Þvottaleiðbeiningar

Þú getur alltaf fundið upplýsingar um þvottaleiðbeiningar fyrir hverja garntegund á merkimiðanum á garninu og á litaspjaldi á vefsíðunni (undir Care tab).

Hér að neðan eru nokkrar auka leiðbeiningar á vinsælustu garntegundunum okkar sem hjálpar þér að halda flíkinni þinni fallegri.

Almenn ráð um garn

• Þvoðu flíkina með miklu vatni og eina og sér ef hægt er. Ekki láta flíkina liggja í bleyti.
• Þvoðu dökka liti sér. Dökkir litir eiga það oft til að gefa frá sér lit svo að það er nauðsynlegt að skola flíkina þangað til vatnið verði laust við litinn, þetta er gert svo að liturinn í garninu gefi ekki frá sér lit og leggist á aðra liti í flíkinni.
• Notið aðeins hreinsiefni sem er sérstaklega gert fyrir ullarþvott og aðrar trefjar, eða lágt PH-gildi, litalaus hreinsiefni.
• Leggið alltaf flíkina til og látið hana þorna flata. Látið flíkina aldrei þorna í sólarljósi.
• Leggið aldrei flíkina til þerris rennandi blauta. Forðist að leggja flíkur á þykk handklæði sem draga í sig mikinn raka. Flíkin getur með því aflitast og tapað teygjanleika.
• Athugið að flíkur sem eru prjónaðar með sérstaklega "lausri" aðferð geta stækkað við notkun og teygst í þvotti.

Alpakka, mohair, silki og ómeðhöndluð ull:

• Handþvottur við 30ºC (kalt).
• Leysið upp þvottaefnið algjörlega áður en flíkin er sett í vatnið.
• Færið flíkina varlega til, ekki núa henni saman!
• Skolið vel.

Bómull, lín og blandaðar tegundir:

• Þvoið alltaf í þvottavél við 40ºC eða 60ºC háð leiðbeiningum á þvottamiða. Ef þvegið er á röngum/lægri hita, geta litirnir runnið til. Ef það gerist þvoið flíkina aftur á réttu hitastigi samkvæmt leiðbeiningum á þvottamiða. Mjög nauðsynlegt er að fara eftir leiðbeiningum varðandi rétt hitastig.
• Ekki nota of mikið af mýkingarefni.
• Notið þvottastillingu með löngum skolunartíma.
• Bómull hefur þá tilhneigingu að skreppa saman í þvotti, vertu því búin að mæla flíkina fyrir þvott til þess að geta mótað það í rétta stærð eftir þvott.
• Ekki nota þeytivindu.

Superwash meðhöndluð ull:

• Superwash meðhöndluð ull á að þvo í þvottavél á stillingu fyrir létta vindingu fyrir ull.
• Notið aldrei mýkingarefni.

Merino ull:

DROPS Baby Merino, Big Merino og Merino Extra Fine eru garntegundir sem eru meðhöndlaðar til að þola þvott í þvottavél (superwash), sem þýðir að það á að þvo þetta garn í þvottavél og nota létta vindingu. Að þessu sögðu þá eru nokkur fleiri ráð sem vert er að hafa í huga og eru mikilvæg við meðhöndlun á þessu garni:

• Fylgdu þvottaleiðbeiningunum sem eru á miðanum á garninu og á litakorti fyrir garnið.
• Þvoðu merino ullina á 40 gráðum/væg vinding.
• Þvoðu flíkina sér, notaðu fullt af vatni.
• Notaðu lítið magn af ullarsápu (án enzyma og bleikiefna).
• ALDREI að nota mýkingarefni (ullartrefjarnar verða linar og aðskildar).
• ALDREI að láta liggja í bleyti!
• ALDREI að skilja flíkina eftir í þvottavélinni í langan tíma!
• ALDREI að láta hanga til þerris, láttu flíkina þorna flata í réttu formi.

Ull og silki:

• Almennt, nema garnið sé meðhöndlað til að þola þvott í þvottavél (superwash), þá hvetjum við ekki til þess að þvo í þvottavél, þar sem ullarstilling getur gert það að verkum að flíkin tapi forminu og í verstu tilvikum getur flíkin skroppið saman. Gæði sem innihalda silki geta einnig tapað lit.
• Rúllið flíkinni létt í koddaver, eða rúllið því inn í handklæði og pressið vatnið úr.
• Notið aldrei þurrkara fyrir ull, flíkin skreppur saman!
• Ójafnar flíkur jafnast út ef notuð er létt gufa eða straujuð til með vægum hita.
• Munið að pressa aldrei stykki hvort sem þau eru blaut eða þurr. Strauið aldrei yfir kaðla eða prjónuð stykki með áferð. Strauið aldrei né pressið silki.
• Við gufustraujun, notið gufustraujárn, eða venjulegt straujárn og hafið klút staðsettan á milli straujárns og flíkur. ATH! Setjið aldrei straujárnið beint á flíkina!

Geymið alltaf miðana af garninu – þeir eru tryggingin þín! Ef kvartanir berast til okkar varðandi vörurnar okkar þá verðum við að fá miðann ásamt prjónaða stykkinu til þess að geta skoðað vandann.

Merkingar á garni