DROPS Super Sale - 30% AFSLÁTTUR á 5 frábærum garntegundum!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 593
7:24
Hvernig á að prjóna körfumynstur í hring á hringprjóna

Í þessu DROPS myndandi sýnum við hvernig við prjónum körfumynstur í hring á hringprjóna. Við höfum nú þegar prjónað nokkrar umferðir svo að auðveldara sé að sjá mynstrið. Við byrjum myndbandið á: UMFERÐ 1: * 2. lykkja á prjóni er prjónuð snúin slétt fyrir aftan 1. lykkju (þ.e.a.s. aftan í lykkjubogann) 1. lykkja er enn á prjóni, prjónið 1. lykkju slétt, sleppið þeim af prjóni *, endurtakið frá *-* þar til 1 lykkja er eftir á prjóninum, 1 lykkja slétt. UMFERÐ 2: 1 lykkja slétt, sleppið henni niður af prjóni, * 2. lykkju á prjóni eru prjónaðar slétt, 1. lykkja er enn á prjóni, prjónið 1. lykkju slétt, sleppið henni niður af prjóni *, endurtakið frá *-* út umferðina. Endurtakið þessar 2 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:20
Hvernig á að prjóna fiskibeinamynstur á hringprjóna

Í þessu DROPS myndbandi sýnum við hvernig við prjónum fiskibeinamynstur í hring á hringprjóna. Þetta fallega fiskibeinamynstur er ekki eins flókið og það sýnist vera. Þessi sígilda áferð er fullkomin fyrir mynstur í hálsklúta, hálsskjól, húfur og innanhúsmuni fyrir heimilið. Stykkið verður stíft og þess vegna eru notaðir grófari prjónar en þá sem mælt er með fyrir grófleika á garni. FISKIBEINAMYNSTUR (deilanlegt með fjölda í pari): Passið fyrst uppá að lykkjurnar séu ekki snúnar utan um prjóninn og tengið saman með því að lyfta síðustu lykkjunni sem fitjuð var upp frá hægri prjóni yfir á vinstri prjón (svo að hún er við hliðina á fyrstu lykkjunni sem fitjuð var upp). Setjið eitt prjónamerki á hægri prjón. Prjónið 2 lykkjur slétt saman og sleppið niður fyrstu lykkjunni á vinstri prjón (látið hinar lykkjurnar vera eftir á prjóninum). UMFERÐ 1: Prjónið 2 lykkjur slétt saman og sleppið niður fyrstu lykkjunni á vinstri prjón, endurtakið þar til 1 lykkja er eftir á undan prjónamerki. Þegar þú hefur 1 lykkju eftir á undan prjónamerki þá færir þú prjónamerkið yfir á hægri prjón. Prjónið 2 lykkjur slétt saman og sleppið bara niður fyrstu lykkjunni á vinstri prjón. Takið næstu lykkju á vinstri prjón, snúið henni í hina áttina og setjið hana til baka á prjóninn. UMFERÐ 2: Prjónið 2 lykkjur slétt saman í gegnum aftari lykkjubogann og sleppið bara niður fyrstu lykkjunni á vinstri prjóni, endurtakið þar til 1 lykkja er eftir á undan prjónamerki. Þegar þú ert með 1 lykkju eftir á undan prjónamerki þá færir þú prjónamerkið yfir á hægri prjón. Prjónið 2 lykkjur slétt saman í gegnum aftari lykkjubogann og sleppið bara niður fyrstu lykkjunni á vinstra prjóni. Takið næstu lykkju yfir á vinstri prjón, snúið henni í hina áttina og setjið til baka á prjóninn. Endurtakið umferð 1 og 2.
4:57
Hvernig á að prjóna býkúpumynstur

Í þessu DROPS myndbandi sýnum við hvernig við prjónum býkúpumynstur. Fitjið upp fjölda lykkja með sléttri tölu. Prjónið fyrstu og síðustu lykkju í hverri umferð slétt en aðrar lykkjur með mynstri þannig: UMFERÐ 1 (ranga): * 1 lykkja slétt, lyftið 1 lykkju af prjóni eins og prjóna eigi brugðið með þráðinn aftan við stykkið *, endurtakið frá *-*. UMFERÐ 2 (rétta): Prjónið allar lykkjur slétt. UMFERÐ 3: * Lyftið 1 lykkju af prjóni eins og prjóna eigi brugðið með þráðinn aftan við stykkið, 1 lykkja slétt *, endurtakið frá *-*. UMFERÐ 4: Prjónið allar lykkjur slétt. Endurtakið umferð 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:07
Hvernig á að prjóna grjónamynstur

Í þessu DROPS myndbandi sýnum við hvernig við prjónum grjónamynstur. Þetta er einfalt og fallegt mynstur með áferð, einungis endurtekningar á tveimur umferðum. Fitjið upp lykkjur með sléttri tölu. UMFERÐ 1 (rétta): Prjónið 1 lykkju slétt, * 1 lykkja brugðið, 1 lykkja snúin slétt (þ.e.a.s. prjónið aftan í lykkjubogann) *, endurtakið frá *-* og endið umf á 1 lykkju slétt. UMFERÐ 2 (ranga): Prjónið allar lykkjur í umferð slétt. Endurtakið umferð 1-2 til að búa til mynstur.
4:37
Hvernig á að prjóna einfalt vöfflumynstur með sléttum og brugðnum lykkjum

Í þessu DROPS myndbandi sýnum við hvernig við prjónum einfalt vöfflumynstur með sléttum og brugðnum lykkjum. Fitjið upp fjölda lykkja sem er deilanlegur með 3+1. Í myndbandinu höfum við fitjað upp 16 lykkjur (15+1) og við höfum nú þegar prjónað 4 endurtekningar (umferð 1-4, 4 sinnum) svo að áferðin verði sýnileg. UMFERÐ 1 (ranga): Prjónið 1 lykkju slétt, * 2 lykkjur brugðið, 1 lykkja slétt *, endurtakið frá *-* út umferðina. UMFERÐ 2 (rétta): Prjónið 1 lykkju brugðið, * 2 lykkjur slétt, 1 lykkja brugðin *, endurtakið frá *-* út umferðina. UMFERÐ 3 (ranga): Allar lykkjur eru prjónaðar slétt. UMFERÐ 4 (rétta): Alveg eins og umferð 2 Endurtakið umferð 1-4 að óskaðri lengd og fellið af í umferð 3.
8:01
Hvernig á að prjóna vöfflumynstur

Í þessu DROPS myndbandi sýnum við hvernig við prjónum vöfflumynstur í teppinu A Patch of Comfort í DROPS 157-21. Í myndbandinu höfum við þegar prjónað smá stykki til þess að sjá mynstrið betur. Við byrjum á umferð 2. UMFERÐ 1 (ranga): slétt fá röngu. UMFERÐ 2 (rétta): 2 lykkjur slétt, * prjónið 1 lykkju slétt í lykkju frá fyrri umferð og sleppið niður lykkju af vinstri prjóni, 1 lykkja slétt *, endurtakið frá *-* þar til 2 lykkjur eru eftir á prjóni, 2 lykkjur slétt. UMFERÐ 3 (ranga): 2 lykkjur slétt, * prjónið 1 lykkju slétt, takið upp lykkjuna sem liggur í kringum lykkju og prjónið þá lykkju slétt saman með lykkju af prjóni *, endurtakið frá *-* þar til 2 lykkjur eru eftir á prjóni, 2 lykkjur slétt. UMFERÐ 4 (rétta): 2 lykkjur slétt, * 1 lykkja slétt, prjónið 1 lykkja slétt í lykkju frá fyrri umferð og sleppið síðan niður lykkju af vinstri prjóni *, endurtakið frá *-* þar til 2 lykkjur eru eftir á prjóni, 2 lykkjur slétt. UMFERÐ 5 (ranga): 2 lykkjur slétt, * takið upp lykkjuna sem liggur í kringum lykkju og prjónið hana slétt saman með lykkju á prjóni, 1 lykkja slétt *, endurtakið frá *-* þar til 2 lykkjur eru eftir á prjóni, 2 lykkjur slétt. Endurtakið umf 2-5. Þetta teppi er prjónað úr DROPS Nepal, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:15
Hvernig á að prjóna stjörnumynstur

Í þessu DROPS myndbandi sýnum við hvernig við prjónum stjörnumynstur. Við byrjum myndbandið á umferð 1. UMFERÐ 1 (= rétta): 1 umferðir slétt. UMFERÐ 2 (= ranga): 1 lykkjur slétt, * 3 lykkjur brugðið saman án þess að taka þær af prjóni, sláið 1 sinni uppá prjóninn, 3 l brugðið saman í sömu 3 lykkju og sleppið þeim niður af prjóni, 1 lykkja slétt *, endurtakið frá *-* út umferðina. UMFERÐ 3 (= rétta): 1 umferðir slétt. UMFERÐ 4 (= ranga): 3 lykkjur slétt, * 3 lykkjur brugðið saman án þess að taka þær af prjóni, sláið 1 sinni uppá prjóninn, 3 l brugðið saman í sömu lykkju og sleppið þeim af prjóni, 1 lykkjur slétt *, endurtakið frá *-* þar til 2 lykkjur eru eftir á prjóni, endið á 2 lykkjur slétt. Endurtakið umferð 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:47
Hvernig á að prjóna brómberjamynstur á hringprjóna

Í þessu DROPS myndbandi sýnum við hvernig við prjónum brómberjamynstur í hring á hringprjóna. Þegar þetta mynstur er prjónað í hring kemur réttan til með að vera á innanverðu á stykki. Þ.e.a.s. stykkið er prjónað með rönguna út og er snúið við þegar það er tilbúið. Við höfum nú þegar prjónað 4 umferðir svo að auðveldara sé að sjá mynstrið. Við byrjum myndbandið á: UMFERÐ 1: * 1 lykkja brugðið, 3 lykkjur slétt*, endurtakið frá *-* umferðina hringinn. UMFERÐ 2: * Prjónið 3 lykkjur í sömu lykkju þannig: 1 lykkja slétt, 1 lykkja brugðið, 1 lykkja slétt, prjónið síðan næstu 3 lykkjur brugðið saman *, endurtakið frá *-*. UMFERÐ 3: * 3 lykkjur slétt, 1 lykkja brugðið *, endurtakið frá *-*. UMFERÐ 4: * 3 lykkjur brugðið saman, prjónið síðan 3 lykkjur í næstu lykkju þannig: 1 lykkja slétt, 1 lykkja brugðið, 1 lykkja slétt *, endurtakið frá *-*. Endurtakið umferð 1-4, stillið af að endað er eftir umferð 2 eða 4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:49
Hvernig á að prjóna stjörnumynstur með 2 litum

Í þessu DROPS myndbandi sýnum við hvernig hægt er að prjóna stjörnumynstur með tveimur litum. Við byrjum á að fitja upp, síðan prjónum við umferð 1-4 þannig: UMFERÐ 1 (ranga): Með litnum grænn – brugðið út umferðina. UMFERÐ 2 (rétta): 2 lykkjur slétt * sláið 1 sinni uppá prjóninn, 3 lykkjur slétt, steypið fyrstu af þeim 3 lykkjum yfir 2. og 3. lykkju * endurtakið frá *-*, endið á 1 lykkju slétt. UMFERÐ 3 (ranga): Með litnum bleikur – brugðið út umferðina. UMFERÐ 4 (rétta): 1 lykkja slétt * 3 lykkjur slétt, steypið fyrstu af 3 lykkjum yfir 2. og 3. lykkju, sláið 1 sinni uppá prjóninn * endurtakið frá *-*, endið á 2 lykkjum slétt. Endurtakið umferð 1-4.
2:24
Hvernig á að prjóna bambusmynstur

Í þessu DROPS myndbandi sýnum við hvernig við prjónum bambusmynstur. UMFERÐ 1 (rétta): * Sláið 1 sinni uppá prjóninn, 2 lykkjur slétt, steypið uppslættinum yfir 2 lykkjur slétt *, endurtakið frá *-*. UMFERÐ 2 (ranga): Prjónið allar lykkjur brugðið. Ef prjónað er í hring á hringprjóna þá er önnur hver umferð prjónuð með bambusmynstri og í annarri hverri umferð eru allar lykkjur prjónaðar slétt. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:58
Hvernig á að prjóna brómberjamynstur

Í þessu DROPS myndbandi sýnum við hvernig við prjónum brómberjamynstur. Mynstrið er deilanlegt með 4 (= 1 mynstureining). UMFERÐ 1 og 3 (rétta): Prjónið brugðið. UMFERÐ 2 (ranga): * Prjónið 1 lykkju slétt, 1 lykkja brugðið, 1 lykkja slétt og síðan 3 lykkjur slétt saman *, endurtakið frá *-* út umferðina. UMFERÐ 4: * Prjónið 3 lykkjur brugðið saman, prjónið 1 lykkju slétt, 1 lykkja brugðið, 1 lykkja slétt *, endurtakið frá *-* út umferðina. Endurtakið umferð 1-4 áfram uppúr. (ATH: Auðveldast er að prjóna 3 lykkjur brugðið saman með þráðinn framan við stykkið). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:27
Hvernig á að prjóna entrelac fram og til baka

Í þessu DROPS myndbandi sýnum við hvernig við prjónum entrelac á paraprjóna. Entrelac eru ferningar sem prjónaðir eru í ólíkar stefnur. Byrjað er á einni rönd með þríhyrningum, síðan eru lykkjur prjónaðar upp meðfram hliðum. Prjónaður er hálfur ferningur í hliðum og heill fyrir miðju. Í hverjum ferningi á að vera t.d. 5 lykkjur á breidd, síðan eru fitjaðar upp 5 lykkjur fyrir hvern þríhyrning til þess að byrja með. Þannig að fyrir t.d. 3 þríhyrninga þá eru fitjaðar upp 15 lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:53
Hvernig á að prjóna tvöfaldar langar lykkjur

Í þessu DROPS myndbandi sýnum við hvernig hægt er að prjóna tvöfaldar langar lykkjur. Þú getur notað þessa aðferð í hálsklút með löngum lykkjum, stroff, kraga eða tösku. Tvöfaldar lykkjur eru prjónaðar fram og til baka þannig: Lykkjurnar eru prjónaðar frá röngu en sjást frá réttu. UMFERÐ 1 (rétta): Prjónið allar lykkjur slétt. UMFERÐ 2 (ranga): Prjónið 1 lykkju slétt, * gerið tvöfalda lykkju þannig: Vefjið þræðinum laust 3 sinnum yfir og í kringum vinstri vísifingur og löngutangar. Prjónið næstu lykkju slétt með því að draga alla 3 þræðina á vinstri vísifingri í gegnum lykkjuna. Sleppið nú niður lykkjunum af fingrunum – en lykkjur eru áfram á vinstri prjóni, leggið aðal þráðinn yfir vinstri vísifingur jafnframt er haldið þétt um 2 lykkjurnar inn við stykkið með fingrum hægri handar. Prjóni 1 lykkju slétt í sömu lykkju aftan í lykkjubogann (= 1 lykkja snúin slétt). Nú eru 3 lykkjur + 1 lykkja snúin slétt á hægri prjóni. Takið 3 síðustu lykkjur yfir fyrstu lykkju = 1 lykkja, 1 lykkja slétt *, endurtakið frá *-*. Endurtakið þessar 2 umferðir, prjónið lykkju í aðra hverja lykkju í annað hvert skipti þannig að þær komi ekki í röð yfir hverja aðra. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:01
Hvernig á að prjóna fellingu

Í þessu DROPS myndbandi sýnum við hvernig við prjónum fellingu. Prjónið nokkrar umferðir með nýjum lit, byrjið frá röngu. Fjöldi lykkja er háður grófleika á garninu og hversu stóra fellingu óskað er eftir. Endið á umferð frá réttu. Í myndbandinu sýnum við 2 ólíkar aðferðir hvernig prjóna á fellingu. UMFERÐ 1: * Notið grunnlitinn * sækið toppinn á lykkju frá síðustu umferð sem prjónuð var með grunnlit, setjið lykkju á hægri prjón, prjónið 1 lykkju brugðið, steypið lykkju yfir prjónuðu lykkjuna þannig að lykkjan er felld af *, endurtakið frá *-* UMFERÐ 2: Notið grunnlit * sækið toppinn á lykkju frá fyrstu umferð sem prjónuð var með litnum á fellingunni, setjið lykkju á vinstri prjón, prjónið lykkjna brugðið saman við lykkju með næstu lykkju, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:13
Hvernig á að prjóna körfuáferð, fallegt frá báðum hliðum

Í þessu DROPS myndbandi sýnum við hvernig hægt er að prjóna körfuáferð sem er falleg frá báðum hliðum. Þessi áferð er skemmtileg og falleg, báðar hliðar eru jafn fallegar, tilvalið fyrir hálsklúta. Lykkjufjöldinn þarf að vera deilanlegur með 6 + 3. UMFERÐ 1: * Prjónið 3 lykkjur slétt, 3 lykkjur brugðið *, endurtakið frá *-*. UMFERÐ 2: * Prjónið 3 lykkjur brugðið, 3 lykkjur slétt *, endurtakið frá *-*. UMFERÐ 3: * Prjónið 3 lykkjur brugðið, 3 lykkjur slétt *, endurtakið frá *-*. UMFERÐ 4: * Prjónið 3 lykkjur slétt, 3 lykkjur brugðið *, endurtakið frá *-*. Endurtakið umf 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:19
Hvernig á að prjóna fiskibeinamynstur

Í þessu DROPS myndbandi sýnum við hvernig við prjónum fiskibeinamynstur. Þetta fallega fiskibeinamynstur er ekki eins flókið og ætla má. Þessi sígilda áferð er tilvalin fyrir hálsklúta, kraga, töskur og hluti fyrir heimilið. Stykkið verður þétt og þess vegna eru grófari prjónar notaðir en þeir sem mælt er með fyrir grófleika á garni. Í þessu myndbandi prjónum við með DROPS Merino Extra Fine í garnflokki B og notum prjóna nr 9. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:19
Hvernig á að prjóna höráferðar prjón

Í þessu DROPS myndbandi sýnum við hvernig hægt er að prjóna höráferðar prjón. Þetta mynstur er létt að prjóna og tilvalið í hálsklúta, töskur og jafnvel fyrir heimilið eins og dúka, diskamottur, pottaleppa eða þvottastykki o.fl. Einnig er hentar þetta mynstur fyrir kantlykkjur á flík til þess að koma í veg fyrir að kanturinn rúllist upp. Í lok myndbandsins sýnum við fallega litasamsetningu þegar prjónaðar eru 2 umferðir til skiptis með 2 ólíkum litum. Fitjið upp jafnan fjölda lykkja. Prjónið 1 kantlykkju í hvorri hlið í garðaprjóni (slétt í hverri umferð). UMFERÐ 1 (ranga): Prjónið 1 lykkju slétt (kantlykkja), * 1 lykkja brugðið, lyftið 1 lykkju af prjóni með þráðnn aftan við stykkið (frá þér) *, endurtakið frá *-* og endið á 1 lykkju slétt. UMFERÐ 2 (rétta): Prjónið 1 lykkju slétt (kantlykkja), * 1 lykkja slétt, lyftið 1 lykkju af prjóni með þráðinn framan við stykkið (að þér) *, endurtakið frá *-* endið á 1 lykkju slétt. Endurtakið umferð 1 og 2. Þegar fellt er af er mynstrið prjónað jafnframt því sem næst síðasta lykkjan er prjónuð á hægri prjóni yfir síðustu prjónuðu lykkjuna.
3:18
Hvernig á að hekla einfalt áferðamynstur með sléttum og brugðnum lykkjum

Í þessu DROPS myndbandi sýnum við fallegt en einfalt áferðarmynstur með einungis sléttum og brugðnum lykkjum. Við höfum nú þegar prjónað 3 mynstureiningar af mynstrinu til þess að það sjáist betur. Við prjónum 2 lykkjur brugðið í hvorri hlið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
11:40
Hvernig á að prjóna mosaik mynstur, einlitt

Í þessu DROPS myndbandi sýnum við hvernig hægt er að prjóna mósaik mynstur (með einum lit). Í hvorri hlið höfum við 2 kantlykkjur. Við höfum nú þegar prjónað 8 umferðir svo að auðveldara verði að sjá mynstrið. Við byrjum myndbandið á: UMFERÐ 1 (rétta): 2 kantlykkjur, 3 lykkjur brugðið, 1 lykkja slétt, 3 lykkjur brugðið, 1 lykkja slétt, 1 lykkja brugðið, 1 lykkja slétt, 3 lykkjur brugðið, 1 lykkja slétt, 3 lykkjur brugðið og 2 kantlykkjur. UMFERÐ 2 (ranga): 2 kantlykkjur, 3 lykkjur slétt, 1 lykkja brugðið, 3 lykkjur slétt, 1 lykkja brugðið, 1 lykkja slétt, 1 lykkja brugðið, 3 lykkjur slétt, 1 lykkja brugðið, 3 lykkjur slétt og 2 kantlykkjur. UMFERÐ 3 (rétta): Endurtakið umferð 1. UMFERÐ 4 (ranga): Endurtakið umferð 2. UMFERÐ 5 (rétta): 2 kantlykkjur, 2 lykkjur brugðið, 1 lykkja slétt, 1 lykkja brugðið, 1 lykkja slétt, 3 lykkjur brugðið, 1 lykkja slétt, 3 lykkjur brugðið, 1 lykkja slétt, 1 lykkja brugðið, 1 lykkja slétt, 2 lykkjur brugðið. UMFERÐ 6 (ranga): 2 kantlykkjur, 2 lykkja slétt, 1 lykkja brugðið, 1 lykkja slétt, 1 lykkja brugðið, 3 lykkjur slétt, 1 lykkja brugðið, 3 lykkjur slétt, 1 lykkja brugðið, 1 lykkja slétt, 1 lykkja brugðið, 2 lykkjur slétt og 2 kantlykkjur. UMFERÐ 7 (rétta): Endurtakið umferð 5. UMFERÐ 8 (ranga): Endurtakið umferð 6. Endurtakið umferð 1-8.
7:00
Hvernig á að hekla einfalt áferðamynstur

Áferðamynstur er hægt að prjóna á marga vegu bæði með sléttum og brugðnum lykkjum og hægt er að nota þetta mynstur í allskonar flíkur til þess að ná fram spennandi áferð. Þetta mynstur hentar vel í t.d. tuskur, peysur, teppi, jakkapeysur og fleira. Í þessu DROPS mynstri sýnum við eina aðferð við að prjóna áferðamynstur. Í myndbandinu höfum við 2 lykkjur í garðaprjón í hvorri hlið, við prjónum mynstrið 3 sinnum og höfum nú þegar prjónað eina mynstureiningu á hæðina. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:50
Hvernig á að prjóna blóm - Baldursbrá

Í þessu DROPS myndbandi sýnum við hvernig prjóna á blómamynstrið - Baldursbrá. Fitjið upp þann fjölda lykkja sem er deilanlegur með 4+1 (+ e.t.v. kantlykkjur). Í myndbandinu höfum við nú þegar fitjað upp 16 + 1 lykkjur og byrjum á umferð 1. Fyrst sýnum við umferð 1-4 einungis með grænum lit, síðan sýnum við umferð 1-2 með bláfjólubláum lit og umferð 3-4 með grænum lit. Að lokum sýnum við 6 mynstureiningar af umferð 1-4. UMFERÐ 1 (rétta): Prjónið allar lykkjur slétt. UMFERÐ 2 (ranga): Prjónið 1 lykkju slétt * hafðu þráðinn að þér, prjónið 3 lykkjur brugðið saman, látið lykkjurnar vera á vinstri prjóni, sláið 1 sinni uppá hægri prjón, stingið hægri prjóni í gegnum 3 sömu lykkjurnar, sækið þráðinn og dragið þráðinn í gegnum allar 3 lykkjurnar, setjið lykkjurnar yfir á vinstri prjón, 1 lykkja slétt *, endurtakið frá *-* út umferðina. UMFERÐ 3 (skiptið um lit): Prjónið allar lykkjur slétt. UMFERÐ 4: Prjónið 1 lykkju slétt, 1 lykkju brugðið, * 1 lykkja slétt, hafðu þráðinn að þér, prjónið 3 lykkjur brugðið saman, látið lykkjurnar vera á vinstri prjóni, sláið 1 sinni uppá hægri prjón, stingið hægri prjóni í gegnum 3 sömu lykkjurnar, sækið þráðinn og dragið þráðinn í gegnum allar 3 lykkjurnar, setjið lykkjurnar yfir á vinstri prjón *, endurtakið frá *-* út umferðina og endið með 1 lykkja slétt, 1 lykkja brugðin og 1 lykkja slétt. Í myndbandinu notum við garnið DROPS Snow, en prufan með hvítum og bleikum lit er prjónað úr DROPS Safran.
10:12
Hvernig á að prjóna mosaik mynstur

Í þessu DROPS myndbandi sýnum við hvernig við prjónum mosaik mynstur eftir mynsturteikningu. Við prjónum A.1, eftir það 2 mynstureiningar (endurtekningar) af mynsturteikningu A.2 og að lokum A.1 aftur. Við höfum nú þegar prjónað 12 umferðir og sýnum hvernig við prjónum frá umferð 13 til 20. Munið að lesa útskýringu á mosaik mynstri í uppskrift. Það geta verið mismunandi mynsturteikningar og útskýringar í mismunandi mynstrum, en aðferðin er sú saman. Þetta sjal er prjónað úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:36
Hvernig á að prjóna Pebble mynstur

Í þessu DROPS myndbandi sýnum við hvernig við prjónum einfalt áferðamynstur, sumir kalla það «Pebble» mynstur. Fitjið upp fjölda lykkja sem er deilanlegur með 2, við höfum fitjað upp 16 lykkjur + 1 kantlykkju í hvorri hlið (sem er prjónuð slétt í hverri umferð) = 18 lykkjur. UMFERÐ 1 (rétta): Prjónið slétt. UMFERÐ 2 (ranga): Prjónið brugðið. UMFERÐ 3: Prjónið 1 kantlykkju, prjónið 2 og 2 lykkjur slétt saman út umferðina, 1 kantlykkja. UMFERÐ 4: Prjónið 1 kantlykkju, * 1 lykkja slétt, prjónið 1 lykkju slétt í bilið á milli lykkja á prjóni, endurtakið frá *-* út umferðina, 1 kantlykkja. Endurtakið umferð 1-4 að óskaðri lengd. Við notum garnið DROPS Snow í myndbandinu.
9:55
Hvernig á að prjóna Pepita mynstur

Í þessu DROPS myndbandi sýnum við hvernig við prjónum Pepita mynstur með 2 lykkjum garðaprjón í hvorri hlið. Mynstrið í þessu myndbandi nær yfir 5 lykkjur, við prjónum 20 lykkjur + 2 lykkjur garðaprjón (= slétt í hverri umferð) í hvorri hlið (= 24 lykkjur). Einnig er hægt að prjóna þetta mynstur yfir færri/fleiri lykkjur og eftir mynsturteikningu, sem í þessu dæmi er í peysu í DROPS 206-21. Í myndbandinu sýnum við 4 umferðir með litnum ljós grár og eftir það 2 umferðir með litnum grár. 1. UMFERÐ: Prjónið 2 lykkjur garðaprjón, * 2 lykkjur slétt, lyftið næstu lykkju af prjóni eins og prjóna eigi brugðið, passið uppá að þráðurinn sem prjónað sé með liggi frá röngu á stykki (frá þér, séð frá réttu), 2 lykkjur slétt *, endurtakið frá *-* umferðina út og endið með 2 lykkjur garðaprjón. 2. UMFERÐ: Prjónið 2 lykkjur garðaprjón, * 2 lykkjur slétt, lyftið næstu lykkju af prjóni eins og prjóna eigi brugðið, passið uppá að þráðurinn sem prjónað sé með liggi frá röngu á stykki (að þér, séð frá röngu), 2 lykkjur slétt *, endurtakið frá *-* umferðina út og endið með 2 lykkjur garðaprjón. 3. UMFERÐ: Endurtakið 1. Umferð. 4. UMFERÐ: Endurtaki 2. Umferð. Skiptið um lit og endurtakið 1.-4. umferð, en nú færist mynstrið til þannig að prjónuð er 1 lykkja fleiri í hvert skipti sem 1 lykkju er steypt yfir. Við notum garnið DROPS Snow og prufan í svörtu/hvítu er prjónuð úr DROPS Big Merino. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.