Stitches

Flokkar
Myndbönd: 19
4:08
Hvernig á að hekla stuðul (st)

Í þessu DROPS myndbandi sýnum við hvernig þú heklar stuðul (st). Stuðull er heklaður þannig: Bregðið þræðinum um heklunálina og stingið heklunálinni í gegnum næstu lykkju. Bregðið þræðinum aftur um heklunálina og dragið þráðinn í gegnum fyrstu lykkju. Nú eru 3 lykkjur á heklunálinni. Þræðinum er brugðið um heklunálina og þráðurinn dreginn í gegnum fyrstu lykkjuna. Bregðið þræðinum um heklunálina og dragið þráðinn í gegnum tvær síðustu lykkjurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:47
Hvernig á að hekla loftlykkju (ll)

Í þessu DROPS myndbandi sýnum við hvernig við heklum loflykkju. Leggið þráðinn frá lengri endanum (þráðinn sem þú ert að vinna með) yfir vinstri vísifingur, haldið þræðinum aðeins fast á milli fingra. Stingið heklunálinni inn undir þráðinn sem liggur yfir vísifingri. Notið krókinn til að draga þráðinn í gegnum lykkjuna á heklunálinni. Haldið svona áfram þar til sá fjöldi lykkja er kominn sem þig vantar. Þegar lykkjur eru taldar þá er lykkjan sem er á heklunálinni ekki talin með. Það er auðvelt að hekla of stíft, við sýnum fyrst eina loftlykkjukeðju þar sem við sýnum hvernig á að gera þetta rétt. Þegar við drögum þráðinn í gegnum lykkjuna og fáum nýja lykkju VERÐUR þessi lykkja að vera í sömu stærð og sú sem er á heklunálinni (í myndbandinu drögum við hverja nýja lykkju langt upp á heklunálina þannig að auðveldara sé að sjá hvað við erum að sýna). Eftir það sýnum við hvernig EKKI á hekla loftlykkjukeðju. Hér drögum við nýju lykkjuna í gegnum loftlykkjuna og síðan einungis þar sem mjórri hlutinn á heklunálinni er í stað þess að draga lykkjuna upp þar sem hún er breiðust. Við fáum þá loftlykkjukeðju sem verður styttri og heklfestan kemur ekki til með að passa við mynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:15
Hvernig á að hekla keðjulykkju (kl)

Í þessu DROPS myndbandi sýnum við hvernig við heklum keðjulykkju (kl). Heklunálinni er stungið í lykkju, þræðinum er brugðið um heklunálina og þráðurinn dreginn upp í gegnum lykkjuna og líka beint í gegnum þá lykkju sem var fyrir á heklunálinni. Notið keðjulykkju til þess að tengja saman í lok umferðar í hring eða til þess að færa þráðinn áfram svo að lítið beri á. Þá eru keðjulykkjur heklaðar í þær lykkjur sem hoppa á yfir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:22
Hvernig á að hekla fastalykkju (fl)

Í þessu DROPS myndbandi sýnum við hvernig þú heklar fastalykkju (fl). Í fyrstu röðinni sýnum við hvernig þú heklar fastalykkju í loftlykkju. Í annarri röð þá heklum við í báða lykkjubogana. Fastalykkjur eru oftast heklaðar í báða lykkjubogana frá fyrri umferð, en einnig er hægt að hekla einungis í fremri lykkjubogann eða í aftari lykkjubogann. Stykkið fær þá röndótta áferð / mynsturáferðar útlit. Heklið fastalykkju þannig: Stingið heklunálinni inn í lykkjuna, sækið þráðinn með heklunálinni og dragið þráðinn í gegnum lykkjuna, nú eru tvær lykkjur á heklunálinni. Sækið aftur þráðinn og dragið þráðinn í gegnum báðar lykkjurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:25
Hvernig á að hekla hálfan stuðul (hst)

Í þessu DROPS myndbandi sýnum við hvernig við heklum hálfan stuðul (hst). Bregðið þræðinum um heklunálina, stingið heklunálinni í lykkju, bregðið þræðinum aftur um heklunálina og dragið þráðinn í gegnum lykkjuna. Nú eru þrjár lykkjur á heklunálinni. Bregðið þræðinum aftur um heklunálina og dragið þráðinn í gegnum allar þrjár lykkjurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:37
Hvernig á að hekla tvíbrugðinn stuðul (tbst)

Í þessu DROPS myndbandi sýnum við hvernig við heklum tvíbrugðinn stuðul. Bregðið þræðinum tvisvar sinnum um heklunálina áður en stungið er í lykkju. Þá er þræðinum brugðið um heklunálina og þráðurinn dreginn í gegnum 1. lykkju = 4 lykkjur á heklunálinni. Bregðið þræðinum um heklunálina og dragið þráðinn í gegnum fyrstu tvær lykkjur á heklunálinni Endurtakið aftur í gegnum 2 lykkjur. Bregðið þræðinum um heklunálina og dragið þráðinn í gegnum tvær síðustu lykkjurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:39
Hvernig á að hekla þríbrugðinn stuðul

Í þessu DROPS myndbandi sýnum við hvernig við heklum þríbrugðinn stuðul. Bregðið þræðinum 3 sinnum um heklunálina, stingið heklunálinni í gegnum lykkjuna, dragið þráðinn í gegn (= 5 lykkjur á heklunálinni), * bregðið þræðinum um heklunálina, dragið þráðinn í gegnum 2 lykkjur *, endurtakið frá *-* alls 4 sinnum (= 1 lykkja á heklunálinni). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:53
Hvernig á að hekla fjórbrugðinn stuðul

Í þessu DROPS myndbandi sýnum við hvernig við heklum fjórbrugðinn stuðul. Bregðið þræðinum 4 sinnum um heklunálina, stingið heklunálinni í næstu lykkju, dragið þráðinn í gegn (= 6 lykkjur á heklunálinni) * bregðið þræðinum um heklunálina, dragið þráðinn í gegnum 2 lykkjur *, endurtakið frá *-* alls 5 sinnum (= 1 lykkja á heklunálinni). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:35
Hvernig á að hekla fimmfaldan stuðul

Í þessu DROPS myndbandi sýnum við hvernig við heklum fimmfaldan stuðul. Bregðið þræðinum um heklunálina 5 sinnum = 6 lykkjur á heklunálinni. Stingið heklunálinni í gegnum næstu lykkju, bregðið þræðinum um heklunálina og dragið þráðinn í gegn = 7 lykkjur á heklunálinni. Bregðið þræðinum á ný um heklunálina og dragið í gegnum 2 lykkjur, gerið þetta 6 sinnum = 1 lykkja eftir á heklunálinni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:33
Hvernig á að hekla byrjun á lykkju

Í þessu DROPS myndbandi sýnum við 4 mismunandi aðferðir við að byrja að hekla lykkju. Veldu bara þá aðferð sem hentar þér.
1:23
Hvernig á að koma í veg fyrir snúning á loftlykkjuhring.

Í þessu DROPS myndbandi sýnum við á einfaldan hátt hvernig er hægt að fitja upp margar loftlykkjur, heklar þær saman í hring án þess að fá snúning á stykkið. Í myndbandinu notum við DROPS Snow. Þú finnur mynstur þar sem þessi aðferð er notuð með því að smella á myndirnar að neðan.
2:39
Hvernig á að gera fastalykkju-byrjun

Í þessu DROPS myndbandi sýnum við hvernig við heklum loftlykkju-röð og eina röð með fastalykkjum samtímis. Með þessari aðferð gerum við kant á stykki sem er meira teygjanlegt en ef þú heklar fyrst loftlykkjur og síðan fastalykkjur í hverja loftlykkju. Þetta er einnig hentugara þegar þú veist ekki hversu margar lykkjur þú þarft í byrjun. Passið uppá að halda jafnri spennu svo að lykkjurnar verði eins báðum megin á lengjunni.
3:51
Hvernig á að gera hálfstuðla-byrjun

Í þessu DROPS myndbandi sýnum við hvernig við heklum loftlykkju-röð og eina röð með hálfum stuðlum samtímis. Með því að nota þessa aðferð myndast kantur sem er teygjanlegri en ef byrjað er með því að hekla loftlykkjur og síðan hálfa stuðla í hverja loftlykkju. Þetta er líka mjög þægilegt ef ekki er vitað um fjölda lykkja sem þarf í byrjun. Passið uppá að halda jafnri spennu svo að lykkjurnar verði jafnar á báðum megin á lengjunni.
4:27
Hvernig á að gera stuðla-byrjun

Í þessu DROPS myndbandi sýnum við hvernig við heklum loftlykkju-röð og eina röð með suðlum samtímis. Með því að nota þessa aðferð náum við að mynda kant á stykki sem er meira teygjanlegur en þegar einungis eru heklaðar loftlykkjur í byrjun og síðan stuðla í hverja loftlykkju. Þetta er líka hentugt þegar ekki er vitað hversu margar lykkjur þarf þegar byrjað er á nýju stykki. Passið uppá að halda jafnri spennu svo að lykkjurnar verði jafnar beggja vegna á röðinni.
3:01
Hvernig á að hekla öðruvísi fastalykkjur

Í þessu DROPS myndbandi sýnum við hvernig við heklum aðeins öðruvísi fastalykkjur. Í staðinn fyrir að sækja þráðinn eins og venjulega, þar sem krókurinn á heklunálinni vísar upp, sækjum við þráðinn þar sem krókurinn á heklunálinni vísar niður. Með þessu þá myndast lítill kross. Við heklum fyrst nokkrar öðruvísi fastalykkjur og eftir það venjulegar fastalykkjur. Við notum garnið DROPS Snow í myndbandinu.
1:41
Hvernig á að hekla framlengda stuðlalykkju

Í þessu DROPS myndbandi sýnum við hvernig við heklum framlengda stuðlalykkju. Við höfum nú þegar heklað 2,5 umferðir með framlengdum stuðlalykkjum. Bregðið þræðinum um heklunálina, dragið heklunálina i gegnum næstu lykkju, bregðið þræðinum um heklunálina og dragið þráðinn í gegnum lykkjuna = 3 lykkjur á heklunálinni. Bregðið þræðinum um heklunálina og dragið uppsláttinn í gegnum 1. lykkjuna á heklunálinni = 3 lykkjur á heklunálinni, bregðið þræðinum á ný um heklunálina og dragið uppsláttinn í gegnum 2 lykkjur á heklunálinni = 2 lykkjur á heklunálinni. Bregðið að lokum þræðinum um heklunálina og dragið uppsláttinn í gegnum 2 lykkjurnar á heklunálinni = 1 framlengd stuðlalykkja. Í myndbandinu notum við garnið DROPS Snow.
2:41
Hvernig á að hekla bullion lykkju

Í þessu DROPS myndbandi sýnum við hvernig við heklum bullion lykkju. Það er líka hægt að hekla þessa lykkju margar á breiddina í sömu röð eða eina og eina hér og þar í heklverkefninu. Þegar bullion lykkja er hekluð þá snýrðu uppá þráðinn 8 sinnum (eða eins oft og þú vilt eða eftir því hvað stendur í mynstri) laust uppá heklunálina, stingdu heklunálinni í gegnum næstu lykkju, náðu í þráðinn, dragðu þráðinn varlega í gegnum allar lykkjurnar á heklunálinni eina og eina (notaðu vinstri hönd til hjálpar), heklaðu 1 loftlykkju til þess að festa lykkjurnar saman.
1:53
Hvernig á að hekla krabbahekl

Í þessu DROPS myndbandi sýnum við ykkur hvernig hægt er að hekla krabbahekl. Við heklum fastalykkjur frá vinstri til hægri og fáum þannig fallegan kant. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:14
Hvernig á að hekla krabbahekl með því að snúa heklunálinni

Í þessu DROPS myndbandi sýnum við hvernig hægt er að hekla kant með krabbahekli með því að snúa heklunálinni. Við höfum nú þegar heklað nokkrar lykkjur í krabbahekli. Heklið þannig: * Sækið þráðinn í gegnum fastalykkjuna að neðan, gerið lykkjuna aðeins lausa, snúið heklunálinni 360 gráður rangsælis, bregðið þræðinum einu sinni um heklunálina og dragið uppsláttinn í gegnum báðar lykkjurnar á heklunálinni *. Endurtakið frá *-* Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.