DROPS Super Sale - 30% AFSLÁTTUR á 5 frábærum garntegundum!

Kennslumyndbönd

Flokkar
Myndbönd: 1735
1:57
Hvernig á að hekla sólfjaðramynstur

Í þessu DROPS myndbandi sýnum við hvernig hægt er að hekla fallegan kant til skrauts. Þessi kantur er heklaður meðfram kanti á hekluðu stykki, eða á stykki sem er prjónað, eða hægt er að hekla kantinn og sauma hann á efni t.d. kant á handklæði. Ef heklað er meðfram hekluðum kanti þarf að hekla fjölda lykkja sem er deilanlegur með 8 + 1. Ef heklað er í hring þá þarf þann fjölda lykkja sem er deilanlegur með 8. Á sýnishorninu okkar höfum við 25 lykkjur. Heklið þannig: Heklið 1 fastalykkja, * hoppið yfir 3 lykkjur, 4 stuðlar + 2 loftlykkjur + 4 stuðlar í næstu lykkju, hoppið yfir 3 lykkjur, 1 fastalykkja í næstu lykkju *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:00
Hvernig á að hekla boga meðfram kanti

Í þessu DROPS myndbandi sýnum við hvernig hægt er að hekla boga meðfram hekluðum kanti. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:58
Hvernig á að hekla öldulaga kant ofan frá og niður

Í þessu DROPS myndbandi sýnum við hvernig við heklum einfaldan öldulaga kant með því að hekla 2 fastalykkjur í hverja af aftari lykkjubogann á lengjunni. Í næstu umferð er heklað áfram með fastalykkjum í gegnum báða lykkjubogana á lengjunni, haldið áfram með fastalykkjur þar til kanturinn verði eins breiður og óskað er eftir.
7:05
Hvernig á að hekla Í og UM lykkju

Í þessu DROPS myndbandi sýnum við muninn á hvernig heklað er Í lykkju og UM lykkju eins og við gerum í mörgum mynstrunum okkar, eins og í DROPS 162-15. Við höfum nú þegar heklað smá af mynstri. Í fyrstu umferð sýnum við hvernig við heklum 1 fastalykkju UM einn loftlykkjuboga og 9 stuðla UM næsta loftlykkjuboga. Í síðustu lykkjuna í umferð heklum við einn stuðul Í eina lykkju. Í umferð 2 sýnum við hvernig við heklum fastalykkju í lykkju og 1 fastalykkju um einn loftlykkjuboga. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan. Textinn í mynstri á myndbandinu er skrifaður á ensku. US-SE 1 ch = 1 loftlykkja, 1 sc in st = 1 fastalykkja í lykkju, dc in st = stuðull í lykkju, 1 dc around st = 1 stuðull um lykkju. 1 sc around st = fastalykkja um lykkju,
2:34
Hvernig á að hekla einfaldan, fallegan kant með hnappagötum

Í þessu DROPS myndbandi sýnum við hvernig hægt er að hekla einfaldan, fallegan kant með hnappagötum. Heklið kantinn með öðrum lit. Við höfum nú þegar heklað prufu með fastalykkjum og heklað 3 fastalykkjur með nýja litnum. * Stingið heklunálinni í fastalykkju í umferð beint fyrir neðan, sækið þráðinn og dragið þráðinn í gegn, aðeins laust. Stingið heklunálinni í gegnum næstu fastalykkju, en í 2 umferð að neðan, sækið þráðinn og dragið þráðinn í gegn, aðeins laust. Stingið heklunálinni í gegnum næstu fastalykkju, en í 1 umferð að neðan, sækið þráðinn og dragið þráðinn í gegn, aðeins laust = 4 lykkjur á heklunálinni. Bregðið þræðinum um heklunálina og dragið þráðinn í gegnum þessar 4 lykkjur = hópur með lykkjum fyrir hnappagöt. Heklið 1 fastalykkju í næstu lykkju (lykkju að ofan sem heklað var síðast í), heklið 1 fastalykkju í báðar af næstu 2 lykkjum *. Endurtakið frá *-*. Við notum garnið DROPS Snow í myndbandinu.
5:36
Hvernig á að fá beina heklaða kanta

Í þessu DROPS myndbandi sýnum við hvernig við getum komið í veg fyrir að kantarnir verði ójafnir eða að það komi göt þegar maður heklar. Þegar við heklum stuðla fram og til baka þá heklum við oft 3 loftlykkjur í byrjun á hverri umferð til að fá sömu hæð og á stuðli. Þessar loftlykkjur geta annað hvort verið sem viðbót við stuðla í umferð (þetta myndar þá auka lykkjur og kanturinn verður ójafn) eða þá jafngilda loftlykkjur einum stuðli (með þessu myndast gat í annarri hverri umferð). Hægt er að koma í veg fyrir þetta með því að draga út 1. lykkju í umferð, halda vel í þessa lykkju með vísifingri, færðu heklunálina að þér og síðan undir löngu fyrstu lykkjuna, stingið heklunálinni í fyrstu lykkjuna (í 1. umferð stingur maður heklunálinni undir 2 þræði), sækið þráðinn og heklið eins og venjulega einn stuðul. Lykkjuboginn verðu aleins laus, en þetta verður aftur fallegt eftir næstu umferð. Síðan er fyrsti stuðullinn í hverri umferð. Við notum garnið DROPS Snow í þessu myndbandi.
4:53
Hvernig á að hekla utan um stálþráð

Í þessu DROPS myndbandi sýnum við hvernig við heklum síðustu umferðina í hatti, þar sem einnig er heklað utan um stálþráð. Þannig að barðið verði aðeins stífara. Maður velur sjálfur hvort nota eigi einfaldan eða tvöfaldan stálþráð. Í myndbandinu heklum við fastalykkjur utan um tvöfaldan stálþráð. Tvinnið endana á stálþræðinum saman nokkrum sinnum og leggið þá saman við kantinn. Festið endana samtímis sem saumað er yfir stálþráðinn svo að þeir sjáist ekki. Við notum garnið DROPS Paris í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:03
Hvernig á að hekla keðjulykkjur utan um fastalykkjur

Í þessu DROPS myndbandi sýnum við hvernig við heklum keðjulykkjur utan um fastalykkjur, þannig að það myndist þykkur kantur. Með þessu náum við kantinum betur fram og að hann fær aðeins meiri þyngd. Við heklum við þessa umferð með tvöföldum þræði, en afgangur af stykkinu er einungis heklaður með 1 þræði. Það má ekki hekla keðjulykkjurnar of fast. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:18
Hvernig á að hekla utan um fastalykkju

Í þessu DROPS myndbandi sýnum við hvernig við heklum utan um sjálfa lykkjuna, ekki í lykkjubogann. Með þessu þá myndast nokkurs konar «kantur», eins og sjá má í hattinum Sunshine Smiles í DROPS 229-29. Við notum garnið DROPS Snow í myndbandinu Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:49
Hvernig á að hekla kant í DROPS Extra 0-859

Í þessu DROPS myndbandi sýnum við hvernig við heklum skraut kant í sjali í DROPS Extra 0-859. Þetta sjal er heklað úr DROPS Cotton Viscose og DROPS Glitter, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
1:56
Hvernig á að hekla boga á bakhlið á bogum

Í þessu DROPS myndbandi sýnum við hvernig við heklum boga á bakhlið á umferð með bogum sem hafa þegar verið heklaðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
20:08
Hvernig á að hekla A.2 og A.3 í DROPS 162-19

Í þessu DROPS myndbandi sýnum við hvernig við heklum eftir mynsturteikningu A.2 og A.3 í kanti stuttbuxunum Elly May í DROPS 162-19. Bleiki þráðurinn sýnir byrjun á umferð og fjólublái þráðurinn sýnir línuna sem skilur á milli A.2 og A.3. Við heklum A.2 einu sinni og A.3 tvisvar sinnum. Þessar stuttbuxur eru heklaðar úr DROPS Safran, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
10:19
Hvernig hekla á kant í teppi DROPS 198-4

Í þessu DROPS myndbandi sýnum við hvernig hekla á kantinn í teppi – September Snowfall – í DROPS 198-4. Við sýnum fyrst hvernig A.8a er heklað, síðan A.8b og að lokum hvernig hornin eru hekluð eftir mynsturteikningu A.8c. Þetta teppi er heklað úr DROPS Safran, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:30
Hvernig á að hekla kant á poncho og húfu í DROPS 98-30

Í þessu DROPS myndbandi sýnum við hvernig við heklum kant sem er á poncho og húfu í DROPS 98-30. Heklað er í kringum mynstrið, en í myndbandinu sýnum við hvernig umferð 1 og 2 er hekluð í hvorri umferð. Þessi kantur er heklaður úr DROPS Puddel, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
13:25
Hvernig á að hekla sólfjaðrakant á bikinítopp

Í þessu DROPS myndbandi sýnum við hvernig við heklum sólfjaðrakant á bikinítoppnum «Dive» í DROPS 199-54 samkvæmt mynsturteikningu A.1, A.2 og A.3. Við notum færri fjölda lykkja en sem gefið er upp í mynstri og heklum því einungis 1 mynstureiningu af A.2. Þessi bikinítoppur er heklaður úr DROPS Paris, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
14:39
Hvernig á að hekla kant með kúlum í DROPS 163-1

Í þessu DROPS myndbandi sýnum við hvernig kantur er heklaður með kúlum í kringum ömmuferninga sem saumaðir eru saman í DROPS 163-1. Þetta teppi er heklað úr DROPS Delight, en í myndbandinu notum við grófara garn; DROPS Merino Extra Fine. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Til að sjá hvernig á að hekla ömmuferning í DROPS 163-1, sjá; Hvernig á að hekla ömmuferning í DROPS 163-1 Til að sjá hvernig á að sauma ömmuferningana saman sjá; Hvernig á að sauma ömmuferninga saman í DROPS 163-1 Til að sjá hvernig á að hekla ferning í hring, sjá: Hvernig á að hekla ferning í hring í DROPS 163-1 Til að sjá hvernig á að gera frágang á þessu teppi, sjá:Hvernig á að gera frágang á teppi í DROPS 163-1 Til að sjá hvernig á að hekla kant í kringum teppið, sjá:Hvernig á að hekla kant í kringum teppi í DROPS 163-1 Til að sjá hvernig á að gera sólfjaðrakant í kringum teppið, sjá:Hvernig á að gera sólfjaðrakant í kringum teppi í DROPS 163-1
7:27
Hvernig á að hekla kant í kringum teppi í DROPS 163-1

Í þessu DROPS myndbandi sýnum við hvernig við heklum kant í kringum teppið Memories í DROPS 163-1. KANTUR Í KRINGUM TEPPIÐ: Byrjið frá réttu með 1 keðjulykkju í síðustu af 3 fastalykkjum í einu horni á teppinu. Heklið síðan umferð 4-7 í KANTUR MEÐ KÚLUM (þ.e.a.s. heklið 1 umferð með stuðlahópum, 1 umferð með kúlum og 2 umferðir með stuðla-hópum). Í myndbandinu sýnum við einungis lítið af teppinu (við heklum ekki hringinn). Þetta teppi er heklað úr DROPS Delight, en í myndbandinu notum við grófara garn; DROPS Merino Extra Fine. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Til að sjá hvernig á að hekla ömmuferning í DROPS 163-1, sjá; Hvernig á að hekla ömmuferning í DROPS 163-1 Til að sjá hvernig á að sauma ömmuferningana saman sjá; Hvernig á að sauma ömmuferninga saman í DROPS 163-1 Til að sjá hvernig á að hekla kant með kúlum, sjá:Hvernig á að hekla kant með kúlum í DROPS 163-1 Til að sjá hvernig á að hekla ferning í hring, sjá: Hvernig á að hekla ferning í hring í DROPS 163-1 Til að sjá hvernig á að gera frágang á þessu teppi, sjá:Hvernig á að gera frágang á teppi í DROPS 163-1 Til að sjá hvernig á að gera sólfjaðrakant í kringum teppið, sjá:Hvernig á að gera sólfjaðrakant í kringum teppi í DROPS 163-1
4:52
Hvernig á að hekla sólfjaðrakant utan um teppi í DROPS 163-1

Í þessu DROPS myndbandi sýnum við hvernig á að sólfjaðrakant í kringum teppið Memories í DROPS 163-1. SÓLFJAÐRAKANTUR:Heklið keðjulykkju fram til og með loftlykkju á undan fyrsta stuðlahóp, heklið 1 loftlykkju, heklið síðan eins og sýnt er í mynsturteikningu A.6, þ.e.a.s. heklið þannig: UMFERÐ 1: Heklið 1 fastalykkju í hvern stuðul og 1 fastalykkju um hverja loftlykkju frá fyrri umferð endið umferð á 1 keðjulykkju í loftlykkju frá byrjun umferðar. UMFERÐ 2: * hoppið yfir 3 fastalykkjur, 10 stuðla í næstu fastalykkju (= 1 sólfjöður), hoppið yfir 3 fastalykkjur, 1 fastalykkja í næstu fastalykkju *, endurtakið frá *-* umferð hringinn, en passið uppá að það verði ein sólfjöður í hverju horni á teppinu (eins og sýnt er í A.6A). Myndbandið sýnir einungis brot af teppinu (við heklum ekki allan hringinn). Þetta teppi er heklað úr DROPS Delight, en í myndbandinu notum við grófara garn; DROPS Merino Extra Fine. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan. Til að sjá hvernig á að hekla ömmuferning í DROPS 163-1, sjá: Hvernig á að hekla ömmuferning í DROPS 163-1 Til að sjá hverig á að sauma ömmuferningana saman, sjá: Hvernig á að sauma ömmuferninga saman í DROPS 163-1 Til að sjá hvernig á að hekla kant með kúlum, sjá:Hvernig á að hekla kant með kúlum í DROPS 163-1 Til að sjá hvernig á að hekla ferning í hring, sjá: Hvernig á að hekla ferning í hring í DROPS 163-1 Til að sjá hvernig á að gera frágang á teppi, sjá:Hvernig á að gera frágang á teppi í DROPS 163-1 Til að sjá hvernig á að hekla kant í kringum teppið, sjá:Hvernig á að hekla kant í kringum teppi í DROPS 163-1
10:57
Hvernig á að hekla skáhallandi pufflykkjur

Í þessu myndbandi sýnum við hvernig hægt er að hekla skáhallandi pufflykkjur. Fitjið upp fjölda lykkja með oddatölu + 2 loftlykkjur. Í myndbandinu höfum við 13 + 2 loftlykkjur UMFERÐ 1: Stingið heklunálinni í 3. loftlykkju frá heklunálinni, sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn = 6 lykkjur á heklunálinni. Bregðið þræðinum um heklunálina og dragið þráðinn í gegnum allar 6 lykkjurnar, heklið 1 loftlykkju = 1. pufflykkja. * Hoppið yfir 1 lykkju, stingið heklunálinni í næstu lykkju og sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn, bregðið þræðinum um heklunálina og stingið heklunálinni í sömu lykkju, sækið þráðinn og dragið þráðinn í gegn = 6 lykkjur á heklunálinni. Bregðið þræðinum um heklunálina og dragið þráðinn í gegnum allar 6 lykkjurnar, heklið 1 loftlykkju *, endurtakið frá *-* út umferðina = 7 pufflykkjur. Snúið. UMFERÐ 2: Skiptið um lit, heklið 2 loftlykkjur. * Stingið heklunálinni í 1. lykkju á pufflykkjunni frá fyrri umferð, sækið þráðinn og dragið þráðinn í gegn, bregðið þræðinum um heklunálina og stingið nálinni inn í sömu lykkju, sækið þráðinn og dragið þráðinn í gegn, bregðið þræðinum um heklunálina og stingið heklunálinni inn í sömu lykkju, sækið þráðinn og dragið þráðinn í gegn = 6 lykkjur á heklunálinni. Bregðið þræðinum um heklunálina og dragið þráðinn í gegnum allar 6 lykkjurnar og heklið 1 loftlykkju *, endurtakið frá *-* út umferðina = 7 pufflykkjur sem snúa í gagnstæða átt. Snúið. UMFERÐ 3: Skiptið um lit og endurtakið umferð 2 að óskaðri lengd. Við notum DROPS Snow garn í þessu myndbandi. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:11
Hvernig á að hekla pufflykkjur sem eru hjartalaga

Í þessu DROPS myndbandi sýnum við hvernig við heklum í hring með pufflykkjum formuð eins og hjörtu. Fallegt mynstur sem hægt er að nota í húfu eða í hálsskjóli. Við höfum nú þegar heklað band með 32 loftlykkjum (deilanlegt með 4). Tengt loftlykkjurnar saman í hring með 1 keðjulykkju í 1. loftlykkju. UMFERÐ 1: * Bregðið þræðinum um heklunálina, stingið heklunálinni í 1. loftlykkju/næstu loftlykkju, sækið þráðinn og dragið þráðinn í gegn og gerið lykkjuna langa *, endurtakið frá *-* 3 sinnum til viðbótar = 9 lykkjur á heklunálinni, bregðið þræðinum um heklunálina og dragið þráðinn í gegnum allar 9 lykkjurnar, 1 loftlykkja. Endurtakið frá *-* 4 sinnum í sömu loftlykkju, 1 loftlykkja, hoppið yfir 3 lykkjur = 1 hjarta. Heklið þetta hjarta umferðina hringinn og endið með 1 keðjulykkju á toppnum á 1. hluta á hjartanu. UMFERÐ 2: * Bregðið þræðinum um heklunálina, stingið heklunálinni í næstu loftlykkju, sækið þráðinn og dragið þráðinn í gegn og gerið lykkjuna langa *. Endurtakið frá *-* 3 sinnum til viðbótar = 9 lykkjur á heklunálinni, bregðið þræðinum um heklunálina og dragið þráðinn í gegnum allar 9 lykkjurnar, 1 loftlykkja. Endurtakið frá *-* 4 sinnum í sömu loftlykkju, 1 loftlykkja = 1 hjarta. Heklið þetta hjarta umferðina hringinn og endið með 1 keðjulykkju í toppinn á 1. hluta á hjartanu. Endurtakið umferð 2 að óskaðri lengd. Í myndbandinu notum við garnið DROPS Snow. Þessi litla dúkkuhúfa er hekluð úr DROPS Merino Extra Fine. Við byrjuðum með 32 loftlykkjur með heklunál 3,5 (ummál: 22 cm) og í þremur síðustu umferðunum eru öll puff hjörtun hekluð minni (endurtakið bara frá *-* 3 sinnum). Kvisturinn er úr DROPS Kid-Silk.
4:09
Hvernig á að hekla puff-lykkjur

Í þessu DROPS myndbandi sýnum við hvernig við heklum puff-lykkjur. Prófaðu þessa skemmtilegu hekláferð - sem er tilvalin fyrir hálsklúta! Heklaðu loftlykkjuband, 2 loftlykkjur fyrir hverja kúlu /puff. Í myndbandinu heklum við 14 loftlykkjur fyrir 7 kúlur. Snúið við og í 2. loftlykkju frá heklunálinni er heklað þannig: Bregðið þræðinum um heklunálina, sækið þráðinn í gegnum lykkjuna, bregðið þræðinum um heklunálina, sækið þráðinn í sömu lykkju, bregðið þræðinum um heklunálina, sækið þráðinn aftur í sömu lykkju, nú eru 7 lykkjur á heklunálinni. Bregðið þræðinum um heklunálina og dragið þráðinn í gegnum allar 7 lykkjurnar á heklunálinni, bregðið þræðinum aftur um heklunálina og dragið í gegnum lykkjuna = 1 kúla. Hoppið yfir 1 loftlykkju og heklið eina kúlu í næstu loftlykkju. Næstu umferðir: Heklið kúlur á sama hátt í lykkjur efst í hverja kúlu frá fyrri umferð.
2:15
Hvernig á að hekla langar pufflykkjur

Í þessu DROPS myndbandi sýnum við hvernig við heklum pufflykkjur, eins og er m.a. í peysunni Algarve í DROPS 202-4. Við byrjum með að hoppa yfir 1 lykkju, 1 stuðull í næstu lykkju og 1 loftlykkja. 1 PUFF LYKKJA = * Bregðið þræðinum 1 sinni um heklunálina, stingið heklunálinni í gegnum lykkjuna sem hoppað var yfir, bregðið þræðinum 1 sinni um heklunálina, dragið þráðinn í gegn og dragið báða uppslættina langa (til að koma í veg fyrir að pufflykkjan verði of lítil og saman þjöppuð þá er mikilvægt að draga uppslættina eins langt og hægt er áður en hún stoppar sjálf) *, heklið frá *-* alls 5 sinnum, við bregðið þræðinum um heklunálina og dragið þráðinn í gegnum allar 11 lykkjurnar á heklunálinni. Við endum myndbandið með að hoppa yfir 1 lykkju og 1 stuðul í næstu lykkju. Þessi peysa er hekluð úr DROPS Sky, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
8:36
Hvernig á að hekla pufflykkjur fram og til baka samkvæmt mynsturteikningu

Í þessu DROPS myndbandi sýnum við hvernig við heklum pufflykkjur fram og til baka, sem m.a. er notað í barnateppinu «Big Dreams» í DROPS Baby 36-3. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
6:16
Hvernig á að hekla umferðir með pufflykkjum og stuðlum

Það eru nokkrar aðferðir að hekla pufflykkjur, í þessu DROPS myndbandi sýnum við hvernig er hægt að hekla eina umferð með pufflykkjum án keðjulykkju í «toppnum» á pufflykkju og eina umferð þar sem hekluð er 1 loftlykkja, 1 stuðull út umferðina. Við höfum nú þegar heklað eina umferð með loftlykkjum og heklum 1. pufflykkju í 4. loftlykkju frá heklunálinni þannig: *Bregðið þræðinum um heklunálina, stingið heklunálinni inn í gegnum loftlykkjuna, bregðið þræðinum 1 sinni um heklunálina og dragið þráðinn í gegnum loftlykkjuna, dragið báða uppslættina jafn langt (til að koma í veg fyrir að pufflykkjurnar verði of litlar og saman pakkaðar er mikilvægt að uppslátturinn sé dreginn eins langt og hægt er áður en hann stöðvast sjálfur) *, heklið frá *-* alls 5 sinnum, bregðið þræðinum um heklunálina og dragið þráðinn í gegnum allar lykkjurnar á heklunálinni. Hoppið yfir 1 loftlykkju. Heklið svona út umferðina og endið með 1 stuðli í síðustu lykkjuna, snúið og byrjið í næstu umferð. Heklið 3 loftlykkjur (= 1 stuðull). Heklið svona út umferðina: 1 loftlykkja, 1 stuðull. Endurtakið þessar 2 umferðir á hæðina. Við notum garnið DROPS Snow í myndbandinu.