DROPS Super Sale - 30% AFSLÁTTUR á 6 garntegundum í allan júní!

Hvernig á að auka út í prjóni

Lærðu hvernig á að bæta við lykkjum til að móta flíkurnar þínar með kennslumyndböndum okkar með aðferðum við útaukningu. Hvort sem þú ert að gera ermar með laskalínu eða hringlaga berustykki, munum við leiðbeina þér í gegnum ýmsar leiðir til að fella útaukninguna óaðfinnanlega inn í prjónverkefnin þín.

Flokkar
Myndbönd: 46
2:27
Hvernig á að prjóna tvöfaldan uppslátt brugðið og snúið brugðið

Í þessu DROPS myndbandi sýnum við hvernig við gerum tvöfaldan uppslátt og hvernig prjóna eigi uppsláttinn í næstu umferð. Sláið 2 sinnum uppá prjóninn á milli 2 lykkja. Í næstu umferð er fyrri uppslátturinn prjónaður brugðið, sá seinni er prjónaður snúinn brugðið. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:10
Hvernig á að auka út í lykkjuboga

Í þessu DROPS myndbandi sýnum við hvernig við aukum út í lykkjuboga. Fyrst sýnum við hvernig við aukum út á undan merkiþræði, síðan á eftir merkiþræði. AUKIÐ ÚT Á UNDAN MERKIÞRÆÐI ÞANNIG: Prjónið fram að merkiþræði, prjónið síðan 1 lykkju slétt í lykkjubogann sem liggur 2 umferðir fyrir neðan ystu lykkju á hægri prjóni. AUKIÐ ÚT Á EFTIR MERKIÞRÆÐI ÞANNIG: Prjónið 1 lykkju slétt í lykkjubogann sem liggur utan um fyrstu lykkju á vinstri prjóni (þ.e.a.s. í lykkju frá fyrri umferð). Við notuð garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
1:29
Hvernig á að prjóna 1 lykkju slétt - 1 lykkju brugðið - 1 lykkju slétt í sömu lykkju

Í þessu DROPS myndbandi sýnum við hvernig við aukum út 2 lykkjur með því að prjóna 3 lykkjur í 1 lykkju. Við prjónum sléttprjón fram og til baka. Frá réttu, prjónið 3 lykkjur í sömu lykkju þannig: Prjónið 1 lykkju slétt, 1 lykkju brugðið, 1 lykkju slétt í sömu lykkju, sleppið lykkjunni sem var prjónuð af prjóni. Frá röngu, prjónið sléttprjón yfir nýju lykkjurnar. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
3:08
Hvernig á að auka út með því að prjóna 2 þræði frá 1 lykkju hvorn fyrir sig

Í þessu DROPS myndbandi sýnum við hvernig við vinnum með 2 þræði saman – síðan aukum við út með því að prjóna 2 þræðina frá 1 lykkju hvorn fyrir sig. Þ.e.a.s. að 1 lykkja með 2 þráðum verða 2 lykkjur með 1 þræði. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:38
Hvernig á að auka út með því að prjóna 2 lykkjur brugðið í 1 lykkju brugðið

Í þessu DROPS myndbandi sýnum við hvernig við aukum út frá röngu með því að prjóna 2 lykkjur brugðið í 1 lykkju brugðið. Þú prjónar fyrst 1 lykkju brugðið í fremri lykkjubogann, síðan 1 lykkju brugðið í aftari lykkjubogann. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
0:59
Hvernig á að prjóna síðustu lykkjuna 2 sinnum

Í þessu DROPS myndbandi sýnum við hvernig við prjónum síðustu lykkju 2 sinnum, þetta er gert til að kanturinn verði ekki of stífur. Prjónið þannig: Prjónið síðustu lykkju slétt, færið lykkjuna til baka yfir á vinstri prjón og prjónið síðustu lykkju slétt einu sinni til viðbótar. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
3:53
Hvernig á að byrja umferð með uppslætti

Í þessu DROPS myndbandi sýnum við byrjum með umferð með uppslætti, sem meðal annars er notað í sjalinu Daydreamer í DROPS 195-17. Við höfum nú þegar fitjað upp 13 lykkjur og prjónað 1 umferð slétt frá röngu, eftir það sýnum við: UMFERÐ 1 (= rétta): Sláið 1 sinni uppá prjóninn, 1 lykkja slétt, sláið 1 sinni uppá prjóninn og prjónið afgang af lykkjunum slétt (= 2 lykkjur fleiri). UMFERÐ 2 (= ranga): Sláið 1 sinni uppá prjóninn, 1 lykkja slétt, sláið 1 sinni uppá prjóninn og prjónið afgang af lykkjunum slétt (= 2 lykkjur fleiri). Prjónið 1-2 UMFERÐ 3 sinnum til viðbótar (alls 4 sinnum) = 29 lykkjur á prjóni. Þetta sjal er prjónað úr DROPS Lace, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
3:03
Hvernig á að prjóna sólfjaðrir með útaukningu á milli lykkja

Í þessu DROPS myndbandi sýnum við hvernig við prjónum sólfjaðrir á milli 2 lykkja jafnframt því sem við aukum út 5 lykkjur. * Stingið prjóninum í bilið með merkiþræði, sláið 1 sinni uppá prjóninn og dragið þráðinn fram að framhlið á stykki, prjónið 1 lykkju slétt *, endurtakið frá *-* alls 5 sinnum (= 5 uppslættir á prjóninum). ATH: Passið uppá að uppslættirnir verið jafn langir (mikilvægt er að uppslættirnir verði ekki of stífir, til að koma í veg fyrir að prjónfestan verði of stíf á hæðina). Í næstu umferð er uppslátturinn prjónaður slétt. Einnig er hægt að auka út með fleiri eða færri lykkjum, mundu að lesa mynstrið yfir áður en þú prjónar til að vita lengdina á uppslættinum. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:48
Hvernig á að prjóna sólfjaðrir með útaukningu í lykkju

Í þessu DROPS myndbandi sýnum við hvernig við prjónum sólfjaðrir í lykkju jafnframt því sem við aukum út 5 lykkjur. * Stingið prjóninum í bilið með merkiþræði, sláið 1 sinni uppá prjóninn og dragið þráðinn fram að framhlið á stykki, prjónið 1 lykkju slétt *, endurtakið frá *-* alls 5 sinnum (= 5 uppslættir á prjóninum). ATH: Passið uppá að uppslættirnir verið jafn langir (mikilvægt er að uppslættirnir verði ekki of stífir, til að koma í veg fyrir að prjónfestan verði of stíf á hæðina). Í næstu umferð er uppslátturinn prjónaður slétt. Einnig er hægt að auka út með fleiri eða færri lykkjum, mundu að lesa mynstrið yfir áður en þú prjónar til að vita lengdina á uppslættinum. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:38
Hvernig á að prjóna 7 lykkjur í 1 lykkju

Í þessu DROPS myndbandi sýnum við hvernig við aukum út 6 lykkjur með því að prjóna 7 lykkjur í 1 lykkju. Við prjónum sléttprjón og í hring. Prjónið 7 lykkjur í sömu lykkju þannig: Prjónið 1 lykkju slétt, en bíðið með að sleppa lykkjunni sem prjónað var í af prjóni, * sláið 1 sinni uppá prjóninn, prjónið 1 lykkju slétt í sömu lykkju *, prjónið frá *-* alls 3 sinnum, sleppið lykkjunni sem prjónað var í af prjóni. Það er einnig hægt að auka út fleiri eða færri lykkjur alveg eins. Í myndbandinu notum við garnið DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:34
Hvernig á að prjóna í lykkjuna fyrir neðan og auka út um 4 eða 2 lykkjur

Í þessu DROPS myndbandi sýnum við hvernig við prjónum í lykkjuna fyrir neðan og aukum út með 4 eða 2 lykkjum. Fyrst sýnum við hvernig við aukum út 4 lykkjur þannig: Prjónið 1 lykkju slétt í lykkjuna fyrir neðan lykkju með prjónamerki, sleppið ekki lykkjunni af prjóni, sláið 1 sinni uppá hægri prjón, prjónið 1 lykkju slétt í sömu lykkju, en bíðið með að sleppa lykkjunni af prjóninum, sláið 1 sinni uppá hægri prjón og prjónið 1 lykkju slétt í sömu lykkju, sleppið því næst lykkjunni af vinstra prjóni (= 4 lykkjur fleiri). Setjið 1 prjónamerki í miðju af þessum 5 lykkjum (fyrir næstu útaukningu). Síðan sýnum við hvernig prjóna á næstu umferð, sem er þá frá röngu. Eftir það sýnum við hvernig við aukum út um 2 lykkjur þannig: Prjónið 1 lykkju slétt í lykkjuna fyrir neðan lykkju með prjónamerki, sleppið ekki lykkjunni af vinstra prjóni, sláið 1 sinni uppá hægri prjón, prjónið 1 lykkju slétt í sömu lykkju, sleppið því næst lykkjunni af vinstra prjóni (= 2 lykkjur fleiri). Setjið 1 prjónamerki í miðju á þessum 3 lykkjum. Síðan sýnum við hvernig við prjónum næstu umferð, sem er þá frá röngu. Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
2:11
Hvernig á að auka út um 4 lykkjur í 1 lykkju

Í þessu DROPS myndbandi sýnum við hvernig við aukum út um 4 lykkjur í 1 lykkju þannig: Prjónið 1 lykkju slétt í slétta lykkju en ekki sleppa lykkjunni af prjóni, sláið 1 sinni uppá hægri prjón, prjónið 1 lykkju slétt í sömu lykkju, en bíðið með að lyfta lykkjunni af prjóni, sláið 1 sinni uppá hægri prjón og prjónið 1 lykkju slétt í sömu lykkju, sleppið síðan lykkjunni af vinstri prjóni (= 4 lykkjur fleiri). Við sýnum þessa aðferð 2 sinnum. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:44
Hvernig á að auka út 2 lykkjur í 1 lykkju með uppslætti - fram og til baka

Í þessu DROPS myndbandi sýnum við hvernig við aukum út um 2 lykkjur með því að prjóna 2 lykkjur í sömu lykkju + 1 uppslátt. Við sýnum þetta 3 sinnum í myndbandinu, bæði hvernig þetta er gert frá réttu og hvernig útauknu lykkjurnar eru prjónaðar frá röngu. Prjónið 1 lykkju slétt, en bíðið með að sleppa lykkjunni af vinstri prjóni, sláið 1 sinni uppá hægri prjón, prjónið 1 lykkju slétt í sömu lykkju, sleppið síðan lykkjunni af vinstri prjóni. Í næstu umferð er uppslátturinn prjónaður snúinn brugðið svo ekki myndist gat (= 2 lykkjur fleiri). Við notum garnið DROPS Snow í myndbandinu.
9:15
Hvernig á að prjóna mismunandi útaukningar

Í þessu DROPS myndbandi sýnum við hvernig hægt er að prjóna mismunandi útaukningar sem eru m.a. notaðar í peysunni DROPS 210-21 «Cloud Dancer» og í mynsturteikningu A.2. 1. mynstureiningar tákn sem er merkt með bleiku er prjónað þannig: Prjónið 2 lykkjur brugðið saman, takið upp þráðinn innan næstu lykkju og setjið þráðinn á vinstri prjón, prjónið 1 lykkju slétt, sláið 1 sinni uppá prjóninn og 1 lykkju slétt í þennan þráð (= 2 lykkjur fleiri). 2. mynstureiningar tákn sem er merkt með bleiku er prjónað þannig: Takið upp þráðinn innan næstu lykkju og setjið þráðinn á vinstri prjón, prjónið 1 lykkju slétt, sláið 1 sinni uppá prjóninn og 1 lykkju slétt í þennan þráð, eftir það eru 2 næstu lykkjur prjónaðar brugðið saman (= 2 lykkjur fleiri). 3. mynstureiningar tákn sem er merkt með bleiku er prjónað þannig: Sláið 1 sinni uppá prjóninn, eftir það eru 2 næstu lykkjur prjónaðar brugðið saman. 4. mynstureiningar tákn sem er merkt með bleiku er prjónað þannig: Prjónið 2 lykkjur brugðið saman, sláið 1 sinni uppá prjóninn. Þessi peysa er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:13
Hvernig á að prjóna 2 lykkjur brugðið í 1 lykkja slétt

Í þessu DROPS myndbandi sýnum við hvernig við prjónum 2 lykkjur brugðið í 1 lykkju slétt, eins og í peysunni «November Woodland» í DROPS 216-24 og í hálsskólinu «Silent Woodland Warmer» í DROPS 214-21. Jafnframt því sem lykkjur eru auknar út myndast áferðamynstur. Bæði peysan og hálsskjólið er prjónað úr DROPS Polaris, sama garni og við notum í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrin með því að smella á myndina að neðan.
1:30
Hvernig á að auka út / fella af: Lyftið 1 lykkju af prjóni, 2 lykkjur slétt, steypið lyftu lykkjunni

Í þessu DROPS myndbandi sýnum við hvernig við aukum út/fellum af þannig: Lyftið 1 lykkju af prjóni, prjónið 2 lykkjur í næstu lykkju, steypið lyftu lykkjunni yfir. Við sýnum útaukningu/úrtöku 2 sinnum. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:46
Hvernig á að prjóna frá horni að horni

Í þessu DROPS myndbandi sýnum við hvernig prjóna á frá horni að horni með því að auka og fækka lykkjum (t.d. í teppi eða í tusku). Við sýnum hvernig þú byrjar með því að auka út í báðum hliðum (1. Hluti), eftir það hvernig þú eykur út og fækkar lykkjum til að halda sama lykkjufjölda í miðjustykki (2. Hluti) og hvernig fækka á lykkjum á báðum hliðum í lokin (3. Hluti). Increase = auka, Decrease = fækka, YO (yarn over) = uppsláttur, RS (right side) = rétta, WS (wrong side)= ranga. Við notum garnið DROPS Snow í þessu myndbandi. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:53
Hvernig á að prjóna útaukningu frá röngu

Í þessu DROPS myndbandi sýnum við hvernig við aukum út með uppslætti frá réttu, bæði á undan prjónamerki og á eftir prjónamerki og hvernig uppslátturinn er prjónaður frá röngu. Til að nýju lykkjurnar komi til með að snúa fallega að hverri annarri er uppslátturinn í næstu umferð prjónaður frá röngu þannig: Uppslátturinn á undan prjónamerki er prjónaður brugðið í aftari lykkjubogann (svo ekki myndist gat). Uppslátturinn á eftir prjónamerki er prjónaður þannig: Takið uppsláttinn af vinstra prjóni og setjið til baka yfir á vinstri prjón, nema í gagnstæða átt (stingið vinstra prjóninum aftan í þegar hann er settur til baka á prjóninn). Prjónið uppsláttinn brugðið í fremri lykkjubogann (það eiga ekki að myndast göt). Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
2:53
Hvernig á að auka út með því að prjóna um þráðinn 3 sinnum á milli 2 lykkja

Í þessu DROPS myndbandi sýnum við hvernig við aukum út um 3 lykkjur með því að prjóna þráðinn á milli 2 lykkja, bæði um þráðinn og í umferð sem er prjónuð og um þráðinn umferðir 2 og 3 umferðir fyrir neðan. Við aukum út lykkjur bæði á eftir prjónamerki og á undan prjónamerki. Aukið út á eftir prjónamerki þannig: Prjóni 1 lykkju slétt um þráðinn á milli lykkju með prjónamerki og næstu lykkju (= 1 umferð fyrir neðan), prjónið 1 lykkju slétt um þráðinn á milli lykkju með prjónamerki í og næstu lykkju 2 umferðum fyrir neðan (passið uppá að draga lykkjuna langt að hún verði ekki stíf á hæðina), prjónið 1 lykkju slett um þráðinn á milli lykkju með prjónamerki og næstu lykkju 3 umferðum fyrir neðan (passið uppá að draga lykkjuna langt að hún verði ekki stíf á hæðina). Nú hefur verið prjónuð 1 lykkja um hverja af 3 síðustu umferðum (= 3 lykkjur fleiri). Aukið út á undan prjónamerki þannig: Prjónið fram að lykkju með prjónamerki, prjónið 1 lykkju slétt um þráðinn á undan lykkju með prjónamerki 3 lykkjum fyrir neðan (passið uppá að draga lykkjuna langt að hún verði ekki stíf á hæðina), prjónið 1 lykkju slétt um þráðinn á undan lykkju með prjónamerki 2 umferðum fyrir neðan (passið uppá að draga lykkjuna langt þannig að hún verði ekki stíf á hæðina), prjónið 1 lykkju slétt um þráðinn á undan lykkju með prjónamerki í fyrri umferð. Nú hefur verið prjónuð 1 lykkju í hverja af síðustu 3 umferðum (= 3 lykkjur fleiri). Við notum garnið DROPS Snow í þessu myndbandi. Fylgja þarf mynstri með þessari aðferð til að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
11:19
Hvernig á að prjóna uppslátt mismunandi til að hann leggist til hægri eða vinstri

Í þessu DROPS myndbandi sýnum við hvernig við prjónum uppslátt á mismunandi hátt þannig að annað hvort leggst uppslátturinn til hægri eða til vinstri, eins og er gert í húfunni í DROPS 234-12. Við sýnum 1 umferð þar sem uppslátturinn er prjónaður slétt, eftir það 2 umferðir þar sem við prjónum uppsláttinn brugðið. Uppslátturinn er prjónaður þannig: Á EFTIR PRJÓNAMERKI: Prjónið uppsláttinn í aftari lykkjubogann, lykkjan snýr til vinstri. Það á ekki að myndast gat! Á UNDAN PRJÓNAMERKI: Takið uppsláttinn af prjóni og setjið til baka yfir á prjóninn í gagnstæða átt og prjónið uppsláttinn í fremri lykkjubogann, lykkjan snýr til hægri. Það á ekki að myndast gat! Útauknar lykkjur eru prjónaðar inn í stroffprjón 2 lykkjur slétt / 2 lykkjur brugðið – þ.e.a.s. í 2 fyrstu skiptunum sem aukið er út eru lykkjurnar prjónaðar slétt, í 2 næstu skiptum er prjónað brugðið. Húfan í DROPS 234-12 er prjónuð úr DROPS Karisma, en í myndbandinu notum við grófara garn: DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
14:01
Hvernig á að auka út lykkjur og taka upp lykkjur fyrir þumal

Í þessu DROPS myndbandi sýnum við hvernig við aukum út fyrir þumal og tökum upp lykkjur fyrir þumal, eins og gert er í hægri handstúku í DROPS 214-37. Við aukum út með því að slá 1 sinni uppá prjóninn og í næstu umferð er uppslátturinn prjónaður snúinn. Útauknar lykkjur eru prjónaðar jafnóðum inn í stroff, þ.e.a.s. fyrsta lykkja er prjónuð slétt, 2. lykkja er prjónuð brugðið o.s.frv. Við aukum út í 2. hverri umferð og sýnum 5 umferðir með útaukningu og hvernig prjóna á næstu umferð. Eftir þetta sýnum við hvernig við tökum upp 6 nýjar lykkjur fyrir þumal. Þessar handstúkur eru prjónaðar úr DROPS Baby Merino, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:43
Hvernig á að auka út og merkja útauknar lykkjur með prjónamerkjum í klukkuprjóni

Í þessu DROPS myndbandi sýnum við hvernig við aukum út og merkjum útauknar lykkjur með mismunandi litum, eins og gert er í peysunni «Cheers to Lift» í DROPS 212-28. AUKIÐ SVONA ÚT LYKKJUR MEÐ FJÓLUBLÁUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, færið fjólubláa prjónamerkið að þessari lykkju (þ.e.a.s. lykkju á hægri prjóni), en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar = 3 lykkjur (= 2 lykkjur fleiri). Prjónamerkið situr í fyrstu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. AUKIÐ SVONA ÚT LYKKJUR MEÐ GRÆNUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar og færið græna prjónamerkið að þessari lykkju = 3 lykkjur (= 2 lykkjur fleiri). Prjónamerkið situr í síðustu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. Í næstu umferð eru prjónaðar 3 lykkjur inn í klukkuprjóns mynstri þannig: Sláið 1 sinni uppá prjóninn, takið 1 lykkju óprjónaða eins og prjóna eigi brugðið, prjónið uppsláttinn brugðið, sláið 1 sinni uppá prjóninn, takið 1 lykkju óprjónaða eins og prjóna eigi brugðið. Síðan er prjónað áfram í klukkuprjóns mynstri. Þessi peysa er prjónuð úr DROPS Brushed Alpaca Silk og DROPS Glitter, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.