DROPS Children 49 · Fullt af nýrri hönnun fyrir börn!

Áferðaprjón

Langar þig að læra að prjóna fallega áferð? Við erum með kennslumyndbönd til að leiðbeina þér í því að búa til kúlur, kaðla, perluprjón, stroffprjón, brómberjamynstur, öldumynstur og margar fleiri glæsilegar aðferðir.

Flokkar
Myndbönd: 264
10:37
Hvernig á að prjóna hnúta kaðal

Í þessu DROPS myndbandi sýnum við hvernig við prjónum hnúta kaðal. Við höfum nú þegar fitjað upp 27 lykkjur með DROPS Snow og prjónað 2 umferðir garðaprjón. Héðan er stykkið mælt, prjónið 1 kantlykkju slétt, 5 lykkjur brugðið, 5 lykkjur slétt, 5 lykkjur brugðið, 5 lykkjur slétt, 5 lykkjur brugðið og 1 kantlykkja slétt. Eftir þetta er prjónað með sléttar lykkjur yfir sléttar lykkjur og brugðnar lykkjur yfir brugðnar lykkjur og kantlykkjur prjónaðar slétt þar til stykkið mælist ca 8 cm, næsta umferð er prjónuð frá réttu. Nú byrjar hnúta kaðall. Fitjið upp 6 lykkjur á hægri prjón. * Notið hinn endann á dokkunni og prjónið sléttprjón yfir næstu 5 lykkjur slétt í ca 6 cm, klippið frá og setjið lykkjur á þráð/nælu *. Setjið næstu 5 lykkjur brugðið yfir á hægri prjón. Prjónið næstu 5 lykkjur sléttt eins og útskýrt er á milli *-*. Setjið til baka 11 lykkjur sem eru á hægri prjóni, yfir á vinstri prjón. Gerið einn hnút með 2 kaðlalykkjum. Prjónið 1 kantlykkju slétt, 5 lykkjur brugðið, setjið næstu 5 lykkjur af þræði/nælu yfir á vinstri prjón og prjónið þær slétt, 5 lykkjur brugðið og 1 kantlykkja slétt. Haldið áfram með sléttar lykkjur yfir sléttar lykkjur og brugðnar lykkjur yfir brugðnar lykkjur og kantlykkjur slétt þar til stykkið mælist ca 8 cm og prjónið annan hnúta-kaðal.
13:50
Hverrnig á að prjóna nokkra kaðla eftir mynsturteikningu

Í þessu DROPS myndbandi sýnum við hvernig við prjónum nokkra kaðla eftir mynsturteikningu A.1 í hundapeysunni í DROPS 102-43. Við prjónum 3 lykkjur í garðaprjóni í hvorri hlið og höfum nú þegar prjónað 17 umferðir í mynsturteikningu svo betra er að sjá hvernig kaðlarnir koma út. Við byrjum myndbandið á því að prjóna 18. umferð. Í þessari umferð eru kaðlarnir prjónaðir þannig: Setjið 3 lykkjur á kaðlaprjón aftan við stykkið, prjónið 3 lykkjur slétt, eftir það 3 lykkjur slétt af kaðlaprjóni. Í 20. og 22. umferð er 1. og 3. kaðall prjónaður þannig: Setjið 1 lykkju á kaðlaprjón aftan við stykkið, prjónið 3 lykkjur slétt, eftir það er prjónuð 1 lykkja brugðið af kaðlaprjóni. Á meða 2. og 4. kaðall er prjónaður þannig. Setjið 3 lykkjur á kaðlaprjón framan við stykkið, prjónið 1 lykkju brugðið, eftir það 3 lykkjur slétt af kaðlaprjóni. Þessi hundapeysa er prjónuð úr DROPS Karisma, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:41
Hvernig á að gera stóran lausan kaðal

Í þessu DROPS myndbandi sýnum við hvernig hægt er að prjóna stóran lausan kaðal, eins og í peysunni “Winter Feather” í DROPS 236-1 og í peysunni “Just Right” í DROPS 222-29. Við sýnum einungis umferð þar sem lykkjurnar eru settar á kaðlaprjón og hvernig ein lykkja er dreginn út til að hún verði löng (í fyrri umferð er gerður tvöfaldur uppsláttur til að fá þessa löngu lykkju). Við notum garnið DROPS Snow í myndbandinu. Fylgja þarf uppskrift og mynsturteikningu þar sem þessi kaðall er gerður til þess að geta fylgt myndbandinu eftir. Þú finnur mynstrið með því að smella á myndina að neðan.
14:12
Hvernig á að prjóna A.1 í DROPS Extra 0-1184

Í þessu DROPS myndbandi sýnum við hvernig við prjónum mynsturteikningu A.1 í púða í DROPS Extra 0-1184. Þessi púði er prjónaður úr 2 þráðum DROPS Snow, en í myndbandinu notum við bara 1 þráð DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
29:42
Hvernig á að prjóna hulstur með köðlum fyrir pressukönnu í DROPS Extra 0-1402

Í þessu DROPS myndbandi sýnum við hvernig við prjónum hulstur með köðlum utan um pressukönnu eða bolla í DROPS Extra 0-1402. Við prjónum hulstrið fyrir lítinn bolla og við höfum nú þegar fitjað upp lykkjurnar (við erum með færri fjölda lykkja en sem stendur í uppskrift og prjónum A.6, A.7b og A.9 1 sinni og A.8 2 sinnum). Þetta stykki er prjónað úr DROPS Lima, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
25:37
Hvernig á að prjóna kaðal sem er hjartalaga

Í þessu DROPS myndbandi sýnum við hvernig við prjónum kaðal sem er hjartalaga. Við prjónum kant í hvorri hlið með 2 lykkjur slétt = kantlykkjur og við höfum nú þegar fitjað upp 24 lykkjur og prjónað 2 umferðir slétt. Við byrjum myndbandið á að sýna allar umferðirnar frá 1-12. Eftir það sýnum við kaðalinn sem er prjónaður 3 sinnum. Prjónið þannig: UMFERÐ 1 (rétta): 2 lykkjur slétt (= kantlykkjur), 4 lykkjur brugðið, 2 lykkjur slétt, setjið 2 lykkjur á kaðlaprjón aftan við stykkið, 2 lykkjur slétt, 2 lykkjur slétt af kaðlaprjóni, setjið 2 lykkjur á kaðlaprjón aftan við stykkið, 2 lykkjur slétt, 2 lykkjur af kaðlaprjóni slétt, 4 lykkjur brugðið og 2 lykkjur slétt (= kantlykkjur). : UMFERÐ 2 (ranga): Prjónið 2 + 4 lykkjur slétt, 12 lykkjur brugðið, 4 + 2 lykkjur slétt. UMFERÐ 3: Prjónið 2 lykkjur slétt, 4 lykkjur brugðið, setjið 2 lykkjur á kaðlaprjón aftan við stykkið, 2 lykkjur slétt, 2 lykkjur brugðið af kaðlaprjóni, 4 lykkjur slétt, setjið 2 lykkjur á kaðlaprjón framan við stykkið, 2 lykkjur brugðið, 2 lykkjur slétt af kaðlaprjóni, 4 lykkjur brugðið og 2 lykkjur slétt (= kantlykkjur). UMFERÐ 4: Prjónið 2 + 4 lykkjur slétt, 2 lykkjur brugðið, 2 lykkjur slétt, 4 lykkjur brugðið, 2 lykkjur slétt, 2 lykkjur brugðið og 4 + 2 lykkjur slétt. UMFERÐ 5: Prjónið 2 lykkjur slétt, 3 lykkjur brugðið, setjið 1 lykkju á kaðlaprjón aftan við stykkið, 2 lykkjur slétt, 1 lykkja brugðið af kaðlaprjóni, 2 lykkjur brugðið, setjið 2 lykkjur á kaðlaprjón aftan við stykkið, 2 lykkjur slétt, 2 lykkjur slétt af kaðlaprjóni, 2 lykkjur brugðið, setjið 2 lykkjur á kaðlaprjón framan við stykkið, 1 lykkja brugðið, 2 lykkjur slétt af kaðlaprjóni, 3 lykkjur brugðið og 2 lykkjur slétt. UMFERÐ 6: Prjónið 2 + 3 umferðir slétt, 2 lykkjur brugðið, 3 lykkjur slétt, 4 lykkjur brugðið, 3 lykkjur slétt, 2 lykkjur brugðið og 3 + 2 lykkjur slétt. UMFERÐ 7: Prjónið 2 lykkjur slétt, 2 lykkjur brugðið, setjið 1 lykkju á kaðlaprjón aftan við stykkið, 2 lykkjur slétt, 1 lykkja brugðið af kaðlaprjóni, 3 lykkjur brugðið, 4 lykkjur slétt, setjið 2 lykkjur á kaðlaprjón framan við stykkið, 1 lykkja brugðið, 2 lykkjur slétt af kaðlaprjóni, 2 lykkjur brugðið og 2 lykkjur slétt. UMFERÐ 8: Prjónið 2 + 2 lykkjur slétt, 2 lykkjur brugðið, 4 lykkjur slétt, 4 lykkjur brugðið, 4 lykkjur slétt, 2 lykkjur brugðið og 2 + 2 lykkjur slétt. UMFERÐ 9: Prjónið 2 lykkjur slétt, 2 lykkjur brugðið, 2 lykkjur slétt, 4 lykkjur brugðið, setjið 2 lykkjur á kaðlaprjón aftan við stykkið, 2 lykkjur slétt, 2 lykkjur slétt af kaðlaprjóni, 4 lykkjur brugðið, 2 lykkjur slétt, 2 lykkjur brugðið og 2 lykkjur slétt. UMFEÐR 10: Prjónið 2 + 2 lykkjur slétt, 2 lykkjur brugðið, 4 lykkjur slétt, 4 lykkjur slétt, 2 lykkjur brugðið og 2 + 2 lykkjur slétt. UMFERÐ 10: Prjónið 2 lykkjur slétt, 2 lykkjur brugðið, setjið 2 lykkjur á kaðlaprjón framan við stykkið, 2 lykkjur brugðið, 2 lykkjur slétt af kaðlaprjóni, setjið 2 lykkjur á kaðlaprjón aftan við stykkið, 2 lykkjur slétt, 2 lykkjur slétt af kaðlaprjóni, setjið 2 lykkjur á kaðlaprjón framan við stykkið, 2 lykkjur slétt, 2 lykkjur slétt af kaðlarpjóni, setjið 2 lykkjur á kaðlaprjón aftan við stykkið, 2 lykkjur slétt, 2 lykkjur brugðið af kaðlaprjóni, 2 lykkjur brugðið og 2 lykkjur slétt. UMFERÐ 12: PRJÓNIÐ 2 + 4 lykkjur slétt, 12 lykkjur brugðið og 4 + 2 lykkjur slétt. Endurtakið umferð 3-12 að óskaðri lengd og fellið af. Við notum DROPS Snow í myndbandinu, en litlu bleiku prufurnar eru prjónaðar úr DROPS Cotton Merino, kaðallinn er einnig prjónaður 3 sinnum. Fylgja þarf uppskrift með þessari aðferð til þess að geta fylgt myndbandinu eftir.
3:00
Hvernig á að prjóna einfalt gatamynstur

Í þessu DROPS myndbandi sýnum við hvernig hægt er að prjóna einfalt gatamynstur, með bara eindurtekningum á tveimur umferðum. Mjög góð byrjun fyrir byrjendur án mikillar einbeitningar. Flott fyrir hálsklúta úr hvaða garni sem er. Fitjið upp lykkjur með sléttri tölu. UMFERÐ 1: Prjónið 1 lykkju slétt, * sláið 1 sinni uppá prjóninn, 2 lykkjur slétt saman *, endurtakið frá *-* og endið umferð á 1 lykkju slétt. UMFERÐ 2: Prjónið allar lykkjur og uppsláttinn í umferð slétt. Endurtakið umferð 1-2 fyrir gatamynstur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:05
Hvernig er hægt að prjóna einfalt gatamynstur

Í þessu DROPS myndbandi sýnum við hvernig hægt er að prjóna einfalt gatamynstur, sem m.a. er í hálsklútnum Warm Bordeaux í DROPS 192-33. Við höfum nú þegar fitjað upp 21 lykkju (meðtalin 1 kantlykkja í hvorri hlið), prjónað 2 umferðir garðaprjón og endurtekið mynstur 3 sinnum. GATAMYNSTUR UMFERÐ 1 (= rétta): Prjónið 1 lykkju garðaprjón, * 2 lykkjur slétt saman, sláið 1 sinni uppá prjóninn *, prjónið frá *-* þar til 2 lykkjur eru eftir, prjónið 2 lykkjur slétt. UMFERÐ 2 (= ranga): Prjónið 1 lykkju slétt, prjónið brugðið þar til 1 lykkja er eftir, prjónið 1 lykkju slétt. UMFERÐ 3: Prjónið 1 lykkju garðaprjón, 1 lykkja slétt, * 2 lykkjur slétt saman, sláið 1 sinni uppá prjóninn *, prjónið frá *-* þar til 1 lykkja er eftir, prjónið 1 lykkju slétt. UMFERÐ 4: Prjónið 1 lykkju slétt, prjónið brugðið þar til 1 lykkja er eftir, prjónið 1 lykkju slétt. Endurtakið síðan umferð 1-4 upp úr. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:32
Hvernig á að prjóna einfalt gatamynstur með því að slá 1 sinni uppá prjóninn, 2 lykkjur saman

Í þessu DROPS myndbandi sýnum við hvernig hægt er að prjóna einfalt gatamynstur sem við notum í nokkrum af mynstrunum okkar. Munið eftir að prjóna kantlykkju í hvorri hlið. UMFERÐ 1 (frá réttu): Prjónið 1 kantlykkju, sláið 1 sinni uppá prjóninn, 2 lykkjur slétt saman, prjónið út umferðina og endið á 1 kantlykkju. UMFERÐ 2 (frá röngu): Prjónið 1 kantlykkju, sláið 1 sinni uppá prjóninn, 2 lykkjur brugðið saman, prjónið út umferð og endið á 1 kantlykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:19
Hvernig á að prjóna lykkjufléttur

Í þessu DROPS myndbandi sýnum við hvernig við prjónum lykkjur, sem m.a. eru í tátilju í DROPS 203-35. Við höfum nú þegar prjónað 7 lykkjur og í myndbandinu prjónum við 4 umferðir sem mynda lykkju, þar sem við fitjum upp nýjar lykkjur og fellum af. Eftir það sýnum við hvernig við prjónum opna lykkju og endum prjónið. Síðan sýnum við hvernig við saumum stykkið saman, hvernig lykkjurnar eru þræddar í gegnum hverja aðra, fléttaðar inn og saumaðar niður við opna fléttu. Við hoppum yfir/spólum hratt þar sem einungis eru prjónaðar sléttar lykkjur/endurtekningar. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
9:25
Hvernig á að prjóna 3 útgáfur af sama einfalda gatamynstrinu

Á myndbandinu sýnum við 3 útfærslur af sama einfalda gatamynstrinu, en prjónað mismunandi þannig að götin vísa annað hvort til hægri eða til vinstri eða að götin fari til skiptis yfir og undir hvert annað. Gatamynstur með þessari aðferð eru prjónað yfir 10 lykkjur þar sem 1 lykkjan í hvorri hlið er kantlykkja sem prjónuð er slétt (slétt í öllum umferðum). Mynsturumferðin er prjónuð frá réttu og prjónað er brugðið til baka. Ef götin eiga að vísa til hægri er prjónað þannig (1 kantlykkja í hvorri hlið): Prjónið 2 lykkjur slétt saman, sláið 1 sinni uppá prjóninn, endurtakið út umferðina. Ef götin eiga að vísa til vinstri er prjónað þannig (1 kantlykkja í hvorri hlið): Sláið 1 sinni uppá prjóninn, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir, endurtakið út umferðina. Ef götin eiga að fara til skiptis yfir og undir hvert annað er prjónað til skiptis samkvæmt þessum tveimur útskýringum frá réttu og frá röngu til baka. Munið eftir að í hverri úrtöku á að slá 1 sinni uppá prjóninn, þannig að allan tíman er sami fjöldi lykkja á prjóninum. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:34
Hvernig á að prjóna ” kross ” í mynsturprjóni

Í þessu DROPS myndbandi sýnum við hvernig við setjum 2 lykkjur á hjálparprjón framan við stykkið, prjónið 1 lykkju slétt, stingið síðan hægri prjóni aftan frá á milli 2 lykkja á hjálparprjóni og prjónið vinstri lykkju slétt. Ekki sleppa lykkjunni af prjóninum, prjónið hægri lykkju slétt þannig að hún verði liggjandi á ská yfir hinar 2 lykkjurnar, lyftið síðan báðum lykkjum af vinstri prjóni. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:26
Hvernig á að prjóna tvöfaldan uppslátt til að fá stórt gat

Í þessu DROPS myndbandi sýnum við hvernig hægt er að prjóna tvöfaldan uppslátt til að fá stórt gat. Þegar prjónað er gatamynstur og þú vilt fá stærri göt en þau sem fást þegar slegið er 1 sinni uppá prjóninn, er hægt að slá 2 sinnum uppá prjóninn og gera þannig tvöfaldan uppslátt. Prjónið tvöfaldan uppslátt á milli 2 lykkja eða sláið 2 sinnum uppá prjóninn á milli 2 lykkja. Í næstu umferð frá röngu er fyrri uppslátturinn prjónaður snúinn og sá seinni er látinn falla niður. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:19
Hvernig á að prjóna hlýra / band á öxl með kaðli á topp

Í þessu DROPS myndbandi sýnum við hvernig við prjónum eftir mynsturteikningu A.6 í toppnum «Seaside Spirals» í DROPS 211-13, en sama aðferð / svipaður kaðall er einnig gerður í öðrum uppskriftum. Þessi toppur er prjónaður úr DROPS Paris, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
10:40
Hvernig á að prjóna gatamynstur með öldumynstri

Í þessu DROPS myndbandi sýnum við hvernig við prjónum öldumynstur með gatamynstri. Þetta fallega öldumynstur er hægt að nota m.a. í hálsklúta. Við höfum valið að sýna tvær mynstureiningar á breiddina með 2 kantlykkjur í hvorri hlið. Til þess að það sjáist vel það sem við höfum prjónað höfum við þegar prjónað 1 mynstureiningu á hæðina og myndbandið byrjar með fyrstu umferð í næstu mynstureiningu: UMFERÐ 1 (rétta): Lyftið 1 lykkju af prjóni, 1 lykkja slétt, * sláið 1 sinni uppá prjóninn, 2 lykkjur snúið brugðið, 8 lykkjur slétt *, endurtakið frá og endið á 1 lykkju slétt, 1 lykkja brugðið. UMFERÐ2 og allar umferðir frá röngu: Lyftið 1 lykkju af prjóni, 1 lykkja slétt, 1 lykkja brugðið að síðustu 2 lykkjum, 1 lykkja slétt, 1 lykkja brugðið (umferð 4,6,8 og 10 er spólað hratt yfir á myndbandinu). UMFERÐ 3: Lyftið 1 lykkju af prjóni, * 1 lykkja slétt, sláið 1 sinni uppá prjóninn, 2 lykkjur snúnar saman, 5 lykkjur slétt, 2 lykkjur slétt saman, sláið 1 sinni uppá prjóninn *, endurtakið frá *-* og endið á 1 lykkju slétt, 1 lykkja brugðið. UMFERÐ 5: Lyftið 1 lykkju af prjóni, 1 lykkja slétt, * 2 lykkjur slétt, sláið 1 sinni uppá prjóninn, 2 lykkjur snúnar slétt saman, 3 lykkjur slétt, 2 lykkjur slétt saman, sláið 1 sinni uppá prjóninn, 1 lykkja slétt *, endurtakið frá *-* og endið á 1 l slétt, 1 lykkja brugðið. UMFERÐ 7: Lyftið 1 lykkju af prjóni, 1 lykkja slétt, * 3 lykkjur slétt, sláið 1 sinni uppá prjóninn, 2 lykkjur snúnar slétt saman, 1 lykkja slétt, 2 lykkjur slétt saman, sláið 1 sinni uppá prjóninn, 2 lykkjur slétt *, endurtakið frá *-* og endið á 1 lykkju slétt, 1 lykkja brugðið. UMFERÐ 9: Lyftið 1 lykkju af prjóni, 1 lykkja slétt, * 4 lykkjur slétt, sláið 1 sinni uppá prjóninn, 3 lykkjur slétt saman (= lyftið 1 lykkju af prjóni, 2 lykkjur slétt saman, steypið lyftu lykkjunni yfir yfir), sláið 1 sinni uppá prjóninn, 3 lykkjur slétt *, endurtakið frá *-* og endið á 1 lykkju slétt, 1 lykkja brugðið. UMFERÐ 10: Prjónið á sama hátt og brugðnu umferðirnar.
5:16
Hvernig á að prjóna einfalt áferðamynstur

Í þessu DROPS myndbandi sýnum við hvernig hægt er að prjóna fallegt áferðamynstur með 6 umferðum sem eru endurteknar. Við höfum fitjað upp 28 lykkjur með 3 lykkjur í hvorri hlið sem prjónaðar eru í sléttprjóni (slétt í hverri umferð) og prjónað 2 umferðir slétt. UMFERÐ 1: Prjónið 3 lykkjur slétt (= garðaprjón), * 2 lykkjur brugðið, 3 lykkjur slétt *, endurtakið frá *-* og endið með 2 lykkjur brugðið, 3 lykkjur slétt (= garðaprjón). UMFERÐ 2: Prjónið 3 lykkjur garðaprjón, eftir það er prjónað slétt yfir slétt og brugðið yfir brugðið, endið með 3 lykkjum garðaprjón. UMFERÐ 3: Prjónið eins og UMFERÐ 1. UMFERÐ 4: Prjónið eins og UMFERÐ 2. UMFERÐ 5: Prjónið 3 lykkjur garðaprjón, * 2 lykkjur brugðið, sláið 1 sinni uppá prjóninn,lyftið 1 lykkju af prjóni, prjónið 2 lykkjur slétt saman, steypið lyftu lykkjunni yfir, sláið 1 sinni uppá prjóninn *, endurtakið frá *-* þar til 5 lykkjur eru eftir, prjónið 2 lykkjur brugðið og 3 lykkjur garðaprjón. UMFERÐ 6: Prjónið 3 lykkjur garðaprjón, slétt yfir slétt og brugðið yfir brugðið (uppslátturinn er prjónaður snúinn brugðið svo ekki myndist gat), 3 lykkjur garðaprjón. Endurtakið UMFERÐ 1-6 að óskaðri lengd. Við notum garnið DROPS Snow í myndbandinu, gula prufan er prjónuð úr DROPS Lima.
9:43
Hvernig á að prjóna gatamynstur

Í þessu DROPS myndbandi sýnum við hvernig þú prjónar gatamynstur. Við fitjum upp 26 lykkjur og prjónum mynsturteikningu með 2 kantlykkjum í hvorri hlið (26+2). Mynsturteikning segir: Tómur ferningur = slétt frá réttu, brugðið frá röngu. Svartur punktur = brugðið frá réttu, slétt frá röngu. Þríhyrningur sem vísar til vinstri = 2 lykkjur slétt saman. Þríhyrningur sem vísar til hægri = lyftið 1 lykkju af prjóni, prjónið 1 lykkju slétt, steypið lyftu lykkjunni yfir. Þríhyrningur sem vísar upp = lyftið 1 lykkju af prjóni, prjónið 2 lykkjur slétt saman, steypið lyftu lykkjunni yfir. Tómur þríhyrningur = á milli 2 lykkja er slegið 1 sinni uppá prjóninn. Í myndbandinu notum við garnið DROPS Snow.
18:34
Hvernig á að prjóna kaðlamynstur

Í þessu DROPS myndbandi sýnum við hvernig við prjónum kaðlamynstur. Við fitjum upp 28 lykkjur og prjónum mynsturteikningu með 1 kantlykkju í hvorri hlið (26+2). Mynsturteikning sýnir: Auð rúða = slétt frá réttu, brugðið frá röngu. Rúða með stjörnu = brugðið frá réttu, slétt frá röngu. 6 rúður með einni skásettri línu = kaðall yfir 6 lykkjur: Setjið 2 lykkjur á hjálparprjón aftan við stykkið, 2 lykkjur á hjálparprjón framan við stykkið, prjónið 2 næstu lykkjur á prjóni slétt, prjónið 2 lykkjur af hjálparprjóni framan við stykkið slétt, prjónið 2 lykkjur af hjálparprjóni aftan við stykkið slétt. Í myndbandinu notum við garnið DROPS Snow.
9:23
Hvernig á að prjóna gatamynstur með litlum trjám

Í þessu DROPS myndbandi sýnum við hvernig þú prjónar gatamynstur með litlum trjám. Við fitjum upp 40 lykkjur og prjónum mynstureiningu með 2 kantlykkjum í hvorri hlið (36+4). Við höfum nú þegar prjónað 8 fyrstu umferðirnar og sýnum síðustu 8, þannig er auðveldara að sjá mynstrið. Mynsturteikning sýnir: Tómur ferningur = slétt frá réttu, brugðið frá röngu. Svart strik = brugðin lykkja. Tómur hringur = á milli 2 lykkja er slegið 1 sinni uppá prjóninn. Þríhyrningur sem vísar upp = lyftið 2 lykkjum af prjóni, prjónið 1 lykkju slétt, steypið lyftu lykkjunum yfir lykkjuna sem var prjónuð. Í myndbandinu notum við garnið DROPS Snow.
4:40
Hvernig á að prjóna gatamynstur með útaukningu og úrtöku til að gera lítinn hnút

Í þessu DROPS myndbandi sýnum við hvernig við prjónum við samkvæmt mynsturteikningu með útaukningu og úrtöku til að gera lítinn hnút. Þessi mynsturteikning er m.a. notuð í vestinu «Raspberry Rose» í DROPS 218-17 og peysunni «Raspberry Rose Sweater» í DROPS 218-18. Við prjónum 3 lykkjur slétt í hvorri hlið og merkjum 3 táknin sem mynda hnútinn með litnum fjólublár. 1. Mynsturtákn: Í lykkjunni undir næstu lykkju er prjónuð 1 lykkja slétt, sláið 1 sinni uppá prjóninn, 1 lykkja slétt (= 2 lykkjur fleiri). 2. Mynsturtákn: Prjónið 3 lykkjur sléttprjón 3. Mynsturtákn: Lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð (= 2 lykkjur færri). Vestið og peysan er prjónað úr DROPS Alpaca en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
7:25
Hvernig á að hekla eftir 4 mismunandi mynsturtáknum

Í þessu DROPS myndbandi sýnum við hvernig við prjónum eftir 4 mismunandi mynsturtáknum. Við merkjum táknin í mynsturteikningunni með litnum bleikur áður en við prjónum þau. Við prjónum 2 lykkjur í garðaprjóni í hvorri hlið. Í vissum mynstrum geta verið aðrar mynsturteikningar og svipuð mynsturtákn, en aðferðin er sú sama. Mynsturtákn 1: Prjónið 3 lykkjur slétt saman (= 2 lykkjur færri). Mynsturtákn 2: Á milli 2 lykkja er slegið 2 sinnum uppá prjóninn, í næstu umferð (ranga) er fyrri uppslátturinn prjónaður (þ.e.a.s. uppslátturinn að miðju í mynsturteikningu) snúinn brugðið, seinni uppslátturinn (þ.e.a.s. uppslátturinn að hlið) prjónaður brugðið (= 2 lykkjur fleiri). Mynsturtákn 3: Á milli 2 lykkja er slegið 2 sinnum uppá prjóninn, í næstu umferð (ranga) er fyrri uppslátturinn (þ.e.a.s. uppsláttur að hlið) prjónaður brugðið, seinni uppslátturinn (þ.e.a.s. uppslátturinn að miðju í mynsturteikningu) er prjónaður snúinn brugðið (= 2 lykkjur fleiri). Mynsturtákn 4: Lyftið 1 lykkju af prjóni eins og prjóna eigi slétt, 2 lykkjur slétt saman, steypið lyftu lykkjunni yfir (= 2 lykkjur færri). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
7:26
Hvernig á að prjóna A.2 í DROPS 170-32 og DROPS 170-8

Í þessu DROPS myndbandi sýnum við hvernig við prjónum gatamynstur samkvæmt mynstri A.2 í topp DROPS 170-32 og í peysu DROPS 170-8. Í þessu myndbandi höfum við nú þegar prjónað lítinn topp í sléttprjóni og 2 lykkjur í garðaprjóni í hvorri hlið. Mynstrið er prjónað fram og til baka. Þessi toppur og peysa er prjónað úr DROPS Paris, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrin með því að smella á myndina að neðan.
9:59
Hvernig á að prjóna kant með fléttu

Í þessu DROPS myndbandi sýnum við hvernig við prjónum fléttu kant. Kantur með fléttu er einfaldast að prjóna í hring á hringprjóna. Við fitjum fyrst upp jafnan fjölda lykkja (í pörum) með 2 litum. Eftir það þá tökum við af fyrstu lykkjunar á prjóninum og setjum prjónamerki áður en við prjónum fyrstu umferð slétt. Við prjónum annan hvorn litinn til skiptis. Næstu tvær umferðirnar eru prjónaðar brugðið og munið eftir að prjóna með sama lit og í umferðinni á undan. Þegar þú prjónar fyrstu umferðina brugðið er þráðurinn frá dokkunni lagður upp til hægri yfir prjóninn og þegar þú prjónar hina umferðina brugðið er þráðurinn frá dokkunni lagður fyrir framan stykkið til vinstri.
7:06
Hvernig á að prjóna lettneskan kaðal

Í þessu DROPS myndbandi sýnum við hvernig við prjónum lettneskan kaðal. Í myndbandinu höfum við nú þegar prjónað 1 kaðal. LETTNESKUR KAÐALL: Kaðallinn samanstendur af 3 umferðum og er prjónaður þannig: (litur 1 = grænn, litur 2 = rauðbrúnn): UMFERÐ 1: * prjónið 1 lykkju slétt með lit 1, 1 lykkja slétt með lit 2 *, endurtakið frá *-* umferðina hringinn. UMFERÐ 2: Leggið báða þræðina á framhlið á stykki (að þér). Færið lit 1 þráðinn yfir á bakhlið, prjónið 1 lykkju brugðið og færið þráðinn til baka yfir á framhlið. Dragið lit 2 þráðinn undir lit 1 þráðinn og síðan yfir á bakhlið, prjónið 1 lykkju brugðið og færið þráðinn til baka að framhlið. Haldið svona áfram með brugðið til skiptis lit 1 og lit 2, en færið alltaf þráðinn undir þráðinn frá síðustu lykkju sem þú prjónaðir. UMFERÐ 3: Prjónið eins og 2. umferð, en nú er þráðurinn alltaf færður yfir þráðinn frá síðustu lykkju sem þú prjónaðir. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.