotkant, bæði í hægri og vinstri hlið

Í þessu DROPS myndbandi sýnum við hvernig við prjónum picotkant, bæði í hægri og vinstri hlið sem er í DROPS Children 28-7. Við höfum nú þegar prjónað nokkra cm svo að hægt sé að sjá kant og gatamynstur betur. Við byrjum myndbandið með því að prjóna umferð 1 frá hægri hlið og sýnum byrjun og lok hverrar umferðar sem á að endurtaka. Þessi bolero er prjónaður úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:08
Hvernig á að prjóna pífukant

Í þessu DROPS myndbandi sýnum við hvernig hægt er að gera blúndukant. Þegar prjónað er ofan frá og niður og stykkið endar á kanti, þá er hægt að enda á fallegum öldulaga kanti. Þetta er líka falleg ending þegar sjal er prjónað frá miðju og út að kanti. Þegar óskuð lengd er náð er haldið áfram þannig: * Prjónið 1 lykkju slétt, sláið 1 sinni uppá prjóninn *, endurtakið frá *-* og endið á 1 lykkju slétt. Endurtakið þetta eina umferð til viðbótar. Fellið af. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:39
Hvernig á að prjóna sólfjaðrakant

Í þessu DROPS myndbandi sýnum við hvernig við prjónum sólfjaðrakant með aðstoð heklunálar. Þú þarft 20 lykkjur til að fá 5 sólfjaðrir (1 sólfjöður = 4 lykkjur). * Fitjið upp 10 lykkjur á prjón og á heklunál (munið eftir að hafa nægilega langan þráð til að fitja upp með). Bregðið þræðinum um heklunálina, dragið uppsláttinn í gegnum 10 lykkjur með heklunálinni. Takið upp 1 lykkju með heklunálinni og dragið í gegnum lykkjuna á heklunálina, herðið á þræðinum, takið upp 10 lykkjur með heklunálinni, dragið prjóninn út og setjið 2 lykkjur frá heklunálinni yfir á prjóninn * (= 1 sólfjöður). Endurtakið frá *-* þar til þú hefur helming af óskuðum lykkjum. Snúið og fitjið upp 2 nýjar lykkjur á milli 2 lykkja á hverri sólfjöður í umferð 1 frá röngu. Prjónið nú sléttprjón. Við notum garnið DROPS Snow í myndbandinu.
8:23
Hvernig á að prjóna bylgjukant samkvæmt mynsturteikningu

Í þessu DROPS myndbandi sýnum við hvernig við prjónum bylgjukant samkvæmt mynsturteikningu A.1 sem er í sokkunum «Rosy Ruffles» í DROPS 223-47. Við höfum nú þegar fitjað upp 36 lykkjur með 2 þráðum. Áfram er einungis prjónað með 1 þræði. Þessir sokkar eru prjónaðir úr DOROPS Nord, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
9:06
Hvernig á að prjóna uppábrot saman

Í þessu DROPS myndbandi sýnum við hvernig við prjónum uppábrot saman, eins og er í sokkunum «Rosy Ruffles» í DROPS 223-47. Við höfum nú þegar prjónað bylgjukantinn og setjum 1 prjónamerki í fyrstu lykkju í síðustu umferð sem var prjónuð. Prjónið stroffprjón með 2 lykkjur slétt og 1 lykkju brugðið að réttu máli. Brettið byrjun á stykki inn að röngu á stykki, þannig að hægt sé að prjóna upp lykkjur í fyrstu umferð í stroffprjóni á eftir A.1 (stykkið liggur nú uppábrotið, ranga á móti röngu og bylgjukanturinn vísar upp yfir prjónana). Prjónið 1 umferð slétt jafnframt því sem hver slétt lykkja frá fyrstu umferð í stroffprjóni er prjónuð slétt saman með næstu lykkju í umferð (þ.e.a.s. 3. hver lykkja frá fyrstu umferð í stroffprjóni er fest við umferð sem nú var prjónuð). Snúið stykkinu, þannig að bylgjukanturinn komi að ytri hlið á stykki, þetta verður nú réttan á sokknum. Prjónið 1 umferð slétt (síðasta umferð er nú snúin og það getur myndast smá gat í skiptingunni, þetta gat er saumað saman með smáu spori í lokin). Þessi sokkar eru prjónaðir úr DROPS Nord, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
4:59
Hvernig á að prjóna stroff með smáum bogum

Í þessu DROPS myndbandi sýnum við hvernig við prjónum stroff með smáum bogum meðfram uppfitjunarkanti. Við höfum nú þegar prjónað umferðir í stroffprjóni með 1 lykkja slétt / 1 lykkja brugðið og með 3 lykkjur slétt í byrjun og í lok hverrar umferðar (bæði frá réttu og frá röngu). Eftir það prjónum við: 1 lykkja slétt, * 1 lykkja brugðið, 1 lykkja slétt, 1 lykkja brugðið, takið hægri prjón framan við stykkið og undir uppfitjunarkantinn, notið hægri prjón og lyftið ystu lykkjunni á vinstra prjóni yfir hægri prjón, eftir það hægri prjón til baka undir uppfitjunarkantinn (einungis ysta lykkjan á hægri prjóni liggur nú utan um uppfitjunarkantinn), setjið þessa lykkju til baka á vinstri prjón og prjónið lykkjuna slétt (passið uppá að lykkjan sé ekki snúin) *, prjónið frá *-* út umferðina. Stykkið er núna með smáum bogum meðfram öllum kantinum. Snúið og prjónið stroff til loka máls. Við notum garnið DROPS Snow í myndbandinu. Fylgja þarf uppskrift og mynsturteikningu með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:29
Hvernig á að prjóna kant með gatamynstri með útaukningum

Í þessu DROPS myndbandi sýnum við hvernig við prjónum kant með gatamynstri sem aukið er út í brugðnu einingunum, eins og í sjalinu «Ruffles Dream» í DROPS 229-9. Fyrir utan útaukningar í brugðnu einingunum er einnig aukið út á undan / á eftir kantlykkjum í hliðum. Við sýnum byrjun og lok hverrar umferðar. Lestu sjálft mynstrið hversu margar umferðir á að prjóna og hvernig á að fella af. «Ruffles Dream» sjalið er prjónað úr DROPS BabyAlpaca Silk, en í myndbandinu notum við grófara garn; DROPS SNOW. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
8:00
Hvernig á að prjóna bylgjulaga kant í hálsmáli - fram og til baka

Í þessu DROPS myndbandi sýnum við hvernig við prjónum bylgjulaga kant í hálsmáli fram og til baka. Við höfum nú þegar fitjað upp, prjónað 1 umferð slétt frá röngu og 6 umferðir sléttprjón með 3 kantlykkjur í hvorri hlið. Í myndbandinu prjónum við þannig: 3 kantlykkjur, 6 lykkjur sléttprjón, * leggið þráðinn framan við stykkið, stingið niður hægri prjóni undir stykkið og upp framan við stykkið, síðan eru prjónaðar 6 nýjar lykkjur í sléttprjóni. Endurtakið frá *-* þar til 4 lykkjur eru eftir. Eftir það er prjónuð 1 lykkja slétt + 3 kantlykkjur. Eftir það er prjónað stroff (1 lykkja brugðið / 1 lykkja slétt) með 3 kantlykkjum í hvorri hlið að loka máli. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:46
Hvernig á að prjóna pífukant samkvæmt mynsturteikningu

Í þessu DROPS myndbandi sýnum við hvernig við prjónum pífukant samkvæmt mynsturteikningu, sem er m.a. í peysunni «Treasure Hunt» í DROPS 230-21. Við höfum nú þegar fitjað upp og byrjum myndbandið á að prjóna 1 umferð slétt, áður en við byrjum á mynsturteikningu. Við sýnum byrjun og lok umferðar. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:05
Hvernig á að prjóna pífukant í lok á stykki

Í þessu DROPS myndbandi sýnum við hvernig við prjónum pífukant í lok á stykki, sem er í DROPS 230-36. Við byrjum myndbandið á að sýna aðeins af síðustu umferð í stroffi sem er prjónað 1 lykkja snúin slétt / 1 lykkja brugðið, áður en við sýnum hvernig auka á út fyrir pífukanti. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:31
Hvernig á að byrja að prjóna rúllukant

Í þessu DROPS myndbandi sýnum við hvernig við byrjum á að prjóna rúllukant, eins og er í DROPS 230-49 og DROPS 230-50. Við höfum nú þegar prjónað 6 umferðir garðaprjón og byrjum myndbandið þannig: 1 kantlykkja í garðaprjóni, 3 lykkjur slétt, * snúið lykkjunum á hægri prjóni 360 gráður þannig: Leggið þráðinn framan við stykkið, stingið niður hægri prjóni undir stykkið og upp framan við stykkið, eftir það eru prjónaðar 6 lykkjur slétt, * prjónið frá *-* þar til 4 lykkjur eru eftir, endið með 3 lykkjur slétt og 1 kantlykkju í garðaprjóni. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:09
Hvernig á að prjóna einfaldan pífukant

Í þessu DROPS myndbandi sýnum við hvernig við prjónum einfaldan pífukant, eins og er í sokkunum «White Pine» í DROPS 229-28. Við höfum nú þegar fitjað upp og prjónað 2 umferðir í sléttprjóni og prjónum áfram þannig / við sýnum byrjun á umferð: UMFERÐ 1: 2 lykkjur slétt, 2 lykkjur slétt saman. UMFERÐ 2: slétt yfir allar lykkjur. UMFERÐ 3: 2 og 2 lykkjur saman. UMFERÐ 4: slétt yfir allar lykkjur. UMFERÐ 5: brugðið yfir allar lykkjur. UMFERÐ 6: slétt yfir allar lykkjur. Síðan er prjónað stroff (1 lykkja slétt, 1 lykkja brugðið) í nokkra cm. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
5:49
Hvernig á að prjóna saman lykkjur til að fá bylgjulaga kant

Í þessu DROPS myndbandi sýnum við hvernig við prjónum bylgjulaga kant í hálsmáli samkvæmt mynsturteikningu, eins og m.a. er í DROPS 232-43 og 232-44. Við höfum nú þegar fitjað upp og prjónað 1 umferð slétt frá röngu. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.