DROPS Super Sale - 30% AFSLÁTTUR á 6 garntegundum í allan júní!

Áferðaprjón

Langar þig að læra að prjóna fallega áferð? Við erum með kennslumyndbönd til að leiðbeina þér í því að búa til kúlur, kaðla, perluprjón, stroffprjón, brómberjamynstur, öldumynstur og margar fleiri glæsilegar aðferðir.

Flokkar
Myndbönd: 264
1:37
Hvernig á að prjóna perluprjón í hring

Í þessu DROPS myndbandi sýnum við hvernig við prjónum perluprjón í hring á sokkaprjóna/hringprjón. Þegar perluprjón er prjónað á sokkaprjóna/hringprjón þá er gott að fitja upp lykkjufjölda með oddatölu. Þá kemur eðlileg skipting á milli sléttra og brugðinna lykkja alla leið hringinn og ekki sést hvar skiptingin verður á milli umferða. Prjónað er til skiptis 1 lykkja slétt og 1 lykkja brugðið út umferðina allan hringinn. Þegar haldið er áfram í næstu umferð kemur sjálfkrafa slétt lykkja yfir brugðna lykkju og brugðin lykkja yfir slétta lykkju. Þannig fær maður perluprjón. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:05
Hvernig á að prjóna tvöfalt perluprjón

Í þessu DROPS myndbandi sýnum við hvernig er hægt að prjóna tvöfalt perluprjón. Þegar tvöfalt perluprjón er prjónað ertu með 2 lykkjur slétt við hlið á hvor annarri og 2 lykkjur slétt yfir hvora aðra. Sem sagt 2 lykkjur brugðið við hlið á hvor annarri og 2 lykkjur brugðið fyrir ofan hvora aðra. Prjónið þannig: UMFERÐ 1: Prjónið 2 lykkjur brugðið, 2 lykkjur slétt o.s. frv út umferðina. UMFERÐ 2: Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur. UMFERÐ 3: Prjónið brugðnar lykkjur yfir sléttar lykkjur og sléttar lykkjur yfir brugðnar lykkjur. Endurtakið umferð 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:33
Hvernig á að prjóna perluprjón tvöfalt á hæðina

Það eru margar aðferðir með perluprjóni og tvöföldu perluprjóni. Í þessu DROPS myndbandi sýnum við aðferð með perluprjóni þar sem önnur hver lykkja er prjónuð 1 lykkja slétt og 1 lykkja brugðið á breiddina og með 2 lykkjur slétt og 2 lykkjur brugðið yfir hverja aðra á hæðina. Við prjónum 1 kantlykkju í hvorri hlið í garðaprjóni (prjónuð slétt í öllum umferðum). Til þess að mynstrið sjáist vel, höfum við nú þegar prjónað ca 5 cm áður en við höldum áfram með þessari aðferð: PERLUPRJÓN: TVÖFALT Á HÆÐINA: (munið eftir að prjóna kantlykkju í garðaprjóni í hvorri hlið). UMFERÐ 1: * Prjónið 1 lykkja slétt, 1 lykkja brugðið *, endurtakið frá *-* UMFERÐ 2: Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur. UMFERÐ 3: * Prjónið 1 lykkju brugðið, 1 lykkju slétt *, endurtakið frá *-*. UMFERÐ 4: Prjónið brugðnar lykkjur yfir brugðnar lykkjur og sléttar lykkjur yfir sléttar lykkjur. Haldið áfram með þessar 4 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:13
Hvernig á að prjóna tvöfalt perluprjón í hring á hringprjóna

Í þessu DROPS myndbandi sýnum við hvernig við prjónum tvöfalt perluprjón prjónað í hring á hringprjóna. Þegar prjónað er tvöfalt perluprjón í hring á hringprjóna verður að fitja upp fjölda lykkja sem er deilanlegur með 4. Með þessari aðferð færðu fallega skiptingu á milli sléttu og brugðnu lykkjanna allan hringinn og ekki sést hvar umferðin byrjar. Prjónað er til skiptis 2 lykkjur slétt og 2 lykkjur brugðið allan hringinn. UMFERÐ 1: Prjónið 2 lykkjur slétt, 2 lykkjur brugðið allan hringinn. UMFERÐ 2: Prjónið 2 lykkjur slétt, 2 lykkjur brugðið allan hringinn. UMFERÐ 3: Prjónið 2 lykkjur brugðið, 2 lykkjur slétt allan hringinn. UMFERÐ 4: Prjónið 2 lykkjur brugðið, 2 lykkjur slétt allan hringinn. Endurtakið umferð 1-4. Í skiptingunum á milli umferða getur þú sett merki sem sýnir hvar ný umf byrjar. Á myndbandinu sýnum við seinni hluta á umferð 2, skiptingu yfir í umferð 3 ásamt fyrri hluta á umferð 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:40
Hvernig á að prjóna stroffkant með 1 lykkju slétt, 1 lykkju brugðið í hring á hringprjóna

Í þessu DROPS myndbandi sýnum við hvernig við prjónum stroffkant með 1 lykkju slétt, 1 lykkju brugðið á hringprjóna. Stroffið gefur teygjanlega einingu sem oftast er notað í kanta í hálsmáli og á ermum á flík. Fitjið upp lykkjufjölda sem er deilanlegur með 2, eftir það er prjónað í hring «lykkjurnar tengjast saman» og byrjið að prjóna 1 lykkju slétt (fyrsta lykkjan sem fitjuð var upp), 1 lykkja brugðið, 1 lykkja slétt, 1 lykkja brugðið o.s.frv. út umferðina (það er líka hægt að byrja að prjóna með 1 lykkju brugðið, 1 lykkju slétt o.s.frv.). Þegar 2. umferðin byrjar þá eru sléttar lykkjur prjónaðar yfir sléttar lykkjur og brugðnar lykkjur prjónaðar yfir brugðnar lykkjur. Hér er mikilvægt að allar sléttu lykkjurnar komi yfir hverja aðra og að allar brugðnu lykkjurnar komi yfir hverja aðrar. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
3:56
Hvernig á að prjóna stroff með 1 lykkja snúið slétt og brugðið - fram og til baka

Í þessu DROPS myndbandi sýnum við stroff sem er prjónað fram og til baka með 1 lykkju snúið slétt og 2 lykkjur brugðið. Með því að prjóna sléttu lykkjurnar snúið slétt þá koma þessar sléttu lykkjur til með að «standa / poppa» aðeins út og það myndast sérstök áferð á stroffinu, það verður einnig fastara og stöðugra. Í lokin á myndbandinu þá sýnum við dæmi með 2 stroffum sem eru prjónuð 1 lykkja snúið slétt / 1 lykkja brugðið og 2 lykkjur snúið slétt / 2 lykkjur brugðið. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
1:21
Hvernig á að prjóna stroff með 1 lykkja snúið slétt - 1 lykkja brugðið

Í þessu DROPS myndbandi sýnum við stroff sem er prjónað með 1 lykkju snúið slétt og 1 lykkju brugðið. Með því að prjóna eina lykkju snúið slétt þá koma þessar lykkjur til með að «standa / poppa» aðeins út og það myndast sérstök áferð á stroffinu, það verður einnig fastara og stöðugra. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
2:33
Hvernig á að prjóna stroff með 2 lykkjur slétt - 2 lykkjur brugðið og 2 lykkjur snúið slétt - 2 lykk

Í þessu DROPS myndbandi sýnum við hvernig við prjónuð stroff. Stroffið er teygjanleg eining sem oftast er notað í köntum í hálsmáli og á ermum á flík. Oftast er stroff prjónað með 1 lykkju slétt / 1 lykkju brugðið eða 2 lykkjur slétt / 2 lykkjur brugðið. Mikilvægt er að allar sléttar lykkjur komi yfir hverja aðra og að allar brugðnar lykkjur komi yfir hverja aðra. Fyrst sýnum við stroff sem er prjónað með 2 lykkjur slétt og 2 lykkjur brugðið, síðan kemur stroff sem er prjónað með 2 lykkjur snúnar slétt og 2 lykkjur brugðið. Þegar prjónað er snúið slétt, er prjónað í aftari lykkjubogann á sléttu lykkjunni. Við sýnum báðar aðferðirnar á sama stykki svo auðveldara sé að sjá muninn. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
3:03
Hvernig á að prjóna stroff sem færist til (1)

Í þessu DROPS myndbandi sýnum við hvernig hægt er að prjóna stroff sem færist til, til að forma stykki. Prjónið stroff þannig: Prjónið * 2 lykkjur slétt, 2 lykkjur brugðið *, endurtakið frá *-* umferðina hringinn. Þegar tilfærslan byrjar er prjónuð 1 umferð með þar sem stroffið færist til um 1 lykkju til vinstri þannig: Yfir 2 lykkjur slétt, 2 lykkjur brugðið verða 1 lykkja brugðin, 2 lykkjur slétt, 1 lykkja brugðin. * Prjónið 3 umferðir með sléttar lykkjur yfir sléttar lykkjur og brugðnar lykkjur yfir brugðnar lykkjur, færið stroffið um 1 lykkju til vinstri í næstu umferð (= 4 umferðir) *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:18
Hvernig á að prjóna stroff sem færist til (2)

Í þessu DROPS myndbandi sýnum við hvernig hægt er að prjóna stroff sem færist til. Það eru margar aðferðir við að prjóna stroff sem færist til. Í myndbandinu höfum við prjónað stykki þar sem við sýnum hvernig við fellum af í hvorri hlið 6 sinnum, þannig að stykkið verði formað þannig að það myndist lítill bogi mitt í bakstykki og lykkjufjöldinn verður færri. Þegar við byrjum að prjóna þá fækkum við ekki um fleiri lykkjur og við aukum út í hvorri hlið í sömu umferð sem við fækkum lykkjum. Við aukum út um jafn margar lykkjur og við fækkum um þannig kemur lykkjufjöldinn til með að vera stöðugur. Samkvæmt mynstri þá aukum við út á eftir fyrsta merki, fækkum á undan 2. og 3. merki og aukum út á undan 4. merki og þetta gerum við í hverri umferð frá réttu. Þær lykkjur sem er aukið út um með uppslætti eru prjónaðar snúnar (prjónað er aftan í lykkjubogann) inn í stroffið á milli merkja. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:59
Hvernig á að prjóna einfalt og fallegt áferðamynstur

Í þessu DROPS myndbandi sýnum við hvernig við prjónum einfalt og fallegt áferðamynstur, sem meðal annars er notað í stroffi í vest Rose Blush í DROPS 212-44. Prjónið þannig: Frá réttu: 3 lykkjur garðaprjón, * 2 lykkjur sléttprjón, 2 lykkjur garðaprjón *, endurtakið frá *-* þar til 5 lykkjur eru eftir, prjónið 2 lykkjur sléttprjón og 3 lykkjur garðaprjón. Frá röngu: 3 lykkjur garðaprjón, * 2 lykkjur sléttprjón, 2 lykkjur garðaprjón *, endurtakið frá *-* þar til 5 lykkjur eru eftir, prjónið 2 lykkjur sléttprjón og 3 lykkjur garðaprjón. Endurtakið þetta mynstur að óskaðri lengd. Garðaprjón = prjónið slétt í öllum umferðum. Við notum garnið DROPS Snow í myndbandinu. Fylgja þarf uppskrift með þessari aðferð til að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:00
Hvernig á að prjóna smockmynstur yfir 1 lykkja slétt, 2 lykkjur brugðið, 1 lykkja slétt

Í þessu DROPS myndbandi sýnum við hvernig við búum til smock mynstur með því að vefja þræðinum 2 sinnum utan um 1 lykkju slétt, 2 lykkjur brugðið og 1 lykkju slétt. Í myndbandinu prjónum við 2 kantlykkjur í hvorri hið og við höfum nú þegar prjónað nokkra cm ásamt að endurtaka 1 lykkju slétt, 2 lykkjur brugðið, 1 lykkju slétt. Við byrjum myndbandið í umferð þar sem við vefjum þræðinum utan um lykkjur til að búa til smock mynstur. Setjið þær lykkjur sem vefja á utan um á kaðlaprjón/hjálparprjón aftan við stykkið. Vefjið þræðinum 2 sinnum utan um þessar lykkjur, eftir það eru þessar lykkjur prjónaðar með sléttum lykkjum yfir sléttar lykkjur og brugðar lykkjur yfir brugðnar lykkjur. Til þess að búa til mynstur, færið til 4 lykkjur sem vefja á utan um við hverja endurtekningu. Veldu sjálf/ur hversu margar umferðir eigi að vera á milli áður en vafið er utan um lykkjurnar. Í myndbandinu notum við garnið DROPS Snow.
9:37
Hvernig á að prjóna smock mynstur með því að vefja þræðinum tvöföldum um lykkjurnarnar

Í þessu DROPS myndbandi sýnum við aðferð þar sem við vefjum þræðinum yfir 6 lykkjur til að búa til fallegt mynstur með því að prjóna stroff (2 lykkjur slétt, 2 lykkjur brugðið). í myndbandinu höfum við fitjað upp 22 lykkjur, snúið saman 6 lykkjum saman og snúið aftur saman lykkjunum í 6. hverri umferð. Til þess að búa til mynstur þá færum við til þessar 6 lykkjur sem þræðinum er snúið utan um í hverri endurtekningu. Við byrjum myndbandið með umferð 16 frá röngu (2 lykkjur brugðið, 2 lykkjur slétt, út umferðina og endum á 2 lykkjur brugðið). UMFERÐ 17 (rétta): * Setjið 6 lykkjur á hjálparprjón, vefjið þræðinum tvisvar sinnum utan um þessar 6 lykkjur - herðið að, prjónið 6 lykkjur af hjálparprjóni eins og áður (stroff), 2 lykkjur brugðið *. Endurtakið frá *-* 2 sinnum til viðbótar en endið á 2 síðustu lykkjum slétt af hjálparprjóni. UMFERÐ 23 (rétta): Prjónið 2 lykkjur slétt, 2 lykkjur brugðið, * setjið 6 lykkjur á hjálparprjón, vefjið þræðinum 2 sinnum utan um þessar 6 lykkjur - herðið að, prjónið 6 lykkjur af hjálpaprjóni eins og áður (stroff), 2 lykkja brugðið *. Endurtakið frá *-* og endið á 2 lykkjur slétt. Endurtakið umferð þar sem þræðinum er snúið utan um lykkjurnar í 6. hverri umferð að óskaðri lengd.
8:10
Hvernig á að prjóna smockmynstur

Í þessu DROPS myndbandi sýnum við hvernig við prjónum smockmynstur. Með því að prjóna smockmynstur myndast upphækkað demanta mynstur. Í þessu myndbandi höfum við fitjað upp 22 lykkjur. Mynstrið er deilanlegt með 3 + 1. UMFERÐ 1 (rétta): 1 lykkja slétt, * 2 lykkjur brugðið, 1 lykkja slétt *, endurtakið frá *-* þar til 3 lykkjur eru eftir, 2 lykkjur brugðið, 1 lykkja slétt. UMFERÐ 2 (ranga): 1 lykkja slétt, * 2 lykkjur slétt, 1 lykkja brugðið *, endurtakið frá *-* þar til 3 lykkjur eru eftir, 3 lykkjur slétt. Endurtakið umferð 1-2 til að prjóna stroffprjón. UMFERÐ 1 smockmynstur, prjónið næstu umferð frá réttu þannig: 1 lykkja slétt, * 2 lykkjur brugðið, stingið prjóninum inn eftir 4. lykkju á vinstri prjóni, (eftir 2. lykkju slétt) sækið þráðinn, staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt * endurtakið frá *-* þar til 3 lykkjur eru eftir, 2 lykkjur brugðið, 1 lykkja slétt. Prjónið 5 umferðir stroffprjón eins og áður. UMFERÐ 2 smockmynstur, prjónið næstu umferð frá réttu þannig: * Stingið prjóninum inn eftir 4. lykkju, (eftir 2. lykkju slétt) sækið þráðinn, staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt, 2 lykkjur brugðið *, endurtakið frá *-* þar til 4 lykkjur eru eftir, sækið þráðinn eftir 4. lykkju (síðasta lykkja á prjóni), staðsetjið þráðinn eins og ein lykkja á vinstri prjóni, prjónið þessa og fyrstu lykkju slétt saman, prjónið 2 lykkjur brugðið, 1 lykkja slétt. Prjónið 5 umferðir stroffprjón eins og áður. Endurtakið smockmynstur til skiptis í 6. hverri umferð.
15:06
Hvernig á að prjóna A.1 - byrjun á peysu

Í þessu DROPS myndbandi sýnum við hvernig prjóna á eftir mynsturteikningu A.1 /byrjun á DROPS 179-1, en einnig notað í öðrum mynstrum. Við höfum nú þegar prjónað fyrstu 10 umferðirnar. Sjá mynsturteikningu til útskýringar á mismunandi mynsturtáknum. Þessi peysa er prjónuð úr DROPS Puna, en í myndbandinu notum við grófara garn: DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:50
Hvernig á að sauma smockmynstur

Í þessu DROPS myndbandi sýnum við hvernig við saumum smockmynstur. Þegar lykkjur eru saumaðar saman myndast smockmynstur með demöntum. Í þessu myndbandi höfum við fitjað upp 22 lykkjur. Mynstrið er deilanlegt með 3 + 1. UMFERÐ 1 (rétta): 1 lykkja slétt, * 2 lykkjur brugðið, 1 lykkja slétt *, endurtakið frá *-*, þar til 3 lykkjur eru eftir, 2 lykkjur brugðið, 1 lykkja slétt. UMFERÐ 2 (ranga): 1 lykkja slétt, * 2 lykkjur slétt, 1 lykkja brugðið *, endurtakið frá *-* , þar til 3 l eru eftir, 2 lykkjur slétt, 1 lykkja brugðin. Endurtakið umferð 1-2 til þess að prjóna stroffprjón. Þegar sauma á saman er saumað í kringum 4 og 4 lykkjur eins og við útskýrum í myndbandinu. Passið uppá að draga þráðinn einungis utan um 4 smocklykkjurnar en ekki í bilið á milli hinna lykkjanna.
4:42
Hvernig á að prjóna langar lykkjur

Í þessu DROPS myndbandi sýnum við hvernig við prjónum langar lykkjur. Fitjið upp og prjónið 1 umferð slétt, endurtakið síðan umferð 1-4 að neðan þannig: Umferð 1 (= rétta): * Prjónið 1 lykkju slétt, sláið 2 sinnum uppá prjóninn *, endurtakið frá *-* þar til 1 lykkja er eftir og endið með 1 lykkju slétt. Umferð 2 (= ranga): Prjónið slétt, jafnframt er uppslátturinn frá fyrri umferð látinn falla niður (= langar lykkjur). Umferð 3: Prjónið allar lykkjur slétt. Umferð 4: Prjónið allar lykkjur slétt. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:09
Hvernig á að prjóna langar lykkjur í mismunandi lengdum

Í þessu DROPS myndbandi sýnum við hvernig hægt er að prjóna mynstur með löngum lykkjum í mismunandi lengdum. Í myndbandinu sýnum við fyrst hvernig prjónaðar eru langar lykkjur með 1 uppslætti og síðan á eftir því með 2 uppsláttum til þess að fá mismunandi lengdir á löngu lykkjurnar. Við höfum þegar prjónað eina einingu af hvoru til þess að mismunurinn verði sýnilegri. UMFERÐ 1: Í myndbandinu sýnum við hvernig prjónað er til skiptis 1 lykkja slétt, slegið 1 sinni uppá prjóninn út umferðina. UMFERÐ 2: Prjónið 1 lykkju slétt, sleppið niður uppslættinum af prjóninum, endurtakið út umferðina. UMFERÐ 3: Prjónið til skiptis 1 lykkju slétt, slegið 2 sinnum uppá prjóninn út umferðina. UMFERÐ 4: Prjónið 1 lykkju slétt, sleppið niður báðum uppsláttunum af prjóninum, endurtakið út umferðina. Nú sést augljóslega hversu langar lykkjurnar verða með því að slá fyrst 1 sinni uppá prjóninn og síðan 2 sinnum uppá prjóninn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:51
Hvernig á að prjóna langar lykkjur í garðaprjóni

Í þessu DROPS myndbandi sýnum við hvernig hægt er að prjóna mynstur með löngum lykkjum og garðaprjóni. Prjónaðar eru tvær endurtekningar á breiddina með 1 kantlykkju í garðaprjóni í hvorri hlið og ein endurtekning á hæðina eftir mynsturteikningu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:33
Hvernig á að prjóna einfalda langa lykkju

Í þessu DROPS myndbandi sýnum við hvernig hægt er að gera einfalda langa lykkju. Aðferðin hentar vel fyrir hálsklút með löngum lykkjum, stroff, kraga eða tösku. Lykkjurnar eru prjónaðar fram og til baka þannig: Lykkjurnar eru gerðar í umferð frá röngu en sjást frá réttu. UMFERÐ 1 (rétta): Prjónið allar lykkjur slétt. UMFERÐ 2 (ranga): Prjónið 1 lykkju slétt, * gerið lykkju þannig: Vefjið þræðinum laust í kringum vinstri vísifingur eins og útskýrt er á myndbandinu. Prjóni næstu lykkju slétt með því að draga 2 þræðina á vinstri vísifingri í gegnum lykkjuna – en lykkjur eru áfram á vinstri prjóni. Prjónið 1 lykkju slétt í sömu lykkju aftan í lykkjubogann (= 1 lykkja snúin slétt). Nú eru 2 lykkjur + 1 lykkja snúin slétt á hægri prjóni. Steypið 2 síðustu lykkjum yfir fyrstu lykkju = 1 lykkja *, endurtakið frá *-* og endið á 1 kantlykkju í garðaprjóni. Endurtakið þessar 2 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
14:29
Hvernig á að prjóna kræklingamynstur

Í þessu DROPS myndbandi sýnum við hvernig við prjónum kræklingamynstur. Fitjið upp þann fjölda lykkja sem hægt er að deila með 6 + 3. 1 kantlykkja í hvorri hlið er prjónuð slétt í hverri umferð. UMFERÐ 1 (rétta): Prjónið slétt. UMFERÐ 2 (ranga): * Prjónið 1 lykkju brugðið, (1 lykkja brugðið, sláið 3 sinnum uppá prjóninn), endurtakið frá (-) alls 5 sinnum, endurtakið frá *-* og endið á 1 lykkju brugðið. UMFERÐ 3: Prjónið 1 lykkja slétt, *(sleppið niður uppsláttunum 3 af prjóni, lyftið 1 lykkju af prjóni eins og prjóna eigi slétt), endurtakið frá (-) 5 sinnum, setjið 5 lausu lykkjur yfir á vinstri prjón og prjónið þær síðan þannig: Prjónið 5 lykkjur slétt saman, sláið 3 sinnum uppá prjóninn, 5 lykkjur brugðið saman, sláið 3 sinnum uppá prjóninn, 5 lykkjur slétt saman, sláið 3 sinnum uppá prjóninn, 1 lykkja slétt*, endurtakið frá *-*. UMFERÐ 4: * Prjónið 1 lykkju brugðið (sleppið niður uppsláttunum 3 af prjóni, 1 lykkja slétt) endurtakið frá (-) alls 5 sinnum *, endurtakið frá *-* og endið á 1 lykkju brugðið.
9:12
Hvernig á að prjóna Indverskar krosslykkjur

Í þessu DROPS myndbandi sýnum við hvernig hægt er að prjóna Indverskar krosslykkjur. Í þessu sýnishorni höfum við fitjað upp 32 lykkjur (verður að vera deilanlegt með 8). Við höfum nú þegar prjónað mynstureiningu (1-12 umferð) og umferð 1-4. Í myndbandinu byrjum við á umferð 5 í annað sinn. UMFERÐ1-4: Prjónið garðaprjón. UMFERÐ 5: Prjónið 1 lykkju slétt, * prjónið næstu lykkju slétt án þess að sleppa lykkju niður af prjóni, en sláið 4 sinnum uppá prjóninn áður en lykkjan er prjónuð til loka (allir uppslættir eru látnir falla niður í næstu umferð). Haldið svona áfram út umferðina, en síðasta lykkjan er prjónuð slétt. Snúið við *. UMFERÐ 6: Takið fyrstu lykkju óprjónaða yfir á hægri prjón. Takið næstu lykkju óprjónaða yfir á hægri prjón og takið næstu 3 uppslætti yfir á hægri prjón. Haldið svona áfram þar til 8 lykkjur eru á hægri prjón, dragið lykkjurnar til þannig að þær verði jafn langar. Takið fyrstu 4 lykkjur á hægri prjóni yfir á vinstri prjón, yfir þær 4 síðustu lykkjur, setjið síðan 4 síðustu lykkjur á vinstri prjón (= 8 lausar lykkjur á vinstri prjón sem liggja í kross yfir hverja aðra). Passið uppá að þær liggi í réttri röð. Prjónið þessar 8 lykkjur slétt. Haldið svona áfram með 8 næstu lykkjur og 8 lykkjur á eftir það út umferðina. UMFERÐ 7-10: Prjónið garðaprjón. UMFERÐ 11: Prjónið eins og umferð 5. UMFERÐ 12: Takið fyrstu lykkju óprjónaða yfir á hægri prjón. Takið næstu lykkju óprjónaða yfir á hægri prjón og takið næstu 3 uppslætti yfir á hægri prjón. Haldið áfram 2 sinnum til viðbótar = 4 langar lykkjur á hægri prjóni, dragið lykkjurnar til þannig að þær verði jafn langar. Takið 2 fyrstu lykkjur á hægri prjón yfir á vinstri prjón, yfir 2 síðustu lykkjur, setjið síðan 2 síðustu lykkjur á vinstri prjón (= 4 lausar lykkjur á vinstri prjón sem liggja í kross yfir hverja aðra). Passið uppá að þær liggi í réttri röð. Prjónið þessar 4 lykkjur slétt. Takið næstu 8 uppslætti og setjið á hægri prjón, dragið í lykkjurnar þannig að þær verði jafn langar. Takið fyrstu 4 lykkjur af 8 lykkjum yfir síðustu 4 lykkju yfir á vinstri prjón, takið síðan síðustu 4 l af hægri prjón yfir á vinstri prjón (= 8 langar lykkjur á vinstri prjón sem liggja í kross yfir hverja aðra). Prjónið þessar 8 lykkjur slétt. Haldið svona áfram með 8 næstu lykkjur og 8 lykkjur á eftir þær þar til eftir eru 4 langar lykkjur á hægri prjóni. Dragið í lykkjurnar til þess að þær verði jafn langar. Takið fyrstu 2 lykkjur af þeim 4 yfir síðustu 2 lykkjur, setjið síðustu 2 lykkjur á hægri prjóni yfir á vinstri prjón (= 4 lausar lykkjur á vinstri prjón sem liggja í kross yfir hverja aðra). Prjónið þessar 4 lykkjur slétt. Endurtakið umferð 1-12 að óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:14
Hvernig á að prjóna tveggja lita Royal Quilting mynstur

Í þessu DROPS myndbandi sýnum við hvernig við prjónum tveggja lita ROYAL Quilting mynstur. Fitjið upp fjölda lykkja sem hægt er að deila með 6+3 með lit A.1. Í þessu myndbandi höfum við fitjað upp 18+3 lykkjur með lit A með DROPS Snow. Umferð 1: RANGA, litur A, prjónið 2 lykkjur brugðið, * passið uppá að þráðurinn sé nú á réttunni, lyftið 5 næstu lykkjum af vinstri prjóni eins og prjóna eigi brugðið yfir á hægri prjón, 1 lykkja brugðið * (það kemur til með að myndast lykkja frá réttu yfir 5 lykkjur sem voru steyptar yfir) endurtakið frá *-* þar til 1 lykkja er eftir, prjónið 1 lykkju brugðið. Umferð 2: RÉTTA, litur B, prjónið allar lykkjur slétt. Umferð 3: RANGA, litur B, prjónið allar lykkjur brugðið. Umferð 4: RÉTTA, litur A, prjónið 1 lykkju slétt, lyftið 3 lykkjum af vinstri prjóni eins og prjóna eigi brugðið yfir á hægri prjón, prjónið næstu lykkju slétt saman með lykkju sem var gerð í 3 umferð að neðan. * lyftið yfir 5 lykkjur af vinstri prjón eins og prjóna eigi brugðið yfir á hægri prjón, prjónið saman næstu lykkju með lykkju sem var gerð í 3 umferð að neðan *, endurtakið frá *-* þar til fjórar lykkjur eru eftir. Lyftið yfir 3 lykkjum af vinstri prjóni eins og prjóna eigi brugðið yfir á hægri prjón, 1 lykkja slétt. Umferð 5: RANGA, litur A, leggið þráðinn að réttu, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið, * leggið þráðinn að réttu, lyftið yfir 5 lykkjur af vinstri prjóni eins og prjóna brugðið yfir á hægri prjón, 1 lykkja brugðið *, endurtakið frá *-* þar til lykkjur eru eftir, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið. Umferð 6-7. Endurtakið umferð 2-3. Umferð 8: RÉTTA, með lit A, prjónið 1 lykkju slétt, prjónið næstu lykkju slétt saman með lykkju sem var gerð 3 umferðum að neðan, * lyftið yfir 5 lykkjur af vinstri prjóni eins og prjóna eigi brugðið yfir á hægri prjón, prjónið saman næstu lykkju með lykkju sem var gerð 3 umferðum að neðan *, endurtakið frá *-* þar til 1 lykkja er eftir, prjónið síðustu lykkju slétt. Endurtakið umferð 1-8 að óskaðri lengd. Vínrauða og bleika prjónaprufan er prjónuð úr DROPS Cotton Merino.
10:37
Hvernig á að prjóna spennandi áferðamynstur

Í þessu DROPS myndbandi sýnum við hvernig við prjónum smá hluta af áferðamynstri í peysu í DROPS 194-5. Þessi aðferð er einnig notuð í öðrum mynstrum. Í mynstrinu prjónar maður hringinn, en í þessu myndbandi þá prjónum við einungis frá hægri til vinstri og sýnum einungis 3 umferðir af mynsturteikningu, sjá mynsturteikningu merkta með rauðum lit. Umferð 1: (svartur þríhyrningur sem nær yfir 3 rúður í mynsturteikningu): = þræðið hægri prjón í gegnum miðju af 3 lykkjum slétt 4 umferðum að neðan, sláið 1 sinni uppá prjóninn og dragið þráðinn til baka að réttu, uppslátturinn má ekki vera of stífur, prjónið 3 lykkjur slétt, þræðið hægri prjóni í gegnum sömu lykkju, sláið 1 sinni uppá prjóninn og dragið þráðinn til baka að réttu. Umferð 2 (strik yfir 5 rúður): = lyftið 1. lykkju af prjóni (= uppslátturinn sem var gerður frá fyrri umferð) eins og prjóna eigi slétt, 3 lykkjur slétt, lyftið næstu lykkju af prjóni (= uppslátturinn sem var gerður í fyrri umferð) eins og prjóna eigi brugðið. Umferð 3: 1.-3 og 5. svartur þríhyrningur yfir 2 rúður = prjónið 2 lykkjur snúnar slétt saman. 2.-4. og 6. svarti þríhyrningur yfir 2 rúður = prjónið 2 lykkjur slétt saman. Þessi peysa er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.