DROPS Super Sale - 30% AFSLÁTTUR á 6 garntegundum í allan júní!

Handa- & fingraprjón

Lærðu hvernig á að prjóna án prjóna - notaðu hendur og fingur!

Flokkar
Myndbönd: 6
4:11
Hvernig á að gera fingraprjón

Í þessu DROPS myndbandi sýnum við hvernig er hægt að gera fingraprjón. Kenndu barninu fingraprjón og sýndu því töfraheima þar sem hægt er að búa til hluti úr garni. Notið þykkt garn, jafnvel marglitt, láttu barnið velja. Þræðið garninu á milli fingranna eins og útskýrt er í myndbandinu, gerðu hálsklút, armband, hárband eða eitthvað annað. Góða skemmtun!
10:23
Hvernig er handarprjón

Í þessu DROPS myndbandi sýnum við hvernig við prjónum með höndum með grófu garni, í lokin á myndbandinu sýnum við hvernig við prjónum með höndum hálsklút/hringtrefil með 3 þráðum úr DROPS Snow (við höfum notað 6 dokkur og hálsklúturinn nær tvo hringi utan um hálsinn). Við byrjum á að gera byrjunarlykkju sem er sett á úlnliðinn. Haldið í þráðarendann með annarri hendinni og byrjið á að fitja upp óskaðan fjölda lykkja. Reynið að jafna út prjónfestuna, svo að lykkjurnar verða hvorki of lausar eða of stífar. Haldið áfram að prjóna að óskaðri lengd. Fellið af með því að prjóna tvær lykkjur saman, steypið fyrri lykkjunni yfir þá seinni. Þegar ein lykkja er eftir, klippið og dragið þráðinn í gegnum síðustu lykkjuna.
10:40
Hvernig á að prjóna með fingrum og höndum hálsskjól

Í þessu DROPS myndbandi sýnum við hvernig við prjónum með fingrunum tvær dokkur úr Big Delight, þar á eftir prjónum við með höndunum hálsskjól úr garninu sem við prjónuðum með fingrunum. Fitjið upp 7 lykkjur og prjónið með höndunum 17-19 umferðir (þær fara eftir prjónfestunni/stærð á höndum). Fellið af og saumið endana saman. Gjörðu svo vel, nú ertu komin með flott hálsskjól.
8:42
Hvernig á að prjóna hálsklút með kögri með höndunum

Í þessu DROPS myndbandi sýnum við hvernig við prjónum hálsklút með kögri með höndunum. Þetta er mjög einfaldur hálsklútur prjónaður með DROPS Cloud og er fis léttur og yndislegur fyrir veturinn. Í DROPS myndbandinu notum við 100 gr litur hvítur (01) og 100 gr litur milligrár (04) af DROPS Cloud. Fitjið upp 8 lykkjur með 4 þráðum, prjónið 35 umferðir (lengdin verður ca 190 cm) og fellið af. Búið til 16 kögur (1 kögur = 4 þræðir 50 cm), leggið þræðina tvöfalda og festið við kantinn á hálsklútnum.
9:16
Hvernig á að prjóna með höndunum lítið sjal fyrir jólin

Í þessu DROPS myndbandi sýnum við hvernig við prjónum með höndunum lítið sjal með dúskum. Notið DROPS Andes frá Garnstudio 100 gr litur natur nr 100 og 200 gr litur jólarauður nr 3620. Fitjið upp 6 lykkjur með litnum jólarauður, prjónið með höndunum 15 umferðir og fellið síðan af. Fléttið endana saman, gerið 6 dúska og saumið í sjalið. Nú ertu klár fyrir jólin!
7:50
Hvernig á að prjóna teppi með höndunum

Í þessu DROPS myndbandi sýnum við hvernig við prjónum teppi með höndunum. Við notum 2 þræði af DROPS Polaris og höfum fitjað upp 29 lykkjur. Prjónið 15-17 umferðir (fer eftir prjónfestu). Fellið af, klippið frá og festið enda. Svona teppi er fljótlegt að gera!