DROPS Children 49 · Fullt af nýrri hönnun fyrir börn!

Hvernig á að prjóna gatamynstur

Í þessu DROPS myndbandi sýnum við hvernig þú prjónar gatamynstur. Við fitjum upp 26 lykkjur og prjónum mynsturteikningu með 2 kantlykkjum í hvorri hlið (26+2). Mynsturteikning segir:
Tómur ferningur = slétt frá réttu, brugðið frá röngu.
Svartur punktur = brugðið frá réttu, slétt frá röngu.
Þríhyrningur sem vísar til vinstri = 2 lykkjur slétt saman.
Þríhyrningur sem vísar til hægri = lyftið 1 lykkju af prjóni, prjónið 1 lykkju slétt, steypið lyftu lykkjunni yfir.
Þríhyrningur sem vísar upp = lyftið 1 lykkju af prjóni, prjónið 2 lykkjur slétt saman, steypið lyftu lykkjunni yfir.
Tómur þríhyrningur = á milli 2 lykkja er slegið 1 sinni uppá prjóninn.
Í myndbandinu notum við garnið DROPS Snow.
Annað tungumál:

Myndband #1208, skráð í: Lærðu að prjóna, Áferðaprjón, Gatamynstur

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Maria Angeles skrifaði:

7 me gustaría saber porque unas veces se crece en el delantero y otras veces en las mangas es que yo lo entiendo

25.04.2023 - 20:32

Country flag Anita K Jonsdottir skrifaði:

Do you have this pattern somewhere, I would like to knit it.

21.04.2019 - 09:05

DROPS Design :

Blessuð Anita. Þú getur farið inn á valmyndina Skýringar og hjálp á síðunni okkar og þar finnur þú mynsturs innblástur. Ef þú smellir á þann hlekk þá færðu fullt mynsturgerðum með númerum á mynstrinu. Gangi þér vel.

23.04.2019 - 15:06

Country flag Catherine Murphy skrifaði:

Your patterns are beautiful, and the videos are very well presented, instructive,and easily understood. A great asset for knitters.

26.11.2017 - 18:46

Country flag Catherine Murphy skrifaði:

Hello, My question is, when working a chart as in pattern 137-4, chart M.2, I would like some help. I'm new to lace knitting. Does the number of stitches change in the rep eat, or do they remain the same, and the stitches only increase on the panels before and after the repeat. That is my way thinking. Thank you so much for your help.

26.11.2017 - 18:43

DROPS Design :

Dear Mrs Murphy, the number of sts in M.2 will inc by 2 sts on every other row (= every row from RS). You can add a marker between each repeat to make sure you can follow number of sts as in diagram. Happy knitting!

27.11.2017 - 11:17

Country flag Gustella Miller skrifaði:

Love the clarity of the videos, seeing how the yarns are worked up, such as the Alpaca, Silk, and the Eskimo was very helpful, Thank You.

28.09.2017 - 02:46

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að prjóna samkvæmt mynsturteikningu M.1 í hálsklútnum í DROPS 136-2
14:07
Hvernig á að prjóna samkvæmt mynsturteikningu M.1 í hálsklútnum í DROPS 136-2

Í þessu DROPS myndbandi sýnum við hvernig við prjónum eftir mynsturteikningu A.1 2 sinnum á hæðina í hálsklútnum «Caress» í DROPS 136-2. Við höfum nú þegar fitjað upp 10 lykkjur og byrjum myndbandið á að prjóna 1 umferð slétt frá röngu áður en við byrjum á mynsturteikningu. Við sýnum einnig hvernig við aukum út með uppslætti eftir prjónamerkið 2 sinnum á hæðina. Þessi hálsklútur er prjónaður úr DROPS Alpaca, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna samkvæmt mynsturteikningu A.2 í DROPS 220-3 og 220-4
9:29
Hvernig á að prjóna samkvæmt mynsturteikningu A.2 í DROPS 220-3 og 220-4

Í þessu DROPS myndbandi sýnum við hvernig við prjónum samkvæmt mynsturteikningu A.2 í “Galatea” peysunni í DROPS 220-3 og “Galatea Cardigan” jakkapeysunni í DROPS 220-4. Við prjónum færri fjölda lykkja en sem stendur í uppskrift og við höfum nú þegar prjónað A.2 1 sinni á hæðina. Við sýnum byrjun á hverri umferð. Þessi peysa og jakkapeysa er prjónað úr 2 þráðum frá garnflokki A, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna gatamynstur með útaukningu og úrtöku til að gera lítinn hnút
4:40
Hvernig á að prjóna gatamynstur með útaukningu og úrtöku til að gera lítinn hnút

Í þessu DROPS myndbandi sýnum við hvernig við prjónum við samkvæmt mynsturteikningu með útaukningu og úrtöku til að gera lítinn hnút. Þessi mynsturteikning er m.a. notuð í vestinu «Raspberry Rose» í DROPS 218-17 og peysunni «Raspberry Rose Sweater» í DROPS 218-18. Við prjónum 3 lykkjur slétt í hvorri hlið og merkjum 3 táknin sem mynda hnútinn með litnum fjólublár. 1. Mynsturtákn: Í lykkjunni undir næstu lykkju er prjónuð 1 lykkja slétt, sláið 1 sinni uppá prjóninn, 1 lykkja slétt (= 2 lykkjur fleiri). 2. Mynsturtákn: Prjónið 3 lykkjur sléttprjón 3. Mynsturtákn: Lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð (= 2 lykkjur færri). Vestið og peysan er prjónað úr DROPS Alpaca en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að hekla eftir 4 mismunandi mynsturtáknum
7:25
Hvernig á að hekla eftir 4 mismunandi mynsturtáknum

Í þessu DROPS myndbandi sýnum við hvernig við prjónum eftir 4 mismunandi mynsturtáknum. Við merkjum táknin í mynsturteikningunni með litnum bleikur áður en við prjónum þau. Við prjónum 2 lykkjur í garðaprjóni í hvorri hlið. Í vissum mynstrum geta verið aðrar mynsturteikningar og svipuð mynsturtákn, en aðferðin er sú sama. Mynsturtákn 1: Prjónið 3 lykkjur slétt saman (= 2 lykkjur færri). Mynsturtákn 2: Á milli 2 lykkja er slegið 2 sinnum uppá prjóninn, í næstu umferð (ranga) er fyrri uppslátturinn prjónaður (þ.e.a.s. uppslátturinn að miðju í mynsturteikningu) snúinn brugðið, seinni uppslátturinn (þ.e.a.s. uppslátturinn að hlið) prjónaður brugðið (= 2 lykkjur fleiri). Mynsturtákn 3: Á milli 2 lykkja er slegið 2 sinnum uppá prjóninn, í næstu umferð (ranga) er fyrri uppslátturinn (þ.e.a.s. uppsláttur að hlið) prjónaður brugðið, seinni uppslátturinn (þ.e.a.s. uppslátturinn að miðju í mynsturteikningu) er prjónaður snúinn brugðið (= 2 lykkjur fleiri). Mynsturtákn 4: Lyftið 1 lykkju af prjóni eins og prjóna eigi slétt, 2 lykkjur slétt saman, steypið lyftu lykkjunni yfir (= 2 lykkjur færri). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig er hægt að prjóna einfalt gatamynstur
7:05
Hvernig er hægt að prjóna einfalt gatamynstur

Í þessu DROPS myndbandi sýnum við hvernig hægt er að prjóna einfalt gatamynstur, sem m.a. er í hálsklútnum Warm Bordeaux í DROPS 192-33. Við höfum nú þegar fitjað upp 21 lykkju (meðtalin 1 kantlykkja í hvorri hlið), prjónað 2 umferðir garðaprjón og endurtekið mynstur 3 sinnum. GATAMYNSTUR UMFERÐ 1 (= rétta): Prjónið 1 lykkju garðaprjón, * 2 lykkjur slétt saman, sláið 1 sinni uppá prjóninn *, prjónið frá *-* þar til 2 lykkjur eru eftir, prjónið 2 lykkjur slétt. UMFERÐ 2 (= ranga): Prjónið 1 lykkju slétt, prjónið brugðið þar til 1 lykkja er eftir, prjónið 1 lykkju slétt. UMFERÐ 3: Prjónið 1 lykkju garðaprjón, 1 lykkja slétt, * 2 lykkjur slétt saman, sláið 1 sinni uppá prjóninn *, prjónið frá *-* þar til 1 lykkja er eftir, prjónið 1 lykkju slétt. UMFERÐ 4: Prjónið 1 lykkju slétt, prjónið brugðið þar til 1 lykkja er eftir, prjónið 1 lykkju slétt. Endurtakið síðan umferð 1-4 upp úr. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna gatamynstur með litlum trjám
9:23
Hvernig á að prjóna gatamynstur með litlum trjám

Í þessu DROPS myndbandi sýnum við hvernig þú prjónar gatamynstur með litlum trjám. Við fitjum upp 40 lykkjur og prjónum mynstureiningu með 2 kantlykkjum í hvorri hlið (36+4). Við höfum nú þegar prjónað 8 fyrstu umferðirnar og sýnum síðustu 8, þannig er auðveldara að sjá mynstrið. Mynsturteikning sýnir: Tómur ferningur = slétt frá réttu, brugðið frá röngu. Svart strik = brugðin lykkja. Tómur hringur = á milli 2 lykkja er slegið 1 sinni uppá prjóninn. Þríhyrningur sem vísar upp = lyftið 2 lykkjum af prjóni, prjónið 1 lykkju slétt, steypið lyftu lykkjunum yfir lykkjuna sem var prjónuð. Í myndbandinu notum við garnið DROPS Snow.