DROPS Super Sale - 30% AFSLÁTTUR á 5 frábærum garntegundum!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 593
9:52
Hvernig á að prjóna pepita mynstur samkvæmt mynsturteikningu

Í þessu DROPS myndbandi sýnum við hvernig við prjónum pepita mynstur samkvæmt mynsturteikningu. Þetta pepita mynstur er notað í vestinu «Back to School» í DROPS 218-22. Þetta vesti er prjónað úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
9:54
Hvernig á að prjóna ferning í garðaprjóni

Í þessu DROPS myndbandi sýnum við hvernig við prjónum ferning í garðaprjóni. Í hönnun okkar er oft minnst á prjónaða ferninga. Svona prjónar þú ferning: Fitjið upp 8 lykkjur á sokkaprjóna. Skiptið lykkjum niður á 4 prjóna þannig að það verða 2 lykkjur á hverjum prjóni. Prjónið fyrstu umferð slétt jafnframt er sett eitt merki í 1. lykkju á hverjum prjóni. UMFERÐ 2: Prjónið lykkju með merki slétt og hinar lykkjur brugðið, jafnframt er aukið út um 1 lykkju með því að slá 1 sinni uppá prjóninn hvoru megin við lykkju með merki (= 8 fleiri lykkjur í hverri umferð). UMFERÐ 3: Prjónið allar lykkjur slétt, prjónið uppsláttinn aftan í lykkjubogann í stað framan til þess að koma í veg fyrir göt. Endurtakið umferð 2 og 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:44
Hvernig á að prjóna 1 lykkju fyrir neðan

Í þessu DROPS myndbandi sýnum við hvernig við prjónum 1 lykkju fyrir neðan. "Prjónið 1 lykkju fyrir neðan" er prjónaðferð sem gefur þessu stroffi, fallega áferð, en einnig lóðréttar rendur þegar notaðir eru 2 litir eins og í myndbandinu okkar. Prjónið þannig: Stingið hægri prjóni í gegnum lykkjuna undir 1. lykkju á vinstra prjóni, sækið þráðinn, lyftir lykkjunni af vinstra prjóni. Fitjið upp oddatölu fjölda lykkja á sokkaprjón eða á hringprjón fyrir stærri verkefni. UMFERÐ 1 (rétta) grænn: Prjónið 1 lykkju slétt, * 1 lykkja slétt fyrir neðan *, endurtakið frá *-* og endið umferð á 2 lykkjur slétt, færið til lykkjur í hægri hlið á prjóni. UMFERÐ 2 (rétta) hvítur: Prjónið 1 lykkju brugðið,* 1 lykkja slétt fyrir neðan, 1 lykkja slétt *, endurtakið frá *-* og endið umferð á 1 lykkju slétt fyrir neðan, 1 lykkja brugðið, snúið við. UMFERÐ 3 (ranga) grænn: Prjónið 1 lykkju brugðið, * 1 lykkja brugðið, 1 lykkja brugðið fyrir neðan *, endurtakið frá *-* og endið umferð á 2 lykkjur brugðið, færið til lykkjur í hægri hlið á prjóni. UMFERÐ 4 (ranga) hvítur: Prjónið 1 lykkja slétt, * 1 lykkja brugðið undir, 1 lykkja brugðið *, endurtakið frá *-* og endið umferð á 1 lykkju brugðið fyrir neðan, 1 lykkja slétt, snúið við. Endurtakið umf 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:11
Hvernig á að prjóna tvíbandaprjón

Í þessu DROPS myndbandi sýnum vi hvernig við prjónum tvíbandaprjón, mörg hundrað ára gamla sænska prjónaaðferð. Þú notar tvo þræði (jafnvel þó að prjónað sé með einum lit). Prjónið hverja lykkju til skiptis með hvorum þræði og snúið þá saman á milli hverra lykkja. Útkoman verður þéttari og fastari en venjulegt sléttprjón og þú býrð til hlýrra, þéttara og vindhelt stykki. Þessi aðferð hentar vel í dag fyrir vettlinga, húfur, sokka eins og þetta var gert í kringum 1700 og eitthvað. Þegar tvíbandaprjón er prjónað þá er oftast prjónað í hring og þráðurinn hvílir í hægri hönd sem er munurinn á í dag þar sem þráðurinn er í þeirri vinstri. Í öðrum Fair-isle aðferðum eru þræðirnir prjónaðir saman í stað þett að tvinna þá saman eins og í tvíbandaprjóni. Fair-isle skapar mikið minna stykki en það sem þú færð með því að prjóna tvinnað prjón.
4:00
Hvernig á að prjóna picot kant fram og til baka

Í þessu DROPS myndbandi sýnum við hvernig kantur með picot er prjónaður fram og til baka. Við höfum þegar prjónað umferð 1-4 tvisvar sinnum og byrjum á umferð 1 í þriðja sinn. UMFERÐ 1: Prjónið slétt. UMFERÐ 2: Prjónið slétt. UMFERÐ 3: Prjónið slétt þar til 4 lykkjur eru eftir, þær eru prjónaðar þannig: Prjónið 2 lykkjur slétt saman, sláið 1 sinni uppá prjóninn, í hvora af síðustu 2 lykkjum eru prjónaðar 2 lykkjur = 2 nýjar lykkjur á prjóni. UMFERÐ 4: Lyftið 1 lykkju af prjóni, 1 lykkja slétt, steypið lyftu lykkjunni yfir, 1 lykkja slétt og steypið öftustu lykkjunni á hægri prjóni yfir fremstu lykkjurnar, fækkað hefur um 2 lykkjur – prjónið nú slétt út umferðina. Endurtakið þessar 4 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:51
Hvernig á að prjóna spíralmynstur í hring

Í þessu DROPS myndbandi sýnum við hvernig við prjónum spíralmynstur í hring á sokkaprjóna. Fjöldi lykkja verður að vera deilanlegur með 6+1. Fyrra sýnishornið er með 25 lykkjum. Við höfum nú þegar fitjað upp og prjónað fyrsta hringinn og nú byrjum við á umferð 2. * Prjónið 4 lykkjur slétt, 2 lykkjur brugðnar *, endurtakið út umferð. Með því að prjóna mynstrið í hring þá kemur það til með að færast sjálfkrafa um 1 lykkju til hægri í hverri umferð og mynda þannig spíralmynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:11
Hvernig á að prjóna portúgalskt prjón

Í þessu DROPS myndbandi sýnum við hvernig prjónað er með portúgalskri aðferð. Þessi aðferð er góður valkostur fyrir fólk með verki í liðum og liðagikt vegna þess að það þarf minni hreyfingu þegar prjónað er. Þetta er einnig mikil hjálp fyrir blinda og sjónskerta þar sem prjónarnir haldast stöðugir og létt er að finna lykkjurnar. Haldið alveg eins á stykki og venjulega, nema endinn á þræðinum er lagður í kringum hnakka eða á nælu sem er fest á vinstri öxl, með stykkið í vinstri hönd. Í hægri hönd er haldið á þræði um löngutöng eins og útskýrt er í myndbandi. Við byrjum á UMFERÐ 1 (réttu): sléttar lykkjur. UMFERÐ 2 (ranga): brugðnar lykkjur. Við endurtökum umferð 1 og 2
8:27
Hvernig á að prjóna Torpa-prjón/býkúpuprjón

Í þessu myndbandi sýnum við hvernig við prjónum býkúpu-mynstur sem kallast ”Hålkrus” á sænsku ”Torpa-strikk” á norsku. Þetta mynstur er oft notað í vettlinga og húfur. Við höfum nú þegar prjónað stroff og 2 umferðir með brugðið. Eftir það prjónum við þannig: (UMFERÐ 1-2: Prjónið brugðið með dökkum lit. Nú þegar prjónaður í myndabandi). UMFERÐ 3-6: * Prjónið 4 lykkjur slétt með ljósum lit, lyftið 2 lykkjum af prjóni eins og prjóna eigi brugðið *, endurtakið frá *-* út umferðina. UMFERÐ 7-8: Skiptið yfir í dökkan lit og prjónið brugðið yfir allar lykkjur. UMFERÐ 9-12: Skiptið yfir í ljósan lit, prjónið 1 lykkju slétt, * lyftið 2 lykkjum af prjóni eins og prjóna eigi brugðið, 4 lykkjur slétt *, endurtakið frá *-* út umferðina og endið á 3 lykkjur slétt. Endurtakið umferð 1-12 að óskaðri lengd.
6:04
Hvernig á að prjóna skuggaprjón

Í þessu DROPS myndbandi sýnum við hvernig prjóna á skuggaprjón. Skuggaprjón er einföld prjónaðferð sem gefur skemmtilega áferð. Prjónað er með 2 mismunandi litum, andstæðir litir eru áhrifaríkastir. Prjónaðar eru tvær umferðir með hvorum lit. Frá réttu eru allar lykkjur prjónaðar slétt, frá röngu er skipt á milli slétt og brugðið eftir því hvernig mynstur þú vilt gera. Mynstrið kemur fram með því að þú færð dökkan hluta með garðaprjóni í ljósu einingunni og ljósan hluta með garðaprjóni í dökku einingunni. Í þessu myndbandi prjónum við einfalt mynstur. Við prjónum 10 lykkjur slétt, 10 lykkjur brugðið með ljósa litnum og 10 lykkjur brugðið, 10 lykkjur slétt með dökka litnum. Horfa verður á stykkið frá sérstöku sjónarhorni til að mynstrið verði sýnilegt. Þegar stykkið hreyfist myndast skugga áferð og mynstrið skiptir um útlit eftir því hvernig það hreyfist. Í myndbandinu prjónum við þannig: UMFERÐ 1: Prjónið allar lykkjur slétt með dökka litnum. UMFERÐ 2: Prjónið 10 lykkjur slétt, 10 lykkjur brugðið með dökka litnum. UMFERÐ 3: Prjónið allar lykkjur slétt með ljósa litum. UMFERÐ 4: Prjónið 10 lykkjur brugðið, 10 lykkjur slétt með ljósa litnum. Endurtakið umferð 1-4.
5:20
Hvernig á að prjóna einfalt áferðamynstur fram og til baka

Í þessu DROPS myndbandi sýnum við hvernig við prjónum einfalt áferðamynstur fram og til baka. Við höfum prjónað 1 mynsturteikningu á hæðina og endurtökum mynstrið 4 sinnum á breiddina. Þessi peysa er prjónuð úr DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Til þess að sjá hvernig þetta mynstur er prjónað í hring sjá:Hvernig á að prjóna áferðamynstur í hring
6:21
Hvernig á að prjóna mynstur í tvöföldu prjóni

Í þessu DROPS myndbandi sýnum við hvernig er hægt að prjóna mynstur í tvöföldu prjóni. Í tvöföldu prjóni tilheyrir önnur hver lykkja framstykki og önnur hver lykkja bakstykki. Í þessu myndbandi höfum við eina rauða hlið og eina græna hlið, þ.e.a.s. lykkjurnar eru til skiptis rauðar og grænar svo að það sjáist auðveldlega hverjar eru saman. Í sýnishorninu prjónum við mjög einfalt mynstur, þar sem lykkjurnar eru prjónaðar með gagnstæðum litum. Þegar við komum að fyrstu lykkju merkta í mynstri þá þýðir það að næstu 2 lykkjur eiga að vera prjónaðar í gangstæðum lit. Þess vegna prjónum við fyrstu lykkjuna rauða í stað græna í grænu hliðinni og næsta lykkja er prjónuð græn í stað rauð. Í næstu umferð þá skiptum við um lit á 3 lykkjum í röð, það þýðir að 6 lykkjur eiga að vera prjónaðar í gangstæðum lit. Við notum engin merki í myndbandinu okkar en í flóknari mynstrum þá getur það verið góð hjálp.
1:38
Hvernig á að fá miðlægari úrtökulínu með því að prjóna 2 lykkjur saman

Í þessu DROPS myndbandi sýnum við hvernig á að fækka um 2 lykkjur þannig að það náist miðlægari og áberandi úrtökulína, eins og sést í laskalínunni í peysunni «Clear Winter Sky» í DROPS 236-24. Prjónið þar til 1 lykkja er eftir áður en lykkjan kemur með merki í, lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð. Við notum garnið DROPS Snow í myndbandinu. Þú finnur mynstrið með því að smella á myndina að neðan.
3:20
Hvernig á að gera laskalínu frá réttu og röngu

Í þessu DROPS myndbandi sýnum við hvernig hægt er að gera laskalínu frá réttu og frá röngu á stykki. Hér sýnum við hvernig fækka á lykkjum í laskalínu bæði í umferð frá réttu og í umferð frá röngu. Fækkið lykkjum frá réttu þannig: Byrjið 4 lykkjum á undan merkiþræði: Prjónið 2 lykkjur slétt saman, 4 lykkjur slétt (merkiþráðurinn situr á milli þessa 4 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir. Fækkið lykkjum frá röngu þannig: Byrjið 4 lykkjum á undan merkiþræði: Prjónið 2 lykkjur snúnar brugðið saman, 4 lykkjur brugðið, 2 lykkjur brugðið saman. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:53
Hvernig á að prjóna útaukningu frá röngu

Í þessu DROPS myndbandi sýnum við hvernig við aukum út með uppslætti frá réttu, bæði á undan prjónamerki og á eftir prjónamerki og hvernig uppslátturinn er prjónaður frá röngu. Til að nýju lykkjurnar komi til með að snúa fallega að hverri annarri er uppslátturinn í næstu umferð prjónaður frá röngu þannig: Uppslátturinn á undan prjónamerki er prjónaður brugðið í aftari lykkjubogann (svo ekki myndist gat). Uppslátturinn á eftir prjónamerki er prjónaður þannig: Takið uppsláttinn af vinstra prjóni og setjið til baka yfir á vinstri prjón, nema í gagnstæða átt (stingið vinstra prjóninum aftan í þegar hann er settur til baka á prjóninn). Prjónið uppsláttinn brugðið í fremri lykkjubogann (það eiga ekki að myndast göt). Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
2:53
Hvernig á að auka út með því að prjóna um þráðinn 3 sinnum á milli 2 lykkja

Í þessu DROPS myndbandi sýnum við hvernig við aukum út um 3 lykkjur með því að prjóna þráðinn á milli 2 lykkja, bæði um þráðinn og í umferð sem er prjónuð og um þráðinn umferðir 2 og 3 umferðir fyrir neðan. Við aukum út lykkjur bæði á eftir prjónamerki og á undan prjónamerki. Aukið út á eftir prjónamerki þannig: Prjóni 1 lykkju slétt um þráðinn á milli lykkju með prjónamerki og næstu lykkju (= 1 umferð fyrir neðan), prjónið 1 lykkju slétt um þráðinn á milli lykkju með prjónamerki í og næstu lykkju 2 umferðum fyrir neðan (passið uppá að draga lykkjuna langt að hún verði ekki stíf á hæðina), prjónið 1 lykkju slett um þráðinn á milli lykkju með prjónamerki og næstu lykkju 3 umferðum fyrir neðan (passið uppá að draga lykkjuna langt að hún verði ekki stíf á hæðina). Nú hefur verið prjónuð 1 lykkja um hverja af 3 síðustu umferðum (= 3 lykkjur fleiri). Aukið út á undan prjónamerki þannig: Prjónið fram að lykkju með prjónamerki, prjónið 1 lykkju slétt um þráðinn á undan lykkju með prjónamerki 3 lykkjum fyrir neðan (passið uppá að draga lykkjuna langt að hún verði ekki stíf á hæðina), prjónið 1 lykkju slétt um þráðinn á undan lykkju með prjónamerki 2 umferðum fyrir neðan (passið uppá að draga lykkjuna langt þannig að hún verði ekki stíf á hæðina), prjónið 1 lykkju slétt um þráðinn á undan lykkju með prjónamerki í fyrri umferð. Nú hefur verið prjónuð 1 lykkju í hverja af síðustu 3 umferðum (= 3 lykkjur fleiri). Við notum garnið DROPS Snow í þessu myndbandi. Fylgja þarf mynstri með þessari aðferð til að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:24
Hvernig á að prjóna klukkuprjón með úrtöku fyrir laskalínu

Í þessu DROPS myndbandi sýnum við hvernig við prjónum klukkuprjón með úrtöku fyrir laskalínu. Við sýnum umferð 2 og 3 í klukkuprjóni og hvernig við fækkum lykkjum fyrir laskaúrtöku í hvorri hlið í 8. hverri umferð 3 sinnum. Við spólum hratt á milli 8. hverrar umferðar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
11:19
Hvernig á að prjóna uppslátt mismunandi til að hann leggist til hægri eða vinstri

Í þessu DROPS myndbandi sýnum við hvernig við prjónum uppslátt á mismunandi hátt þannig að annað hvort leggst uppslátturinn til hægri eða til vinstri, eins og er gert í húfunni í DROPS 234-12. Við sýnum 1 umferð þar sem uppslátturinn er prjónaður slétt, eftir það 2 umferðir þar sem við prjónum uppsláttinn brugðið. Uppslátturinn er prjónaður þannig: Á EFTIR PRJÓNAMERKI: Prjónið uppsláttinn í aftari lykkjubogann, lykkjan snýr til vinstri. Það á ekki að myndast gat! Á UNDAN PRJÓNAMERKI: Takið uppsláttinn af prjóni og setjið til baka yfir á prjóninn í gagnstæða átt og prjónið uppsláttinn í fremri lykkjubogann, lykkjan snýr til hægri. Það á ekki að myndast gat! Útauknar lykkjur eru prjónaðar inn í stroffprjón 2 lykkjur slétt / 2 lykkjur brugðið – þ.e.a.s. í 2 fyrstu skiptunum sem aukið er út eru lykkjurnar prjónaðar slétt, í 2 næstu skiptum er prjónað brugðið. Húfan í DROPS 234-12 er prjónuð úr DROPS Karisma, en í myndbandinu notum við grófara garn: DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:42
Hvernig á að prjóna laskalínu fram og til baka

Í þessu DROPS myndbandi sýnum við hvernig við prjónum laskalínu fram og til baka á hringprjóna. Setjið inn ermar á sama prjón og fram- og bakstykki þar sem fellt var af fyrir handveg. Setjið 1 merkiþráð í allar skiptingar á milli framstykkis, bakstykkis og erma. Byrjið úrtöku fyrir laskalínu. Í myndbandinu fækkum við lykkjum hvoru megin við 2 lykkjur í hverri skiptingu í annarri hverri umferð, þ.e.a.s. í hverri umferð frá réttu. Það gera 4 lykkjur í sléttprjóni við hverja skiptingu. Byrjið 3 lykkjum á undan merkiþræði, 2 lykkjur slétt saman, 1 lykkja slétt, merkiþráður, 1 lykkja slétt, lyftið 1 lykkju af prjóni, 1 lykkja slétt, steypið lyftu lykkjunni yfir. (Fyrir 2 sléttprjónaðar lykkjur í hverri skiptingu: Byrjið 2 lykkjum á undan merkiþræði: Prjónið 2 lykkjur slétt saman, merkiþráður, lyftið 1 lykkju af prjóni, 1 lykkja slétt, steypið lyftu lykkjunni yfir). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
13:00
Hvernig á að prjóna peysu ofan frá og niður

Í þessu DROPS myndbandi sýnum við hvernig við prjónum peysu ofan frá og niður á hringprjóna. Við sýnum hvernig við aukum út í laskalínu með því að slá 1 sinni uppá prjóninn 2 lykkjum á undan merki og 2 lykkjum á eftir merki og í næstu umferð er uppslátturinn prjónaður snúinn slétt svo ekki myndist göt. Við höfum nú þegar prjónað hálsmálið (stroff) og byrjum myndbandi á umferð 1 þar sem auka á út. Fylgja þarf uppskrift til þess að geta fylgt myndbandinu eftir, þar sem fleiri upplýsingar eru í mynstri sem þarf að gera /fjöldi lykkja á milli prjónamerkja /mynstur/upphækkun að aftan o.s.frv. Bleika prjónamerkið í myndbandinu sýnir byrjun á umferð. Munið að þetta er einungis almennt myndband. Við sýnum einnig hvernig við setjum ermalykkjur á þráð, hvernig við sláum upp nýjar lykkjur undir ermum og hvernig við prjónum ermina áfram. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
26:23
Hvernig á að gera útaukningu fyrir laskalínu, prjónað ofan frá og niður

Í þessu DROPS myndbandi sýnum við hvernig við prjónum laskalínu ofan frá og niður með prjónamerki og uppslætti. Við sýnum alls 4 umferðir með útaukningu. Í fyrstu 2 skiptin þá tökum við út 2 lykkjur á fram- og bakstykki og 4 lykkjur á hvorri ermi. Í síðustu 2 skiptin þá tökum við út 2 lykkjur á fram- og bakstykki og ermum. Athugið að við spólum fram að fjórðu og síðustu útaukningunni til að spara tíma. Að lokum sýnum við hvernig staðsetja á lykkjur frá ermum á hjálparprjón, fitjar upp nýjar lykkjur undir hvorri ermi og staðsetjum prjónamerki uppá nýtt svo að hægt sé að vinna áfram með bak- og framstykki. Í myndbandinu notum við DROPS Snow. Við höfum færri lykkjur í myndbandinu í mynstri svo það er mikilvægt að fylgja uppskrift til þess að geta fylgt myndbandinu eftir. Þú getur séð mynstur þar sem þessi aðferð er notuð með því að smella á myndina að neðan.
22:04
Hvernig á að prjóna laskalínu í stykki prjónað neðan frá og upp

Í þessu DROPS myndbandi sýnum við hvernig við prjónum laskalínu á peysu prjónuð neðan frá og upp. Það eru margar aðferðir við að fækka lykkjum fyrir laskalínu, en í þessu myndbandi sýnum við einfalda aðferð þar sem lykkjum er fækkað á undan og á eftir prjónamerkjum (prjónamerkin eru í skiptingunni á milli fram-/bakstykkis og erma). Fækkað er um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, 2 lykkjur slétt, prjónamerki situr mitt á milli þessa 2 lykkja, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir. Endurtakið við öll hin prjónamerkin sem eftir eru (= 8 lykkjur færri). Í næstu umferð er prjónað slétt yfir allar lykkjur, síðan er prjónuð umferð þar sem lykkjum er aftur fækkað fyrir laskalínu. Hversu oft það er gert verður þú að lesa í mynstrinu sjálfu. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
6:46
Hvernig á að auka út fyrir laskalínu og hvernig á að prjóna lykkjurnar í næstu umferð

Í þessu DROPS myndbandi sýnum við hvernig við aukum út um 2 lykkjur hvoru megin við laskalínu og hvernig við prjónum útauknar lykkjur í næstu umferð. Prjónið þannig: Prjónið fram að laskalínu, sláið 1 sinni uppá prjóninn, prjónið 1 lykkju slétt (= laskalína), sláið 1 sinni uppá prjóninn. Aukið svona út við hverja laskalínu (= 8 lykkjur fleiri í umferð). Í næstu umferð er uppslátturinn prjónaður þannig: Á UNDAN LASKALÍNU: Lyftið uppslættinum yfir á hægri prjón eins og prjóna eigi slétt, setjið til baka yfir á vinstri prjón, þ.e.a.s. uppslátturinn verður snúinn, prjónið slétt í fremri lykkjubogann (uppslátturinn snýr til hægri). Á EFTIR LASKALÍNU: Prjónið uppsláttinn slétt í aftari lykkjubogann (uppslátturinn snýr til vinstri). Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
23:26
Hvernig á að setja prjónamerki, auka út fyrir laskalínu og prjóna stuttar umferðir

Í þessu DROPS myndbandi sýnum við hvernig við setjum 4 prjónamerki í stykki, hvernig við aukum út fyrir laskalínu við þessi prjónamerki jafnframt því sem prjónaðar eru stuttar umferðir. Við klippum þráðinn frá og byrjum stuttar umferðir við 3. prjónamerkið, en þegar stuttar umferðir hafa verið gerðar til loka klippum við þráðinn frá og byrjum aftur mitt að aftan. Við höfum nú þegar prjónað tvöfaldan kant í hálsmáli og sýnum fyrst í myndbandinu hvernig við prjónum umferð þar sem við setjum 4 prjónamerki og aukum út fyrir laskalínu hvoru megin við þessi prjónamerki. Í næstu umferð er útaukningin prjónuð snúin slétt, svo ekki myndist gat. Þegar stuttar umferðir eru prjónaðar er aukið út fyrir laskalínu í hverri umferð og þegar stuttar umferðir hafa verið prjónaðar til loka, aukið út fyrir laskalínu í annarri hverri umferð. Við notum garnið DROPS Nepal í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
17:18
Hvernig á að auka út fyrir laskalínu jafnframt því sem stuttar umferðir eru prjónaðar

Í þessu DROPS myndbandi sýnum við hvernig aukið er út fyrir laskalínu á meðan prjónaðar eru stuttar umferðir. Setjið 4 prjónamerki í mynstrið sem þú prjónar og klippið þráðinn frá. Byrjið nú í vinstri hlið við hálsmál að framan (séð þegar flíkin er mátuð). Byrjið frá réttu, 2 lykkjur á undan lykkju með 3. prjónamerki og prjónið samkvæmt mynstri (sléttprjón / samkvæmt mynsturteikningu) og aukið út fyrir laskalínu á undan og á eftir 4 prjónamerkjum þar til prjónaðar eru 2 lykkjur fram hjá lykkju með 2. prjónamerki (nú hafa verið auknar út 8 lykkjur fyrir laskalínu). Snúið stykkinu, herðið á þræði og prjónið til baka frá röngu þar til prjónaðar hafa verið 2 lykkjur fram hjá þar sem stutta umferðin byrjaði við 3. prjónamerki. Haldið áfram með stuttar umferðir eins og stendur í mynstri og þegar stutta umferðin hefur verið prjónuð til loka er þráðurinn klipptur frá og þú byrjar að prjóna aftur frá miðju að aftan. Uppslátturinn / útaukningar eru prjónaðar eins og útskýrt er í mynstri sem prjónað er eftir. Mundu að uppslátturinn / útaukningar eru prjónaðar mismunandi á undan og á eftir prjónamerkjum og þegar prjónað er frá réttu / röngu. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.