Skipt um garn

Horfðu á kennslumyndböndin okkar til að læra margar mismunandi aðferðir til að skipta um garn í verkefni. Áttu þér uppáhalds tækni?

Flokkar
Myndbönd: 7
1:32
Hvernig á að skipta um lit

Í þessu DROPS myndbandi sýnum við hvernig skipt er um lit yfir í annan lit eða frá einni dokku yfir í aðra. Þræðirnir eru festir lóðrétt í kantlykkju í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:01
Hvernig á að skipta um þráð með rússneskri aðferð

Í þessu DROPS myndbandi sýnum við hvernig við skiptum um þráð með rússneskri aðferð. Skiptið um þráð með ólíku garni með aðferð sem er bæði sterk og sem sést ekki, jafnvel þar sem ekki er hægt að þæfa saman enda eins og t.d. með bómull, akryl o.fl. Passið uppá að sauma alltaf í miðju á þræði.
1:45
Hvernig á að gera tvöfaldan hnút þegar skipt er um þráð

Það eru margar aðferðir við að byrja á nýrri dokku þegar sú fyrri endar. Í þessu DROPS myndbandi sýnum við hvernig hægt er að gera nánast ósýnilega skiptingu þegar skipt er um þráð með því að gera tvöfaldan hnút. Við notum tvo mismunandi liti til þess að sýna þetta betur. Leggið nýja endann á þræðinum undir þráðinn sem þú vinnur með, leggðu síðan þráðarendann upp yfir báða þræðina og setjið þráðarendann í gegnum lykkjuna og herðið að. Gerið síðan alveg eins með því að taka í endann á þræðinum sem þú vinnur með og leggið undir endann á nýja þráðinn, síðan upp yfir báða þræðina, setjið endann í gegnum lykkjuna og herðið að. Dragið síðan í þráðinn svo að hnútarnir dragist að miðju, herðið vel að. Klippið af báða enda eins nálægt hnútunum og hægt er. Haltu síðan áfram með verkefnið.
1:09
Hvernig á að gera einfaldan hnút

Í þessu DROPS myndbandi sýnum við hvernig hægt er að gera einfaldan hnút, án enda sem sem á að festa. Í myndbandinu notum við garnið DROPS Snow
1:12
Hvernig á að skipta um þráð - (þæfa)

Í þessu DROPS myndbandi sýnum við hvernig við skiptum um þráð með því að þæfa endana saman. Svona er hægt að gera sterk samskeyti lita með ull í sama lit þegar skipt er um dokku. Það verða engir lausir endar sem þarf að festa í lokin. Hafið hendurnar aðeins rakar, núið þræðina léttilega saman milli lófana og pressið. Endarnir þæfast þá saman. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:29
Hvernig á að prjóna inn enda á nýjum lit þegar prjónað er í hring

Í þessu DROPS myndbandi sýnum við hvernig hægt er að prjóna inn enda. Þegar prjónað er með mörgum litum eða þegar skipta á um lit yfir í annan lit er hægt að prjóna endann inn þegar haldið er áfram með nýja litnum. Þegar byrjað er að prjóna með nýja litnum þá snýrðu lausa endanum í kringum litinn sem hætta á með til að koma í veg fyrir gat. Leggið endann sem þú ætlar að prjóna inn fyrir aftan þráðinn sem er á fingrinum og takið upp þráðinn til skiptis yfir og undir þráðarendann til þess að prjóna hann inn. Prjónið inn endann ca 4-6 lykkjur og síðan er hægt að klippa þráðinn frá sem hætt er með. Með þessari aðferð þarf ekki að festa enda í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:04
Hvernig á að skipta um þráð

Í þessu DROPS myndbandi sýnum við hvernig er hægt að skipta um þráð. Þegar skipta á um dokku af Polaris eða Snow þá er endanum skipt í tvo hluta á garninu sem er að ljúka ca 15 cm - klippið af annan endann, það sama er gert við nýja þráðinn. Leggið fyrstu og síðustu 15 cm yfir hvorn annan svo að þykktin á þræðinum verði sú sama og prjónið áfram - með þessu er komið í veg fyrir að samskeytin sjáist. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.