DROPS Children 49 · Fullt af nýrri hönnun fyrir börn!

Frágangur myndbönd

Lærðu hvernig á að setja saman verkefnið þitt með kennslumyndböndunum okkar! Þú getur saumað verkefnið saman, prjónað saman eða heklað saman og við erum með skref-fyrir-skref myndbönd til að leiðbeina þér um hinar ýmsu aðferðir.

Flokkar
Myndbönd: 74
2:43
Hvernig á að sauma saman stykki í garðaprjóni

Í þessu DROPS myndbandi sýnum við hvernig við saumum saman stykki í garðaprjóni til að fá saum sem sést ekki. Saumið eitt spor í gegnum hvern "hnút" og síðan eitt spor í hvert bil. Saumið fram og til baka frá réttu á stykkinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:41
Hvernig á að sauma saman affellingarkant sem er prjónaður í garðaprjóni

Í þessu DROPS myndbandi sýnum við 2 aðferðir við að sauma saman stykki sem er prjónað í garðaprjóni. Brjótið stykkið að réttu á móti réttu og saumið affellingarkantinn í ysta lykkjubogann þannig að saumurinn verði ekki þykkur. 1. Stingdu nálinni inn að þér í ysta liðinn á fyrstu lykkjunni næst þér, stingdu síðan nálinni inn frá þér í ysta liðinni á næstu lykkju næst þér og í ysta liðinn á næsta spori lengst frá þér. Stingdu síðan nálinni að þér í ysta liðinn á næstu lykkju lengst frá þér og í ysta liðinn á næstu lykkju næst þér og endurtaktu þetta. Við sýnum einnig hvernig þessi aðferð lítur út með öðrum lit. 2. Stingdu nálinni inn að þér í ysta liðinn á fyrstu lykkju næst þér, færðu síðan nálina inn að þér í ysta liðinn á næstu lykkju lengst frá þér og í ysta liðinn á næstu lykkju næst þér og endurtaktu þetta. Við sýnum einnig hvernig þessi aðferð lítur út með öðrum lit. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:05
Hvernig á að sauma saman 2 stykki með I-cord affellingu

I-cord = hólkur. Í þessu DROPS myndbandi sýnum við hvernig við saumum saman tvö stykki með I-cord affellingu innan við ystu lykkjur í hvoru stykki. Við notum garnið DROPS Snow í myndbandinu. Aðferðina er hægt að nota í fleiri mynstrum – Þú finnur mynstur þar sem þessi aðferð er notuð með því að smella á myndirnar að neðan.
8:14
Hvernig á að sauma ermar í peysu í sléttprjóni

Í þessu DROPS myndbandi sýnum við hvernig hægt er að sauma ermar á peysu í sléttprjóni. Í þessari peysu eru engar kantlykkjur. Við saumum stykkin saman frá réttu með því að sauma niður ytri lykkjuna á ermi við garðaprjónslykkju á peysu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:30
Hvernig á að sauma saman bak-/framstykki í laskalínu á ermi

Í þessu DROPS myndbandi sýnum við hvernig við saumum saman bak-/framstykki í laskalínu á ermi. Við höfum nú þegar saumað fyrri ermina á fram- og bakstykki og saumað saum undir ermum og hliðarsauma. Áður en við saumum seinni ermina á, sýnum við á prufu hvernig við komum til með að sauma innan við 1 kantlykkju í garðaprjóni (sjá bleikan þráð). Við notum DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:57
Hvernig á að setja ermi í fram- og bakstykki

Í þessu DROPS myndbandi sýnum við hvernig hugsað er að ermi sé fest á fram- og bakstykki þannig að það samsvari við teikningu með máli. Fylgið uppskriftinni, einingin er prjónuð ofan frá og niður. Fitjið upp eða fellið af lykkjur fyrir handveg, lesið uppskriftina/sjá teikningu með máli. Ermin er prjónuð í hring að uppgefnu máli, eftir það er prjónað fram til baka til loka. Þegar ermi og fram-og bakstykki er saumað saman, eiga merkin á ermi að passa við botn á opi fyrir handveg. Við notum garnið DROPS Nepal í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:44
Hvernig á að festa ermi á framstykki

Í þessu DROPS myndbandi sýnum við hvernig festum ermi við framstykki með kanti í garðaprjóni. Leggið inn ermina undir kantinn með garðaprjóni meðfram handveg og saumið niður frá réttu með smáu spori (kanturinn á ekki að vera laus þegar saumað er og saumað er í ystu lykkjuna frá réttu, þannig að kanturinn með garðaprjóni liggi fallega utan á ermi). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:38
Hvernig á að sauma ermakúpu við handveg

Í þessu DROPS myndbandi sýnum við aðferð hvernig hægt er að sauma ermakúpu við handveg þannig að það passi við teikningu með máli. Hvernig ermasaumur og hliðarsaumur er saumaður niður innan við 1 kantlykkju í garðaprjóni, er hægt að sjá í myndbandinu: Hvernig á að sauma hliðar saman með ósýnilegu spori. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:06
Hvernig á að sauma saman tvo kanta að framan og festa við kant í hálsmáli

Í þessu DROPS myndbandi sýnum við hvernig við saumum 2 kanta að framan og saumum niður við kant í hálsmáli aftan í hnakka. Saumið kanta að framan saman með smáu spori kant í kant svo saumurinn verði ekki þykkur. Saumið síðan kanta að framan niður á bakstykki með smáu spori í kant að framan og lykkjuspor í bakstykkið. Við notum garnið DROPS Daisy og DROPS Kid-Silk í myndbandinu. Þessi aðferð er notuð í mörgum af mynstrunum okkar - Þú finnur mynstur þar sem þessi aðferð er notuð með því að smella á myndirnar að neðan.
2:17
Hvernig á að sauma tvöfaldan kant í hálsmáli niður að innanverðu á flík

Í þessu DROPS myndbandi sýnum við hvernig við saumum stroff / kant í hálsmáli að innanverðu á flík. Prjónið stroffprjón / kant í hálsmáli eins og stendur í mynstri og þegar á að gera frágang þá er stroffið brotið efst í hálsmáli niður að innanverðu á flík. Saumið stroffið niður þannig að það myndist tvöfaldur kantur í hálsmáli. Til að koma í veg fyrir að kanturinn í hálsi verði of stífur og beygist út, er mikilvægt að saumurinn sé teygjanlegur. Við notum garnið DROPS Snow í myndbandinu.
6:42
Hvernig er frágangur á prjónuðum tátiljum undir il og að aftan

Í þessu DROPS myndbandi sýnum við frágang á prjónuðum tátiljum. Við sýnum hvernig við saumum affellingarkant kant í kant (saumum yst í lykkjuna svo saumurinn verði ekki of þykkur) undir il og fyrir miðju aftan á tátiljunni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:23
Hvernig er frágangur á þæfðri tátilju

Í þessu DROPS myndbandi sýnum við frágang á þæfðri tátilju. Við sýnum hvernig á að bretta uppá tátiljuna og sauma fyrst við miðju að aftan yst í lykkjubogann. Saumið alveg eins framan á tá og yfir rist. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:50
Hvernig er frágangur á tátiljum með ferningum eftir mynsturteikningu

Í þessu DROPS myndbandi sýnum við frágang á tátiljum með ferningum eftir mynsturteikningu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:39
Hvernig er frágangur á tátiljum

Í þessu DROPS myndbandi sýnum við hvernig tátiljan lítur út þegar hún hefur verið prjónuð til loka, hvernig sauma á hana saman og hvernig lykkjur eru teknar upp/prjónaðar á 2 prjóna slétt fyrir op fyrir fót. Hæll = Hæll mitt undir = Mitt undir Vinstri hlið = Vinstri hlið Hægri hlið = Hægri hlið Tá = Tá Toppur á fæti = Mitt ofan á fæti. Tátiljan á myndinni í myndbandinu er prjónuð úr DROPS Big Delight, en í myndbandinu notum við grófara garn; DROPS Snow. Við erum með annan lykkjufjölda en þann sem gefinn er upp í uppskrift, en formið er nokkurn veginn það sama. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:29
Hvernig á að sauma saman tátilju

Í þessu DROPS myndbandi sýnum við hvernig við saumum saman prjónaða tátilju sem er prjónuð fram og til baka í eitt stykki. Þessi frágangur er m.a. í tátiljunni Sorbet Slippers í DROPS 203-23. Brjótið stykkið saman við tá, þannig að efri hliðin liggi yfir neðri hlið. Passið uppá að hliðin á uppfitjunarkanti og hlið á affellingarkanti liggi kant í kant (uppfitjunarkantur og affellingarkantur myndi gatið þar sem fóturinn fer í tátiljuna). Saumið í ysta lið í ystu lykkju (við höfum valið að sauma frá röngu), byrjið í hlið á uppfitjunarkanti/affellingarkanti og saumið fram að tá. Endurtakið í hinni hliðinni. Þessar tátiljur eru prjónaðar úr DROPS Alaska, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:02
Hvernig er frágangurinn á tátilju með saum að framan, fyrir miðju og að aftan

Í þessu DROPS myndbandi sýnum við frágang á tátiljum, þar sem saumurinn er að framan, fyrir miðju og að aftan, eins og á tátiljunni “Line Walking” í DROPS 203-24. Við höfum nú þegar prjónað tátiljuna og sýnum nú hvaða saumur á að sauma saman fyrst, eftir það sýnum við hvernig á að prjóna upp lykkjur og síðan sýnum við þegar við saumum síðasta sauminn. Þessar tátiljur eru prjónaðar úr DROPS Snow, sama garni og við notum í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:40
Hvernig á að sauma saman hjálmhúfu

Í þessu DROPS myndbandi sýnum við hvernig við saumum saman barnahúfu (hjálmhúfu). Aftari hluti á húfu = affellingarkantur, þ.e.a.s. 2 heil horn og 2 hálf horn. Miðju hluti af 3 heilu hornunum í gagnstæðri hlið á stykki (= uppfitjunarkantur), gengur fram niður á enni. Saumið saman húfuna með 1 spori í hverja lykkju meðfram affellingarkantinum þannig: Saumið fyrra hálfa hornið saman með fyrri helming af fyrra heila horninu. Síðan er annar helmingurinn af fyrra heila horninu saumað saman með fyrri helming af seinna heila horninu. Síðan er seinni helmingurinn af seinna heila horninu saumað saman með seinna hálfa horninu. Að lokum er húfan saumuð saman við miðju að aftan. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:11
Hvernig á að gera frágang á prjónaðri húfu í DROPS 134-54

Í þessu DROPS myndbandi sýnum við frágang á húfu Edith Piaf í DROPS 134-54. Við sýnum hvernig húfan er brotin saman, hvernig hún er saumuð saman og hvar bandið á að vera. Þessi húfa er prjónuð úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:17
Hvernig á að gera frágang í húfu í DROPS 192-12

Í þessu DROPS myndbandi sýnum við hvernig gerum frágang í húfunni «Garbo» í DROPS 192-12. Við höfum nú þegar prjónað bæði lausu stykkin og sýnum hvernig við saumum stykkin saman mitt að aftan, hvernig stykkin «fléttast» saman og hvernig við prjónum eftir mynsturteikningu A.3. Þessi húfa er prjónuð úr DROPS Air, sama garni og við notum í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:47
Hvernig á að gera frágang á eyrnabandi þannig að það myndist kaðall að framan

Í þessu DROPS myndbandi sýnum við hvernig við gerum frágang í eyrnabandi, þannig að það myndist kaðall fyrir miðju að framan, eins og gert er í DROPS 214-68. Eyrnabandið er prjónað eins og hólkur með op í hvorum enda. Við frágang, leggið hólkinn saman flatan – passið uppá að hólkurinn sé ekki snúinn. Nú á að loka opum í endum með saum í hvorri hlið, saumið í ystu lykkjubogana svo að saumurinn verði ekki þykkur. Stykkið er núna flatur ferningur, brjótið ferninginn saman á lengdina þannig að hann liggi tvöfaldur Nú eiga löngu hliðarnar að eyrnabandinu að leggjast inn í hvora aðra í lögum án þess að snúa stykkinu. Endarnir á eyrnabandinu liggja nú til skiptis innan í og utan á hvorum öðrum og endarnir liggja kant í kant. Nú á að sauma í gegnum öll lögin með varpspori með 1 lykkju í hverja lykkju – það er mikilvægt að sauma í gegnum öll lögin þannig að saumurinn sjáist ekki þegar stykkinu er snúið. Snúið stykkinu þannig að saumurinn sé að innanverðu á eyrnabandinu. Þetta eyrnaband er prjónað úr DROPS Alpaca og DROPS Kid-Silk, sama garni og við notum í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:57
Hvernig á að sauma niður uppábrots kant á húfu

Í þessu DROPS myndbandi sýnum við hvernig hægt er að sauma niður uppábrots kant og hvernig uppábrots kanturinn er brotinn, eins og í DROPS 234-41. Fylgið mynstri og setjið prjónamerki þannig að það sjáist frá réttu, brjótið uppá kantinn þannig að uppábrots kanturinn mæti prjónamerkinu sem var sett í stykkið (uppábrotið mælist ca 9 cm). Saumið niður uppábrots kantinn með lausum löngum sporum, en passið uppá að saumurinn verði ekki of stífur. Brjótið síðan uppá tvöfalda kantinn að réttu. Garnið sem er notað í þessa húfu og sem er sýnt í myndbandinu er DROPS Flora og DROPS Kid-Silk. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
4:57
Hvernig á að sauma saman eyrnaband með lykkjuspori

Í þessu DROPS myndbandi sýnum við hvernig við saumum eyrnaband saman sem er prjónað eins og hólkur með köðlum. Notið lykkjuspor og saumið lykkjurnar saman frá affellingarkanti við lykkjur frá uppfitjunarkanti – passið uppá að lykkjurnar í kaðli í öðrum endanum mæti lykkjum frá kaðli í hinum endanum. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:10
Hvernig á að gera frágang á rétthyrndu poncho

Í þessu DROPS myndbandi sýnum við hvernig við saumum saman stykki í poncho með rétthyrndu formi. Þú prjónar/heklar tvö rétthyrnd stykki sem eru saumuð saman í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:25
Hvernig er frágangur á hálsskjóli / axlarskjóli

Í þessu DROPS myndbandi sýnum við hvernig saumum saman hálsskjól / axlarskjól til að búa til form á stykkið. Það er auðvelt að gera hálsskjól/poncho úr beinu stykki. Við höfum mörg vinsæl mynstur sem þessi aðferð er notuð. Saumið innan við kantlykkjurnar þannig: Meðfram langhlið: Farið með nálina undir þræðina, það gefur yfirleitt sléttari áferð * undir 2 þræði í 1. skipti, 2. Þræði í 2. skiptið og 1 þráð í 3. skiptið og endurtakið síðan frá *. Skammhlið: Farið með nálina í kringum hverja lykkju meðfram skammhlið. Passið að fara undir lykkjurnar sem líta út eins og þessi ^ en ekki eins og þessi v, með þessu þá koma saumuðu lykkjurnar að halda áfram í mynstri á prjónaða stykkinu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.