DROPS Alpaca Party - 13 tegundir af alpakka garni á afslætti í allan október!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 598
5:46
Hvernig á að prjóna hæl með 2 þráðum fyrir styrkingu á hæl - prjónaleiðbeiningar

Í þessu DROPS myndbandi sýnum við hvernig hægt er að styrkja hæl á sokk með því að prjóna með 2 þráðum. Notið þráð bæði innan í og utan með dokkunni (eða 2 dokkur) og prjónið 1 lykkju til skiptis með sitt hvorum þræðinum. Með þessu þá færðu aðeins þykkari hæl án þess að prjóna með tvöföldum þræði. Í myndbandinu höfum við nú þegar prjónað stroffið og sett lykkjurnar fyrir miðju ofan á fæti á nælu, við sýnum 2 umferðir þar sem við prjónum með 2 þráðum. Þessir sokkar eru prjónaðir úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:29
Hvernig á að prjóna gamaldags ferkantaðan hæl á sokk

Í þessu DROPS myndbandi sýnum við hvernig við prjónum gamaldags ferkantaðan hæl á sokkum í DROPS 189-36. Við höfum nú þegar prjónað stroff / legg og sett 20 lykkjur ofa á fæti á þráð (við notum lykkjufjöldann í minnstu stærðinni). Síðan er prjónað sléttprjón fram og til baka yfir hællykkjur, í 1. umferð frá réttu eru lykkjur auknar út til að sokkurinn passi betur þannig: Prjónið 9 lykkjur slétt, aukið út um 1 lykkju, * prjónið 2 lykkjur, aukið út um 1 lykkju *, prjónið frá *-* alls 3 sinnum og prjónið síðan út umferðina = 28 lykkjur á prjóni. Prjónið að uppgefnu máli í cm í uppskriftinni og setjið 1 merki fyrir miðju í umferð. Í næstu umferð frá réttu eru prjónaðar 10 lykkjur slétt, prjónið næstu 8 lykkjur slétt saman 2 og 2, prjónið síðustu 10 lykkjur slétt. Snúið við og prjónið brugðið til baka. Prjónið 1 umferð slétt frá réttu. Nú á að prjóna fram og til baka frá röngu til að prjóna hællykkjurnar saman. Snúið og prjónið fyrstu 12 lykkjur brugðið frá röngu. Passið uppá að þráðurinn sé á bakhlið á stykki og prjónið þannig: VINSTRI PRJÓNN: Prjónið 2 lykkjur snúnar slétt saman, lyftið síðan til baka lykkjum sem prjónaðar voru saman til baka yfir á vinstri prjón og herðið á þræði. Ekki snúa stykkinu. HÆGRI PRJÓNN: Stingið vinstri prjóni inn í næstu 2 lykkjur á hægri prjóni og sækið þráðinn og leggið þráðinn utan um vinstri prjón, dragið síðan þráðinn í gegnum þessar 2 lykkjur og sleppið 2 lykkjum af hægri prjóni. Setjið síðan til baka lykkjurnar sem prjónaðar voru saman til baka á hægri prjón og herðið á þræði. Ekki snúa stykkinu. Endurtakið VINSTRI og HÆGRI PRJÓNN svona þar til eftir eru 2 lykkjur. Nú hafa hællykkjur verið prjónaðar saman. Setjið 2 lykkjur sem eru eftir á hægri prjón og snúið stykkinu að réttu. Þessi sokkar eru prjónaðir úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
22:56
Hvernig á að prjóna vinkilhæl á sokk

Í þessu DROPS myndbandi sýnum við hvernig við prjónum vinkilhæl á sokk. Við höfum nú þegar prjónað byrjun á sokknum og byrjum myndbandið á að klippa þráðinn frá og deila lykkjum á prjóni fyrir hæl og setja lykkjur á þráð (lykkjur fyrir miðju ofan á fæti). Prjónið fleyghæll með útaukningu og úrtöku eins og útskýrt er í uppskriftinni sem prjónað er eftir. Við notum garnið DROPS Snow í myndbandinu. Fylgja þarf uppskrift með vinkilhæl til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
11:22
Hvernig á að prjóna M.1 og stuttar umferðir í DROPS 131-47

Í þessu DROPS myndbandi sýnum við hvernig við prjónum kaðal í M.1 jafnframt því sem við prjónum stuttar umferðir í húfu í DROPS 131-47. Við prjónum minnstu stærðina (S) í myndbandinu og höfum nú þegar prjónað M.1 einu sinni á hæðina. Við byrjum myndbandi með því að prjóna 29 lykkjur áður en við snúum við í fyrstu umferðinni (stutt umferð). Þessi húfa er prjónuð úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:44
Hvernig á að prjóna gatamynstur í DROPS 164-34

Í þessu DROPS myndbandi sýnum við hvernig við prjónum gatamynstur samkvæmt mynsturteikningu A.1 í DROPS 164-34. Í myndbandinu höfum við 2 lykkjur slétt í hvorri hlið. Við höfum nú þegar prjónað 4 umferðir garðaprjón og mynstur einu sinni á hæðina svo að mynstrið sjáist betur. Við prjónum mynstrið fram og til baka, en einnig er hægt að prjóna það í hring á hringprjóna. Þetta sett er prjónað úr DROPS Nepal, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
9:25
Hvernig á að prjóna áferðamynstur í hring

Í þessu DROPS myndbandi sýnum við hvernig við prjónum mynsturteikningu M.1 í húfu DROPS 135-31. Við endurtökum þetta áferðamynstur 10 sinnum í umferð og prjónum eina heila endurtekningu á hæðina. Við höfum nú þegar prjónað stroff og 1 mynsturteikningu á mynstri. Þessi húfa er prjónuð úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:58
Hvernig á að prjóna MYNSTUR í DROPS 182-1

Í þessu DROPS myndbandi sýnum við hvernig prjóna á MYNSTUR í húfu «Very Berry» í DROPS 182-1. Við höfum nú þegar prjónað nokkra cm stroff og byrjum myndbandið með 1. umferð MYNSTUR. 1.-12. UMFERÐ: Slétt frá réttu, brugðið frá röngu. 13. UMFERÐ (frá réttu): Prjónið 1 lykkju slétt, * 2 lykkjur slétt saman, sláið 1 sinni uppá prjóninn *, endurtakið frá *-* þar til 1 lykkja er eftir, prjónið 1 lykkju slétt. 14. UMFERÐ (frá röngu): Prjónið slétt. Endurtakið þessar 14 umferðir upp úr. RS = frá réttu WR= frá röngu. Þessi húfa er prjónuð úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
12:59
Hvernig á að prjóna A.1 í DROPS 182-8

Í þessu DROPS myndbandi sýnum við hvernig við prjónum eftir mynsturteikningu A.1 í húfu Raspberry Truffle í DROPS 182-8. Við erum með færri lykkjur en það sem gefið er upp í mynstri og við höfum nú þegar prjónað byrjun á húfunni. Við byrjum myndbandið með mynsturteikningu A.1 og sýnum 2 mynstureiningar af umferð 1-3. Við sýnum 2 fyrstu og síðustu mynstureininguna af umferð 7, síðan 2 mynstureiningar af umferð 8, 1 mynstureiningu af umferð 9-10 og að lokum hvernig húfan kemur til með að líta út eftir mynstureiningu A.1 á hæðina. Þessi húfa er prjónuð úr DROPS Puna, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:53
Hvernig á að hekla snúinn kant í húfu í DROPS Extra 0-1190

Í þessu DROPS myndbandi sýnum við hversu einfalt er að gera snúinn kant a húfu í DROPS Extra 0-1190. Fitjið upp þann lykkjufjölda sem stendur í uppskrift. Í þessu myndbandi höfum við fitjað upp 46 lykkjur og prjónað garðaprjón þar til stykkið mælist ca 5 cm, þá fellum við af 23 fyrstu lykkjurnar, prjónið út umferð. Næsta umferð er prjónuð þannig – frá réttu: Prjónið 23 lykkjur snúnar í síðasta hluta af stykkinu og prjónið upp 1 lykkju í hverja lykkju frá uppfitjunarkanti á stykki = 46 lykkjur á prjóni. Þessi húfa er prjónuð úr DROPS Brushed Alpaca Silk, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
16:26
Hvernig á að prjóna eyrnaband með kaðli við miðju að framan

Í þessu DROPS myndbandi sýnum við hvernig við prjónum eyrnaband með kaðli við miðju að framan. Við höfum nú þegar fitjað upp X fjölda af lykkjum og prjónað stroff (2 lykkjur slétt, 2 lykkjur brugðið) með 1 kantlykkju í GARÐAPRJÓN (= slétt í hverri umferð) í hvorri hlið. Prjónið samkvæmt ákveðnu máli frá mynstri, deilið stykkinu í tvennt, prjónið annan hluta á stykki að ákveðinni lengd, eftir það er hinn hlutinn prjónaður að sömu lengd. Setjið lykkjurnar af fyrri hlutanum til baka á prjóninn, en skiptið um stað á þessum tveimur hlutum þannig að eyrnabandið verði snúið við miðju á framhlið. Haldið áfram með stroff og 1 kantlykkju í garðaprjóni í hvorri hlið til loka. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Saumið eyrnabandið saman við miðju að aftan með því að sauma saman í hverja lykkju í affellingarkanti við hverja lykkju í uppfitjunarkanti. Passið uppá að saumurinn verði ekki stífur. Klippið og festið enda. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:04
Hvernig á að byrja að prjóna eyrnaband með 2 litum í klukkuprjóni með uppslætti

Í þessu DROPS myndbandi sýnum við hvernig við prjónum klukkuprjón með uppslætti með 2 litum í eyrnabandinu í DROPS 192-44. Við höfum nú þegar fitjað upp 40 lykkjur og prjónum 1. umferð þar sem felldar eru af 27 lykkjur. Eftir það sýnum við hvernig við prjónum klukkuprjón í 5 umferðir. Útskýring á umferðum/1.-5. umferð) má sjá í uppskrift. Þetta eyrnaband er prjónað úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
18:40
Hvernig á að prjóna eyrnaband DROPS Extra 0-1320

Í þessu DROPS myndbandi sýnum við hvernig við prjónum Alanna eyrnabandið eftir mynstri A.1 og A.2 Í DROPS Extra 0-1320. Við prjónum mynstrið með 2 kantlykkjum í garðaprjóni í hvorri hlið og við prjónum einu sinni á hæðina. Við spólum hratt yfir einfaldari einingar og í lokin sýnum við hvernig mynstrið lítur út eftir að hafa prjónað A.2 tvisvar á hæðina. Eyrnabandið er prjónað úr DROPS Air en í myndbandinu notum við grófara garni, DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
16:48
Hvernig á að prjóna handstúkur í DROPS 190-33

Í þessu DROPS myndbandi sýnum við hvernig við prjónum eftir mynsturteikningu A.1 (stærð S/M í handstúkunum «Geline» í DROPS 190-33. Við höfum nú þegar prjónað 7 umferð og byrjum myndbandið á umferð með svartri stjörnu. Sjá mynsturtákn í mynstri hvernig á að prjóna. Áfram sýnum við hvernig á að prjóna öldumynstur. Að lokum sýnum við hvernig við prjónum affellingu án frágangs. Þessar handstúkur eru prjónaðar úr DROPS Baby Alpaca Silk, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
7:33
Hvernig á að prjóna A.1 og A.2 í DROPS Extra 0-1185

Í þessu DROPS myndbandi sýnum við hvernig við prjónum mynsturteikningu A.1 og mynsturteikningu A.2 í DROPS Extra 0-1185. Í myndbandinu höfum við nú þegar prjónað umferð 1-8 og byrjað á umferð 9. Þetta sett er prjónað úr DROPS BabyAlpaca, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
15:46
Hvernig á að prjóna byrjun á (öldumynstri ) sikk-sakk sjali eftir mynsturteikningu

Í þessu DROPS myndbandi sýnum við hvernig við prjónum 11 fyrstu umferðirnar í vinsæla sikk-sakk sjalinu okkar samkvæmt mynsturteikningu. Fitjið upp 17 lykkjur og prjónið 1 umferð brugðið frá röngu, haldið síðan áfram eins og útskýrt er í myndbandi, endurtakið mynstrið 8 sinnum yfir lykkjur á prjóninum og endið umferð með 1 lykkju í sléttprjóni. Í hverri umferð frá röngu eru allar lykkjur og uppslátturinn prjónað brugðið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:49
Hvernig á að prjóna sjal frá miðju og út

Í þessu DROPS myndbandi sýnum við hvernig er hægt að fá fallega byrjun á sjali sem er prjónað frá miðju og út. Þessi aðferð er oft notuð í mynstrunum okkar. Í uppskrift segir t.d. prjónið 6 umferðir slétt yfir 3 lykkjur og í lok 6. umferðar er ekki snúið við, heldur er stykkinu snúið 90 gráður réttsælis, prjónið upp 3 lykkjur meðfram kanti (þ.e.a.s. prjónið 1 lykkju síðast í hverri sléttri umferð), snúið stykkinu einu sinni til viðbótar, 90 gráður réttsælis og prjónið upp 3 lykkjur meðfram uppfitjunarkanti (þ.e.a.s. 1 lykkju í hverja lykkju) = 9 lykkjur á prjóni. Haldið áfram með mynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:33
Hvernig á að prjóna 1.-8. umferð í sjali í DROPS 204-3

Í þessu DROPS myndbandi sýnum við hvernig við prjónum 8 fyrstu umferðir í Burning Leaves sjalinu í DROPS 204-3 sem er prjónað í klukkuprjóni. Við höfum nú þegar fitjað upp 7 lykkjur og prjónið 1 umferð brugðið og byrjum myndbandið með 1. umferð frá röngu. Við sýnum einnig hvernig við fellum af, þar sem við fellum uppsláttinn af eins og eigin lykkja. Þetta er gert til að affellingarkanturinn verði ekki stífur. Útskýringu fyrir hverja umferð sérð þú undir mynstri / smelltu á myndina að neðan. Þetta sjal er prjónað úr DROPS Kid-Silk, en í myndbandinu notum við grófara garn; DROPS Snow.
22:26
Hvernig á að prjóna sjalið í DROPS 203-16

Í þessu DROPS myndbandi sýnum við hvernig á að byrja á sjalinu Sandstone Wrap í DROPS 203-16. Við höfum nú þegar fitjað upp 5 lykkjur og sýnum hvernig á að prjóna 7 fyrstu umferðirnar. Þegar 35 lykkjur eru á prjóni þá er byrjað að prjóna 2-lita klukkuprjón. Þetta sjal er prjónað úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:30
Hvernig á að byrja að prjóna sjal með litlum i-cord

Í þessu DROPS myndbandi sýnum við hvernig við byrjum á að prjóna sjalið Phoenix Wrap í DROPS 212-21. Sjalið byrjar með því að prjónaður er einn lítill i-cord, sem lykkjur eru prjónaðar upp í. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:05
Hvernig á að byrja að prjóna sjal

Í þessu DROPS myndbandi sýnum við hvernig við byrjum á að prjóna sjalið í DROPS 214-42. Þetta sjal er prjónað frá hlið í garðaprjóni. Við erum með minni fjölda lykkja en það sem stendur í uppskrift (14 lykkjur) og við sýnum hvernig fyrsta umferðin er prjónuð. Þetta sjal er prjónað úr DROPS Fabel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
23:37
Hvernig á að byrja að prjóna sjal með tveggja lita klukkuprjóni

Í þessu DROPS myndbandi sýnum við hvernig við byrjum á að prjóna sjal með2 litum í klukkuprjóni, með útaukningu með 2 lykkjum bæði frá réttu og frá röngu og 4 útauknar lykkjur frá réttu. Þessi byrjun með útaukningu er í sjalinu «Sunset Hug» í DROPS 211-20 og í myndbandinu sýnum við hvernig við fitjum upp 7 lykkjur og hvernig umferð 1-15 er prjónuð. Sjalið «Sunset Hug» er prjónað úr DROPS Alpaca og DROPS Delight, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
6:34
Hvernig á að prjóna M.1 í DROPS 133-2

Í þessu DROPS myndbandi sýnum við hvernig er prjónað eftir mynsturteikningu M.1 til að ná fram kúlum og gatamynstri í sjali í DROPS 133-2. Við höfum nú þegar prjónað 10 umferðir af mynsturteikningu til þess að geta betur sýnt hvernig mynstrið lítur út. Við prjónum 1 kantlykkju í hvorri hlið í garðaprjóni (slétt í öllum umferðum). Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:11
Hvernig á að prjóna gatamynstur í DROPS 132-26

Í þessu DROPS myndbandi sýnum við hvernig við prjónum einfalt gatamynstur í setti í DROPS 132-26. Þetta sett er prjónað úr DROPS Snow, við notum sama garn í myndbandinu. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
13:04
Hvernig á að prjóna gataraðir og gatamynstur í DROPS 152-16

Í þessu DROPS myndbandi sýnum við hvernig við prjónum GATARAÐIR og GATAMYNSTUR í sjali í DROPS 152-16. Við sýnum fyrst hvernig við fitjum upp og prjónum þar til við höfum 17 lykkjur á prjóni, eftir 1. hraðspólunina byrjum við á umferð 3 sem sýnir GATARÖÐ eins og útskýrt er í mynstri. Eftir það höldum við áfram að prjóna umferð 4 og 5. Eftir 2. hraðspólunina höfum við prjónað smá lengd þannig að við höfum 2 gataraðir og sýnum nú GATAUMFERÐ. Þetta sjal er prjónað úr DROPS BabyAlpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.