DROPS Super Sale - 30% AFSLÁTTUR á 6 garntegundum í allan júní!

Hvernig á að auka út í prjóni

Lærðu hvernig á að bæta við lykkjum til að móta flíkurnar þínar með kennslumyndböndum okkar með aðferðum við útaukningu. Hvort sem þú ert að gera ermar með laskalínu eða hringlaga berustykki, munum við leiðbeina þér í gegnum ýmsar leiðir til að fella útaukninguna óaðfinnanlega inn í prjónverkefnin þín.

Flokkar
Myndbönd: 46
2:05
Hvernig á að auka út með uppslætti

Í þessu DROPS myndbandi sýnum við hvernig við aukum út með uppslætti, þetta er útaukning sem myndar fallegt gat. Í myndbandinu sýnum við tvisar sinnum hvernig hægt að að prjóna uppsláttinn framan í eða aftan í lykkjubogann eftir því hve stórt/lítið gatið á að vera. Þegar prjónað er aftan í lykkjubogann er lykkjan snúin og gatið verður aðeins minna fyrir vikið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:54
Hvernig á að auka út 1 lykkju samhverft

Í þessu DROPS myndbandi sýnum við samhverfa útaukningu sem gefur 1 nýja lykkju, við sýnum þetta 2 sinnum í sömu umferð. Fylgdu leiðbeiningum 1-4 að neðan: 1. Lyftið yfir fyrstu lykkju af vinstri prjóni yfir á hægri prjón eins og prjóna eigi brugðið. Hafið þráðinn sem prjónað er með aftan við stykkið. 2. Stingið inn vinstri prjóni aftan í lyftu lykkjuna og síðan inn á milli lyftu lykkjunnar og fyrstu lykkju á hægri prjóni. 3. Sláið 1 sinni uppá prjóninn með þráðinn utan um hægri prjón og dragið uppsláttinn í gegnum lykkjuna þannig að það myndist 1 ný lykkja á hægri prjóni. 4. Sleppi ysta hluta af lykkjunni af vinstri prjóni og prjónið síðan hinn þráðinn á lykkjunni slétt í gegnum fremri lykkjubogann. Nú hefur verið aukið út um 1 lykkju. Við notum garnið DROPS Snow í myndbandinu. Þessa aðferð er hægt að nota í mörgum mynstrum.
15:33
Hvernig á að auka út lykkjur í kaðli

Í þessu DROPS myndbandi sýnum við hvernig hægt er að auka út lykkjur í kaðlalykkjum, eins og í útaukningu fyrir laskalínu í prjónuðu peysunni «White Heron» í DROPS 254-7. Í myndbandinu prjónum við 7 lykkjur (2 kantlykkjur í garðaprjóni + 1 lykkju slétt + 2 lykkjur brugðið + 2 lykkjur slétt) á undan mynsturteikningu A.1 (kaðall), eftir það 2 lykkjur slétt (merkiþráðurinn situr á milli þessa lykkja), mynsturteikning A.2 (kaðall) og endum með 7 lykkjur (2 lykkjur slétt, 2 lykkjur brugðið, 1 lykkja slétt og 2 kantlykkjur í garðaprjóni). Prjónið A.1 þannig: Setjið 4 lykkjur á kaðlaprjón aftan við stykkið, prjónið 2 lykkjur slétt, prjónið 3 lykkjur í hverja af 4 lykkjum af kaðlaprjóni (prjónið framan í, aftan í og framan í hverja lykkju). Nú hefur verið aukið út um 8 lykkjur. Prjónið A.2 þannig: Setjið 2 lykkjur á kaðlaprjón framan við stykkið, prjónið 3 lykkjur í hverja af næstu 4 lykkjum (prjónið framan í, aftan í og framan í hverja lykkju), prjónið 2 lykkjur slétt af kaðlaprjóni. Nú hefur verið aukið út um 8 lykkjur. Í næstu umferð eru útauknar lykkjur prjónaðar inn í mynstur (2 lykkjur slétt / 2 lykkjur brugðið). Við notum garnið DROPS Snow í myndbandinu. Þessa aðferð er hægt að nota í fleiri mynstrum – þú finnur mynstur þar sem þessi aðferð er notuð með því að smella á myndina að neðan.
3:21
Hvernig á að auka út 2 lykkjur til 4 lykkjur, prjónað í hring

Í þessu DROPS myndbandi sýnum við hvernig við aukum úr 2 lykkjum í 4 lykkjur. Við sýnum útaukningarnar tvisvar og hvernig auknar lykkjur eru prjónaðar í næstu umferð. Prjónið 2 lykkjur slétt saman, en sleppið ekki lykkjunum af vinstri prjóni, sláið 1 sinni uppá prjóninn, prjónið 1 lykkju slétt í aftari lykkjuboga á hvorum 2 lykkjum á vinstri prjóni, nú má taka lykkjurnar af vinstri prjóni = 2 lykkjur eru hafa núna verið gerðar að 4 lykkjum (uppslátturinn er prjónaður snúinn slétt í næstu umferð - svo ekki myndist gat) Við notum garnið DROPS Snow í myndbandinu. Þessa aðferð er hægt að nota í fleiri mynstrum - þú getur fundið uppskriftir með því að smella á myndirnar hér að neðan:
3:17
Hvernig á að auka út 2 lykkjur til 3 lykkjur - prjónað í hring

Í þessu DROPS myndbandi sýnum við hvernig við aukum um 2 lykkjur í 3 lykkjur. Við sýnum útaukningarnar tvisvar og hvernig aukningarlykkjur eru prjónaðar í næstu umferð. Prjónið 2 lykkjur slétt saman, en sleppið ekki lykkjum af vinstri prjóni, sláið 1 sinni uppá prjóninn, prjónið sömu 2 lykkjur slétt saman 1 sinni til viðbótar, en í gegnum aftari lykkjubogann, sleppið nú lykkjunum af vinstri prjóni = 2 lykkjur hafa verið auknar í 3 lykkjur (uppslátturinn er prjónaður snúinn slétt í næstu umferð til að koma í veg fyrir göt). Við notum garnið DROPS Snow í myndbandinu. Þessi tækni er notuð í nokkrum mynstrum - þú getur fundið mynstur með því að smella á myndirnar hér að neðan:
3:14
Hvernig á að auka út 2 lykkjur til 3 lykkjur - prjónað fram og til baka

Í þessu DROPS myndbandi sýnum við hvernig við aukum um 2 lykkjur í 3 lykkjur. Við sýnum útaukningarnar tvisvar og hvernig aukningarlykkjur eru prjónaðar í næstu umferð. Prjónið 2 lykkjur slétt saman en takið ekki lykkjurnar af vinstri prjóni, sláið 1 sinni uppá prjóninn, prjónið sömu 2 lykkjur slétt saman aftur en í gegnum aftari lykkjubogann, takið síðan lykkjurnar af vinstri prjóni = 2 lykkjur eru orðnar 3 lykkjur (uppslátturinn er prjónaður snúið í næstu umferð til að koma í veg fyrir gat) Við notum garnið DROPS Snow í myndbandinu. Þessi tækni er notuð í nokkrum mynstrum - þú getur fundið mynstur með því að smella á myndirnar hér að neðan:
2:17
Hvernig á að auka út 2 lykkjur til 4 lykkjur - prjónað fram og til baka

Í þessu DROPS myndbandi sýnum við hvernig við aukum um 2 lykkjur í 4 lykkjur. Við sýnum útaukningarnar tvisvar og hvernig aukningarlykkjur eru prjónaðar í næstu umferð. Prjónið 2 lykkjur slétt saman en takið ekki lykkjurnar af vinstri prjóni, sláið 1 sinni uppá prjóninn, prjónið 1 lykkju slétt í gegnum aftari lykkjubogann á hvorri af sömu 2 lykkjum á vinstri prjóni, takið síðan lykkjurnar af vinstri prjóni = 2 lykkjur eru orðnar 4 lykkjur (uppslátturinn er prjónaður snúið brugðið í næstu umferð til að koma í veg fyrir gat). Við notum garnið DROPS Snow í myndbandinu. Þessi tækni er notuð í nokkrum mynstrum - þú getur fundið mynstur með því að smella á myndirnar hér að neðan:
2:05
Hvernig á að gera uppslátt / slá uppá prjóninn

Í þessu DROPS myndbandi sýnum við hvernig hægt er að slá þræðinum uppá prjóninn / gera uppslátt. Hér gerum við útaukningu sem gerir gat. Í þessu myndbandi sýnum við 2 sinnum hvernig við aukum út um 1 lykkju með uppslætti. Eftir hálft myndbandið þá er snúið við og þá sýnum hvernig uppslátturinn er prjónaður framan í eða aftan í lykkjubogann eftir því hvort gatið eigi að vera stórt eða lítið. Þegar prjónað er aftan í lykkjubogann er lykkjunni snúið og gatið verður því minna fyrir vikið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:39
Hvernig á að auka út án þess að það sjáist

Í þessu DROPS myndbandi sýnum við hvernig hægt er að auka út um 1 lykkju án þess að það sjáist. Útaukning sem vísar til hægri: Takið upp þráðinn framan í á milli tveggja lykkja með vinstri prjóni og prjónið 1 lykkju aftan í lykkjubogann. Útaukning sem vísar til vinstri: Takið upp þráðinn aftan í á milli tveggja lykkja með vinstri prjóni og prjónið 1 lykkju framan í lykkjubogann. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:04
Hvernig á að auka út í brugðnum lykkjum

Í þessu DROPS myndbandi sýnum við hvernig við aukum út í brugðnum lykkjum. Þetta myndband sýnir stroff sem er prjónað með 2 lykkjur slétt, 2 lykkjur brugðið þar sem 2 lykkjur brugðið er aukið út til 3 lykkjur brugðið. Frá réttu: Takið upp þráðinn á milli 1 lykkju slétt og 1 lykkja brugðið. Prjónið þessa lykkju snúna brugðið aftan í lykkjubogann. Fylgja þarf uppskrift til þess að geta fylgt myndbandinu eftir.
3:20
Hvernig á að slá uppá prjóninn frá röngu

Í þessu DROPS myndbandi sýnum við hvernig við gerum uppslátt frá röngu. Uppslátturinn er gerður alveg eins og þegar þú slærð uppá prjóninn frá réttu. Fyrst sýnum við hvernig við sláum uppá prjóninn frá röngu í byrjun og í lok umferðar og eftir það frá réttu hvernig við fáum gat með því að prjóna framan í lykkjubogann á uppslættinum. Síðan sýnum við aftur hvernig við sláum uppá prjóninn frá röngu, því að eftir það sýnum við frá næstu umferð (rétta) hvernig við prjónum aftan í lykkjubogann á uppslættinum, þannig að uppslátturinn (útaukningin) sjáist ekki og myndar ekki gat. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:15
Hvernig á að auka út 2 lykkjur í röð

Í þessu DROPS myndbandi sýnum við hvernig við aukum út og gerum nýja lykkju með því að taka upp lykkjur frá fyrri umferð. Hægt er að gera þetta á eftir eða á undan lykkju eins og útskýrt er í myndbandinu. Hægri hlið: Setjið vinstri prjón í lykkjubogann í lykkju sem er 2 umferðum fyrir neðan lykkjuna sem þú varst að prjóna. Takið upp lykkjubogann á vinstri prjón og prjónið aftan í lykkjubogann. Hægri hlið: Setjið hægri prjón í lykkjubogann sem er undir fyrstu lykkju á vinstra prjóni. Takið upp lykkjubogann og setjið hann á vinstri prjón. Prjónið nýju lykkjuna framan í lykkjubogann. Prjónið næstu lykkju venjulega. Þetta er mjög góð aðferð þegar auka þarf út 2 lykkjur í röð, án þess að prjóna lykkju á milli þeirra. Hægt er að prjóna þannig: Prjónið 1 lykkju, aukið út um 1 lykkju fyrir neðan, aukið út 1 lykkju neðan við næstu lykkju og prjónið síðan þá lykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:25
Hvernig á að auka út með því að prjóna 2 lykkjur í 1 lykkju

Í þessu DROPS myndbandi sýnum við hvernig við aukum út með því að prjóna 2 lykkjur í 1 lykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:00
Hvernig á að auka út með lykkju

Í þessu DROPS myndbandi sýnum við hvernig við aukum út með lykkju. Þessi útaukning gefur lítið gat. Í myndbandinu sýnum við hvernig er hægt að fá útaukningu til að vísa í ólíkar áttir. Útaukning sem vísar til hægri: Myndið lykkju á hægri prjóni með þráðinn frá þér. Útaukning sem vísar til vinstri: Myndið lykkju á hægri prjón með þráðinn að þér. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:07
Hvernig á að auka út í klukkuprjóni

Í þessu DROPS myndbandi sýnum við hvernig við aukum út með uppslætti í hvorri hlið á stykki í klukkuprjóni. Uppslátturinn er prjónaður jafnóðum inn í mynstrið, en það myndast ekki ný "klukkuprjóns-röð" í hvorri hlið fyrr en aukið hefur verið út tvisvar sinnum í hvorri hlið. Í myndbandinu aukum við út um 1. umferð og í 2. umferð sýnum við hvernig við prjónum uppsláttinn snúinn (prjónum aftan í lykkjubogann). Síðan aukum við aftur út í 5. umferð og í 6. umferð sýnum við hvernig uppslátturinn er prjónaður snúinn jafnframt sem hann er prjónaður inn í mynstur. Að lokum er hægt að sjá 2 nýjar "klukkuprjóns-raðir" í hvorri hlið sem samanstanda af alls 4 útaukningum í hvorri hlið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:19
Hvernig á að auka út í klukkuprjóni með því að prjóna nokkrar lykkjur í sömu lykkju

Í þessu DROPS myndbandi sýnum við hvernig auka á út í klukkuprjóni með uppslætti með því að prjóna nokkrar lykkjur í sömu lykkju og hvernig prjóna á eftir útaukningu, t.d. eins og í DROPS 194-13. ATH! Í útskýringu er prjónað í hring, en í þessu myndbandi prjónum við frá hægri til vinstri (= engar brugðnar lykkjur). Í 1. umferð í myndbandi prjónum við aðeins af 3. umferð, útskýringu á klukkuprjóni bæði fyrir og á eftir fjölda útaukna lykkja. Aukið út lykkjur þannig: Prjónið 5 lykkjur í lykkju og uppslátt þannig: * Prjónið uppslátt og lykkjuna slétt saman, en bíðið með að steypa lykkjunni og uppslættinum sem prjónað var af prjóni, sláið 1 sinni uppá hægri prjón, prjónið frá *-* 2 sinnum og prjónið lykkjuna og uppsláttinn slétt saman 1 sinni til viðbótar = 5 lykkjur (= 4 lykkjur fleiri). Í næstu umferð (= umferð 2 í útskýringu af mynstri) prjónið útauknar lykkjur inn í klukkuprjón. Það er ekkert klukkuprjóns uppsláttur í útaukning, þannig að lykkjan sem prjóna á saman við uppslátt er prjónuð án uppsláttar. Í næstu umferð er prjónað eins og útskýring á 3. umferð af klukkuprjóni. Í þessu myndbandi notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:03
Hvernig á að auka út um 4 lykkjur í klukkuprjóni

Í þessu DROPS myndbandi sýnum við hvernig við prjónum 5 lykkjur í klukkuprjóns lykkju (= prjónað er í lykkjuna undir næstu lykkju og aukið er út um 4 lykkjur). Við sýnum þetta tvisvar sinnum í myndbandinu og prjónum þannig: Prjónið 1 lykkju slétt, en bíðið með að lyfta lykkjunni af prjóni, * sláið 1 sinni uppá hægri prjón, prjónið sömu lykkju slétt án þess að lyfta henni af vinstri prjóni *, prjónið frá *-* alls 2 sinnum, sleppið síðan lykkjunni af vinstra prjóni = 5 lykkjur (þ.e.a.s. 4 lykkjur fleiri). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:54
Hvernig á að prjóna í lykku fyrir neðan og hvernig á að auka út 4 lykkjur í 1 lykkju

Í þessu DROPS myndbandi sýnum við hvernig við prjónum 1 lykkju slétt undir næstu lykkju og hvernig við aukum út um 4 lykkjur í einu og sömu lykkjuna. Þessi mynsturteikning er sótt frá DROPS 201-40, en sama aðferð er notuð í nokkrum öðrum mynstrum. Við byrjum myndbandið með því að sýna hvernig við prjónum mynsturteikningu A.1 og þá sérstaklega hvernig við prjónum 1 lykkju slétt í lykkjuna undir næstu lykkju og köllum þessa fyrir klukkuprjónslykkju. Við sýnum 1. umferð af A.1 4 sinnum. Í 2. umferð á mynsturteikningunni eru allar lykkjurnar prjónaðar brugðið. Þegar A.2 hefur verið prjónað sýnum við hvernig 5 lykkjur eru prjónaðar í klukkuprjónslykkjuna þannig: Prjónið 1 lykkju slétt, en bíðið með að steypa lykkjunni af prjóninum, * sláið 1 sinni uppá hægri prjóninn, prjónið sömu lykkju slétt án þess að steypa henni af vinstri prjóni *, prjónið frá *-* alls 2 sinnum, sleppið síðan eftir það lykkjunni af vinstri prjóni = 5 lykkjur (þ.e.a.s. 4 lykkjur fleiri). Eftir það sýnum við hvernig mynsturteikning A.3 er prjónuð. Við notum garnið DROPS Snow í myndbandinu. Þetta garn er frekar þykkt, en ef prjónað er með fínna garni þá kemur útaukningin í klukkuprjónslykkjunni að verða betri. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
1:00
Hvernig á að auka út um 4 lykkjur prjónað með tveimur litum í klukkuprjóni í 1 lykkju og uppslátt

Í þessu DROPS myndbandi sýum við hvernig við aukum út 4 lykkjur prjónað með tveimur litum í klukkuprjóni í 1 lykkju og uppslátt þannig: = Prjónið uppsláttinn og sléttu lykkjuna slétt saman, en bíðið með að taka lykkjuna af prjóninum, * sláið 1 sinni uppá hægri prjón og prjónið lykkjuna og uppsláttinn saman án þess að steypa lykkjunni af prjóni *, prjónið frá *-* alls 2 sinnum = 5 lykkjur (þ.e.a.s. 4 lykkjur fleiri). Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
5:18
Hvernig á að auka út í fölsku klukkuprjóni

Í þessu DROPS myndbandi sýnum við hvernig auka á út í fölsku klukkuprjóni og hvernig prjónað er á eftir útaukningu, eins og er t.d. í peysu DROPS 197-2 og pilsi í DROPS 197-37. Við byrjum með að prjóna 7 lykkjur falskt klukkuprjón áður en við aukum út þannig: Prjónið uppsláttinn og sléttu lykkjuna slétt saman, en bíðið með að steypa uppslættinum og sléttu lykkjunni af prjóni. * Sláið 1 sinni uppá hægri prjón og prjónið sléttu lykkjuna og uppsláttinn slétt saman *, prjónið frá *-* alls 2 sinnum = 5 lykkjur (= 4 útauknar lykkjur). Í næstu umferð eru nýjar lykkjur prjónaðar inn í klukkuprjón (þannig: * 1 uppsláttur, steypið 1 lykkju yfir á hægri prjón eins og prjóna eigi hana brugðna, 1 lykkja brugðin *, endurtakið frá *-* 1 sinni til viðbótar. 1 uppsláttur, steypið yfir 1 lykkju á hægri prjón eins og prjóna eigi hana brugðna). Haldið áfram með klukkuprjóns mynstur. Prjónið klukkuprjón í næstu umferð þannig: * Prjónið uppsláttinn og sléttu lykkjuna slétt saman, 1 lykkja brugðin *, endurtakið frá *-* út umferðina. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:58
Hvernig á að auka út með því að prjóna 3 lykkjur í 1 lykkju

Í þessu DROPS myndbandi sýnum við hvernig við aukum út um 2 lykkjur með því að prjóna 3 lykkjur í 1 lykkju. Þegar prjóna á flík sem er aðsniðin og auka á út þarf að bæta við lykkjum. Algengast er að auka út í umferð frá réttu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:45
Hvernig á að prjóna 3 lykkjur í 1 lykkju

Í þessu DROPS myndbandi sýnum við hvernig við aukum út 2 lykkjur með því að prjóna 3 lykkjur í 1 lykkju. Við prjónum sléttprjón og í hring. Prjónið 3 lykkjur í sömu lykkju þannig: Prjónið 1 lykkju slétt, en bíðið með að sleppa lykkjunni sem prjónað er með af vinstri prjóni, sláið 1 sinni uppá prjóninn, 1 lykkja slétt í sömu lykkju, sleppið lykkjunni sem prjónað var í af prjóni. Í myndbandinu notum við garnið DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:49
Hvernig á að auka út um 2 lykkjur í 1 lykkju saman með uppslætti

Í þessu DROPS myndbandi sýnum við hvernig við aukum út 2 lykkjur með því að prjóna 2 lykkjur í sömu lykkju + uppslátt og hvernig við prjónum þessar lykkjur í næstu umferð. Prjónið 1 lykkju slétt án þess að sleppa lykkjunni af prjóninum, sláið 1 sinni uppá prjóninn, 1 lykkja slétt í sömu lykkju, en í aftari lykkjubogann. Í næstu umferð er uppslátturinn prjónaður snúinn slétt svo ekki myndist gat (= 2 lykkjur fleiri). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:21
Hvernig á að prjóna 2 uppslætti

Í þessu DROPS myndbandi sýnum við hvernig við prjónum 2 uppslætti. Í mynstri stendur: Sláið 2 sinnum uppá prjóninn á milli 2 lykkja og í næstu umferð er prjónuð 1 lykkja slétt í fremri bogann á fyrri uppslættinum, 1 lykkja slétt í aftari boga á seinni uppslættinum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.