Ítalskt uppfit

Horfðu á myndböndin okkar til að læra hvernig á að fitja upp með ítalskri uppfitjunaraðferð og fá stroffið, teygjanlegra og saumlausan kant.

Flokkar

Myndbönd: 3

6:11

Ítölsk uppfitjun - stroffprjón með 1 lykkja slétt / 1 lykkja brugðið

Í þessu DROPS myndbandi sýnum við hvernig á að prjóna ítalska uppfitjun með 1 lykkju slétt og 1 lykkju brugðið. Byrjið með löngum enda þráðar, allt eftir því hversu margar lykkjur á að fitja upp. 1. Haltu þræðinum yfir þumalfingri og vinstri vísifingri og stingdu prjóninum undir þennan þráð. Dragðu prjóninn og þráðinn aðeins út á við, færðu prjóninn að þér og undir þráðinn með þumalfingri, síðan upp á milli þráðanna, í kringum aftari þráðinn og undir fremri þráðinn, síðan upp = 1 upphafslykkja og 1 slétt lykkja á hægri prjóni, þ.e. 1. lykkja = slétt lykkja. 2. Taktu prjóninn frá þér þannig að hann sé fyrir ofan þráðinn við vísifingur, síðan undir báða þræðina, taktu prjóninn frá þér og undir aftari þráðinn og síðan upp = 2. lykkja = 1 brugðin lykkja. 3. Færið prjóninn að ykkur og undir fremri þráðinn, upp á milli þráðanna, í kringum og undir aftari þráðinn, síðan undir fremri þráðinn og upp = 3. lykkja = 1 slétt lykkja. Endurtakið liði 2 og 3, með brugðnum og sléttum lykkjum, að réttum lykkjufjölda. Endið síðustu lykkjuna með lykkju til að „festa“ lykkjurnar. Snúið við og prjónið sléttu lykkjurnar slétt og prjónið brugðnu lykkjurnar brugðið. Síðasta lykkjan í umferðinni er prjónuð brugðið saman við upphafsþráðinn/lykkjuna. Snúið aftur við og prjónið sléttu lykkjurnar slétt og prjónið brugðnu lykkjurnar brugðið. Einnig er hægt að prjóna eftir uppfitjunina 2 eða 4 umferðir með tvöföldu sléttprjóni til að halda kantinum stöðugum. Lestu útskýringuna hér að neðan og/eða sjáðu lok myndbandsins (frá tíma: 00:04:03). Báðar aðferðirnar gefa mjög teygjanlegan kant. Til að fá 2 eða 4 umferðir af tvöföldu sléttprjóni til að halda kantinum, fylgið textanum í uppskriftinni sem þið eruð að vinna eftir, eða prjónið þannig: UMFERÐ 1: * Prjónið 1 lykkju slétt, takið næstu lykkju yfir á hægri prjón eins og prjónað sé brugðið, með þráðinn fyrir framan lykkjuna *, prjónið frá *-* að síðustu lykkjunni og upphafslykkjunni sem eftir er, prjónið þessar lykkjur brugðið saman. UMFERÐ 2: * Takið fyrstu/næstu lykkju yfir á hægri prjón eins og prjónað eigi brugðið með þráðinn fyrir aftan lykkjuna, prjónið 1 lykkju slétt *, prjónið frá *-* út umferðina.

5:14

Ítölsk uppfitjun með stöðugum kanti - stroffprjón með 1 lykkju slétt / 1 lykkju brugðið

Í þessu DROPS myndbandi sýnum við afbrigði af ítalskri uppfitjun með stöðugum kanti, með 1 lykkju slétt og 1 lykkju brugðið. Byrjið með löngum enda, lengdin fer eftir því hversu margar lykkjur eigi að fitja upp. Haltu þræðinum yfir þumalinn og vinstri vísifingur, stingdu prjóninum niður að innan verðu og aftan verðu þannig að það myndist kross = 1. lykkjan (slétt). Taktu prjóninn yfir aftari þráðinn, upp í miðju, undir fremri þráðinn og upp = 2. lykkja (brugðið). Næsta lykkja. Stingdu prjóninum undir fyrri þráðinn og upp í miðju, yfir aftari þráðinn og upp (slétt). Haldið svona áfram með brugðið og slétt að óskuðum lykkjufjölda, endið með brugðinni lykkju. Snúið stykkinu jafnframt því sem þræðirnir myndi kross, þannig að það myndist tvöfaldur kross. Byrjið umferð 2 með 1 lykkju slétt, leggðu þráðinn framan við prjóninn og lyftu brugðnu lykkjunni yfir á hægri prjón eins og prjóna eigi brugðið, prjónið næstu lykkju slétt. Leggðu þráðinn framan við prjóninn og lyftu brugðnu lykkjunni yfir á hægri prjón eins og prjóna eigi brugðið, prjónaðu næstu lykkju slétt, haltu svona áfram út hringinn, en síðasta lykkjan er prjónuð brugðið, snúið. Prjónið 1. lykkjuna slétt, leggðu þráðinn framan við prjóninn og lyftu brugðnu lykkjunni yfir á hægri prjón eins og prjóna eigi brugðið, prjónaðu næstu lykkju slétt. Leggðu þráðinn framan við prjóninn og lyftu brugðnu lykkjunni yfir á hægri prjón eins og prjóna eigi brugðið, prjónaðu næstu lykkju slétt, haltu svona áfram út umferðina, en prjónaðu síðustu lykkjuna brugðið, snúið. Haldið svona áfram með slétt yfir slétt og brugðið yfir brugðið. Aðferðin gefur teygjanlega og fallega útkomu, með stöðugum kanti. Við notum garnið DROPS Snow í myndbandinu.

6:23

Ítölsk uppfitjun - stroffprjón með 2 lykkjur slétt / 2 lykkjur brugðið

Í þessu DROPS myndbandi sýnum við afbrigði af ítalskri uppfitjun, með 2 lykkjur slétt og 2 lykkjur brugðið. Í ummfitjunarumferð og 1. umferð er prjónað 1 lykkja slétt, 1 lykkja brugðið. Byrjið með löngum enda, lengdin fer eftir því hversu margar lykkjur eigi að fitja upp. Haltu þræðinum yfir þumalinn og vinstri vísifingur, stingdu prjóninum niður að innan verðu og aftan verðu þannig að það myndist kross = 1. lykkjan (slétt). Taktu prjóninn yfir aftari þráðinn, upp í miðju, undir fremri þráðinn og upp = 2. lykkja (brugðið). Næsta lykkja. Stingdu prjóninum undir fyrri þráðinn og upp í miðju, yfir aftari þráðinn og upp = 3. lykkjan (slétt). Haldið svona áfram með brugðið og slétt að óskuðum lykkjufjölda, en lykkjufjöldinn verður að vera deilanlegur með 4 (+ 2 ef enda á eins og í byrjun). Snúið stykkinu jafnframt því sem þræðirnir myndi kross, þannig að það myndist tvöfaldur kross. Prjónið slétt yfir slétt og brugðið yfir brugðið. Nú á að prjóna stroffprjón með 2 lykkju slétt, 2 lykkjum brugðið. * Prjónið fyrstu lykkju slétt, lyftu 2 næstu lykkjum eins og prjóna eigi slétt saman yfir á hægri prjón, lyftu síðan til baka yfir á vinstri prjón þannig að brugðna lykkjan kemur fyrst (slétt lykkja og brugðin lykkja skipta nú um stað). Prjónið 1 lykkju slétt og 2 lykkjur brugðið * og endurtakið frá *-* út umferðina. Aðferðin gefur teygjanlega útkomu. Við notum garnið DROPS Snow í myndbandinu.