Other

Flokkar
Myndbönd: 22
1:55
Hvernig á að blanda sykurvatn til að stífa

Í þessu DROPS myndbandi sýnum við hvernig við gerum sykurvatn til að stífa jólahjörtu í DROPS Extra 0-1394. Blandið mikinn sykur í kalt vatn (90 gr sykur í 120 ml vatn) og hrærið þar til allur sykurinn leysist upp, dýfið hjartanu í vatnið, pressið vatnið út, formið og leggið hjartað til flatt til þerris (1-2 dagar). Ef hjartað verður ekki nægilega stíft, endurtakið þá þetta þar til nægilegur stífleiki er á hjartanu (einnig er hægt að nota litarlausan gosdrykk). Þú finnur mynstrið með því að smella á myndina að neðan.
6:35
Hvernig á að slétta út krullað garn

Þræðirnir í dokkunni geta verið krullaðir en það er auðvelt að laga það til og fá það slétt, eitthvað sem er gott að geta gert þegar nota á þræðina í kögur á sjali. Í þessu DROPS myndbandi sýnum við einfalda aðferð við að slétta þræði. Klippið kögrið í óskaða lengd og festið á sjalið. Bleytið kögrið og pressið vatnið úr. Hristið síðan sjalið vel til (mun meira en við sýnum á myndbandinu), svo að kögrið sléttist út. Þegar kögrið þornar verður það mun sléttara/beinna en áður. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:46
Hvernig á að nota merki / prjónamerki

Í þessu DROPS myndbandi sýnum við hvernig við staðsetjum og notum merki. Það er oft snjallt að nota merki til að merkja hvar í stykki er aukið út eða lykkjum fækkað, í byrjun á umferð eða í hlið þegar prjónað er í hring á prjóna eða hringprjóna, þegar fellt er af fyrir tá á sokk o.s.frv. Í þessu myndbandi er aukið út um 1 lykkju hvoru megin við merki. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:15
Hvernig á kanna prjónfestu / gera prufu

Prjónfesta sýnir fjölda lykkja á breidd og fjölda lykkja á hæð á 10 cm. Prjónfestan fer eftir lykkjum, garni, grófleika prjóna/heklunála og einnig spennu (þ.e.a.s. hversu mikið garn fer í á milli lykkja). Þéttleikann er hægt að jafna út til að hann henti tilgreindri festu í mynstri með því að skipta um grófleika á prjónum. Grófari prjónar gefa lausari prjónfestu (færri lykkjur á hvern cm og fínni prjónar gefa fastari prjónfestu (fleiri lykkjur á hvern cm). Stroff og kaðlar dragast saman, sem gefa fleiri lykkjur á breiddina en sléttprjón, garðaprjón eða perluprjón. Grófara garn gefur stærri lykkjur (þ.e.a.s. lykkjufjöldinn fækkar á breiddina og á hæðina). Prjónfestan þín getur líka verið breytileg í sama stykkinu (sérstaklega hjá byrjendum) og þegar þú ert farin að þekkja mynstrið, þá verður þú afslappaðri og lykkjurnar verða öðruvísi, sem gefur aðra prjónfestu. Mikilvægt er að prjónfestan sé rétt ef flíkin á að ná tilteknum málum og verða eins og til er ætlast. Prjónið sýnishorn af mynstrinu, ferning með prjónaðferðinni sem gefin er upp og garni. Kantar á sýnishorninu hafa áhrif á mælinguna, þannig að það er gott að gera ferning minnst 15 x 15 cm. Að prjóna sýnishorn aðlagar þig að prjónaðferðinni þannig að þú færð jafnari áferð og prjónfestu áður en þú byrjar á stykkinu.
2:11
Hvernig á að gera litlar dokkur

Í þessu DROPS myndbandi sýnum við hvernig hægt er að gera litlar dokkur þegar prjónað eða heklað er mynstur með mögrum litum, þá er léttara að vinna með litlar dokkur með ólíkum litum. Garnið á að rekjast auðveldlega úr litlu dokkunni þannig að litirnir flækjast ekki utan um hvern annan. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:15
Hvernig á að prjóna með þræði til að draga stykkið saman

Í þessu DROPS myndbandi sýnum við hvernig hægt er að prjóna stykki með þræði til að síðar sé hægt að nota til að draga stykkið saman/herða að. Stundum þarf að draga saman tá á sokk, á húfu eða einhverri annarri hönnun meðfram kantinum þegar stykkið er tilbúið fyrir frágang. Hægt er að sauma þráð í lokin en einfaldast og fallegasti er að láta þráðinn fylgja með meðfram kantinum þegar prjónað er. Setjið þráð í ystu lykkju og látið þennan þráð fylgja með út kantinn, passið að leggja þráðinn sem þú prjónar með í utan um auka þráðinn þegar stykkinu er snúið í kanti. Í lokin er hert að, hnýtt og endar festir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:29
Hvernig á að prjóna inn margar perlur í stykki

Í þessu DROPS myndbandi sýnum við hvernig hægt er að prjóna inn margar perlur inn í stykkið. Ef þú ætlar að prjóna inn margar perlur er það gert þannig: Áður en byrjað er að prjóna þá eru perlurnar þræddar á þráðinn sem þú ætlar að prjóna með, eins margar og þú ætlar að nota, notaðu nál til þess að þræða perlunum á þráðinn. Færðu perlurnar til aðeins lengra inn á þráðinn og fitjaðu upp eins og venjulega, prjónaðu þar til komið er að því að prjóna inn perlurnar í stykkið. Þegar komið er að lykkju sem perlan á að vera við taktu 1. perluna, færðu perluna á þann stað sem hún á að vera, leggðu þráðinn fyrir framan stykkið, lyftu næstu lykkju af prjóni eins og prjóna eigi brugðið, settu síðan þráðinn til baka aftan við stykkið og prjónaðu áfram. Í næstu umferð er lyfta lykkjan prjónuð slétt eða brugðið, eftir því hvort prjónað er í sléttprjóni, garðaprjóni eða í öðru mynstri. Munið eftir að þvo stykkið á röngunni og jafnvel í þvottaskjóðu til að hlífa perlunum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:59
Hvernig á að prjóna inn eina eða fleiri perlur

Í þessu DROPS myndbandi sýnum við hvernig við prjónum inn eina eða fleiri perlur í stykki. Ef þú ætlar að setja inn nokkrar perlur er það gert þannig: Prjónaðu þar til komið er að þeirri lykkju sem perlan á að vera. Stingdu heklunál í gegnum perluna, sækið lykkjuna með heklunálinni og dragið lykkjuna í gegnum perluna. Setjið lykkjuna aftur til baka á vinstri prjón og prjónið síðan áfram eins og venjulega. Í næstu umferð er lykkjan með perlunni prjónuð slétt eða brugðið eftir því hvort prjónað er í sléttprjóni, garðaprjóni eða í einhverju öðru mynstri. Munið eftir að þvo stykkið á röngunni og jafnvel í þvottaskjóðu til að hlífa perlunum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:33
Hvernig á að setja lykkjur á þráð eina og eina

Í þessu DROPS myndbandi sýnum við hvernig hægt er að setja lykkjur á þráð eina og eina. Stundum þurfum við að geyma lykkjur á meðan aðrar eru prjónaðar. Ef þú ert ekki með prjónanælu þá er hægt að nota afgangs garn. Myndbandið sýnir hvernig lykkjur eru settar á þráð ein og ein í lok umferðar frá réttu. Þegar lykkjurnar eru prjónaðar aftur inn á prjóninn, passið uppá að lykkjurnar snúi í rétta átt og séu ekki snúnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:49
Hvernig á að gera boga

Í þessu DROPS myndbandi sýnum við hvernig er hægt að gera skemmtilega boga. Notið loðið garn, jafnvel mohair garn, notið tvo ólíka þræði, glansandi garn – möguleikarnir eru endalausir. Klippið út U-laga form úr pappa. Gerið lykkju með fínu garni og leggið það fyrir miðju. Snúið þykku garni utan um U-laga formið og myndið tölustafinn átta. Takið upp lykkjuna og heklið með fingrunum 1 loftlykkju utan um þykka garnið þar sem krossinn myndast fyrir miðju í áttunni. Gerið aðra áttu með þykka garninu og heklið með fingrunum með nýju lykkjunni. Haldið svona áfram. Þegar fer að þrengjast á U-laga pappaforminu eru lykkjurnar teknar af og haldið áfram. Þegar óskaðri lengd er náð er klippt á báða þræðina. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:23
Hvernig á að gera líflínu í prjóni

Í þessu DROPS myndbandi sýnum við hvernig við gerum líflínu í prjónuðu stykki. Þegar prjónaður er oddur/horn og önnur mynstur þá er hægt að spara sér mikinn tíma að gera svokallaða líflínu. Eftir að ein heil mynstureining er lokið, saumið með þræði, eða eins og við gerum það með tannþræði í gegnum allar lykkjur á prjóni. Ef þú vilt nokkrum umferðum síðar breyta, þá er einfalt og öruggt hægt að rekja upp og niður að lykkjum við líflínu, setja lykkjur til baka á prjóninn og gera aðra tilraun. Eftir næstu heilu mynstureiningu er sett upp ný líflína. Að nota tannþráð er gott þar sem ekki kemur upp neitt vandamál þegar þráðurinn er dreginn til baka og út úr stykkinu, hann er þunnur og slitsterkur.
3:27
Hvernig á að prjóna ferninga með aðstoð heklaðra lykkja

Í þessu DROPS myndbandi sýnum við hvernig við getum eftir á með aðstoð heklaðra loftlykkja, búið til rúðumynstur í prjónuðu stykki. Við höfum nú þegar prjónað eina prufu þar sem við höfum prjónað 3 lykkjur slétt, 1 lykkja brugðið, 3 lykkjur slétt, 1 lykkja brugðið og 3 lykkjur slétt + garðaprjón í hliðum, annar litur (grár) í 6. hverri umferð og við höfum nú þegar heklað loftlykkjur á einu svæði með brugðnum lykkjum. Stingið heklunálinni í gegnum stykkið (þar sem maður vill að ein lóðrétt rönd byrji) og sækið þráðinn, hoppið yfir 1 lykkju brugðið og stingið niður heklunálinni aftur í stykkið (ef maður vill er hægt að hekla í hverja brugðna lykkju), sækið þráðinn, dragið þráðinn í gegnum stykkið og lykkjuna á heklunálinni. Endurtakið fram að óskaðri lengd á lóðréttu röndinni. Í myndbandinu notum við garnið DROPS Snow.
7:10
Hvernig á að gera blómahengi (fléttað) í DROPS Extra 0-1142

Í þessu DROPS myndbandi sýnir hversu auðvelt er að gera fallegt blómahengi. Fyrst höfum við heklað botninn með tvöföldum þræði Paris, síðan höfum við mælt upp 6 lengdir með tvöföldum þræði ca 200 cm í hverjum lit. Þræðið hvern enda með 6 þræði í hvern af 6 loftlykkjubogum og brjótið lengdirnar saman tvöfaldar (= 12 þræðir). Fléttið síðan alla 6 lengdirnar (= 12 þræðir = 1 flétta x 6 fléttur í kringum botninn). Hnýtið síðan saman 2 og 2 fléttur, fylgið myndbandinu til frekari skýringar. Stærð/form á blómahengi sem á að nota ákveður hversu mikil fjarlægð þarf að vera á milli hnúta. Hnýtið saman alla þræðina í endann og látið annað hvort vera dúsk eða festið alla þræði 1 og 1 eftir hnútinn. Botn: Heklið 4 loftlykkjur með 2 þráðum Paris og tengið saman í hring með 1 keðjulykkju í fyrstu loftlykkju. UMFERÐ 1: Heklið 1 loftlykkju, 8 fastalykkju um hringinn. Endið á 1 keðjulykkju í fyrstu fastalykkju. UMFERÐ 2: 3 loftlykkjur (koma í stað 1 stuðuls), 2 stuðlar í fyrstu fastalykkju, 3 stuðlar í hverja fastalykkju umferðina hringinn, endið á 1 keðjulykkju í 3. loftlykkju frá byrjun umferð. UMFERÐ 3: Heklið * 2 loftlykkjur, hoppið yfir 2 stuðla, heklið 2 fastalykkju í hvern af næstu stuðlum *, endurtakið frá *-* 4 sinnum til viðbótar og endið á 2 loftlykkjum, hoppið yfir 2 stuðla, heklið 1 fastalykkju og endið á 1 keðjulykkju í næsta stuðul = 6 loftlykkjubogar, klippið frá og festið enda. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:01
Hvernig á að gera blómahengi í DROPS Extra 0-1141

Í þessu DROPS myndbandi sýnum við hvernig hægt er að gera einfalt en fallegt blómahengi. Við höfum notað 3 mismunandi liti í DROPS Cotton Light (lime nr 29, khaki nr 12 og brúnn nr 22). Gerið snúruna þannig: Klippið 1 þráð í hverjum lit 600 cm langa, leggið þá saman tvöfalda og tvinnið saman þar til þeir taka í, leggið snúruna tvöfalda þannig að hún tvinni sig aftur saman. Snúran verður ca 105 cm löng (í myndbandinu tvinnum við mun styttri snúru). Gerið eina snúru þar sem þræðirnir (einn af hverjum lit) er 1200 cm. Hnýtið hnút með allar 6 snúrurnar í öðrum endanum, þannig að það verði einn dúskur ca 12 cm. Hnýtið síðan saman snúruna 2 og 2, fylgið myndbandinu til frekari útskýringa. Stærðin/formið á blómakrukkunni sem á að nota ákveður bilið á milli hnúta sem þarf að vera frá hverjum öðrum. Ca 20 cm frá enda er langa snúran notuð til þess að snúa hringinn á hinum 5 snúrunum. Snúið hringinn þar til það er ca 2,5 cm eftir. Leggið snúrurnar sem eru saman snúnar tvöfalda, haldið áfram að snúa í kringum allar 11 með löngu snúrunni og festið síðan löngu snúruna við hinar snúrurnar (saumið inn enda 2 og 2 saman). Þetta blómahengi er gert úr DROPS Cotton Light, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
2:50
Hvernig á að klippa upp fyrir handveg

Í þessu DROPS myndbandi sýnum við hvernig við klippum upp fyrir handveg. Þegar prjónað er í hring með mynstri þá er hægt að auðvelda prjónaskapinn með því að halda áfram að prjóna í hring alla leið upp, auka út um lykkjur þar sem handvegur byrjar og klippa svo upp fyrir handveg í lokin. Fitjið upp 5 nýjar lykkjur í hvorri hlið, (þessar 5 lykkjur eru síðan notaðar þegar klippt er upp fyrir handveg og eru því ekki prjónaðar inn í mynstur). Eftir affellingu er merkiþráður þræddur upp fyrir miðju í útauknu lykkjurnar. Saumið tvisvar sinnum með saumavél hvoru megin við merkiþráðinn. Takið þráðinn frá og klippið upp á milli saumana. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:01
Hvernig á að vinda upp garn frá hespu í hnykil

Í þessu DROPS myndbandi sýnum við hvernig er hægt að vinda upp garn frá hespu og gera hnykil án þess að notast við hesputré. Losið um hespuna og leggið hana í hring með "innanverðuna" upp. Passið uppá að allir þræðirnir liggi í hring en ekki þversum. Hespunni er haldið saman með þráðum utan um hespuna til þess að halda öllum þráðunum á sínum stað, klippið þessa þræði og takið frá áður en byrjað er að vinda upp garnið. Byrjið á að vinda upp garnið utan um fingurna og gerið hnykil, þegar hnykillinn verður stærri, snúið honum á meðan undið er upp svo að hnykillinn verði jafn og fallegur. Ef maður fær aðstoð er hægt að halda uppi hespunni á milli beggja handa á meðan hinn aðilinn vindur upp garnið. Einnig er hægt að notast við stól, snúa stólnum við og leggja hespuna utan um stólfæturna og vinda síðan upp garnið.
1:36
Hvernig á að skipta dokku í tvennt

Í þessu DROPS myndbandi sýnum við eina aðferð við að skipta dokku í tvennt, þegar prjóna þarf með tveimur þráðum í sama lit og ekki á að nota meira en eina dokku. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:29
Hvernig á að skipta dokku í þrennt

Í þessu DROPS myndbandi sýnum við hvernig við deilum einni dokku í þrjá parta þegar prjónað er með þremur þráðum með sama lit. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:40
Hvernig á að gera skrautlega kúlu

Í þessu DROPS myndbandi sýnum við hversu einfalt er að gera skrautlegar kúlur úr garni með því að vefja þráðunum utan um blöðrur. Í þessu myndbandi notum við Big Delight og lit nr 07, sólarupprás. Blásið upp blöðruna að óskaðri stærð, okkar er ca 8-9 cm að þvermáli. (Við notum einnota hanska til þess að sleppa við að hafa lím á fingrunum). Setjið smá lím yfir alla blöðruna (við notum veggfóðurslím) og byrjið á að vefja þráðunum utan um blöðruna, jafnframt sem lím fer á þræðina. Einnig er hægt að vefja fyrst þráðunum utan um blöðruna og nota síðan pensil til að pensla lími á alla þræðina, en það þarf að gera það í mörg skipti. Munið að límið þarf að þorna á milli skipta. Látið límið þorna á blöðrunni þar til þræðirnir eru orðnir mjög harðir. Stingið/klippið gat í blöðruna, hún skreppur þá saman (einnig er hægt að nota prjón eða eitthvað álíka). Fjarlægið blöðruna, afgangslím er hægt að fjarlægja með prjón/litlum hníf. Gerið margar kúlur og leggið þær saman í fallega skál eða hengið upp í tré. Notið hugmyndaflugið til þess að gera skraut sem hægt er að nota út um allt.
0:58
Hvernig á að mæla yfirvídd

Í þessu DROPS myndbandi sýnum við hvernig þú mælir yfirvídd (mál yfir brjóst). Til að sjá frekari upplýsingar um yfirvídd sjá hér!
12:26
Hvernig á að gera andlit á hreindýri í peysu (fullorðin)

Í þessu DROPS myndbandi sýnum við hvernig við gerum / festum nef, augu, hár, hálsól og snjó fyrir peysu með hreindýri í DROPS 194-38. Fyrst sýnum við hvernig við festum nefið og eftir það sýnum við hvernig við gerum hnút eftir mynsturteikningu A.3 fyrir augu. Síðan sýnum við hvernig við gerum hárið, heklið loftlykkjuröð fyrir hálsól og að lokum sama hnút sem verða snjókorn. Við notum garnið DROPS Nepal, saman garn og notað er í uppskrift. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
14:28
Hvernig á að gera andlit á hreindýri í peysu (barn)

Í þessu DROPS myndbandi sýnum við hvernig við gerum / festum nef, augu, hár, hálsól og snjó fyrir peysu með hreindýri í DROPS Children 32-18. Fyrst sýnum við hvernig við festum nefið og eftir það sýnum við hvernig við gerum hnút eftir mynsturteikningu A.3 fyrir augu. Síðan sýnum við hvernig við gerum hárið, heklið loftlykkjuröð fyrir hálsól. Við notum garnið DROPS Nepal, saman garn og notað er í uppskrift. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.