Mittens & Gloves

Flokkar
Myndbönd: 6
10:37
Hvernig á að prjóna þumal á vettling

Í þessu DROPS myndbandi sýnum við hvernig prjóna á þumal á vettling. Hér sýnum við hvernig aukið er út fyrir þumal með því að slá 1 sinni uppá prjóninn hvoru megin við merkta lykkju, í næstu umferð er uppslátturinn prjónaður aftan í lykkjubogann til að koma í veg fyrir gat. Endurtakið útaukningu í næstu umferð og haldið síðan áfram hringinn í sléttprjón nokkrar umferðir (eða fylgið uppskrift). Þegar útaukning hefur verið gerð til loka eru allar útauknar lykkjur settar á kaðlaprjón eða á þráð, fitjið upp eina nýja lykkju (eða þann fjölda lykkja samkvæmt uppskrift) fyrir aftan þessar lykkjur og haldið áfram hringinn. Þegar búið er að prjóna vettlinginn eru þumalykkjur settar aftur á prjón og teknar eru upp lykkjur í kanti fyrir aftan þær. Prjónið nú þumal í hring í sléttprjóni. Þegar óskaðri lengd er náð eru allar lykkjur prjónaðar saman 2 og 2 hringinn. Klippið frá og þræðið þráðinn í gegnum þær lykkjur sem eftir eru, herðið að og festið þráðinn að innanverðu á þumli. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:27
Hvernig á að prjóna op fyrir þumal á vettlingi

Í þessu DROPS myndbandi sýnum við hvernig hægt er að prjóna op fyrir þumal eins og gert er í mörgum af okkar vinsælu vettlingum. Hér er mynsturteikning fyrir allan vettlinginn og önnur fyrir þumalinn. Við höfum prjónað eftir stærra mynstrinu þar til byrjað er á útaukningu fyrir þumal (svörtu ferningarnir í stærra mynstrinu). Eftir það prjónum við eftir stóra- og litla mynstrinu (þumal). Þegar prjónuð hefur verið öll útaukning í mynstri fyrir þumal, eru settar x-margar lykkjur (sá fjöldi lykkja sem stendur í uppskrift) á þráð. Síðan eru fitjaðar upp x-fjölda lykkja (sá fjöldi sem stendur í uppskrift) fyrir aftan þumalinn og nú er allur vettlingurinn prjónaður áfram eftir stóra mynstrinu. Þegar vettlingurinn hefur verið prjónaður, eru þumallykkjur settar til baka á prjóninn. Prjónið nú upp x-fjölda lykkja (þann fjölda sem stendur í uppskrift) fyrir aftan þumal og nú er prjónað mynstur fyrir þumal. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:28
Hvernig á að prjóna einfaldan þumal

Í þessu DROPS myndbandi sýnum við hvernig við prjónum einfaldan þumal í vettlingi. Við prjónum að merkiþræði (bleikur þráður) þar sem þumallinn á að vera þegar við prjónum vettlinginn. Síðan drögum við merkiþráðinn út og lykkjurnar eru settar á sokkaprjóna. Við prjónum einnig upp nýjar lykkjur í hliðum (sjá mynstur til að áætla fjölda), eftir þetta er þumallinn prjónaður til loka. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
13:58
Hvernig á að prjóna A.1 í DROPS 165-30

Í þessu DROPS myndbandi sýnum við hvernig prjónað er eftir mynsturteikningu A.1 í vettlingunum Alpine Rose í DROPS 165-30. Þessir vettlingar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
12:27
Hvernig á að prjóna A.1 í DROPS Extra 0-1207

Í þessu DROPS myndbandi sýnum við hvernig við prjónum kaðla eftir mynsturteikningu A.1 í vettlingum í DROPS Extra 0-1207. Í myndbandinu höfum við nú þegar fitjað upp 40 lykkjur, prjónað stroff og fækkað um 34 lykkjur. Þessi vettlingar eru prjónaðir úr DROPS Nepal, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
7:00
Hvernig á að prjóna bjórvettling í DROPS Extra 0-1422

Í þessu DROPS myndbandi sýnum við hvernig við prjónum bjórvettling í DROPS Extra 0-1422. Við höfum nú þegar prjónað 13 cm (stærð M/L) og við sýnum hvernig við aukum við lykkjufjöldann í lok umferðar frá réttu. Eftir það sýnum við hvernig við fitjum upp 2 fyrstu lykkjur frá röngu þegar stykkið mælist 20 cm. Þetta er gert í hverri umferð frá röngu alls 5 sinnum = 40 lykkjur. Þegar allar lykkjur hafa verið fitjaðar upp eru prjónaðar 2 umferðir. Fellið af 2 lykkjur í hverri umferð frá réttu alls 5 sinnum = 30 lykkjur. Þegar stykkið mælist 34 cm eru felldar af 17 fyrstu lykkjur í byrjun á umferð frá röngu = 13 lykkjur. Haldið áfram fram og til baka og lesið útskýringu í uppskrift. Þessir vettlingar eru prjónaðir úr DROPS Snow, sama garn og notað er myndbandi. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.