DROPS Super Sale - 30% AFSLÁTTUR á 4 tegundum af ullargarni!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 611
10:30
Hvernig á að sauma saman bak-/framstykki í laskalínu á ermi

Í þessu DROPS myndbandi sýnum við hvernig við saumum saman bak-/framstykki í laskalínu á ermi. Við höfum nú þegar saumað fyrri ermina á fram- og bakstykki og saumað saum undir ermum og hliðarsauma. Áður en við saumum seinni ermina á, sýnum við á prufu hvernig við komum til með að sauma innan við 1 kantlykkju í garðaprjóni (sjá bleikan þráð). Við notum DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:17
Hvernig á að sauma tvöfaldan kant í hálsmáli niður að innanverðu á flík

Í þessu DROPS myndbandi sýnum við hvernig við saumum stroff / kant í hálsmáli að innanverðu á flík. Prjónið stroffprjón / kant í hálsmáli eins og stendur í mynstri og þegar á að gera frágang þá er stroffið brotið efst í hálsmáli niður að innanverðu á flík. Saumið stroffið niður þannig að það myndist tvöfaldur kantur í hálsmáli. Til að koma í veg fyrir að kanturinn í hálsi verði of stífur og beygist út, er mikilvægt að saumurinn sé teygjanlegur. Við notum garnið DROPS Snow í myndbandinu.
2:57
Hvernig á að sauma niður uppábrots kant á húfu

Í þessu DROPS myndbandi sýnum við hvernig hægt er að sauma niður uppábrots kant og hvernig uppábrots kanturinn er brotinn, eins og í DROPS 234-41. Fylgið mynstri og setjið prjónamerki þannig að það sjáist frá réttu, brjótið uppá kantinn þannig að uppábrots kanturinn mæti prjónamerkinu sem var sett í stykkið (uppábrotið mælist ca 9 cm). Saumið niður uppábrots kantinn með lausum löngum sporum, en passið uppá að saumurinn verði ekki of stífur. Brjótið síðan uppá tvöfalda kantinn að réttu. Garnið sem er notað í þessa húfu og sem er sýnt í myndbandinu er DROPS Flora og DROPS Kid-Silk. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
6:52
Hvernig á að sauma vasa á flík

Í þessu DROPS myndbandi sýnum við hvernig vasi er settur á flík. Vasinn er saumaður niður í lykkjurnar innan við 1 kantlykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:25
Hvernig á að sauma blúndukant við stykki með gatamynstri

Í þessu DROPS myndbandi sýnum við hvernig við saumum niður blúndukant á stykki. Saumið frá röngu, festið þráðinn í úrtöku í gatamynstri og saumið eitt spor á milli 2 ystu stuðlana á blúndukanti. Þræðið þráðinn til baka að röngu á stykki, * saumið meðfram neðri kanti á gatamynstri (ekki er saumað í blúndukantinn) að næstu úrtöku í gatamynstri, færið nálina í kringum þessa úrtöku og á milli 6. og 7. stuðuls eftir síðasta skipti þar sem blúndukanturinn var festur við stykkið, þræði þræðinum til baka að röngu á stykki *, endurtakið frá *-*. Það er mikilvægt að saumurinn verði ekki stífur, , þá kemur stykkið til með að missa teygjanlekann. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir og e.t.v. mynsturteikningu. Þú finnur mynstur þar sem þessi aðferð er notuð með því að smella á myndirnar að neðan.
10:23
Hvernig er handarprjón

Í þessu DROPS myndbandi sýnum við hvernig við prjónum með höndum með grófu garni, í lokin á myndbandinu sýnum við hvernig við prjónum með höndum hálsklút/hringtrefil með 3 þráðum úr DROPS Snow (við höfum notað 6 dokkur og hálsklúturinn nær tvo hringi utan um hálsinn). Við byrjum á að gera byrjunarlykkju sem er sett á úlnliðinn. Haldið í þráðarendann með annarri hendinni og byrjið á að fitja upp óskaðan fjölda lykkja. Reynið að jafna út prjónfestuna, svo að lykkjurnar verða hvorki of lausar eða of stífar. Haldið áfram að prjóna að óskaðri lengd. Fellið af með því að prjóna tvær lykkjur saman, steypið fyrri lykkjunni yfir þá seinni. Þegar ein lykkja er eftir, klippið og dragið þráðinn í gegnum síðustu lykkjuna.
3:29
Hvernig á að prjóna inn enda á nýjum lit þegar prjónað er í hring

Í þessu DROPS myndbandi sýnum við hvernig hægt er að prjóna inn enda. Þegar prjónað er með mörgum litum eða þegar skipta á um lit yfir í annan lit er hægt að prjóna endann inn þegar haldið er áfram með nýja litnum. Þegar byrjað er að prjóna með nýja litnum þá snýrðu lausa endanum í kringum litinn sem hætta á með til að koma í veg fyrir gat. Leggið endann sem þú ætlar að prjóna inn fyrir aftan þráðinn sem er á fingrinum og takið upp þráðinn til skiptis yfir og undir þráðarendann til þess að prjóna hann inn. Prjónið inn endann ca 4-6 lykkjur og síðan er hægt að klippa þráðinn frá sem hætt er með. Með þessari aðferð þarf ekki að festa enda í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:27
Hvernig á að prjóna ferninga með aðstoð heklaðra lykkja

Í þessu DROPS myndbandi sýnum við hvernig við getum eftir á með aðstoð heklaðra loftlykkja, búið til rúðumynstur í prjónuðu stykki. Við höfum nú þegar prjónað eina prufu þar sem við höfum prjónað 3 lykkjur slétt, 1 lykkja brugðið, 3 lykkjur slétt, 1 lykkja brugðið og 3 lykkjur slétt + garðaprjón í hliðum, annar litur (grár) í 6. hverri umferð og við höfum nú þegar heklað loftlykkjur á einu svæði með brugðnum lykkjum. Stingið heklunálinni í gegnum stykkið (þar sem maður vill að ein lóðrétt rönd byrji) og sækið þráðinn, hoppið yfir 1 lykkju brugðið og stingið niður heklunálinni aftur í stykkið (ef maður vill er hægt að hekla í hverja brugðna lykkju), sækið þráðinn, dragið þráðinn í gegnum stykkið og lykkjuna á heklunálinni. Endurtakið fram að óskaðri lengd á lóðréttu röndinni. Í myndbandinu notum við garnið DROPS Snow.
22:07
Hvernig á að prjóna hjálmhúfu - prjónuð frá hlið

Í þessu DROPS myndbandi sýnum við hvernig við prjónum hjálmhúfu í DROPS Baby 14-16. Húfan er prjónuð úr DROPS Alpaca, en í myndbandinu prjónum við með grófara garni, DROPS Snow. Við fitjum ekki upp sama lykkjufjölda eins og stendur í uppskrift, en við fylgjum cm máli í minnstu stærðinni (1/3 mán). Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
08:10
Hvernig á að prjóna hnút / gat í hálsklút

Í þessu DROPS myndbandi sýnum við hvernig við prjónum gat/hnút í hálsklút, sem meðal annars má sjá í DROPS Baby 14-16. Við höfum nú þegar prjónað aðeins af hálsklútnum og byrjum myndbandið á þar sem við skiptum stykkinu í tvennt með aðstoð nælu fyrir lykkjur. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
4:45
Hvernig á að prjóna A.3 í DROPS Children 26-6

Í þessu DROPS myndbandi sýnum við hvernig við prjónum eftir mynsturteikningu A.3 í kjól í DROPS Children 26-6. Í myndbandinu prjónum við garðaprjón hvoru megin við mynstur. Við sýnum einungis frá réttu. Þessi kjóll er prjónaður úr DROPS Cotton Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:26
Hvernig á að prjóna laskalínu með stroffi í DROPS Children 26-9

Í þessu DROPS myndbandi sýnum við hvernig við prjónum laskalínu með stroffprjóni í peysunni Funny Phil í DROPS Children 26-9. Þessi peysa er prjónuð úr DROPS Belle, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
4:02
Hvernig á að prjóna slaufu

Í þessu DROPS myndbandi sýnum við hversu einfalt er að gera fallega slaufu sem er í nokkrum af barna uppskriftunum okkar. Fitjið upp þann fjölda lykkja sem stendur í uppskrift og fylgið henni. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:26
Hvernig á að prjóna gervi boðung í DROPS Children 23-11

Í þessu DROPS myndbandi sýnum við hvernig við prjónum gervi hnappaboðung á hálsskjóli í DROPS Children 23-11. Við byrjum myndbandið á að prjóna síðustu lykkjurnar í umferðinni áður en við fitjum upp nýjar lykkjur til þess að prjónað fram og til baka. Fitjið upp X fjölda nýrra lykkja í lok umferðar, prjónið nú fram og til baka (fylgið mynstri). Saumið uppfitjunarkantinn á nýju lykkjunum að innan verðu á kraga. Saumið niður skrauttöluna á boðunginn. Þetta hálsskjól er prjónað úr DROPS Alpaca og DROPS Kid-Silk, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:14
Hvernig á að fella af í peysu DROPS Children 27-12

Í þessu DROPS myndbandi sýnum við hvernig við fellum af í peysu í DROPS Children 27-12. Þessi peysa er prjónuð úr DROPS BabyAlpaca Silk og DROPS Kid-Silk, en í myndbandinu notum við grófara garn, DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:41
Hvernig á að prjóna stilk á húfu

Í þessu DROPS myndbandi sýnum við hvernig við prjónum stilk á húfu. Við prjónum með sokkaprjónum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:54
Hvernig á að prjóna A.1 í DROPS 146-3

Í þessu DROPS myndbandi sýnum við hvernig við prjónum mynsturteikningu A.1 í bolero í DROPS 146-3. Við höfum nú þegar prjónað eina mynstureiningu samkvæmt mynstri og myndbandið sýnir hvernig umferðir í mynstri eru prjónaðar samkvæmt mynsturteikningu. Við höfum 1 kantlykkju í hvorri hlið sem prjónaðar eru slétt í öllum umferðum. Þessi bolero er prjónaður úr DROPS BabyAlpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
3:14
Hvernig á að prjóna M.4B í DROPS 139-5

Í þessu DROPS myndbandi sýnum við hvernig prjóna á eftir mynsturteikningu M.4B í bolero í DROPS 139-5. Í myndbandinu höfum við nú þegar prjónað fyrstu umferð í mynstureiningu til þess að sýna mynstur. UMFERÐ 1: Prjónið frá réttu, byrjið neðst í hægra horni þannig: Prjónið 2 lykkjur brugðið, 2 lykkjur slétt saman, sláið 1 sinni uppá prjóninn, 2 lykkjur slétt, 2 lykkjur brugðið. UMFERÐ 2: Prjónið frá röngu, byrjið á 2 umferð í mynstureiningu í vinstri hlið þannig: Prjónið 2 lykkjur slétt, 2 lykkjur brugðið saman, sláið 1 sinni uppá prjóninn, 2 lykkjur brugðið, 2 lykkjur slétt. Haldið svona áfram til skiptis í hverri umferð samkvæmt mynstureiningu í mynstri. Þessi bolero er prjónaður úr DROPS BabyAlpaca Silk, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:27
Hvernig á að prjóna Moebius hring

Í þessu DROPS myndbandi sýnum við hvernig hægt er að prjóna Moebius hring. Moebius var þýskur stærðfræðingur sem var uppi í byrjun 19 aldar, sem hannaði snúinn galdrahring sem þessi aðferð er byggð á. Notið langan hringprjón – minnst 80 cm langa. Leggið hringprjóninn tvöfaldan og fitjið upp í hring á tvöfalda prjóna. Fjöldi lykkja sem fitjaður er upp og deilt í prjónfestuna gefur þvermálið á hringnum. Dragið út annan prjóninn og færði lykkjur að prjóninum sem ekki er með þræðinum sem prjóna á með. Með prjóninn í öðrum enda eru teknar upp nýjar lykkjur neðan við lykkjur á prjóninum í hverja lykkju hringinn. (Þar sem ekki er tekin upp lykkja í fyrstu lykkju þá verður odda tala á fjölda lykkja). Prjónarnir eru nú utan við prjónasnúruna og snúran er nú snúin við miðju. Tengið saman og byrjið að prjóna hringinn. Í fyrsta skipti þegar komið er að enda, þá hefur þú prjónað allar lykkjur sem fitjaðar voru upp á prjóninn, er komið að því að prjóna fyrstu umferð með lykkjum sem teknar voru upp og í fyrstu umferð þá þarf að prjóna þessar lykkjur aftan í lykkjubogann. Í næstu umferð er prjónað framan í lykkjubogann eins og vanalega. Ef haldið er áfram að prjóna hringinn einungis með sléttum lykkjum þá verður helmingurinn af stykkinu í sléttprjón frá réttu og helmingurinn frá röngu. Þar sem oddatala er á fjölda lykkja þá er hægt að prjóna 1 lykkju slétt, 1 lykkju brugðið og þá verður moebius stykkið þitt í perluprjóni. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:19
Hvernig á að prjóna rendur og stuttar umferðir í garðaprjóni

Í þessu DROPS myndbandi sýnum við hvernig við prjónum rendur í garðaprjóni og samtímis prjónum við stuttar umferðir. Prjónið þannig: UMFERÐ 1 (rétta): Prjónið þar til 2 lykkjur eru eftir, snúið við og prjónið til baka, prjónið þar til 4 lykkjur eru eftir, snúið við og prjónið til baka. Haldið svona áfram (fyrir hvert skipti sem snúið er við eru prjónaðar 2 lykkjur færri en fyrra skiptið) þar til prjónað hefur verið fram og til baka yfir tvær síðustu lykkjur í umferð. Prjónið jafnframt RENDUR. Að lokum eru prjónaðar 2 umferðir slétt yfir allar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:48
Hvernig á að prjóna áferðamynstur

Í þessu DROPS myndbandi sýnum við hvernig við prjónum áferðamynstur eftir mynsturteikningu A.1 í DROPS 197-8. Við sýnum einungis byrjun á umferð 10 og 11. Umferð 10: sláið 1 sinni uppá prjóninn, * stingið inn hægri prjón í miðju á lykkju sem er merkt með hring 4 umferðum áður en þessi umferð var gerð. Takið upp þráðinn og dragið lykkjuna út 3 cm *, prjónið 1 lykkju slétt, endurtakið frá *-* 1 sinni ( = 3 lykkjur). Þetta sýnum við 2 sinnum. Umferð 11: uppslátturinn er prjónaður snúinn svo ekki myndist gat, 3 lykkjur slétt saman, 1 lykkja slétt, 3 lykkjur snúnar slétt saman og 1 lykkja brugðið. Þetta sýnum við einnig 2 sinnum. Munið að lykkjurnar sem dregnar hafa verið út eiga að hafa rétta lengd svo að þetta verði ekki of stíft. Í þessu myndbandi notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:48
Hvernig á að prjóna áferðamynstur með 2 litum

Í þessu DROPS myndbandi sýnum við hvernig við prjónum áferðamynstur með 2 litum þar sem áferðin myndast með því að liggja til skiptis á fram- og bakhlið á stykki, þar sem prjónað er brugðið og þar sem þráðurinn er sóttu upp frá fyrri umferð. Þessi aðferð er notuð m.a. í peysunni í DROPS 210-9 og í peysunni í DROPS 210-10. Fyrst sýnum við hvernig við lyftum lykkjunum frá vinstri prjóni yfir á hægri prjón með þráðinn framan við (að þér), síðan er þræðinum lyft 4 umferðum neðar upp á vinstri prjón og prjónaður slétt saman við næstu lykkju (þá liggur þráðurinn aftan við). Eftir þetta sýnum við hvernig við lyftum lykkjum frá vinstra prjóni yfir á hægri prjón með þráðinn aftan við (frá röngu) og næsta lykkja er prjónuð brugðið. Við notum garnið DROPS Air og DROPS Big Delight í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrin með því að smella á myndina að neðan.
15:03
Hvernig á að prjóna kant í hálsmáli með stuttum umferðum

Í þessu DROPS myndbandi sýnum við hvernig við prjónum eftir mynsturteikningu A.1 og A.2 í kant í hálsmáli í stuttum umferðum í peysunni «Spring Fuzz» í DROPS 213-27. Við prjónum fyrst hægri kant í hálsmáli samkvæmt mynsturteikningu A.1 og stuttar umferðir-1, eftir það vinstri kant í hálsmáli samkvæmt mynsturteikningu A.2 og stuttar umferðir-2. Að lokum sýnum við hvernig kantar í hálsmáli eru prjónaðir saman. Þessi peysa er prjónuð úr DROPS Melody, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
10:43
Hvernig á að auka út og merkja útauknar lykkjur með prjónamerkjum í klukkuprjóni

Í þessu DROPS myndbandi sýnum við hvernig við aukum út og merkjum útauknar lykkjur með mismunandi litum, eins og gert er í peysunni «Cheers to Lift» í DROPS 212-28. AUKIÐ SVONA ÚT LYKKJUR MEÐ FJÓLUBLÁUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, færið fjólubláa prjónamerkið að þessari lykkju (þ.e.a.s. lykkju á hægri prjóni), en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar = 3 lykkjur (= 2 lykkjur fleiri). Prjónamerkið situr í fyrstu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. AUKIÐ SVONA ÚT LYKKJUR MEÐ GRÆNUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar og færið græna prjónamerkið að þessari lykkju = 3 lykkjur (= 2 lykkjur fleiri). Prjónamerkið situr í síðustu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. Í næstu umferð eru prjónaðar 3 lykkjur inn í klukkuprjóns mynstri þannig: Sláið 1 sinni uppá prjóninn, takið 1 lykkju óprjónaða eins og prjóna eigi brugðið, prjónið uppsláttinn brugðið, sláið 1 sinni uppá prjóninn, takið 1 lykkju óprjónaða eins og prjóna eigi brugðið. Síðan er prjónað áfram í klukkuprjóns mynstri. Þessi peysa er prjónuð úr DROPS Brushed Alpaca Silk og DROPS Glitter, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.