Cast off

Flokkar
Myndbönd: 35
1:46
Hvernig á að fella af frá réttu

Í þessu DROPS myndbandi sýnum við hvernig við fellum af frá réttu. Affelling kallast sú aðferð sem er notuð til þess að hefta lykkjur þannig að þær rakni ekki upp. Einnig til þess að mynda handveg, hálsmál og axlir. Affellingin má hvorki vera of laus eða of föst þar sem þú þarft að koma peysunni yfir höfuðið. Til þess að koma í veg fyrir að fellt sé af of fast er hægt að nota grófari prjóna við affellinguna. Tvær lykkjur eru prjónaðar slétt, fyrri lykkjunni er steypt yfir, næsta lykkja er prjónuð slétt og fyrri lykkju steypt yfir o.s. frv. þar til ein lykkja er eftir, klippið frá og dragið þráðinn í gegnum síðustu lykkjuna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:58
Hvernig á að fella af frá röngu

Í þessu DROPS myndbandi sýnum við hvernig við fellum af frá röngu. Frá röngu er fellt af á sama hátt og frá réttu, nema lykkjurnar eru prjónaðar brugðið áður en þeim er steypt yfir. Þegar ein lykkja er eftir, klippið frá og dragið þráðinn í gegnum síðustu lykkjuna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:59
Hvernig á að fella af í stroffi

Í þessu DROPS myndbandi sýnum við hvernig við fellum af í stroffi. Þegar stroff er prjónað skrifum við oftast að fella á af eins og í stroffi. Hvort sem prjónuð er 1 lykkja slétt / 1 lykkja brugðið eða 2 lykkjur slétt / 2 lykkjur brugðið (eins og útskýrt er í myndbandinu). Fyrst sýnum við Evrópska útgáfu og í lok umferðar Ameríska útgáfu. Prjónið sléttar lykkjur slétt og brugðnar lykkjur brugðið ásamt því sem fellt er af með því að steypa næst síðustu lykkju yfir síðustu lykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:26
Hvernig á að fella af með uppslætti

Í þessu DROPS myndbandi sýnum við hvernig hægt er að fella af með uppslætti. Til þess að koma í veg fyrir að affellingarkanturinn verði of stífur, þá getur þú með jöfnu millibili slegið þræðinum 1 sinni uppá prjóninn jafnframt því sem fellt er af. Uppslátturinn er síðan felldur af eins og venjuleg lykkja. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:44
Hvernig á að fella af með teygjanlegum kanti með uppslætti

Í þessu DROPS myndbandi sýnum við hvernig við fellum af með uppslætti svo að kanturinn verði teygjanlegur. Við sýnum bæði hvernig við fellum af frá réttu og frá röngu. Prjónið 1. lykkju slétt, sláið 1 sinni uppá prjóninn, en öfugt (aftan frá og fram), prjónið næstu lykkju slétt = 2 lykkjur + 1 uppsláttur um hægri prjón. Steypið uppslættinum og fyrstu lykkjunni sem var prjónuð með vinstri prjóni yfir síðustu lykkjuna sem var prjónuð = 1 lykkja á hægri prjóni. Næsta lykkjan er brugðin lykkja og er prjónuð þannig: Sláið 1 sinni uppá prjóninn, prjónið 1 lykkju brugðið. Steypið uppslættinum og öftustu lykkjunni yfir síðustu lykkjuna sem var prjónuð = 1 lykkja á hægri prjóni. Sláið 1 sinni uppá prjóninn, prjónið 1 lykkju brugðið. Steypið uppslættinum og öftustu lykkjunni yfir fyrstu lykkjuna = 1 lykkja á hægri prjóni. Endurtakið út alla umferðina, nema öfugan uppslátt við sléttar lykkjur og venjulegan uppslátt við brugðnar lykkjur. Við notum garnið DROPS Snow í myndbandinu.
4:58
Hvernig á að fella af með ítalskri affellingu, með 1 lykkju slétt / 1 lykkju brugðið

Í þessu DROPS myndbandi sýnum við hvernig við saumum ítalska affellingu með nál og þræði í stroffprjóni með 1 lykkju slétt / 1 lykkju brugðið. Með þessari aðferð þá næst fram teygjanleg affelling sem er tilvalið að nota í t.d. sokka sem eru prjónaðir frá tá og upp, í kringum kant í hálsmáli, kanta á sjölum eða kantlykkjur á ermum sem eru prjónaðar ofan frá og niður. Þráðar endinn sem sauma á með verður að vera minnst 3-4 sinnum lengri en stykkið sem fella á af. Hluti 1: Byrjið frá réttu (fyrsta lykkjan á að vera 1 lykkja slétt). Stingið nálinni inn í 1. lykkju eins og prjóna eigi lykkjuna slétt, lyftið lykkjunni af prjóni, stingið nálinni inn í 2. lykkju á vinstri prjóni (= slétt lykkja) eins og prjóna eigi lykkjuna brugðið. Dragið þráðinn í gegnum þessar 2 lykkjur (= 1 lykkja felld af). Hluti 2: Stingið nálinni inn í 1. lykkju (brugðin lykkja) eins og prjóna eigi lykkjuna brugðið, lyftið lykkjunni af prjóni, stingið nálinni inn frá bakhlið á prjóni á milli 1. og 2. lykkju, stingið nálinni í gegnum 2. lykkju (brugðin lykkja) eins og prjóna eigi lykkjuna slétt, dragið þráðinn alveg í gegnum þessar 2 lykkjur. Endurtakið Hluti 1 og Hluti 2 þar til allar lykkjur hafa verið felldar af. Í hvert skipti sem Hluti 1 og Hluti 2 hefur verið gerður er felld af 1 lykkja. Við notum garnið DROPS Snow í myndbandinu. Aðferðin er notuð í mörgum mynstrum – Þú finnur mynstur þar sem þessi aðferð er notuð með því að smella á myndirnar að neðan.
6:34
Ítölsk affelling - 2 lykkjur slétt / 2 lykkjur brugðið

Í þessu DROPS myndbandi sýnum við hvernig við gerum ítalska affellingu í stykki sem er prjónað með 2 lykkjur slétt og 2 lykkjur brugðið. Áður en affellingin byrjar er prjónuð 1 umferð þar sem 2 lykkjur slétt / 2 lykkjur brugðið verður að 1 lykkju slétt / 1 lykkju brugðið. Þegar maður byrjar með affellinguna verður þráðar endinn sem saumað er með að vera minnst 4 sinnum lengri en stykkið sem fella á af. 1) Stingið inn nálinni í 1. lykkju (slétt lykkja) eins og prjóna eigi slétt og lyftið lykkjunni af. 2) Stingið inn nálinni í 2. lykkju (slétt lykkja) eins og prjóna eigi brugðið. 3) Stingið inn nálinni í 1. lykkju (brugðin lykkja) eins og prjóna eigi brugðið, lyftið lykkjunni af (þráðurinn er nú á bakhlið á stykki). Frá bakhlið, stingið nálinni inn á milli 1. og 2. lykkju. 4) Frá framhlið, stingið nálinni inn í brugðnu lykkjuna (2. lykkju). Endurtakið útskýringu frá 1 til 4. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:52
Hvernig á að sauma ítalska affellingu hringinn

Í þessu DROPS myndbandi sýnum við hvernig við fellum af með því að sauma ítalska affellingu hringinn í stroffi með 1 lykkju slétt og 1 lykkju brugðið. Áður en við byrjum affellinguna eru prjónaðar 4 umferð þar sem sléttu lykkjurnar og brugðnu lykkjurnar eru prjónaðar sér. Í umferð 1 og 3 eru sléttu lykkjurnar prjónaðar slétt, á meðan brugðnu lykkjunum er lyft af prjóni eins og prjóna eigi þær brugðið með þráðinn fyrir framan. Í umferð 2 og 4 eru brugðnu lykkjurnar prjónaðar brugðið og sléttu lykkjunum er lyft af prjóni eins og prjóna eigi þær brugðið. Við notum prjónamerki til að sýna byrjun á umferð, en þegar við byrjum affellinguna, setjum við prjónamerki í 1. lykkju slétt og 1. lykkju brugðið. Klippið þráðinn, þráðar endinn sem sauma á með verður að vera minnst 4 sinnum lengri en stykkið sem fella á af. Nú byrjar affellingin. * Stingið inn nálinni í 1. lykkju slétt eins og prjóna eigi slétt, þræðið þráðinn í gegn og lyftið lykkjunni af prjóni. Stingið nálinni í 2. lykkju slétt eins og prjóna eigi brugðið og dragið þráðinn í gegn, látið þessa lykkju hvíla á prjóni. Stingið nálinni inn frá hægri í 1. lykkju brugðið og að þér, dragið þráðinn í gegn og takið lykkjuna laust af. Stingið inn nálinni frá bakhlið á milli 2 næstu lykkja, snúið nálinni og stingið nálinni til baka, en þá í brugðnu lykkjuna eins og prjóna eigi slétt og dragið þráðinn í gegn. Endurtakið frá * umferðina hringinn þar til 2 lykkjur eru eftir, setjið 2 fyrstu lykkjurnar í umferð (lykkjur með prjónamerki), á prjóninn og haldið áfram með affellinguna. Þar sem þráðurinn hefur nú þegar farið í gegnum 2 fyrstu lykkjurnar í byrjun á umferð 1 sinni, saumið þessar lykkjur eingöngu 1 sinni í lokin. Festið þráðinn á bakhlið. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
12:18
Hvernig á að gera ítalska affellingu - 1 lykkja slétt /1 lykkja brugðið án þess að nota nál - tubul

Í þessu DROPS myndbandi sýnum við hvernig við gerum ítalska affellingu - tubular cast off í stroffprjóni 1 lykkju slétt / 1 lykkju brugðið án þess að nota nál. Þetta sýninshorn er prjónað í stroffprjóni, 1 lykkja slétt og 1 lykkja brugðið. Fyrst eru prjónaðar 4 umferðir þar sem helmingur af lykkjunum er prjónaður sér. Það er gert með því að lyfta öllum brugðnu lykkjunum af prjóni eins og prjóna eigi brugðið og prjóna allar sléttu lykkjurnar slétt. Þetta er gert í 4 umferðir. Nú er lykkjunum skipt niður á tvo prjóna, önnur hver lykkja á prjóni. Brugðnar lykkjur saman á prjóni og sléttar lykkjur saman á prjóni. Prjónarnir snúa í sömu átt, í þá átt sem þráðurinn er, þráðurinn á að liggja á aftari prjóni. Hægt er að lykkja saman lykkjurnar með nál eða að prjóna lykkjurnar saman. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:26
Hvernig á fella af með ítalskri affellingu, 1 lykkja slétt (snúinI) / 1 lykkja brugðið

Í þessu DROPS myndbandi sýnum við hvernig við fellum af með því að sauma ítalska affellingu í stroffi með 1 lykkju slétt og 1 lykkju brugðið. Með þessari aðferð þá færðu teygjanlegri affellingarkant sem er tilvalinn t.d. á sokkum sem eru prjónaðir frá tá og upp, í kringum kanta í hálsmáli, kanta á sjali eða kantlykkjum á ermum sem eru prjónaðar ofan frá og niður. Þráðarendinn sem sauma á með þarf að vera minnst 4 sinnum lengri en stykkið sem fella á af. Byrjið með að læsa fyrstu sléttu lykkjuna þannig: Stingið nálinni inn í 1. lykkjuna eins og prjóna eigi brugðið og herðið að. Sleppið ekki lykkjunni af prjóni. Stingið nálinni frá bakhlið á milli 1. og 2. lykkju þannig að þráðurinn komi á framhlið, stingið síðan nálinni inn í brugðnu lykkjuna. Stingið eftir það nálinni í 1. lykkjuna eins og prjóna eigi slétt, lyftið lykkjunni af prjóni. Nú byrjar affellingin. 1) Þegar það er brugðin lykkja sem fella á af, saumið þannig: Stingið nálinni í 2. lykkju (slétt lykkja) eins og prjóna eigi brugðið, stingið nálinni í 1. lykkju (brugðin lykkja) eins og prjóna eigi slétt, lyftið síðan lykkjunni af (þráðurinn er nú á bakhlið á stykki). 2) Þegar það er slétt lykkja sem fella á af, saumið þannig: Frá bakhlið, stingið nálinni inn á milli 1. og 2. lykkju. Frá framhlið, stingið nálinni inn í brugðnu lykkjuna (2. lykkja) og einnig frá réttu, stingið nálinni inn í 1. lykkjuna eins og prjóna eigi slétt og lyftið lykkjunni af. Endurtakið útskýringu 1) og 2) þar til fellt hefur verið af til loka á stykki. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:26
Hvernig á að gera saumaða affellingu

Í þessu DROPS myndbandi sýnum við hvernig hægt er að gera saumaða affellingu, teygjanlega affellingu sem er tilvalin t.d. fyrir sokka sem eru prjónaðir frá tá og upp, í kringum kant á hálsmáli, kant á sjali eða kantlykkjum á ermum sem eru prjónaðar ofan frá og niður. Klippið þráðinn nógu langan fyrir affellingu, ca 4 sinnum lengra en kanturinn sem fella á af. * Stingið nálinni í gegnum fyrstu lykkju frá hægri til vinstri, dragið þráðinn í gegn, stingið síðan nálinni í gegnum fyrstu lykkju frá vinstri til hægri, dragið þráðinn í gegn og sleppið síðan þessarri lykkju af prjóninum, endurtakið frá *. Passið uppá að prjónfestan passið við afganginn af stykki.
3:48
Hvernig á að fella af með teygjanlegum kanti

Í þessu DROPS myndbandi sýnum við hvernig við fellum af með teygjanlegum kanti. Endaðu stykkið með fallegum, teygjanlegum kanti. Mjög hentugt á teppum, húfum sem prjónaðar eru ofan frá og niður og sokkum sem prjónaðir eru frá tá og upp úr o.s.frv. Fitjið upp 2 nýjar lykkjur í byrjun umferðar (á myndbandinu notum við skólafit): * Prjónið 2 lykkjur slétt, 2 lykkjur slétt saman í aftari lykkjubogann, setjið 3 lykkjur af hægri prjóni aftur til baka yfir á vinstri prjón *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:26
Hvernig á að fella af með i-cord kanti í garðaprjóni

Í þessu DROPS myndbandi sýnum við hvernig við fellum af með i-cord kanti í stykki í garðaprjóni. Fitjið upp 2 nýjar lykkjur og prjónið upp 1 lykkju í ysta lið í fyrstu umferð í garðaprjóni = 3 lykkjur á prjóni. * Færið lykkjurnar yfir að byrjun á prjóni, þannig að hægt sé að prjóna einu sinni til viðbótar frá réttu án þess að snúa stykkinu. Prjónið 2 lykkjur slétt, lyftið næstu lykkju af prjóni eins og prjóna eigi slétt, prjónið upp eina nýja lykkju yst í næstu umferð í garðaprjóni, steypið lykkjunni sem lyft var af prjóni yfir lykkjuna sem prjónuð var upp *, prjónið frá *-* þar til prjónaður hefur verið upp kantur meðfram öllu stykkinu. Til að koma í veg fyrir að kanturinn verði ekki of stífur þá prjónum við upp 2 auka lykkjur sem viðbót við þegar prjónuð er upp lykkja í annarri hverri umferð í garðaprjóni frá kanti. Prjónið 3 síðustu lykkjurnar á prjóni slétt saman. Við notum garnið DROPS Snow í myndandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:58
Hvernig á að prjóna skáhallandi öxl ásamt því að fella af með i-cord affellingu á öxl

Í þessu DROPS myndbandi sýnum við aðferð til að fá skáhallandi öxl með stuttum umferðum. Eftir það sýnum við hvernig við fellum af við axlasauminn með i-cord affellingu. Munið að lesa í mynstrinu með réttum fjölda lykkja. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:05
Hvernig á að fella af með I-cord lykkjum

Í þessu DROPS myndbandi sýnum við hvernig hægt er að fella af í stykki með I-cord lykkjum. Þegar fellt er af, * prjónið I-cord snúru ca 6 cm (sjá útskýringu á I-cord snúru aðeins neðar), prjónið lykkjur frá I-cord snúrunni saman við 3 næstu lykkjur á stykkinu *, endurtakið frá *-* út umferðina og fellið af 3 síðustu lykkjur eins og venjulega. Við höfum valið 3 lykkja I-cord snúru ca 6 cm, en hægt er að breyta þessu eftir eigin ósk. I-cord snúra: * Prjónið 1 umferð á sokkaprjón. Færið lykkjurnar á hinn endann á prjóninum, ekki snúa stykkinu við *, endurtakið frá *-*. Við notum garnið DROPS Snow í myndbandinu.
4:06
Hvernig á að fella af með picotkanti

Í þessu DROPS myndbandi sýnum við hvernig við fellum af með picotkanti. Í þessu myndbandi þá prjónum við þannig: Prjónið 1 lykkju slétt (* stingið hægri prjóni inn á milli 2 fyrstu lykkja á vinstri prjóni (þ.e.a.s. á milli lykkja á prjóni, ekki í gegnum lykkjuna), sláið 1 sinni uppá prjóninn, dragið uppsláttinn fram á milli lykkjanna og setjið uppsláttinn yfir á vinstri prjón *, endurtakið frá *-* 2 sinnum til viðbótar (= 3 nýjar lykkju á vinstra prjóni). ** Prjónið fyrstu lykkju á vinstra prjóni slétt, steypið fyrstu lykkju á hægra prjóni yfir síðustu lykkju sem var prjónuð **), endurtakið frá **-** alls 5 sinnum og endurtakið (-) meðfram allri umferðinni þar til 1 lykkja er eftir. Klippið frá og dragið í gegnum síðustu lykkjuna. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:09
Hvernig á að fella af með picotkanti í stroffi

Í þessu DROPS myndbandi sýnum við hvernig hægt er að fella af með picotkanti í stroffi sem er prjónað með 1 lykkju snúna slétt – 1 lykkju brugðið. Prjónið 1 lykkju slétt, * stingið inn hægri prjóni á milli 2 næstu lykkja á vinstra prjóni (þ.e.a.s. á milli lykkja á prjóni, ekki í gegnum lykkjurnar), sláið 1 sinni uppá hægri prjón, dragið fram uppsláttinn á milli lykkja og setjið uppsláttinn á vinstri prjón *, prjónið frá *-* alls 3 sinnum (= 3 nýir uppslættir á vinstra prjóni), prjónið slétt og fellið af 7 lykkjur (= 1. lykkja á hægri prjóni + 3 uppslættir + 3 lykkjur). Haldið nú áfram að prjóna frá *-* og fellið af 7 lykkjur alveg eins meðfram allri affellingunni. Þegar ekki eru nægilega margar lykkjur eftir til að gera nýja picot eru lykkjurnar sem eftir eru felldar af slétt. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
4:03
Hvernig fellum við af með picot

Í þessu DROPS myndbandi sýnum við hvernig við aukum út lykkjur, jafnframt því sem við fellum af og fáum affellingarkant með picot. Við höfum nú þegar prjónað stroff með 1 lykkju snúin slétt og 2 lykkjur brugðið og byrjum myndbandið á því að fella af þannig: Prjónið 1 lykkju snúin slétt, * stingið inn hægri prjóni á milli 2 fyrstu lykkja á vinstra prjóni, sláið 1 sinni uppá hægri prjón, dragið uppsláttinn fram á milli lykkja og setjið uppsláttinn yfir á vinstri prjón *, prjónið frá *-* alls 2 sinnum, prjónið slétt og fellið jafnframt af 5 lykkjur (= 1. lykkja á hægri prjóni + 2 uppslættir + 2 lykkjur). Haldið áfram að prjóna frá *-* og fellið af 5 lykkjur alveg eins meðfram allri umferðinni þar til ekki eru nægilega margar lykkjur eftir til að gera nýjan picot. Fellið af þær lykkjur sem eftir eru. Við notum garnið DROPS Snow í myndbandinu. Fylgja þarf uppskrift sem er með þessari aðferð við affellingu og til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:26
Hvernig á að fella af í kanti í horni

Í þessu DROPS myndbandi sýnum við hvernig við fellum af í kanti í horni. Þegar fella á af á kanti þar sem aukið hefur verið út til þess að mynda horn, eins og t.d. á poncho, verður að halda áfram með útaukningu jafnvel í þeirri umferð sem fellt er af til þess að kanturinn brettist ekki upp. Myndbandið sýnir hvernig aukið er út um 1 lykkju hvoru megin við miðjulykkjuna jafnframt því sem fellt er af. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:20
Hvernig á að fella laust af með heklunál

Í þessu DROPS myndbandi sýnum við hvernig við fellum laust af með heklunál. Til þess að fá teygjanlegan kant þá er þetta góð aðferð. Fellið af þannig: Stingið heklunálinni í fyrstu lykkju og sækið þráðinn (látið lykkjuna vera áfram á prjóninum), bregðið þræðinum um heklunálina og dragið þráðinn í gegnum lykkjuna á heklunálinni, stingið heklunálinni í sömu lykkju einu sinni til viðbótar, sækið þráðinn og dragið þráðinní gegnum lykkjuna á heklunálinni, steypið lykkjunni af prjóninum, stingið heklunálinni í næstu lykkju (látið lykkjuna vera áfram á prjóni), sækið þráðinn og dragið þráðinn í gegnum lykkjuna á heklunálinni, stingið heklunálinn í sömu lykkju, sækið þráðinn og dragið þráðinn í gegnum lykkjuna á heklunálinni = 2 keðjulykkjur í eina lykkju, steypið lykkju af prjóni. Haldið svona áfram og heklið 2 keðjulykkjur í hverja lykkju út umferðina. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
0:48
Hvernig á að fella af síðustu lykkjuna

Í þessu DROPS myndbandi sýnum við hvernig hægt er að fella af síðustu lykkjuna án þess að lykkjan verði of laus og ljót. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:28
Hvernig á að fitja upp og fella af með tveimur þráðum

Í þessu DROPS myndbandi sýnum við hvernig við fitjum upp með 2 þráðum og hvernig við fellum af með 2 þráðum. Í nokkrum mynstrum stendur að það eigi að fitja upp og fella af með 2 þráðum, þetta er gert m.a. til að fá fallegri kant/aðeins meiri þyngd í stykkið/meiri teygjanleika/lausari affellingu. Allt eftir því hvernig garn er notað. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
2:54
Hvernig er hægt að fá teygjanlegan kant þegar fellt er af

Í þessi DROPS myndbandi sýnum við hvernig hægt er að fella af og fá teygjanlegan kant, sem meðal annarse er notað í DROPS 186-13. Prjónið þannig: Fellið af með slétt frá réttu þannig: Prjónið 2 lykkjur slétt, * stingið vinstri prjóni inn í 2 lykkjur á hægra prjóni frá vinstri til hægri og prjónið lykkjurnar slétt saman, prjónið 1 lykkju slétt *, prjónið frá *-* þar til 1 lykkja er eftir á prjóni. Klippið frá og dragið þráðinn í gegnum síðustu lykkjuna. Við notum garnið DROPS Snow í myndbandinu
07:07
Hvernig á að fella af með teygjanlegri affellingu - 3 aðferðir

Í þessu DROPS myndbandi sýnum við þrjár mismunandi aðferðir við teygjanlegri affellingu. 1) Prjónið 2 lykkjur slétt. * Stingið inn vinstri prjóni í 2 lykkjur á hægri prjóni. Notið hægri prjón og prjónið lykkjurnar snúnar saman. Prjónið 1 lykkju * = 2 lykkjur á prjóni. Endurtakið frá *-*. 2) * Stingið prjóninum í 1. lykkju og takið upp 2. lykkju og prjónið hana. Sleppið báðum lykkjunum af vinstri prjóni. Setjið lykkjuna á hægri prjóni yfir á vinstri prjón *. Endurtakið frá *-*. 3) * Stingið nálinni í gegnum tvær fyrstu lykkjurnar, frá hægri til vinstri. Stingið síðan nálinni í gegnum fyrstu lykkjuna, frá vinstri til hægri. Sleppið síðan lykkjunni af prjóni. Endurtakið frá *-*. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.