DROPS Super Sale - 30 % AFSLÁTTUR á 6 tegundum af bómullargarni í allan júlí!

Hekl myndbönd

Lærðu að hekla með frábæru kennslumyndböndunum okkar! Við erum með allt frá kennslumyndbönd fyrir byrjendur með grunnaðferðum til aðferða sem eru meira tæknilega útfærðar, sem og skref-fyrir-skref myndbönd til að leiðbeina þér í gegnum nokkur af vinsælustu fríu heklumynstrunum okkar.

Flokkar
Myndbönd: 283
5:56
Hvernig á að hekla armband

Í þessu DROPS myndbandi sýnum við hvernig við heklum armband eftir mynsturteikningu, sem meðal annars er í DROPS 190-11 og 190-22. Þessi armbönd eru hekluð úr DROPS Paris, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrin með því að smella á myndirnar að neðan.
5:22
Hvernig á að hekla einfalt gatamynstur

Í þessu DROPS myndbandi sýnum við hvernig við heklum einfalda blúndu / gatamynstur sem hægt er að nota á bókamerki eða á hárbandi. UMFERÐ 1: Heklið 4 loftlykkjur, í 4. loftlykkju heklunálinni er heklað: 3 stuðlar, 5 loftlykkjur (loftlykkjubogi), 3 stuðlar. UMFERÐ 2: 3 loftlykkjur, snúið við, í 3. loftlykkju frá heklunálinni er heklað: 3 stuðlar, 5 loftlykkjur (loftlykkjubogi), 3 stuðlar, síðan í 1 keðjulykkja í loftlykkjuboga frá fyrri umferð. Endurtakið umferð 2. að óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:50
Hvernig á að hekla stuðlakrókamynstur

Í þessu DROPS myndbandi sýnum við hvernig við heklum stuðlakrókamynstur. Hægt er að hekla stuðlakrókamynstur með því að hekla í kringum lykkju framan í eða aftan í. Í myndbandinu höfum við heklað aðra hverja lykkju eins og venjulegur stuðull og aðra hverja lykkju eins og stuðlakrókur Byrjið á umferð með venjulegum stuðli. Næsta umferð * heklið 1 stuðul, 1 stuðlakrókur framan í *, í 3. umf heklið stuðlakrók aftan í. Með þessu fæst áferðamynstur á framhlið á stykki. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:34
Hvernig á að hekla tvíbrugðinn stuðla kaðal - stuðlakrók

Í þessu DROPS myndbandi sýnum við hvernig við heklum tvöfaldan stuðlakaðal samkvæmt mynstri. Við höfum nú þegar heklað eina umferð með stuðlum og byrjum myndbandið á 3 loftlykkjum og 6 stuðlum (hraðspólað) áður en við byrjum á mynstri. STUÐLAKRÓKUR: Þegar heklaður er 1 stuðlakrókur, þýðir það að heklað er um 1 lykkju frá fyrri umferð (ekki er heklað í lykkjubogana heldur utan um sjálfan stuðul að framan). TVÍBRUGÐINN STUÐLA KAÐALL: Hoppið yfir 1 stuðul, 1 stuðlakrókur um næsta stuðul, 1 stuðlakrókur um stuðul sem hoppað var yfir. Garnið sem við notum í myndbandinu er DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:57
Hvernig á að hekla stuðlakróka, framan og aftan í stykki

Í þessu DROPS myndbandi sýnum við hvernig við heklum stuðlakróka bæði framan og aftan í stykki eftir mynsturteikningu, þannig að það líti út fyrir að vera stroff mynstur. Þessi aðferð er m.a. notuð í eyrnabandinu «Snow Textures» í DROPS 204-33. Þetta eyrnaband er heklað úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
12:11
Hvernig á að hekla 6 þríbrugðna stuðla kaðla - stuðlakróka

Í þessu DROPS myndbandi sýnum við hvernig við heklum 6 þríbrugðna stuðla kaðla samkvæmt mynsturteikningu. Við höfum nú þegar heklað eina umferð með stuðlum og byrjum myndbandið á 3 loftlykkjum og 3 stuðlum áður en við byrjum á mynstri. Við endurtökum mynstrið 4 sinnum með 4 stuðla á milli. Þetta hálsskjól er heklað úr DROPS Nepal, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:20
Hvernig á að hekla fjórbrugðinn stuðula kaðal - stuðlakrók

Í þessu DROPS myndbandi sýnum við hvernig við heklum fjórbrugðinn stuðull í kaðli samkvæmt mynsturteikningu. Við höfum nú þegar heklað eina umferð með stuðlum og byrjum myndbandið á 3 loftlykkjum og 5 stuðlum (spólað hratt) áður en við byrjum á mynsturteikningu. STUÐLAKRÓKUR: Þegar heklaður er 1 stuðlakrókur þýðir það að heklað er um 1 lykkju frá fyrri umferð (ekki er heklað í liðinn, heldur utan um stuðul að framan). FJÓRBRUGÐINN STUÐULA KAÐALL: Hoppið yfir 3 stuðla, 1 tvíbrugðinn stuðlakrókur um næsta stuðul, 1 tvíbrugðinn stuðlakrókur um 3. lykkju sem hoppað var yfir, 1 tvíbrugðinn stuðlakrókur um fyrsta stuðul sem hoppað var yfir, 1 tvíbrugðinn stuðlakrókur um 2. lykkju sem hoppað var yfir. Garnið sem við notum í þessu myndbandi er DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
21:30
Hvernig á að hekla kaðla með stuðlakrókum

Í þessu DROPS myndbandi sýnum við hvernig við heklum stuðlakróka eftir mynsturteikningu þannig að þeir búi til kaðla, sem er notað í Day to Date peysunni í DROPS 207-11. Þessir kaðlar samanstanda bæði af fjórföldum og fimmföldum stuðlum. Þessi peysa er hekluð úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
17:26
Hvernig á að hekla 2 stuðlakróka-fimmfalda stuðla saman

Í þessu DROPS myndbandi sýnum við hvernig við heklum 2-stuðlakróka-fimmfaldastuðla saman eftir mynsturteikningu þannig að þeir myndi kaðla, sem er notað í Day to Date peysunni í DROPS 207-11. Þessir kaðlar samanstanda bæði af fjórföldum og fimmföldum stuðlum, við sýnum einnig hvernig hekla á mismundandi umferðir, sjá mynstur með útskýringum af táknum. Þessi peysa er hekluð úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
6:24
Hvernig á að hekla kaðal með áferðamynstri

Í þessu DROPS myndbandi sýnum við hvernig við heklum áferðamynstur sem verður að kaðli, sem meðal annars er í peysunni Blushing Embers í DROPS 206-33. Fyrst sýnum við hversu einfalt er að hekla loftlykkjuhring sem samanstendur af 8 loftlykkjum og 1 keðjulykkju sem síðar tengist saman í kaðal. Það eru heklaðir stuðlar á milli loftlykkjuhringjanna. Eftir það sýnum við hvernig við heklum loftlykkjuhringina saman þannig að þeir myndi kaðal. Að lokum sýnum við hvernig við heklum kaðlana «saman» með 1 keðjulykkju í síðasta loftlykkjuhringinn í umferð með stuðlum. Peysan í DROPS 203-33 er hekluð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
28:37
Hvernig á að hekla kaðla og stuðlakróka

Í þessu DROPS myndbandi sýnum við hvernig við heklum smá hluta af mynsturteikningu A.2 og A.3 í Graceful Cables peysunni í DROPS 210-12. Við byrjum myndbandið á að sýna 2. umferð (réttu) á mynsturteikningu A.2 og hekluð til og með 8. umferð af A.3. Við sýnum ekki umferð frá röngu þar sem heklaðar eru fastalykkjur. Þessi peysa er hekluð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
20:59
Hvernig á að hekla fléttu með stuðlakrókum eftir mynsturteikningu

Í þessu DROPS myndbandi sýnum við hvernig við heklum eftir mynsturteikningu til að búa til fléttur með stuðlakrókum. Þessi flétta er m.a. notuð í DROPS 218-31 og DROPS 218-32 (en þá er umferð með tvíbrugðnum stuðlum og fastalykkjum, ekki stuðlum og fastalykkjum eins og útskýrt er í myndbandi). Þessar flíkur eru heklaðar úr DROPS Air, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrin með því að smella á myndina að neðan.
1:53
Hvernig á að hekla krabbahekl

Í þessu DROPS myndbandi sýnum við ykkur hvernig hægt er að hekla krabbahekl. Við heklum fastalykkjur frá vinstri til hægri og fáum þannig fallegan kant. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:14
Hvernig á að hekla krabbahekl með því að snúa heklunálinni

Í þessu DROPS myndbandi sýnum við hvernig hægt er að hekla kant með krabbahekli með því að snúa heklunálinni. Við höfum nú þegar heklað nokkrar lykkjur í krabbahekli. Heklið þannig: * Sækið þráðinn í gegnum fastalykkjuna að neðan, gerið lykkjuna aðeins lausa, snúið heklunálinni 360 gráður rangsælis, bregðið þræðinum einu sinni um heklunálina og dragið uppsláttinn í gegnum báðar lykkjurnar á heklunálinni *. Endurtakið frá *-* Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
2:16
Hvernig á að hekla picot kant

Í þessu DROPS myndbandi sýnum við hvernig við heklum lítinn picot kant. Heklið * 3 loftlykkjur, 1 stuðul í 1. loftlykkju, hoppið yfir 1 lykkju í kantinum, 1 fastalykkja í næstu lykkju *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:47
Hvernig á að hekla kant

Í þessu DROPS myndbandi sýnum við hvernig hægt er að hekla kant yst utan um kant á stykki. Heklið þannig: Heklið 1 fastalykkju, * 2 loftlykkjur, hoppið yfir 2 lykkjur á breiddina / 4 umferðir garðaprjón á hæðina, 1 fastalykkja í næstu lykkju *, endurtakið frá *-*. Heklið fleiri eða færri loftlykkjur og hoppið yfir fleiri eða færri eftir því hvernig þú vilt að heklaði kanturinn líti út eða eftir því hvað stendur í mynstri. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:57
Hvernig á að hekla sólfjaðramynstur

Í þessu DROPS myndbandi sýnum við hvernig hægt er að hekla fallegan kant til skrauts. Þessi kantur er heklaður meðfram kanti á hekluðu stykki, eða á stykki sem er prjónað, eða hægt er að hekla kantinn og sauma hann á efni t.d. kant á handklæði. Ef heklað er meðfram hekluðum kanti þarf að hekla fjölda lykkja sem er deilanlegur með 8 + 1. Ef heklað er í hring þá þarf þann fjölda lykkja sem er deilanlegur með 8. Á sýnishorninu okkar höfum við 25 lykkjur. Heklið þannig: Heklið 1 fastalykkja, * hoppið yfir 3 lykkjur, 4 stuðlar + 2 loftlykkjur + 4 stuðlar í næstu lykkju, hoppið yfir 3 lykkjur, 1 fastalykkja í næstu lykkju *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:00
Hvernig á að hekla boga meðfram kanti

Í þessu DROPS myndbandi sýnum við hvernig hægt er að hekla boga meðfram hekluðum kanti. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:58
Hvernig á að hekla öldulaga kant ofan frá og niður

Í þessu DROPS myndbandi sýnum við hvernig við heklum einfaldan öldulaga kant með því að hekla 2 fastalykkjur í hverja af aftari lykkjubogann á lengjunni. Í næstu umferð er heklað áfram með fastalykkjum í gegnum báða lykkjubogana á lengjunni, haldið áfram með fastalykkjur þar til kanturinn verði eins breiður og óskað er eftir.
7:05
Hvernig á að hekla Í og UM lykkju

Í þessu DROPS myndbandi sýnum við muninn á hvernig heklað er Í lykkju og UM lykkju eins og við gerum í mörgum mynstrunum okkar, eins og í DROPS 162-15. Við höfum nú þegar heklað smá af mynstri. Í fyrstu umferð sýnum við hvernig við heklum 1 fastalykkju UM einn loftlykkjuboga og 9 stuðla UM næsta loftlykkjuboga. Í síðustu lykkjuna í umferð heklum við einn stuðul Í eina lykkju. Í umferð 2 sýnum við hvernig við heklum fastalykkju í lykkju og 1 fastalykkju um einn loftlykkjuboga. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan. Textinn í mynstri á myndbandinu er skrifaður á ensku. US-SE 1 ch = 1 loftlykkja, 1 sc in st = 1 fastalykkja í lykkju, dc in st = stuðull í lykkju, 1 dc around st = 1 stuðull um lykkju. 1 sc around st = fastalykkja um lykkju,
2:34
Hvernig á að hekla einfaldan, fallegan kant með hnappagötum

Í þessu DROPS myndbandi sýnum við hvernig hægt er að hekla einfaldan, fallegan kant með hnappagötum. Heklið kantinn með öðrum lit. Við höfum nú þegar heklað prufu með fastalykkjum og heklað 3 fastalykkjur með nýja litnum. * Stingið heklunálinni í fastalykkju í umferð beint fyrir neðan, sækið þráðinn og dragið þráðinn í gegn, aðeins laust. Stingið heklunálinni í gegnum næstu fastalykkju, en í 2 umferð að neðan, sækið þráðinn og dragið þráðinn í gegn, aðeins laust. Stingið heklunálinni í gegnum næstu fastalykkju, en í 1 umferð að neðan, sækið þráðinn og dragið þráðinn í gegn, aðeins laust = 4 lykkjur á heklunálinni. Bregðið þræðinum um heklunálina og dragið þráðinn í gegnum þessar 4 lykkjur = hópur með lykkjum fyrir hnappagöt. Heklið 1 fastalykkju í næstu lykkju (lykkju að ofan sem heklað var síðast í), heklið 1 fastalykkju í báðar af næstu 2 lykkjum *. Endurtakið frá *-*. Við notum garnið DROPS Snow í myndbandinu.
5:36
Hvernig á að fá beina heklaða kanta

Í þessu DROPS myndbandi sýnum við hvernig við getum komið í veg fyrir að kantarnir verði ójafnir eða að það komi göt þegar maður heklar. Þegar við heklum stuðla fram og til baka þá heklum við oft 3 loftlykkjur í byrjun á hverri umferð til að fá sömu hæð og á stuðli. Þessar loftlykkjur geta annað hvort verið sem viðbót við stuðla í umferð (þetta myndar þá auka lykkjur og kanturinn verður ójafn) eða þá jafngilda loftlykkjur einum stuðli (með þessu myndast gat í annarri hverri umferð). Hægt er að koma í veg fyrir þetta með því að draga út 1. lykkju í umferð, halda vel í þessa lykkju með vísifingri, færðu heklunálina að þér og síðan undir löngu fyrstu lykkjuna, stingið heklunálinni í fyrstu lykkjuna (í 1. umferð stingur maður heklunálinni undir 2 þræði), sækið þráðinn og heklið eins og venjulega einn stuðul. Lykkjuboginn verðu aleins laus, en þetta verður aftur fallegt eftir næstu umferð. Síðan er fyrsti stuðullinn í hverri umferð. Við notum garnið DROPS Snow í þessu myndbandi.
4:53
Hvernig á að hekla utan um stálþráð

Í þessu DROPS myndbandi sýnum við hvernig við heklum síðustu umferðina í hatti, þar sem einnig er heklað utan um stálþráð. Þannig að barðið verði aðeins stífara. Maður velur sjálfur hvort nota eigi einfaldan eða tvöfaldan stálþráð. Í myndbandinu heklum við fastalykkjur utan um tvöfaldan stálþráð. Tvinnið endana á stálþræðinum saman nokkrum sinnum og leggið þá saman við kantinn. Festið endana samtímis sem saumað er yfir stálþráðinn svo að þeir sjáist ekki. Við notum garnið DROPS Paris í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:03
Hvernig á að hekla keðjulykkjur utan um fastalykkjur

Í þessu DROPS myndbandi sýnum við hvernig við heklum keðjulykkjur utan um fastalykkjur, þannig að það myndist þykkur kantur. Með þessu náum við kantinum betur fram og að hann fær aðeins meiri þyngd. Við heklum við þessa umferð með tvöföldum þræði, en afgangur af stykkinu er einungis heklaður með 1 þræði. Það má ekki hekla keðjulykkjurnar of fast. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.