DROPS Children 49 · Fullt af nýrri hönnun fyrir börn!

Hvernig á að prjóna samkvæmt mynsturteikningu til að fá langar lykkjur

Í þessu DROPS myndbandi sýnum við hvernig við prjónum samkvæmt mynsturteikningu A.1 og A.2 í barnateppinu «Terracotta Dreams» í DROPS Baby 39-6 til að fá langar lykkjur. Við höfum nú þegar prjónað A.1 og A.2 1 sinni á hæðina og við prjónum A.1 2 sinnum á breiddina, A.2 1 sinni á breiddina og 4 lykkjur garðaprjón í hvorri hlið. Þessi aðferð er einnig notuð í öðrum mynstrum. Þetta teppi er prjónað úr DROPS Merino Extra Fine, en í myndbandinu notum við grófara garn; DROPS Snow.
Fylgja þarf uppskrift og mynsturteikningu til þess að geta fylgt myndbandinu eftir.
Þú finnur mynstrið með því að smella á myndina að neðan.

Mynstur þar sem þessi aðferð er notuð

DROPS 235-13

DROPS 235-13
DROPS 235-14

DROPS 235-14
DROPS 237-19

DROPS 237-19
DROPS 227-43

DROPS 227-43
Annað tungumál:

Myndband #1663, skráð í: Lærðu að prjóna, Áferðaprjón, Tapaðar lykkjur & langar lykkjur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Charlotte Lauritzen skrifaði:

Hvordan finder / ved man hvor man skal stikke ned for at lave sine lange masker - det synes jeg ikke jeg kan se i vieoen eller i opskrift

14.04.2025 - 13:39

DROPS Design :

Hei Charlotte. Det vil stå i den oppskriften man strikker etter på hvor mange omganger/pinner man skal "gå" ned / strikke i. I denne videoen stikkes pinnen 2 pinner lenger ned. mvh DROPS Design

22.04.2025 - 09:40

Country flag Jules skrifaði:

Knitting goes VERY rapidly and verbal explanation is unclear. I found a well done video on youtube-- which IS helpful.

23.10.2023 - 19:05

Country flag Jules Fairfax skrifaði:

I do not quite understand what is meant to be done at the solid black squares. "No stitch, move directly to next square in diagram " DO you carry the yarn over two spaces? is the black square just some way to make the no. of stitches in that row " work out"?? h e l p!!!

21.10.2023 - 02:00

DROPS Design :

Dear Jules, when it says no stitch it usually means that the stitch in that position was decreased on a previous row. So, according to the representation, there should be no stitch there, since it has been decreased. You simply ignore the instruction and work the next square. You don't need to leave any spaces or skip over any stitches, since the next square should be worked over the next available stitch. Happy knitting!

22.10.2023 - 22:51

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna 3 lykkjur saman 2 sinnum - stjörnumynstur
2:53
Hvernig á að prjóna 3 lykkjur saman 2 sinnum - stjörnumynstur

Í þessu DROPS myndbandi sýnum við hvernig við prjónum 3 lykkjur slétt saman 2 sinnum þannig að það myndist stjörnumynstur. Við prjónum samkvæmt mynsturteikningu og höfum prjónað 3 sinnum á hæðina, endurtökum þetta 3 sinnum á breiddina og prjónum 2 lykkjur í garðaprjóni í hvorri hlið. Prjónið svona þegar prjóna á 3 lykkjur saman: Prjónið 3 lykkjur slétt saman (rétta) án þess að lyfta lykkjum af prjóni, sláið 1 sinni uppá prjóninn, prjónið 3 lykkjur slétt saman í sömu 3 lykkjurnar og sleppið þeim af prjóni (= 3 lykkjur). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna einfalt fiðrilda mynstur
10:38
Hvernig á að prjóna einfalt fiðrilda mynstur

Í þessu DROPS myndbandi sýnum við hvernig við prjónum einfalt fiðrildamynstur sem endurtekur sig. Eitt fiðrildi er prjónað yfir 7 lykkjur + lykkjur á milli hverra fiðrilda og 2 lykkjur í garðaprjóni í hvorri hlið (garðaprjón = prjónið slétt í hverri umferð). Við höfum fitjað upp 29 lykkjur og prjónað 1 umferð slétt með aðallit (grænn), 2 lykkjur í hvorri hlið eru prjónaðar í garðaprjóni. Við byrjum myndbandið á að prjóna þannig: Frá réttu: Prjónið 2 lykkjur garðaprjón, * leggið auka litinn framan við stykkið/að þér, prjónið 7 lykkjur slétt, leggið auka litinn aftan við stykkið/frá þér, prjónið 2 lykkjur slétt *, endurtakið þetta frá *-* út umferðina. Frá röngu: Prjónið 2 lykkjur garðaprjón , * leggið auka litinn aftan við stykkið/frá þér, prjónið 7 lykkjur brugðið, leggið auka litinn framan við stykkið/að þér, prjónið 2 lykkjur brugðið *, endurtakið frá *-* út umferðina, en 2 síðustu lykkjurnar eru prjónaðar í garðaprjóni, snúið stykkinu. Endurtakið þessar tvær umferðir þar til þú ert með 6 lausa þræði á framhlið. Frá réttu: Prjónið nú bara með aðallit. Prjónið 2 lykkjur garðaprjón, 3 lykkjur slétt * stingið hægri prjón undir alla 6 löngu þræðina (notið e.t.v. þumalinn til aðstoðar), prjónið næstu lykkju, lyftið ekki lykkju af vinstri prjóni, en dragið lykkjuna undir 6 löngu þræðina, setjið lykkjuna á hægri prjón, prjónið þessar tvær lykkjur snúnar slétt saman, 8 lykkjur slétt, endurtakið frá *-* 1 sinni til viðbótar. Stingið hægri prjóni undir alla 6 löngu þræðina, prjónið næstu lykkju, lyftið ekki lykkjunni af vinstri prjóni, setjið lykkjuna á hægri prjón, prjónið þessar tvær lykkjur snúnar slétt saman, 3 lykkjur slétt og 2 lykkjur garðaprjón, snúið stykkinu og prjónið 1 umferð brugðið frá röngu með 2 lykkjur garðaprjón í hvorri hlið. Við notum garnið DROPS Snow í þessu myndbandi.
Video thumbnail for Hvernig á að prjóna spennandi áferðamynstur
10:37
Hvernig á að prjóna spennandi áferðamynstur

Í þessu DROPS myndbandi sýnum við hvernig við prjónum smá hluta af áferðamynstri í peysu í DROPS 194-5. Þessi aðferð er einnig notuð í öðrum mynstrum. Í mynstrinu prjónar maður hringinn, en í þessu myndbandi þá prjónum við einungis frá hægri til vinstri og sýnum einungis 3 umferðir af mynsturteikningu, sjá mynsturteikningu merkta með rauðum lit. Umferð 1: (svartur þríhyrningur sem nær yfir 3 rúður í mynsturteikningu): = þræðið hægri prjón í gegnum miðju af 3 lykkjum slétt 4 umferðum að neðan, sláið 1 sinni uppá prjóninn og dragið þráðinn til baka að réttu, uppslátturinn má ekki vera of stífur, prjónið 3 lykkjur slétt, þræðið hægri prjóni í gegnum sömu lykkju, sláið 1 sinni uppá prjóninn og dragið þráðinn til baka að réttu. Umferð 2 (strik yfir 5 rúður): = lyftið 1. lykkju af prjóni (= uppslátturinn sem var gerður frá fyrri umferð) eins og prjóna eigi slétt, 3 lykkjur slétt, lyftið næstu lykkju af prjóni (= uppslátturinn sem var gerður í fyrri umferð) eins og prjóna eigi brugðið. Umferð 3: 1.-3 og 5. svartur þríhyrningur yfir 2 rúður = prjónið 2 lykkjur snúnar slétt saman. 2.-4. og 6. svarti þríhyrningur yfir 2 rúður = prjónið 2 lykkjur slétt saman. Þessi peysa er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna hnút yfir 4 lykkjur
5:03
Hvernig á að prjóna hnút yfir 4 lykkjur

Í þessu DROPS myndbandi sýnum við hvernig við prjónum hnút yfir 4 lykkjur, sem er meðal annar í jakkapeysu í DROPS 186-16. Við sýnum hnútinn 2 sinnum. Prjónið 4 lykkjur án þess að sleppa þeim af vinstri prjón og prjónum þannig: 4 lykkjur brugðið saman, 4 lykkjur slétt saman, 4 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna hnút yfir 3 lykkjur
4:12
Hvernig á að prjóna hnút yfir 3 lykkjur

Í þessu DROPS myndbandi sýnum við hvernig við prjónum hnút yfir 3 lykkjur, sem er meðal annar í jakkapeysu í DROPS 186-16. Við prjónum 3 lykkjur án þess að sleppa þeim af vinstri prjón og prjónum þannig: 3 lykkjur brugðið saman, 3 lykkjur slétt saman, 3 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna tveggja lita Royal Quilting mynstur
12:14
Hvernig á að prjóna tveggja lita Royal Quilting mynstur

Í þessu DROPS myndbandi sýnum við hvernig við prjónum tveggja lita ROYAL Quilting mynstur. Fitjið upp fjölda lykkja sem hægt er að deila með 6+3 með lit A.1. Í þessu myndbandi höfum við fitjað upp 18+3 lykkjur með lit A með DROPS Snow. Umferð 1: RANGA, litur A, prjónið 2 lykkjur brugðið, * passið uppá að þráðurinn sé nú á réttunni, lyftið 5 næstu lykkjum af vinstri prjóni eins og prjóna eigi brugðið yfir á hægri prjón, 1 lykkja brugðið * (það kemur til með að myndast lykkja frá réttu yfir 5 lykkjur sem voru steyptar yfir) endurtakið frá *-* þar til 1 lykkja er eftir, prjónið 1 lykkju brugðið. Umferð 2: RÉTTA, litur B, prjónið allar lykkjur slétt. Umferð 3: RANGA, litur B, prjónið allar lykkjur brugðið. Umferð 4: RÉTTA, litur A, prjónið 1 lykkju slétt, lyftið 3 lykkjum af vinstri prjóni eins og prjóna eigi brugðið yfir á hægri prjón, prjónið næstu lykkju slétt saman með lykkju sem var gerð í 3 umferð að neðan. * lyftið yfir 5 lykkjur af vinstri prjón eins og prjóna eigi brugðið yfir á hægri prjón, prjónið saman næstu lykkju með lykkju sem var gerð í 3 umferð að neðan *, endurtakið frá *-* þar til fjórar lykkjur eru eftir. Lyftið yfir 3 lykkjum af vinstri prjóni eins og prjóna eigi brugðið yfir á hægri prjón, 1 lykkja slétt. Umferð 5: RANGA, litur A, leggið þráðinn að réttu, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið, * leggið þráðinn að réttu, lyftið yfir 5 lykkjur af vinstri prjóni eins og prjóna brugðið yfir á hægri prjón, 1 lykkja brugðið *, endurtakið frá *-* þar til lykkjur eru eftir, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið. Umferð 6-7. Endurtakið umferð 2-3. Umferð 8: RÉTTA, með lit A, prjónið 1 lykkju slétt, prjónið næstu lykkju slétt saman með lykkju sem var gerð 3 umferðum að neðan, * lyftið yfir 5 lykkjur af vinstri prjóni eins og prjóna eigi brugðið yfir á hægri prjón, prjónið saman næstu lykkju með lykkju sem var gerð 3 umferðum að neðan *, endurtakið frá *-* þar til 1 lykkja er eftir, prjónið síðustu lykkju slétt. Endurtakið umferð 1-8 að óskaðri lengd. Vínrauða og bleika prjónaprufan er prjónuð úr DROPS Cotton Merino.