DROPS Super Sale - 30% AFSLÁTTUR á 5 tegundum af mjúku merino garni!

Hælar

Flokkar
Myndbönd: 15
4:54
Hvernig á að prjóna sokk með fleyghæl – stutt yfirlit

Í þessu DROPS myndbandi sýnum við stuttlega hvernig á að prjóna sokk með fleyghæl, sem er kannski algengasta hæltegundin. Lykkjurnar efst á fæti eru settar á þráð, lykkjur aftan á fæti eru eftir á prjónum og eru prjónaðar í hæl þannig: 1. Prjónið fyrst hæð hælsins með því að prjóna fram og til baka yfir hællykkjurnar. 2. Neðri hlið hælsins er prjónuð í þá breidd og lengd sem óskað er eftir með styttri prjónum og lykkjum sem fækka. 3. Prjónið síðan aftur hringinn yfir allan sokkinn með því að prjóna upp lykkjur báðum megin við hælhæðina. 4. Fækkið síðan niður í þrengri fótbreidd með því að fækka lykkjum hvoru megin við fótinn og það myndar lítinn fleyg - þess vegna er þessi tegund af hæl kölluð fleyghæll.
2:44
Hvernig á að prjóan sokk með ferköntuðum hæl / Square heel

Í þessu DROPS myndbandi sýnum við stuttlega hvernig á að prjóna sokk með ferningahæli. Lykkjurnar efst á fæti eru settar á þráð, lykkjurnar aftan á fæti eru eftir á prjónum og eru prjónaðar í hæl sem fer alveg niður undir fótinn þannig: 1. Prjónaðu fyrst fram og til baka yfir hællykkjur upp að hælhæð, - á þessum hæl fer hæðin alveg niður að miðju undir hæl. 2. Prjónaðu síðan hælinn saman í miðju undir fæti. 3. Prjónið nú aftur hringinn á öllum sokknum með því að prjóna upp lykkjur báðum megin við hælhæðina og prjónið að tá. 4. Þessi hæl myndar örlítið ferkantaðan hæl - þess vegna er þessi tegund af hæl kölluð Ferkantaður hæll / Square heel.
9:20
Hvernig á að prjóna fleyghæl á sokk (einföld aðferð)

Í þessu DROPS myndbandi sýnum við hvernig við prjónum á einfaldan fleyghæl á sokk. Prjónið hællykkjur fram og til baka í sléttprjóni 5-6 cm. Byrjið á úrtöku í næstu umferð frá réttu. Prjónið út umferð þar til fjöldi lykkja samkvæmt mynstri er eftir, prjónið 2 lykkjur slétt saman í aftari lykkjubogann (snúið slétt). Snúið stykkinu. Prjónið umferð frá röngu þar til fjöldi lykkja samkvæmt mynstri er eftir, prjónið 2 lykkjur brugðið saman. Snúið, haldið áfram fram og til baka með 1 lykkju færri í hverri umferð þar sem 2 lykkjur eru prjónaðar saman. Eftir hælúrtöku er tekinn upp fjöldi lykkja samkvæmt mynstri hvoru megin við hæl. Síðan er haldið áfram hringinn í sléttprjóni yfir allar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
14:57
Hvernig á að prjóna hæl á ská með því að setja lykkjur á þráð

Í þessu DROPS myndbandi sýnum við hvernig við formum hæl á ská á prjónuðum sokk. Prjónið sléttprjón yfir hællykkjur jafnframt er sett 1 lykkja í lok hverrar umferðar á þráð eða nælu. Haldið áfram þar til 3 lykkjur eru á þráðum hvoru megin við hæl = 4 lykkjur eftir á prjóni. Prjónið áfram – jafnframt í lok hverrar umferðar er prjónuð 1 lykkja af þræði til baka á prjóninn. ATH: Til þess að koma í veg fyrir göt eru líka prjónaðar upp 2 lykkjur á milli lykkja á prjóni og þræði, í næstu umferð eru þessar 3 nýju lykkjur prjónaðar saman. Haldið svona áfram þar til allar lykkjur eru aftur á prjóninum. Prjónið síðan áfram hringinn yfir allar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:54
Hvernig á að prjóna styrkingu á hæl

Í þessu DROPS myndbandi sýnum við hvernig við prjónum hæl á sokk með styrkingu. RANGA: Lyftið fyrstu lykkjunni af prjóni eins og prjóna eigi brugðið, prjónið allar lykkjur brugðið út umferðina. RÉTTA: * Lyftið fyrstu lykkjunni af prjóni eins og prjóna eigi slétt, 1 lykkja slétt *, endurtakið frá *-* yfir allar hællykkjurnar. Lykkjum sem lyft er yfir koma til með að standa aðeins út, séð frá réttu. Þegar hæl-stykkið hefur verið prjónað, haldið áfram að snúa hælnum samtímis sem haldið er áfram að lyfta annarri hverri lykkju í umferð frá réttu. Passið uppá að lyfta sömu lykkju og áður. Þegar hælnum er snúið eru teknar upp lykkjur hvoru megin við hælinn, byrjið að prjóna hringinn og hættið að taka hællykkjur óprjónaðar. Nú er hællinn þykkari en sokkurinn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:18
Hvernig á að gera fleyghæl á sokk (hefðbundin aðferð)

Í þessu DROPS myndbandi sýnum við hvernig við prjónum hefðbundinn fleyghæl á sokk. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
21:49
Hvernig á að fella af fyrir hæl með stuttum umferðum í DROPS 131-25

Í þessu DROPS myndbandi sýnum við hvernig við fellum af fyrir hæl með stuttum umferðum sem prjónaðar eru fram og til baka í sokknumm í DROPS 131-25. Við höfum nú þegar prjónað stroff þar til það mælist 12 cm. Prjóni áfram frá réttu þannig: * Prjónið 6 lykkju slétt, snúið við og prjónið 3 lykkju slétt til baka, aukið út með því að prjóna 2 lykkjur slétt í síðustu lykkju í umferð, snúið við *, endurtakið frá *-* alls 4 sinnum. * Prjónið 8 lykkjur slétt, snúið við og prjónið 6 lykkjur slétt til baka, fellið af með því að prjóna saman 3 síðust lykkjur slétt saman, snúið við *, endurtakið frá *-* alls 4 sinnum. Prjónið 1 umferð yfir allar lykkjur – setjið prjónamerki í þessa umferð – héðan er nú mælt. Næsta umferð er prjónuð frá röngu: * Prjónið 6 lykkjur brugðið, snúið við og prjónið 5 lykkjur brugðið til baka, aukið út með því að prjóna 2 lykkjur brugðið í síðustu lykkju í umferð, snúið við *, endurtakið frá *-* alls 2 sinnum. * Prjónið 8 lykkjur brugðið, snúið við og prjónið 6 lykkjur brugðið til baka, fellið af með því að prjóna síðustu 2 lykkjur brugðið saman, snúið við *, endurtakið alls 4 sinnum = 18-18-19 lykkjur. Þessir sokkar eru prjónaðir úr DROPS Polaris, en í myndbandinu prjónum við með; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:30
Hvernig á að prjóna hælúrtöku með því að prjóna inn þráð

Í þessu DROPS myndbandi sýnum við hvernig við fellum af fyrir hæl með því að prjóna inn þráð í stykkið, drögum þráðinn úr og skiptum lykkjunum niður á sokkaprjóna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
18:03
Hvernig á að prjóna vinstri hlið á skásettum hæl í sokk

Í þessu DROPS myndbandi sýnum við hvernig við prjónum vinstri hlið á skásettum hæl í sokk. Þessi aðferð er meðal annars notuð í sokknum Mambo í DROPS 160-21. Við höfum nú þegar prjónað stoff og garðaprjón þar til stykkið mælist 21 cm í stærð 35/37. Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
18:24
Hvernig á að prjóna hægri hlið á skásettum hæl á sokk

Í þessu DROPS myndbandi sýnum við hvernig við prjónum hægri hlið á skásettum hæl í sokk. Þessi aðferð er meðal annars notuð í sokknum Mambo í DROPS 160-21. Við höfum nú þegar prjónað stoff og garðaprjón þar til stykkið mælist 21 cm í stærð 35/37. Þessir sokkar eru prjónaðir úr DROPS Fabel, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
11:16
Hvernig á að prjóna skásettan hæl á sokk

Í þessu DROPS myndbandi sýnum við hvernig hægt er að forma á hæl á ská með stuttum umferðum á prjónuðum sokk. Við sýnum byrjun og lok umferðar 1-4, síðan hoppum við fram þar til við höfum 8 lykkjur fyrir miðju á prjóni og 6 lykkjur í hvorri hlið. Setjið eitt merki. Nú er prjónuð 1 lykkja fleiri í hverri umferð yfir hæl. Til að koma í veg fyrir göt í skiptingum er þræðinum lyft áður en prjóna á lykkjuna sem prjónuð er til viðbótar og þráðurinn settur til baka snúinn á prjóninn. Prjónið þráðinn saman með lykkjunni. Prjónið svona þar til prjónað hefur verið yfir allar lykkjur á hæl. Prjónið síðan áfram hringinn yfir allar lykkjur. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:46
Hvernig á að prjóna hæl með 2 þráðum fyrir styrkingu á hæl - prjónaleiðbeiningar

Í þessu DROPS myndbandi sýnum við hvernig hægt er að styrkja hæl á sokk með því að prjóna með 2 þráðum. Notið þráð bæði innan í og utan með dokkunni (eða 2 dokkur) og prjónið 1 lykkju til skiptis með sitt hvorum þræðinum. Með þessu þá færðu aðeins þykkari hæl án þess að prjóna með tvöföldum þræði. Í myndbandinu höfum við nú þegar prjónað stroffið og sett lykkjurnar fyrir miðju ofan á fæti á nælu, við sýnum 2 umferðir þar sem við prjónum með 2 þráðum. Þessir sokkar eru prjónaðir úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:29
Hvernig á að prjóna gamaldags ferkantaðan hæl á sokk

Í þessu DROPS myndbandi sýnum við hvernig við prjónum gamaldags ferkantaðan hæl á sokkum í DROPS 189-36. Við höfum nú þegar prjónað stroff / legg og sett 20 lykkjur ofa á fæti á þráð (við notum lykkjufjöldann í minnstu stærðinni). Síðan er prjónað sléttprjón fram og til baka yfir hællykkjur, í 1. umferð frá réttu eru lykkjur auknar út til að sokkurinn passi betur þannig: Prjónið 9 lykkjur slétt, aukið út um 1 lykkju, * prjónið 2 lykkjur, aukið út um 1 lykkju *, prjónið frá *-* alls 3 sinnum og prjónið síðan út umferðina = 28 lykkjur á prjóni. Prjónið að uppgefnu máli í cm í uppskriftinni og setjið 1 merki fyrir miðju í umferð. Í næstu umferð frá réttu eru prjónaðar 10 lykkjur slétt, prjónið næstu 8 lykkjur slétt saman 2 og 2, prjónið síðustu 10 lykkjur slétt. Snúið við og prjónið brugðið til baka. Prjónið 1 umferð slétt frá réttu. Nú á að prjóna fram og til baka frá röngu til að prjóna hællykkjurnar saman. Snúið og prjónið fyrstu 12 lykkjur brugðið frá röngu. Passið uppá að þráðurinn sé á bakhlið á stykki og prjónið þannig: VINSTRI PRJÓNN: Prjónið 2 lykkjur snúnar slétt saman, lyftið síðan til baka lykkjum sem prjónaðar voru saman til baka yfir á vinstri prjón og herðið á þræði. Ekki snúa stykkinu. HÆGRI PRJÓNN: Stingið vinstri prjóni inn í næstu 2 lykkjur á hægri prjóni og sækið þráðinn og leggið þráðinn utan um vinstri prjón, dragið síðan þráðinn í gegnum þessar 2 lykkjur og sleppið 2 lykkjum af hægri prjóni. Setjið síðan til baka lykkjurnar sem prjónaðar voru saman til baka á hægri prjón og herðið á þræði. Ekki snúa stykkinu. Endurtakið VINSTRI og HÆGRI PRJÓNN svona þar til eftir eru 2 lykkjur. Nú hafa hællykkjur verið prjónaðar saman. Setjið 2 lykkjur sem eru eftir á hægri prjón og snúið stykkinu að réttu. Þessi sokkar eru prjónaðir úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
22:56
Hvernig á að prjóna vinkilhæl á sokk

Í þessu DROPS myndbandi sýnum við hvernig við prjónum vinkilhæl á sokk. Við höfum nú þegar prjónað byrjun á sokknum og byrjum myndbandið á að klippa þráðinn frá og deila lykkjum á prjóni fyrir hæl og setja lykkjur á þráð (lykkjur fyrir miðju ofan á fæti). Prjónið fleyghæll með útaukningu og úrtöku eins og útskýrt er í uppskriftinni sem prjónað er eftir. Við notum garnið DROPS Snow í myndbandinu. Fylgja þarf uppskrift með vinkilhæl til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
16:23
Hvernig á að prjóna vinkilhæl í DROPS 124-13

Í þessu DROPS myndbandi sýnum við hvernig við prjónum vinkilhæl í tátiljum Cable Cozy í DROPS 124-13. Við höfum nú þegar prjónað stroffið / legg á tátiljunni Þessar tátiljur eru prjónaðar úr DROPS Nepal, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.