DROPS Children 49 · Fullt af nýrri hönnun fyrir börn!

Hvernig á að auka út í klukkuprjóni með því að prjóna nokkrar lykkjur í sömu lykkju

Í þessu DROPS myndbandi sýnum við hvernig auka á út í klukkuprjóni með uppslætti með því að prjóna nokkrar lykkjur í sömu lykkju og hvernig prjóna á eftir útaukningu, t.d. eins og í DROPS 194-13. ATH! Í útskýringu er prjónað í hring, en í þessu myndbandi prjónum við frá hægri til vinstri (= engar brugðnar lykkjur). Í 1. umferð í myndbandi prjónum við aðeins af 3. umferð, útskýringu á klukkuprjóni bæði fyrir og á eftir fjölda útaukna lykkja.
Aukið út lykkjur þannig: Prjónið 5 lykkjur í lykkju og uppslátt þannig: * Prjónið uppslátt og lykkjuna slétt saman, en bíðið með að steypa lykkjunni og uppslættinum sem prjónað var af prjóni, sláið 1 sinni uppá hægri prjón, prjónið frá *-* 2 sinnum og prjónið lykkjuna og uppsláttinn slétt saman 1 sinni til viðbótar = 5 lykkjur (= 4 lykkjur fleiri). Í næstu umferð (= umferð 2 í útskýringu af mynstri) prjónið útauknar lykkjur inn í klukkuprjón. Það er ekkert klukkuprjóns uppsláttur í útaukning, þannig að lykkjan sem prjóna á saman við uppslátt er prjónuð án uppsláttar. Í næstu umferð er prjónað eins og útskýring á 3. umferð af klukkuprjóni.
Í þessu myndbandi notum við garnið DROPS Snow.
Fylgja þarf uppskrift með þessari aðferð til þess að geta fylgt myndbandinu eftir.
Þú finnur mynstrið með því að smella á myndina að neðan.

Mynstur þar sem þessi aðferð er notuð

DROPS 252-12

DROPS 252-12
DROPS 254-20

DROPS 254-20
DROPS 252-8

DROPS 252-8
DROPS 252-7

DROPS 252-7
Annað tungumál:

Myndband #1332, skráð í: Lærðu að prjóna, Hvernig á að auka út í prjóni, Útaukning í klukkuprjóni

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Elly De Hooge skrifaði:

Goedemiddag, ik brei het vest 216.14 . Ie toer van het meerere snap ik. Bij de terugnaald zie ik dat de in de vijf gemeerderde steken dat er 2 steken averecht worden gebreid… terwijl bij het tel patroon staat dat de steken recht gebreid moeten worden..\r\nVierkantje met - erin recht op de verkeerde kant? \r\nHellp … wat is het nu?\r\nVriendelijk groet Elly

26.10.2022 - 17:43

DROPS Design :

Dag Elly,

De omslagen brei je recht op de verkeerde kant (en averecht op de goede kant). Dat zijn de streepjes links en rechts boven de steek waar je op de vorige naald aan de goede kant de 5 steken in 1 steek hebt gebreid.

26.10.2022 - 19:30

Country flag Cristina skrifaði:

E poi sempre nel secondo giro prima e dopo gli aumenti prende le due maglie assieme di rovescio, cosa che nel modell Scotch mist non viene fatto... Inoltre questa frase in italiano non ha senso “ in modo che la maglia che dev'essere lavorata con il gettato sia lavorata senza il gettato.”. Grazie ☺️

16.07.2021 - 16:30

DROPS Design :

Buongiorno Cristina, abbiamo modificato la spiegazione del video in modo da renderlo più chiaro. Buon lavoro!

23.07.2021 - 14:59

Country flag Cristina skrifaði:

Ciao io non capisco come fare il secondo ferro dopo gli aumenti. Io sto lavorando a Scotch Mist. Nel video fa un gettato e prende il primo aumento a rovescio senza lavorarlo, sul secondo aumento fa un rovescio, il terzo di nuovo un gettato e rovescio non lavorato, quarto aumento fa un rovescio e il quinto gettato con rovescio senza lavorarlo. Ma nel lavoro Scotch Mist non ci sono rovesci, facciamo sempre gettato con rovescio non lavorato e due punti insieme a dritto. Non capisco...

16.07.2021 - 16:02

DROPS Design :

Buongiorno Cristina, ci può spiegare esattamente a quale punto del modello Scotch Mist fa riferimento? Può anche scrivere direttamente nel modello! Buon lavoro!

23.07.2021 - 14:54

Country flag Birgit Hagedorn skrifaði:

Får for mange masker på pinden, på pinden efter opslagningsomgangen. Seks gange tre = 18 masker for meget?

20.09.2018 - 11:39

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að auka út um 4 lykkjur í klukkuprjóni
2:03
Hvernig á að auka út um 4 lykkjur í klukkuprjóni

Í þessu DROPS myndbandi sýnum við hvernig við prjónum 5 lykkjur í klukkuprjóns lykkju (= prjónað er í lykkjuna undir næstu lykkju og aukið er út um 4 lykkjur). Við sýnum þetta tvisvar sinnum í myndbandinu og prjónum þannig: Prjónið 1 lykkju slétt, en bíðið með að lyfta lykkjunni af prjóni, * sláið 1 sinni uppá hægri prjón, prjónið sömu lykkju slétt án þess að lyfta henni af vinstri prjóni *, prjónið frá *-* alls 2 sinnum, sleppið síðan lykkjunni af vinstra prjóni = 5 lykkjur (þ.e.a.s. 4 lykkjur fleiri). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að auka út og merkja útauknar lykkjur með prjónamerkjum í klukkuprjóni
10:43
Hvernig á að auka út og merkja útauknar lykkjur með prjónamerkjum í klukkuprjóni

Í þessu DROPS myndbandi sýnum við hvernig við aukum út og merkjum útauknar lykkjur með mismunandi litum, eins og gert er í peysunni «Cheers to Lift» í DROPS 212-28. AUKIÐ SVONA ÚT LYKKJUR MEÐ FJÓLUBLÁUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, færið fjólubláa prjónamerkið að þessari lykkju (þ.e.a.s. lykkju á hægri prjóni), en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar = 3 lykkjur (= 2 lykkjur fleiri). Prjónamerkið situr í fyrstu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. AUKIÐ SVONA ÚT LYKKJUR MEÐ GRÆNUM PRJÓNAMERKJUM: Prjónið 3 lykkjur í lykkjuna og uppsláttinn og færið prjónamerkið þannig: Prjónið uppsláttinn og lykkjuna slétt saman, en bíðið með að sleppa lykkjunni og uppslættinum sem prjónað var í af vinstri prjóni, sláið 1 sinni uppá hægri prjón og prjónið lykkjuna og uppsláttinn slétt saman 1 sinni til viðbótar og færið græna prjónamerkið að þessari lykkju = 3 lykkjur (= 2 lykkjur fleiri). Prjónamerkið situr í síðustu útauknu lykkjunni (= slétt lykkja). Í næsta skipti sem aukið er út er aukið út í lykkju með prjónamerki. Í næstu umferð eru prjónaðar 3 lykkjur inn í klukkuprjóns mynstri þannig: Sláið 1 sinni uppá prjóninn, takið 1 lykkju óprjónaða eins og prjóna eigi brugðið, prjónið uppsláttinn brugðið, sláið 1 sinni uppá prjóninn, takið 1 lykkju óprjónaða eins og prjóna eigi brugðið. Síðan er prjónað áfram í klukkuprjóns mynstri. Þessi peysa er prjónuð úr DROPS Brushed Alpaca Silk og DROPS Glitter, en í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að prjóna í lykku fyrir neðan og hvernig á að auka út 4 lykkjur í 1 lykkju
15:54
Hvernig á að prjóna í lykku fyrir neðan og hvernig á að auka út 4 lykkjur í 1 lykkju

Í þessu DROPS myndbandi sýnum við hvernig við prjónum 1 lykkju slétt undir næstu lykkju og hvernig við aukum út um 4 lykkjur í einu og sömu lykkjuna. Þessi mynsturteikning er sótt frá DROPS 201-40, en sama aðferð er notuð í nokkrum öðrum mynstrum. Við byrjum myndbandið með því að sýna hvernig við prjónum mynsturteikningu A.1 og þá sérstaklega hvernig við prjónum 1 lykkju slétt í lykkjuna undir næstu lykkju og köllum þessa fyrir klukkuprjónslykkju. Við sýnum 1. umferð af A.1 4 sinnum. Í 2. umferð á mynsturteikningunni eru allar lykkjurnar prjónaðar brugðið. Þegar A.2 hefur verið prjónað sýnum við hvernig 5 lykkjur eru prjónaðar í klukkuprjónslykkjuna þannig: Prjónið 1 lykkju slétt, en bíðið með að steypa lykkjunni af prjóninum, * sláið 1 sinni uppá hægri prjóninn, prjónið sömu lykkju slétt án þess að steypa henni af vinstri prjóni *, prjónið frá *-* alls 2 sinnum, sleppið síðan eftir það lykkjunni af vinstri prjóni = 5 lykkjur (þ.e.a.s. 4 lykkjur fleiri). Eftir það sýnum við hvernig mynsturteikning A.3 er prjónuð. Við notum garnið DROPS Snow í myndbandinu. Þetta garn er frekar þykkt, en ef prjónað er með fínna garni þá kemur útaukningin í klukkuprjónslykkjunni að verða betri. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að auka út um 4 lykkjur prjónað með tveimur litum í klukkuprjóni í 1 lykkju og uppslátt
1:00
Hvernig á að auka út um 4 lykkjur prjónað með tveimur litum í klukkuprjóni í 1 lykkju og uppslátt

Í þessu DROPS myndbandi sýum við hvernig við aukum út 4 lykkjur prjónað með tveimur litum í klukkuprjóni í 1 lykkju og uppslátt þannig: = Prjónið uppsláttinn og sléttu lykkjuna slétt saman, en bíðið með að taka lykkjuna af prjóninum, * sláið 1 sinni uppá hægri prjón og prjónið lykkjuna og uppsláttinn saman án þess að steypa lykkjunni af prjóni *, prjónið frá *-* alls 2 sinnum = 5 lykkjur (þ.e.a.s. 4 lykkjur fleiri). Við notum garnið DROPS Snow í myndbandinu. Fylgja þarf uppskrift til þess að geta fylgt myndbandinu eftir. Þú getur séð þetta mynstur með því að smella á myndina að neðan.
Video thumbnail for Hvernig á að auka út í fölsku klukkuprjóni
5:18
Hvernig á að auka út í fölsku klukkuprjóni

Í þessu DROPS myndbandi sýnum við hvernig auka á út í fölsku klukkuprjóni og hvernig prjónað er á eftir útaukningu, eins og er t.d. í peysu DROPS 197-2 og pilsi í DROPS 197-37. Við byrjum með að prjóna 7 lykkjur falskt klukkuprjón áður en við aukum út þannig: Prjónið uppsláttinn og sléttu lykkjuna slétt saman, en bíðið með að steypa uppslættinum og sléttu lykkjunni af prjóni. * Sláið 1 sinni uppá hægri prjón og prjónið sléttu lykkjuna og uppsláttinn slétt saman *, prjónið frá *-* alls 2 sinnum = 5 lykkjur (= 4 útauknar lykkjur). Í næstu umferð eru nýjar lykkjur prjónaðar inn í klukkuprjón (þannig: * 1 uppsláttur, steypið 1 lykkju yfir á hægri prjón eins og prjóna eigi hana brugðna, 1 lykkja brugðin *, endurtakið frá *-* 1 sinni til viðbótar. 1 uppsláttur, steypið yfir 1 lykkju á hægri prjón eins og prjóna eigi hana brugðna). Haldið áfram með klukkuprjóns mynstur. Prjónið klukkuprjón í næstu umferð þannig: * Prjónið uppsláttinn og sléttu lykkjuna slétt saman, 1 lykkja brugðin *, endurtakið frá *-* út umferðina. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að auka út í klukkuprjóni
5:07
Hvernig á að auka út í klukkuprjóni

Í þessu DROPS myndbandi sýnum við hvernig við aukum út með uppslætti í hvorri hlið á stykki í klukkuprjóni. Uppslátturinn er prjónaður jafnóðum inn í mynstrið, en það myndast ekki ný "klukkuprjóns-röð" í hvorri hlið fyrr en aukið hefur verið út tvisvar sinnum í hvorri hlið. Í myndbandinu aukum við út um 1. umferð og í 2. umferð sýnum við hvernig við prjónum uppsláttinn snúinn (prjónum aftan í lykkjubogann). Síðan aukum við aftur út í 5. umferð og í 6. umferð sýnum við hvernig uppslátturinn er prjónaður snúinn jafnframt sem hann er prjónaður inn í mynstur. Að lokum er hægt að sjá 2 nýjar "klukkuprjóns-raðir" í hvorri hlið sem samanstanda af alls 4 útaukningum í hvorri hlið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.