DROPS Children 49 · Fullt af nýrri hönnun fyrir börn!

Hvernig á að prjóna smockmynstur

Í þessu DROPS myndbandi sýnum við hvernig við prjónum smockmynstur. Með því að prjóna smockmynstur myndast upphækkað demanta mynstur. Í þessu myndbandi höfum við fitjað upp 22 lykkjur. Mynstrið er deilanlegt með 3 + 1.
UMFERÐ 1 (rétta): 1 lykkja slétt, * 2 lykkjur brugðið, 1 lykkja slétt *, endurtakið frá *-* þar til 3 lykkjur eru eftir, 2 lykkjur brugðið, 1 lykkja slétt.
UMFERÐ 2 (ranga): 1 lykkja slétt, * 2 lykkjur slétt, 1 lykkja brugðið *, endurtakið frá *-* þar til 3 lykkjur eru eftir, 3 lykkjur slétt.
Endurtakið umferð 1-2 til að prjóna stroffprjón.
UMFERÐ 1 smockmynstur, prjónið næstu umferð frá réttu þannig: 1 lykkja slétt, * 2 lykkjur brugðið, stingið prjóninum inn eftir 4. lykkju á vinstri prjóni, (eftir 2. lykkju slétt) sækið þráðinn, staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt * endurtakið frá *-* þar til 3 lykkjur eru eftir, 2 lykkjur brugðið, 1 lykkja slétt.
Prjónið 5 umferðir stroffprjón eins og áður.
UMFERÐ 2 smockmynstur, prjónið næstu umferð frá réttu þannig: * Stingið prjóninum inn eftir 4. lykkju, (eftir 2. lykkju slétt) sækið þráðinn, staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt, 2 lykkjur brugðið *, endurtakið frá *-* þar til 4 lykkjur eru eftir, sækið þráðinn eftir 4. lykkju (síðasta lykkja á prjóni), staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt.
Prjónið 5 umferðir stroffprjón eins og áður.
Endurtakið smockmynstur til skiptis í 6. hverri umferð.
Annað tungumál:

Myndband #242, skráð í: Lærðu að prjóna, Áferðaprjón, Smock lykkja

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Ingrid Hansen skrifaði:

Very nice pattern but I would have liked to know how much it pulls in and how much to increase by if it is knitted as a yoke on a sweater.

02.08.2017 - 19:30

DROPS Design :

Dear Mrs Hansen, a good idea would be to knit a swatch with this pattern choosing the needle size for the desired fabric, and then you would have the measurements to calculate how to adjust your own pattern. Happy knitting!

03.08.2017 - 08:33

Country flag Marleen S skrifaði:

Fantastische video! Had een heel ander idee over smok. Gelukkig heb ik jullie site even bekeken! dankjewel !

20.06.2014 - 16:49

Country flag Danielamassari skrifaði:

Eccellente

27.08.2013 - 11:31

Nora skrifaði:

Merci,vous etes les meilleurs

25.01.2013 - 09:13

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna smock mynstur með því að vefja þræðinum tvöföldum um lykkjurnarnar
9:37
Hvernig á að prjóna smock mynstur með því að vefja þræðinum tvöföldum um lykkjurnarnar

Í þessu DROPS myndbandi sýnum við aðferð þar sem við vefjum þræðinum yfir 6 lykkjur til að búa til fallegt mynstur með því að prjóna stroff (2 lykkjur slétt, 2 lykkjur brugðið). í myndbandinu höfum við fitjað upp 22 lykkjur, snúið saman 6 lykkjum saman og snúið aftur saman lykkjunum í 6. hverri umferð. Til þess að búa til mynstur þá færum við til þessar 6 lykkjur sem þræðinum er snúið utan um í hverri endurtekningu. Við byrjum myndbandið með umferð 16 frá röngu (2 lykkjur brugðið, 2 lykkjur slétt, út umferðina og endum á 2 lykkjur brugðið). UMFERÐ 17 (rétta): * Setjið 6 lykkjur á hjálparprjón, vefjið þræðinum tvisvar sinnum utan um þessar 6 lykkjur - herðið að, prjónið 6 lykkjur af hjálparprjóni eins og áður (stroff), 2 lykkjur brugðið *. Endurtakið frá *-* 2 sinnum til viðbótar en endið á 2 síðustu lykkjum slétt af hjálparprjóni. UMFERÐ 23 (rétta): Prjónið 2 lykkjur slétt, 2 lykkjur brugðið, * setjið 6 lykkjur á hjálparprjón, vefjið þræðinum 2 sinnum utan um þessar 6 lykkjur - herðið að, prjónið 6 lykkjur af hjálpaprjóni eins og áður (stroff), 2 lykkja brugðið *. Endurtakið frá *-* og endið á 2 lykkjur slétt. Endurtakið umferð þar sem þræðinum er snúið utan um lykkjurnar í 6. hverri umferð að óskaðri lengd.
Video thumbnail for Hvernig á að sauma smockmynstur
2:50
Hvernig á að sauma smockmynstur

Í þessu DROPS myndbandi sýnum við hvernig við saumum smockmynstur. Þegar lykkjur eru saumaðar saman myndast smockmynstur með demöntum. Í þessu myndbandi höfum við fitjað upp 22 lykkjur. Mynstrið er deilanlegt með 3 + 1. UMFERÐ 1 (rétta): 1 lykkja slétt, * 2 lykkjur brugðið, 1 lykkja slétt *, endurtakið frá *-*, þar til 3 lykkjur eru eftir, 2 lykkjur brugðið, 1 lykkja slétt. UMFERÐ 2 (ranga): 1 lykkja slétt, * 2 lykkjur slétt, 1 lykkja brugðið *, endurtakið frá *-* , þar til 3 l eru eftir, 2 lykkjur slétt, 1 lykkja brugðin. Endurtakið umferð 1-2 til þess að prjóna stroffprjón. Þegar sauma á saman er saumað í kringum 4 og 4 lykkjur eins og við útskýrum í myndbandinu. Passið uppá að draga þráðinn einungis utan um 4 smocklykkjurnar en ekki í bilið á milli hinna lykkjanna.
Video thumbnail for Hvernig á að prjóna smockmynstur yfir 1 lykkja slétt, 2 lykkjur brugðið, 1 lykkja slétt
3:00
Hvernig á að prjóna smockmynstur yfir 1 lykkja slétt, 2 lykkjur brugðið, 1 lykkja slétt

Í þessu DROPS myndbandi sýnum við hvernig við búum til smock mynstur með því að vefja þræðinum 2 sinnum utan um 1 lykkju slétt, 2 lykkjur brugðið og 1 lykkju slétt. Í myndbandinu prjónum við 2 kantlykkjur í hvorri hið og við höfum nú þegar prjónað nokkra cm ásamt að endurtaka 1 lykkju slétt, 2 lykkjur brugðið, 1 lykkju slétt. Við byrjum myndbandið í umferð þar sem við vefjum þræðinum utan um lykkjur til að búa til smock mynstur. Setjið þær lykkjur sem vefja á utan um á kaðlaprjón/hjálparprjón aftan við stykkið. Vefjið þræðinum 2 sinnum utan um þessar lykkjur, eftir það eru þessar lykkjur prjónaðar með sléttum lykkjum yfir sléttar lykkjur og brugðar lykkjur yfir brugðnar lykkjur. Til þess að búa til mynstur, færið til 4 lykkjur sem vefja á utan um við hverja endurtekningu. Veldu sjálf/ur hversu margar umferðir eigi að vera á milli áður en vafið er utan um lykkjurnar. Í myndbandinu notum við garnið DROPS Snow.
Video thumbnail for Hvernig á að prjóna A.1 í DROPS 182-8
12:59
Hvernig á að prjóna A.1 í DROPS 182-8

Í þessu DROPS myndbandi sýnum við hvernig við prjónum eftir mynsturteikningu A.1 í húfu Raspberry Truffle í DROPS 182-8. Við erum með færri lykkjur en það sem gefið er upp í mynstri og við höfum nú þegar prjónað byrjun á húfunni. Við byrjum myndbandið með mynsturteikningu A.1 og sýnum 2 mynstureiningar af umferð 1-3. Við sýnum 2 fyrstu og síðustu mynstureininguna af umferð 7, síðan 2 mynstureiningar af umferð 8, 1 mynstureiningu af umferð 9-10 og að lokum hvernig húfan kemur til með að líta út eftir mynstureiningu A.1 á hæðina. Þessi húfa er prjónuð úr DROPS Puna, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna A.1 - byrjun á peysu
15:06
Hvernig á að prjóna A.1 - byrjun á peysu

Í þessu DROPS myndbandi sýnum við hvernig prjóna á eftir mynsturteikningu A.1 /byrjun á DROPS 179-1, en einnig notað í öðrum mynstrum. Við höfum nú þegar prjónað fyrstu 10 umferðirnar. Sjá mynsturteikningu til útskýringar á mismunandi mynsturtáknum. Þessi peysa er prjónuð úr DROPS Puna, en í myndbandinu notum við grófara garn: DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna M.1 í DROPS 117-20
13:46
Hvernig á að prjóna M.1 í DROPS 117-20

Í þessu DROPS myndbandi sýnum við hvernig við prjónum mynsturteikningu M.1 í vesti í DROPS 117-20. Í þessu myndbandi höfum við 2 kantlykkjur í garðaprjóni í hvorri hlið, við prjónum M.1 tvisvar sinnum á eftir hvoru öðru og við höfum nú þegar prjónað 2 mynstureiningar á hæðina. Þetta vesti er prjónað úr DROPS Puna, en í myndbandi notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.