DROPS Super Sale - 30 % AFSLÁTTUR á 6 tegundum af bómullargarni í allan júlí!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 593
4:47
Hvernig á að prjóna klukkuprjón í hring með 2 litum

Í þessu DROPS myndbandi sýnum við hvernig við prjónum klukkuprjón í hring með 2 litum. Við höfum nú þegar fitjað upp, prjónað 1. umferð með grænum lit þar sem við prjónum þannig: * sláið 1 sinni uppá prjóninn, lyftið 1 lykkju af prjóni eins og prjóna eigi brugðið, 2 lykkjur slétt saman *, prjónið frá *-* út umferðina. Þær tvær umferðir sem við sýnum í myndbandinu eru umferð 2-3. UMFERÐ 2 með litnum Malva: Prjónið * uppsláttinn og lausu lykkjuna brugðið saman, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, prjónið frá *-*. UMFERÐ 3 með grænum lit: Prjónið * sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið uppsláttinn og lausu lykkjuna sléttar saman *, prjónið frá *-* (athugið vel að síðasti uppslátturinn lítur ekki út eins og uppsláttur á prjóni, en þráðurinn með lit 2 er á framhlið á stykki, leggið nú þráðinn yfir þannig að hann myndi uppslátt). Endurtakið UMFERÐ 2-3. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:03
Hvernig á að prjóna tveggja lita klukkuprjón með b-lit í kantlykkjum og litaskiptum

Í þessu DROPS myndband sýnum við hvernig við prjónum tveggja lita klukkuprjón í röndum þar sem prjónað er með b-lit í kanti/kantlykkjur og hvernig hægt er að tvinna þræðina saman við litaskipti til að koma í veg fyrir göt. Kanturinn/kantlykkjur eru prjónaðar í GARÐAPRJÓNI = sléttar lykkjur í hverri umferð. UMFERÐ 1 (frá réttu): Prjónið 5 kantlykkjur í garðaprjóni með b-lit. Skiptið um lit, en tvinnið þræðina saman til að koma í veg fyrir göt og prjónið klukkuprjón að kantlykkjum í hinni hliðinni. Steypið kantlykkjunum yfir á hægri prjón, færið því næst lykkjurnar til baka á hringprjóninn, þannig að næsta umferð sé einnig prjónuð frá réttu. UMFERÐ 2 (rétta): Steypið kantlykkjum yfir á hægri prjón, prjónið klukkuprjón með b-lit og prjónið 5 kantlykkjur í garðaprjóni, snúið. UMFERÐ 3 (frá röngu): Prjónið 5 kantlykkjur í garðaprjóni með b-lit, skiptið yfir í aðallit, munið eftir að tvinna þræðina saman til að koma í veg fyrir göt og prjónið klukkuprjón að kantlykkjum í hinni hliðinni, steypið kantlykkjunum yfir á hægri prjón. Færið því næst lykkjurnar til baka á hringprjóninn, þannig að næsta umferð sé einnig prjónuð frá röngu. UMFERÐ 4 (frá röngu): Steypið kantlykkjum yfir á hægri prjón, prjónið klukkuprjón með b-lit og prjónið 5 kantlykkjur í garðaprjóni, snúið. Endurtakið umferð 1-4. Við notum garnið DROPS Air í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:01
Hvernig á að prjóna falskt klukkuprjón - 1

Í þessu DROPS myndbandi sýnum við eina aðferð hvernig hægt er að prjóna falskt klukkuprjón (prjónað fram og til baka + 1 kantlykkja í garðaprjóni í hvorri hlið). Við höfum nú þegar prjónað nokkrar umferðir og byrjum myndbandið hér: UMFERÐ 1: 1 kantlykkja í garðaprjóni, * 1 lykkja slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið (með þráðinn aftan við stykkið) *, endurtakið frá *-* þar til 2 lykkjur eru eftir, endið á 1 lykkju slétt, 1 kantlykkja í garðaprjóni. UMFERÐ 2: 1 kantlykkja í garðaprjóni, * 1 lykkja slétt, prjónið uppsláttinn og lyftu lykkjuna slétt saman *, endurtakið frá *-* þar til 2 lykkjur eru eftir, endið á 1 lykkju slétt, 1 kantlykkja í garðaprjóni. Endurtakið umferð 1 og 2. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:46
Hvernig á að prjóna falskt klukkuprjón á hringprjón

Í þessu DROPS myndbandi sýnum við hvernig á að prjóna falskt klukkuprjón í hring á hringprjóna. Við höfum nú þegar prjónað nokkrar umferðir svo að mynstrið sjáist betur. Við byrjum með umferð 1: UMFERÐ 1: * 1 lykkja garðaprjón, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, endurtakið frá *-* þar til 1 lykkja er eftir, endið með 1 lykkju garðaprjón. UMFERÐ 2: * 1 lykkja garðaprjón, prjónið uppsláttinn og lausu lykkjuna frá fyrri umferð slétt saman *, endurtakið frá *-* þar til 1 lykkja er eftir, endið með 1 lykkju garðaprjón. Endurtakið umferð 1 og 2. GARÐAPRJÓN (prjónað í hring): *1 umferð slétt og 1 umferð brugðið*, endurtakið frá *-*. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:20
Hvernig á að prjóna falskt klukkuprjón og brugðnar lykkjur í hring á hringprjón

Í þessu DROPS myndbandi sýnum við hvernig við prjónum falskt klukkuprjón og brugðnar lykkjur í hring á hringprjón. Við höfum nú þegar prjónað nokkrar umferðir með fölsku klukkuprjóni. Umferð 1: * 1 lykkja brugðið, sláið 1 sinni uppá prjóninn, lyftið yfir næstu lykkju yfir á hægri prjón eins og prjóna eigi brugðið *, endurtakið frá *-* út umferðina. Umferð 2: * 1 lykkja brugðið, prjónið uppsláttinn og lyftu lykkjuna slétt saman *, endurtakið frá *-* út umferðina. Endurtakið umferð 1 og 2. Í þessu myndbandi notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:16
Hvernig á að prjóna falskt klukkuprjón og brugðnar lykkjur fram og til baka

Í þessu DROPS myndbandi sýnum við hvernig við prjónum falskt klukkuprjón og brugðnar lykkjur fram og til baka. Við höfum nú þegar prjónað nokkrar umferðir í klukkuprjóni. Umferð 1: * 1 lykkja brugðið, sláið 1 sinni uppá prjóninn, lyftið yfir næstu lykkju á hægri prjón eins og prjóna eigi brugðið *, endurtakið frá *-* þar til 2 lykkjur eru eftir. Prjónið 1 lykkju brugðið og 1 lykkju slétt. Umferð 2: 1 lykkja slétt, * 1 lykkja brugðið, prjónið uppsláttinn og lyftu lykkjuna brugðið saman *, endurtakið frá *-* þar til 2 lykkjur eru eftir. Prjónið 2 lykkjur slétt. Endurtakið umferð 1 og 2. Í þessu myndbandi notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:35
Hvernig á að prjóna hálft klukkuprjón

Í þessu DROPS myndbandi sýnum við hvernig við prjónum hálft klukkuprjón, sem þýðir að það er ekki eins þykkt og klukkuprjón. Kantlykkja í hvorri hlið er prjónuð slétt í hverri umferð. UMFERÐ 1 (ranga): Prjónið allar lykkjur slétt. UMFERÐ 2 (rétta): * Prjónið 1 lykkju brugðið, prjónið 1 lykkju slétt í lykkju undir næstu lykkju *, endurtakið frá *-* út umferðina (ef oddatala er í fjölda lykkja er endað með 1 lykkju brugðið). Endurtakið umferð 1 og 2. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:05
Hvernig á að prjóna falskt klukkuprjón með 2 lykkjum á milli

Í þessu DROPS myndbandi sýnum við hvernig þú prjónar falskt klukkuprjón með 2 lykkjum á milli í DROPS Extra 0-970. Við höfum nú þegar prjónað nokkrar umferðir og byrjum með að sýna umferð 2 (fyrsta lykkjan er prjónuð slétt í hverri umferð). UMFERÐ 2: * 1 lykkja brugðið, 2 lykkjur slétt *, endurtakið frá *-* alls 6 sinnum, 1 l brugðið. UMFERÐ 3: * 1 tvöföld lykkja (= prjónið 1 lykkju slétt í lykkjuna undir næstu lykkju slétt á prjóni – þ.e.a.s. að lykkjurnar frá tveimur fyrri umferðum eru prjónaðar sem ein), 2 lykkjur brugðið *, endurtakið frá *-* alls 6 sinnum, 1 tvöföld lykkja. (= alls 7 tvöfaldar lykkjur). Endurtakið umferð 2 og 3. Þessi hálsklútur er prjónaður úr DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:52
Hvernig á að prjóna klukkuprjóns afbrigði með 3 lykkjum garðaprjón á milli

Í þessu DROPS myndbandi sýnum við hvernig við prjónum klukkuprjónsafbrigði með 3 lykkjum á milli. Þetta klukkuprjónsafbrigði lítur út eins og klukkuprjón en er ekki eins þykkt og það þarf ekki eins mikið garn. Lykkjufjöldi (án kantlykkju) á að vera deilanlegur með 4 + 3. UMFERÐ 1: Prjónið 1 kantlykkju, * 3 lykkjur slétt, lyftið 1 lykkju af prjóni eins og prjóna eigi brugðið með þráðinn framan við stykkið *, endurtakið frá *-*, endið á 3 lykkjur slétt, 1 kantlykkja í garðaprjóni. UMFERÐ 2: Prjónið 1 kantlykkju í garðaprjóni, 1 lykkja slétt, * lyftið 1 lykkju af prjóni eins og prjóna eigi brugðið með þráðinn framan við stykkið, 3 lykkjur slétt *, endurtakið frá *-*, endið á að lyfta 1 lykkju af prjóni eins og prjóna eigi brugðið með þráðinn framan við stykkið, 1 lykkja slétt og 1 kantlykkja í garðaprjóni. Endurtakið umferð 1 og 2.
3:38
Hvernig á að prjóna tvöfalda lykkju

Í þessu DROPS myndbandi sýnum við hvernig hægt er að prjóna tvær lykkjur saman sem liggja yfir hvora aðra og mynda mynstur. Frá réttu: * Prjónið 4 lykkjur slétt, 1 lykkja slétt í lykkju undir sléttu lykkjunni á prjóninum (þ.e.a.s. að lykkjurnar frá tveimur fyrri umferðum eru prjónaðar sem ein) *, endurtakið frá *-* tvisvar sinnum til viðbótar og endið á 4 lykkjur slétt. Frá röngu: Prjónið allar lykkjur slétt, en tvöföldu lykkjurnar eru prjónaðar brugðið. Endurtakið þessar tvær umferðir að óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:48
Hvernig á að prjóna 1 lykkju slétt frá fyrri umferð

Í þessu DROPS myndbandi sýnum við hvernig við prjónum 1 lykkju slétt frá fyrri umferð. Þessi prjóna aðferð hægt að nota við kanta, við fallega áferð og einnig lóðréttar rendur þar sem 2 litir eru notaðir, en í þessu myndbandi notum við bara 1 lit. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:27
Hvernig á að prjóna kaðla í tvílitu klukkuprjóni

Í þessu DROPS myndbandi sýnum við hvernig við prjónum kaðla í tvílitu klukkuprjóni með uppslætti í tusku í DROPS 189-14. Við sýnum umferð þar sem kaðlarnir eru prjónaðir, næsta umferð er 5. umferð og við prjónum með færri lykkjum á undan og á eftir köðlum, munið að lesa uppskriftina fyrir réttan lykkjufjölda. Þessi tuska er prjónuð úr DROPS Cotton Light, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
28:32
Hvernig á að prjóna tveggja lita blóm í klukkuprjóni

Í þessu DROPS myndbandi prjónum við tveggja lita blóm í klukkuprjóni eftir mynsturteikningu A.1B á sokk í DROPS 198-15. Þessir sokkar eru prjónaðir úr DROPS Nord, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:59
Hvernig á að prjóna hreinsipúða í klukkuprjóni

Í þessu DROPS myndbandi sýnum við hvernig við prjónum hreinsipúðann «Ribbed Scrubbies» í DROPS Extra 0-1495. Þessi hreinsipúði er prjónaður úr DROPS Cotton Light, en í myndbandinu notum við grófara garn; DROPS Snow. Fylgja þarf uppskrift til að geta fylgt myndbandinu eftir Þú finnur mynstrið með því að smella á myndina að neðan.
8:08
Hvernig á að prjóna stroff með útauknum lykkjum og í klukkuprjóni

Í þessu DROPS myndbandi sýnum við hvernig við prjónum stroffkant þar sem endað er með útauknar lykkjur í klukkuprjóni. Við höfum nú þegar prjónað 3 cm stroff með 1 lykkju snúna slétt, 2 lykkjur brugðið og byrjum myndbandið á að sýna hvernig við prjónum í lykkju fyrir neðan þessa snúnu sléttu lykkju (þ.e.a.s. í lykkju frá fyrri umferð), í þessa lykkju er prjónað 1 lykkja slétt, 1 uppsláttur, 1 lykkja slétt (2 lykkjur fleiri), eftir það eru prjónaðar 2 lykkjur brugðið saman (1 lykkja færri). Þetta er endurtekið umferðina hringinn. Eftir það er prjónað klukkuprjón að réttu máli, síðan er fellt laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:10
Hvernig á að prjóna perluprjón fram og til baka

Í þessu DROPS myndbandi sýnum við hvernig við prjónum perluprjón fram og til baka. UMFERÐ 1 (rétta): Prjónið 1 lykkju slétt, 1 lykkja brugðið. UMFERÐ 2 (ranga): Prjónið sléttar lykkjur yfir brugðnar lykkjur og brugðnar lykkjur yfir sléttar lykkjur. Endurtakið umferð 2. Brugðin lykkja lítur út eins og kúla, slétt lykkja lítur út eins og V. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:37
Hvernig á að prjóna perluprjón í hring

Í þessu DROPS myndbandi sýnum við hvernig við prjónum perluprjón í hring á sokkaprjóna/hringprjón. Þegar perluprjón er prjónað á sokkaprjóna/hringprjón þá er gott að fitja upp lykkjufjölda með oddatölu. Þá kemur eðlileg skipting á milli sléttra og brugðinna lykkja alla leið hringinn og ekki sést hvar skiptingin verður á milli umferða. Prjónað er til skiptis 1 lykkja slétt og 1 lykkja brugðið út umferðina allan hringinn. Þegar haldið er áfram í næstu umferð kemur sjálfkrafa slétt lykkja yfir brugðna lykkju og brugðin lykkja yfir slétta lykkju. Þannig fær maður perluprjón. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:05
Hvernig á að prjóna tvöfalt perluprjón

Í þessu DROPS myndbandi sýnum við hvernig er hægt að prjóna tvöfalt perluprjón. Þegar tvöfalt perluprjón er prjónað ertu með 2 lykkjur slétt við hlið á hvor annarri og 2 lykkjur slétt yfir hvora aðra. Sem sagt 2 lykkjur brugðið við hlið á hvor annarri og 2 lykkjur brugðið fyrir ofan hvora aðra. Prjónið þannig: UMFERÐ 1: Prjónið 2 lykkjur brugðið, 2 lykkjur slétt o.s. frv út umferðina. UMFERÐ 2: Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur. UMFERÐ 3: Prjónið brugðnar lykkjur yfir sléttar lykkjur og sléttar lykkjur yfir brugðnar lykkjur. Endurtakið umferð 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:33
Hvernig á að prjóna perluprjón tvöfalt á hæðina

Það eru margar aðferðir með perluprjóni og tvöföldu perluprjóni. Í þessu DROPS myndbandi sýnum við aðferð með perluprjóni þar sem önnur hver lykkja er prjónuð 1 lykkja slétt og 1 lykkja brugðið á breiddina og með 2 lykkjur slétt og 2 lykkjur brugðið yfir hverja aðra á hæðina. Við prjónum 1 kantlykkju í hvorri hlið í garðaprjóni (prjónuð slétt í öllum umferðum). Til þess að mynstrið sjáist vel, höfum við nú þegar prjónað ca 5 cm áður en við höldum áfram með þessari aðferð: PERLUPRJÓN: TVÖFALT Á HÆÐINA: (munið eftir að prjóna kantlykkju í garðaprjóni í hvorri hlið). UMFERÐ 1: * Prjónið 1 lykkja slétt, 1 lykkja brugðið *, endurtakið frá *-* UMFERÐ 2: Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur. UMFERÐ 3: * Prjónið 1 lykkju brugðið, 1 lykkju slétt *, endurtakið frá *-*. UMFERÐ 4: Prjónið brugðnar lykkjur yfir brugðnar lykkjur og sléttar lykkjur yfir sléttar lykkjur. Haldið áfram með þessar 4 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:13
Hvernig á að prjóna tvöfalt perluprjón í hring á hringprjóna

Í þessu DROPS myndbandi sýnum við hvernig við prjónum tvöfalt perluprjón prjónað í hring á hringprjóna. Þegar prjónað er tvöfalt perluprjón í hring á hringprjóna verður að fitja upp fjölda lykkja sem er deilanlegur með 4. Með þessari aðferð færðu fallega skiptingu á milli sléttu og brugðnu lykkjanna allan hringinn og ekki sést hvar umferðin byrjar. Prjónað er til skiptis 2 lykkjur slétt og 2 lykkjur brugðið allan hringinn. UMFERÐ 1: Prjónið 2 lykkjur slétt, 2 lykkjur brugðið allan hringinn. UMFERÐ 2: Prjónið 2 lykkjur slétt, 2 lykkjur brugðið allan hringinn. UMFERÐ 3: Prjónið 2 lykkjur brugðið, 2 lykkjur slétt allan hringinn. UMFERÐ 4: Prjónið 2 lykkjur brugðið, 2 lykkjur slétt allan hringinn. Endurtakið umferð 1-4. Í skiptingunum á milli umferða getur þú sett merki sem sýnir hvar ný umf byrjar. Á myndbandinu sýnum við seinni hluta á umferð 2, skiptingu yfir í umferð 3 ásamt fyrri hluta á umferð 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:40
Hvernig á að prjóna stroffkant með 1 lykkju slétt, 1 lykkju brugðið í hring á hringprjóna

Í þessu DROPS myndbandi sýnum við hvernig við prjónum stroffkant með 1 lykkju slétt, 1 lykkju brugðið á hringprjóna. Stroffið gefur teygjanlega einingu sem oftast er notað í kanta í hálsmáli og á ermum á flík. Fitjið upp lykkjufjölda sem er deilanlegur með 2, eftir það er prjónað í hring «lykkjurnar tengjast saman» og byrjið að prjóna 1 lykkju slétt (fyrsta lykkjan sem fitjuð var upp), 1 lykkja brugðið, 1 lykkja slétt, 1 lykkja brugðið o.s.frv. út umferðina (það er líka hægt að byrja að prjóna með 1 lykkju brugðið, 1 lykkju slétt o.s.frv.). Þegar 2. umferðin byrjar þá eru sléttar lykkjur prjónaðar yfir sléttar lykkjur og brugðnar lykkjur prjónaðar yfir brugðnar lykkjur. Hér er mikilvægt að allar sléttu lykkjurnar komi yfir hverja aðra og að allar brugðnu lykkjurnar komi yfir hverja aðrar. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
3:56
Hvernig á að prjóna stroff með 1 lykkja snúið slétt og brugðið - fram og til baka

Í þessu DROPS myndbandi sýnum við stroff sem er prjónað fram og til baka með 1 lykkju snúið slétt og 2 lykkjur brugðið. Með því að prjóna sléttu lykkjurnar snúið slétt þá koma þessar sléttu lykkjur til með að «standa / poppa» aðeins út og það myndast sérstök áferð á stroffinu, það verður einnig fastara og stöðugra. Í lokin á myndbandinu þá sýnum við dæmi með 2 stroffum sem eru prjónuð 1 lykkja snúið slétt / 1 lykkja brugðið og 2 lykkjur snúið slétt / 2 lykkjur brugðið. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
1:21
Hvernig á að prjóna stroff með 1 lykkja snúið slétt - 1 lykkja brugðið

Í þessu DROPS myndbandi sýnum við stroff sem er prjónað með 1 lykkju snúið slétt og 1 lykkju brugðið. Með því að prjóna eina lykkju snúið slétt þá koma þessar lykkjur til með að «standa / poppa» aðeins út og það myndast sérstök áferð á stroffinu, það verður einnig fastara og stöðugra. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
2:33
Hvernig á að prjóna stroff með 2 lykkjur slétt - 2 lykkjur brugðið og 2 lykkjur snúið slétt - 2 lykk

Í þessu DROPS myndbandi sýnum við hvernig við prjónuð stroff. Stroffið er teygjanleg eining sem oftast er notað í köntum í hálsmáli og á ermum á flík. Oftast er stroff prjónað með 1 lykkju slétt / 1 lykkju brugðið eða 2 lykkjur slétt / 2 lykkjur brugðið. Mikilvægt er að allar sléttar lykkjur komi yfir hverja aðra og að allar brugðnar lykkjur komi yfir hverja aðra. Fyrst sýnum við stroff sem er prjónað með 2 lykkjur slétt og 2 lykkjur brugðið, síðan kemur stroff sem er prjónað með 2 lykkjur snúnar slétt og 2 lykkjur brugðið. Þegar prjónað er snúið slétt, er prjónað í aftari lykkjubogann á sléttu lykkjunni. Við sýnum báðar aðferðirnar á sama stykki svo auðveldara sé að sjá muninn. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.