Hvernig á að prjóna spennandi áferðamynstur í DROPS 194-5

Í þessu DROPS myndbandi sýnum við hvernig við prjónum smá hluta af áferðamynstri í peysu í DROPS 194-5. Þessi aðferð er einnig notuð í öðrum mynstrum. Í mynstrinu prjónar maður hringinn, en í þessu myndbandi þá prjónum við einungis frá hægri til vinstri og sýnum einungis 3 umferðir af mynsturteikningu, sjá mynsturteikningu merkta með rauðum.
Umferð 1 er prjónuð þannig: (svartur þríhyrningur sem nær yfir 3 rúður í mynsturteikningu): = þræðið hægri prjón í gegnum miðju af 3 lykkjum slétt 4 umferðum að neðan, sláið 1 sinni uppá prjóninn og dragið þráðinn til baka að réttu, uppslátturinn má ekki vera of stífur, prjónið 3 lykkjur slétt, þræðið hægri prjóni í gegnum sömu lykkju, sláið 1 sinni uppá prjóninn og dragið þráðinn til baka að réttu.
Umferð 2 er prjónuð þannig (strik yfir 5 rúður) = takið 1. lykkjuna óprjónaða (= uppslátturinn sem var gerður frá fyrri umferð) eins og prjóna eigi hana slétt, 3 lykkjur slétt, takið næstu lykkju óprjónaða (= uppslátturinn sem var gerður í fyrri umferð) eins og prjóna eigi hana brugðna.
Umferð 3 er prjónuð þannig: 1.-3 og 5. svartur þríhyrningur yfir 2 rúður = prjónið 2 lykkjur snúnar slétt saman.
2.-4. og 6. svarti þríhyrningur yfir 2 rúður = prjónið 2 lykkjur slétt saman.
Þessi peysa er prjónuð úr DROPS Air, en í myndbandinu notum við grófara garn; DROPS Snow.
Fylgja þarf uppskrift til þess að geta fylgt myndbandinu eftir.
Þú getur séð þetta mynstur með því að smella á myndina að neðan.