DROPS Children 49 · Fullt af nýrri hönnun fyrir börn!

Hvernig á að prjóna langar lykkjur í mismunandi lengdum

Í þessu DROPS myndbandi sýnum við hvernig hægt er að prjóna mynstur með löngum lykkjum í mismunandi lengdum. Í myndbandinu sýnum við fyrst hvernig prjónaðar eru langar lykkjur með 1 uppslætti og síðan á eftir því með 2 uppsláttum til þess að fá mismunandi lengdir á löngu lykkjurnar. Við höfum þegar prjónað eina einingu af hvoru til þess að mismunurinn verði sýnilegri.
UMFERÐ 1: Í myndbandinu sýnum við hvernig prjónað er til skiptis 1 lykkja slétt, slegið 1 sinni uppá prjóninn út umferðina.
UMFERÐ 2: Prjónið 1 lykkju slétt, sleppið niður uppslættinum af prjóninum, endurtakið út umferðina.
UMFERÐ 3: Prjónið til skiptis 1 lykkju slétt, slegið 2 sinnum uppá prjóninn út umferðina.
UMFERÐ 4: Prjónið 1 lykkju slétt, sleppið niður báðum uppsláttunum af prjóninum, endurtakið út umferðina.
Nú sést augljóslega hversu langar lykkjurnar verða með því að slá fyrst 1 sinni uppá prjóninn og síðan 2 sinnum uppá prjóninn.
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS 146-20

DROPS 146-20
Annað tungumál:

Myndband #413, skráð í: Lærðu að prjóna, Áferðaprjón, Tapaðar lykkjur & langar lykkjur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Mari skrifaði:

Me encantan tus vídeos

08.05.2024 - 12:51

Country flag Anna skrifaði:

Se puede hacer este punto con agujas circulares? Como?

25.06.2023 - 13:12

DROPS Design :

Hola Anna, para agujas circulares harías exactamente lo mismo que hacen aquí. No hay ninguna diferencia. La única diferencia entre ambas agujas es que tienes espacio para más puntos en la aguja circular.

25.06.2023 - 16:06

Country flag Barb skrifaði:

I'm working on a sweater in drop stitch and at the neckline I have to decrease each row by 1 stitch and I just can't visualize how to do that on a drop stitch /YO row. Any advice? Thanks!

24.10.2022 - 20:39

DROPS Design :

Dear Barb, maybe you could tell us which pattern you are working on or ask your question under the pattern you are working so that we can check together and help you further. Thanks for your comprehension. Happy knitting!

25.10.2022 - 09:23

Country flag Sandy skrifaði:

I really love this look. Can you make an infinity scarf with this pattern? And of so, what types of yarns do you suggest

18.10.2019 - 22:56

DROPS Design :

Dear Sandy, you will find a range of pattern using the dropped stitches method here. Happy knitting!

21.10.2019 - 14:05

Country flag Laura skrifaði:

I sent another message but wrong email address to get your reply! What’s the yarn used on this video?? Thank you in advance!

16.09.2019 - 00:02

DROPS Design :

Dear Laura, we used DROPS Eskimo in this video. Happy knitting!

16.09.2019 - 15:10

Country flag Laura skrifaði:

What’s the yarn used on this video?? Is exactly what I’m looking for for a project I have in mind! Thank you in advance ;)

16.09.2019 - 00:01

DROPS Design :

Dear Laura, we used DROPS Eskimo in this video. Happy knitting!

16.09.2019 - 15:10

Elena skrifaði:

Muy bien explicado. Gracias!

01.07.2015 - 20:11

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna samkvæmt mynsturteikningu til að fá langar lykkjur
12:03
Hvernig á að prjóna samkvæmt mynsturteikningu til að fá langar lykkjur

Í þessu DROPS myndbandi sýnum við hvernig við prjónum samkvæmt mynsturteikningu A.1 og A.2 í barnateppinu «Terracotta Dreams» í DROPS Baby 39-6 til að fá langar lykkjur. Við höfum nú þegar prjónað A.1 og A.2 1 sinni á hæðina og við prjónum A.1 2 sinnum á breiddina, A.2 1 sinni á breiddina og 4 lykkjur garðaprjón í hvorri hlið. Þessi aðferð er einnig notuð í öðrum mynstrum. Þetta teppi er prjónað úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna 3 lykkjur saman 2 sinnum - stjörnumynstur
2:53
Hvernig á að prjóna 3 lykkjur saman 2 sinnum - stjörnumynstur

Í þessu DROPS myndbandi sýnum við hvernig við prjónum 3 lykkjur slétt saman 2 sinnum þannig að það myndist stjörnumynstur. Við prjónum samkvæmt mynsturteikningu og höfum prjónað 3 sinnum á hæðina, endurtökum þetta 3 sinnum á breiddina og prjónum 2 lykkjur í garðaprjóni í hvorri hlið. Prjónið svona þegar prjóna á 3 lykkjur saman: Prjónið 3 lykkjur slétt saman (rétta) án þess að lyfta lykkjum af prjóni, sláið 1 sinni uppá prjóninn, prjónið 3 lykkjur slétt saman í sömu 3 lykkjurnar og sleppið þeim af prjóni (= 3 lykkjur). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna einfalt fiðrilda mynstur
10:38
Hvernig á að prjóna einfalt fiðrilda mynstur

Í þessu DROPS myndbandi sýnum við hvernig við prjónum einfalt fiðrildamynstur sem endurtekur sig. Eitt fiðrildi er prjónað yfir 7 lykkjur + lykkjur á milli hverra fiðrilda og 2 lykkjur í garðaprjóni í hvorri hlið (garðaprjón = prjónið slétt í hverri umferð). Við höfum fitjað upp 29 lykkjur og prjónað 1 umferð slétt með aðallit (grænn), 2 lykkjur í hvorri hlið eru prjónaðar í garðaprjóni. Við byrjum myndbandið á að prjóna þannig: Frá réttu: Prjónið 2 lykkjur garðaprjón, * leggið auka litinn framan við stykkið/að þér, prjónið 7 lykkjur slétt, leggið auka litinn aftan við stykkið/frá þér, prjónið 2 lykkjur slétt *, endurtakið þetta frá *-* út umferðina. Frá röngu: Prjónið 2 lykkjur garðaprjón , * leggið auka litinn aftan við stykkið/frá þér, prjónið 7 lykkjur brugðið, leggið auka litinn framan við stykkið/að þér, prjónið 2 lykkjur brugðið *, endurtakið frá *-* út umferðina, en 2 síðustu lykkjurnar eru prjónaðar í garðaprjóni, snúið stykkinu. Endurtakið þessar tvær umferðir þar til þú ert með 6 lausa þræði á framhlið. Frá réttu: Prjónið nú bara með aðallit. Prjónið 2 lykkjur garðaprjón, 3 lykkjur slétt * stingið hægri prjón undir alla 6 löngu þræðina (notið e.t.v. þumalinn til aðstoðar), prjónið næstu lykkju, lyftið ekki lykkju af vinstri prjóni, en dragið lykkjuna undir 6 löngu þræðina, setjið lykkjuna á hægri prjón, prjónið þessar tvær lykkjur snúnar slétt saman, 8 lykkjur slétt, endurtakið frá *-* 1 sinni til viðbótar. Stingið hægri prjóni undir alla 6 löngu þræðina, prjónið næstu lykkju, lyftið ekki lykkjunni af vinstri prjóni, setjið lykkjuna á hægri prjón, prjónið þessar tvær lykkjur snúnar slétt saman, 3 lykkjur slétt og 2 lykkjur garðaprjón, snúið stykkinu og prjónið 1 umferð brugðið frá röngu með 2 lykkjur garðaprjón í hvorri hlið. Við notum garnið DROPS Snow í þessu myndbandi.
Video thumbnail for Hvernig á að prjóna spennandi áferðamynstur
10:37
Hvernig á að prjóna spennandi áferðamynstur

Í þessu DROPS myndbandi sýnum við hvernig við prjónum smá hluta af áferðamynstri í peysu í DROPS 194-5. Þessi aðferð er einnig notuð í öðrum mynstrum. Í mynstrinu prjónar maður hringinn, en í þessu myndbandi þá prjónum við einungis frá hægri til vinstri og sýnum einungis 3 umferðir af mynsturteikningu, sjá mynsturteikningu merkta með rauðum lit. Umferð 1: (svartur þríhyrningur sem nær yfir 3 rúður í mynsturteikningu): = þræðið hægri prjón í gegnum miðju af 3 lykkjum slétt 4 umferðum að neðan, sláið 1 sinni uppá prjóninn og dragið þráðinn til baka að réttu, uppslátturinn má ekki vera of stífur, prjónið 3 lykkjur slétt, þræðið hægri prjóni í gegnum sömu lykkju, sláið 1 sinni uppá prjóninn og dragið þráðinn til baka að réttu. Umferð 2 (strik yfir 5 rúður): = lyftið 1. lykkju af prjóni (= uppslátturinn sem var gerður frá fyrri umferð) eins og prjóna eigi slétt, 3 lykkjur slétt, lyftið næstu lykkju af prjóni (= uppslátturinn sem var gerður í fyrri umferð) eins og prjóna eigi brugðið. Umferð 3: 1.-3 og 5. svartur þríhyrningur yfir 2 rúður = prjónið 2 lykkjur snúnar slétt saman. 2.-4. og 6. svarti þríhyrningur yfir 2 rúður = prjónið 2 lykkjur slétt saman. Þessi peysa er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna hnút yfir 4 lykkjur
5:03
Hvernig á að prjóna hnút yfir 4 lykkjur

Í þessu DROPS myndbandi sýnum við hvernig við prjónum hnút yfir 4 lykkjur, sem er meðal annar í jakkapeysu í DROPS 186-16. Við sýnum hnútinn 2 sinnum. Prjónið 4 lykkjur án þess að sleppa þeim af vinstri prjón og prjónum þannig: 4 lykkjur brugðið saman, 4 lykkjur slétt saman, 4 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna hnút yfir 3 lykkjur
4:12
Hvernig á að prjóna hnút yfir 3 lykkjur

Í þessu DROPS myndbandi sýnum við hvernig við prjónum hnút yfir 3 lykkjur, sem er meðal annar í jakkapeysu í DROPS 186-16. Við prjónum 3 lykkjur án þess að sleppa þeim af vinstri prjón og prjónum þannig: 3 lykkjur brugðið saman, 3 lykkjur slétt saman, 3 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.