Hvernig á að prjóna gamaldags hælúrtöku á sokk

Í þessu DROPS myndbandi sýnum við hvernig við prjónum gamaldags úrtöku fyrir hæl á sokk í DROPS 189-36. Við höfum nú þegar prjónað stroffið og sett 20 lykkjur frá rist á fæti á band (við notum lykkjufjöldann í minnstu stærðinni). Prjónið síðan sléttprjón fram og til baka yfir hællykkjurnar, í 1. umferð frá réttu eru lykkjur auknar út til að sokkurinn passi betur þannig: Prjónið 9 lykkjur slétt, aukið út um 1 lykkju, * prjónið 2 lykkjur, aukið út um 1 lykkju *, prjónið frá *-* alls 3 sinnum og prjónið síðan út umferðina = 28 lykkjur á prjóni.
Haldið áfram og prjónið til baka með sléttprjóni þar til hællinn mælist ca 5 cm, setjið 1 prjónamerki mitt í umferð. Í næstu umferð frá réttu er prjónað þannig: Prjónið 10 lykkjur slétt, prjónið næstu 8 lykkjurnar slétt saman 2 og 2, prjónið síðustu 10 lykkjurnar slétt = 24 lykkjur.
Snúið við og prjónið brugðið til baka. Prjónið 1 umferð slétt frá réttu.
Prjónið nú fram og til baka frá röngu til að prjóna saman hællykkjurnar.
HÆLLYKKJUR PRJÓNAÐAR SAMAN:
Allar umferðir eru prjónaðar frá röngu. Snúið við og prjónið fyrstu 12 lykkjurnar brugðnar frá röngu. Passið uppá að þráðurinn á bakhlið á stykki (= liggi að réttu á stykkinu) og prjónið þannig:
VINSTRI PRJÓNN: Prjónið 2 lykkjur snúnar slétt saman, steypið síðan til baka lykkjunum sem prjónaðar voru saman yfir á vinstri prjón og herðið á bandi. Snúið ekki stykkinu við.
HÆGRI PRJÓNN: Stingið inn vinstri prjóni í 2 næstu lykkjur á hægri prjóni (stingið inn frá vinstri að hægri og passið uppá að prjóninn liggi bakvið hægri prjón), sækið bandið og leggið það utan um vinstri prjón, dragið síðan bandið í gegnum þessar 2 lykkjur (frá hægri að vinstri) og sleppið 2 lykkjum af hægri prjóni. Setjið síðan til baka lykkjuna sem prjónuð var saman á hægri prjón og herðið á bandi. Snúið ekki stykkinu við.
Endurtakið VINSTRI og HÆGRI PRJÓNN svona þar til eftir eru 2 lykkjur. Nú hafa hællykkjurnar verið prjónaðar saman. Setjið 2 lykkjur sem eru eftir á hægri prjón og snúið stykkinu að réttu.
Þessi sokkar eru prjónaðir úr DROPS Karisma, en í myndbandinu notum við grófara garn; DROPS Snow.
Fylgja þarf uppskrift til þess að geta fylgt myndbandinu eftir.
Þú getur séð þetta mynstur með því að smella á myndina að neðan.