DROPS Alpaca Party - 13 tegundir af alpakka garni á afslætti í allan október!

Lærðu að prjóna

Lærðu hvernig á að prjóna með víðtæku safni okkar af prjónamyndböndum. Frá því að ná tökum á grunnaðferðum til að prjóna flókin gatamynstur, myndböndin okkar ná yfir allt! Þú getur lært vinsælar aðferðir eins og evrópskar axlir og axlasæti, auk ráðlegginga og tækniaðferða eins og að taka upp lykkjur og gera stuttar umferðir. Fullkomið fyrir prjónara á öllum stigum, kennsluleiðbeiningarnar okkar eru hannaðar til að hvetja og leiðbeina þér hvert skref á leiðinni!

Flokkar
Myndbönd: 600
4:44
Hvernig á að fitja upp með tyrkneskri aðferð

Í þessu DROPS myndbandi sýnum við hvernig við fitjum upp með tyrkneskri aðferð. Létt aðferð sem gefur ósýnilegan uppfitjunarkant t.d. fyrir sokka, púða, töskur o.fl. Vefjið þræðinum laust utan um tvo prjóna, haldið í endann. Byrjið á að prjóna lykkjur frá efri prjóni, snúið síðan stykkinu og prjónið lykkjur frá hinum prjóninum, haldið áfram að prjóna frá einum prjóni í einu hring eftir hring. Ef það er tá á einum sokk þá er byrjað á að auka út í 2. umferð með því að auka út um 1 lykkju í hvorri hlið á hvorum prjóni í hverri eða í annarri hverri umferð þar til nægilegur fjöldi lykkja er kominn fyrir breidd á fæti. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:40
Hvernig á að fitja upp í stroffi

Í þessu DROPS myndbandi sýnum við hvernig við fitjum upp í stroffi. Teygjanlegur kantur getur verið hentugur fyrir stroff, við sýnum 2 lykkjur slétt / 2 lykkjur brugðið í stroffi í myndbandinu en þetta hentar líka ef prjónuð er 1 lykkja slétt / 1 lykkja brugðið í stroffi. Mjög hentugt fyrir sokka, vettlinga, húfur eða álíka sem þú vilt að hafi teygjanlegan uppfitjunarkant. Einnig ef prjónað er í hring þá er gott að fitja upp á bandprjóna og flytja síðan lykkjurnar yfir á sokkaprjóna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:55
Hvernig á að fitja upp með 2 litum

Í þessu DROPS myndbandi sýnum við hvernig við fitjum upp með 2 litum. Þessið aðferð minnir verulega á uppfitjun en nú er fitjað upp með tveimur þráðum með ólíkum litum. Byrjið á að gera lykkju með báðum þráðum (losað er um þessa lykkju síðar), þannig að allar lykkjurnar sem eru fitjaðar upp eru með 1 þráð. Að fitja upp með 2 litum er falleg byrjun á stykki sem prjóna á með 2 litum eins og t.d. Fair Isle mynstur, rendur eða tvíbandaprjón.
1:49
Hvernig á að fitja upp með 3 litum

Í þessu DROPS myndbandi sýnum við hvernig hægt er að fitja upp með 3 litum. Þessi aðferð minnir venjulega á uppfitjun en nú er fitjað upp með þremur þráðum í ólíkum litum. Fyrst er byrjað á að gera lykkju með öllum þremur litunum til að halda þráðunum saman (losað er um þessa lykkju síðar). Við notum einn lit sem kant og það er sá þráður sem er utan um þumalinn, hinir tveir litirnir veru notaðir til skiptis til að búa til nýjar lykkjur, eins og útskýrt er í myndbandinu. Tilvalin byrjun þegar prjóna á skásett stykki með röndum eins og í t.d. stroffi eða kanti / líningu á Fair-Isle mynstri sem byrjar strax eftir uppfitjunarkant eða tvíbandaprjóni.
1:59
Hvernig á að fitja upp með 2 litum á víxl

Í þessu DROPS myndbandi sýnum við hvernig hægt er að fitja upp með 2 litum á víxl. Þessi aðferð minnir verulega á uppfitjun en nú er fitjað upp með tveimur þráðum í ólíkum litum. Byrjið á að gera lykkju með báðum þráðunum (losað er um þessa lykkju síðar), síðan eru myndaðar lykkjur til skiptis frá fremri þræðinum og aftari þræðinum, eins og útskýrt er í myndbandinu. Tilvalin aðferð við byrjun á stykki með röndum t.d eins og stroff eða líningu.
6:18
Hvernig á að fitja upp með 2 hringprjónum

Í þessu DROPS myndbandi sýnum við hvernig við fitjum upp með 2 hringprjónum, til að geta síðan prjónað í tvær áttir. Þú finnur mynstur þar sem þessi aðferð er notuð, í stað þess að sauma saman 2 stykki með lykkjuspori, með því að smella á myndirnar að neðan.
2:17
Hvernig á að fitja upp með 2 hringprjónum til að fá lausari uppfitjunarkant

Í þessu DROPS myndbandi sýnum við hvernig við fitjum upp með tvo hringprjóna. Þessa aðferð notum við stundum í mynstrunum okkar til að koma í veg fyrir að kanturinn verði of stífur. Þegar fitjaður hefur verið upp sá fjöldi lykkja sem gefinn er upp í mynstri, dragið út annan hringprjóninn og byrjið að prjóna. Í þessu myndbandi fitjum við upp á prjóna 7 og 8 og við drögum út prjón 8. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
6:55
Hvernig á að gera ósýnilegan uppfitjunarkant í tvöföldu prjóni

Í þessu DROPS myndbandi sýnum við hvernig hægt er að gera óskýnilegan uppfitjunarkant í tvöföldu prjoni. Fitjið upp með þessari aðferð með tveimur litum til skiptis til þess að fá ósýnilega byrjun á stykki með tvöföldu prjóni. Dregna-lykkjan í byrjun verður sleppt niður eftir nokkrar umferðir og er ekki inni í lykkjufjöldanum sem er fitjaður upp. Fitjaðu upp lykkjur samtímis fyrir báðar hliðar og önnur hver lykkja tilheyrir framstykki og bakstykki á stykkinu. Passið uppá að fitja upp jafnan lykkjufjölda þannig að það verða jafn margar lykkjur á framstykki og á bakstykki. Þegar þú prjónar fyrstu umferðina passið uppá að vefja böndunum þannig að fyrstu lykkjurnar haldast saman. Passið uppá að prjóna sléttar lykkjur slétt og brugðnar lykkjur brugðið eins og við sýnum í myndbandinu okkar.
8:14
Hvernig á að fitja upp með 2 litum í tvöföldu prjóni

Í þessu DROPS myndbandi sýnum við hvernig við fitjum upp með 2 litum í tvöföldu prjóni. Fitjið upp með þessari aðferð með tveimur litum til skiptis þegar byrjað er á stykki með tvöföldu prjóni. Uppfitjunar-lykkjan í byrjun kemur til með að vera látin falla niður eftir nokkrar umferðir og er ekki með í lykkjufjöldanum sem fitjaður er upp. Fitjið upp lykkjur samtímis fyrir báðar hliðar og önnur hver lykkja tilheyrir framstykki og bakstykki á stykkinu. Passið uppá að fitja upp jafnan fjölda lykkja þannig að sami fjöldi lykkja er á framstykki og á bakstykki. Þegar prjónuð er fyrsta umferðir passið uppá að snúa þræðina þannig að fyrsta lykkjan helst saman. Passið uppá að prjóna sléttar lykkjur slétt og brugðnar lykkjur brugðið eins og útskýrt er í myndbandinu.
2:58
Hvernig á að fella af frá röngu

Í þessu DROPS myndbandi sýnum við hvernig við fellum af frá röngu. Frá röngu er fellt af á sama hátt og frá réttu, nema lykkjurnar eru prjónaðar brugðið áður en þeim er steypt yfir. Þegar ein lykkja er eftir, klippið frá og dragið þráðinn í gegnum síðustu lykkjuna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:59
Hvernig á að fella af í stroffi

Í þessu DROPS myndbandi sýnum við hvernig við fellum af í stroffi. Þegar stroff er prjónað skrifum við oftast að fella á af eins og í stroffi. Hvort sem prjónuð er 1 lykkja slétt / 1 lykkja brugðið eða 2 lykkjur slétt / 2 lykkjur brugðið (eins og útskýrt er í myndbandinu). Fyrst sýnum við Evrópska útgáfu og í lok umferðar Ameríska útgáfu. Prjónið sléttar lykkjur slétt og brugðnar lykkjur brugðið ásamt því sem fellt er af með því að steypa næst síðustu lykkju yfir síðustu lykkju. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
1:26
Hvernig á að fella af með uppslætti

Í þessu DROPS myndbandi sýnum við hvernig hægt er að fella af með uppslætti. Til þess að koma í veg fyrir að affellingarkanturinn verði of stífur, þá getur þú með jöfnu millibili slegið þræðinum 1 sinni uppá prjóninn jafnframt því sem fellt er af. Uppslátturinn er síðan felldur af eins og venjuleg lykkja. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:44
Hvernig á að fella af með teygjanlegum kanti með uppslætti

Í þessu DROPS myndbandi sýnum við hvernig við fellum af með uppslætti svo að kanturinn verði teygjanlegur. Við sýnum bæði hvernig við fellum af frá réttu og frá röngu. Prjónið 1. lykkju slétt, sláið 1 sinni uppá prjóninn, en öfugt (aftan frá og fram), prjónið næstu lykkju slétt = 2 lykkjur + 1 uppsláttur um hægri prjón. Steypið uppslættinum og fyrstu lykkjunni sem var prjónuð með vinstri prjóni yfir síðustu lykkjuna sem var prjónuð = 1 lykkja á hægri prjóni. Næsta lykkjan er brugðin lykkja og er prjónuð þannig: Sláið 1 sinni uppá prjóninn, prjónið 1 lykkju brugðið. Steypið uppslættinum og öftustu lykkjunni yfir síðustu lykkjuna sem var prjónuð = 1 lykkja á hægri prjóni. Sláið 1 sinni uppá prjóninn, prjónið 1 lykkju brugðið. Steypið uppslættinum og öftustu lykkjunni yfir fyrstu lykkjuna = 1 lykkja á hægri prjóni. Endurtakið út alla umferðina, nema öfugan uppslátt við sléttar lykkjur og venjulegan uppslátt við brugðnar lykkjur. Við notum garnið DROPS Snow í myndbandinu.
4:58
Hvernig á að fella af með ítalskri affellingu, með 1 lykkju slétt / 1 lykkju brugðið

Í þessu DROPS myndbandi sýnum við hvernig við saumum ítalska affellingu með nál og þræði í stroffprjóni með 1 lykkju slétt / 1 lykkju brugðið. Með þessari aðferð þá næst fram teygjanleg affelling sem er tilvalið að nota í t.d. sokka sem eru prjónaðir frá tá og upp, í kringum kant í hálsmáli, kanta á sjölum eða kantlykkjur á ermum sem eru prjónaðar ofan frá og niður. Þráðar endinn sem sauma á með verður að vera minnst 3-4 sinnum lengri en stykkið sem fella á af. Hluti 1: Byrjið frá réttu (fyrsta lykkjan á að vera 1 lykkja slétt). Stingið nálinni inn í 1. lykkju eins og prjóna eigi lykkjuna slétt, lyftið lykkjunni af prjóni, stingið nálinni inn í 2. lykkju á vinstri prjóni (= slétt lykkja) eins og prjóna eigi lykkjuna brugðið. Dragið þráðinn í gegnum þessar 2 lykkjur (= 1 lykkja felld af). Hluti 2: Stingið nálinni inn í 1. lykkju (brugðin lykkja) eins og prjóna eigi lykkjuna brugðið, lyftið lykkjunni af prjóni, stingið nálinni inn frá bakhlið á prjóni á milli 1. og 2. lykkju, stingið nálinni í gegnum 2. lykkju (brugðin lykkja) eins og prjóna eigi lykkjuna slétt, dragið þráðinn alveg í gegnum þessar 2 lykkjur. Endurtakið Hluti 1 og Hluti 2 þar til allar lykkjur hafa verið felldar af. Í hvert skipti sem Hluti 1 og Hluti 2 hefur verið gerður er felld af 1 lykkja. Við notum garnið DROPS Snow í myndbandinu. Aðferðin er notuð í mörgum mynstrum – Þú finnur mynstur þar sem þessi aðferð er notuð með því að smella á myndirnar að neðan.
9:15
Ítölsk affelling með stroffi með 2 sléttum lykkjum, 2 brugðnum lykkjum

Í þessu DROPS myndbandi sýnum við hvernig á að sauma ítalska affellingu með stroffi með 2 sléttum lykkjum og 2 brugðnum lykkjum. Byrjið með löngum enda þráðar, lengdin fer eftir fjölda lykkja sem á að fella af (u.þ.b. 3-4 sinnum lokalengd stykkisins). Allar lykkjur eru saumaðar tvisvar áður en þær eru teknar af prjóninum. Allar sléttar lykkjur eru fyrst saumaðar brugðnar, síðan teknar af slétt og allar brugðnu lykkjur eru fyrst saumaðar slétt og síðan teknar af brugðnar. Byrjið svona, áður en þið fylgið liðum 1 til 4 hér að neðan: Saumið fyrstu lykkjuna brugðið, dragið þráðinn út, stingið nálinni inn frá röngu hliðinni og á milli lykkja 2 og 3, dragið þráðinn út, saumið síðan lykkju 3 slétt. Byrjið svona og endurtakið liði 1-4 eins og lýst er hér (við sýnum þetta fjórum sinnum í myndbandinu): 1 - Saumið lykkju 1 slétt, takið lykkjuna af, snúið nálinni, saumið næstu lykkju brugðið og dragið þráðinn út. 2 - Saumið lykkju 2 brugðið, dragið þráðinn út, saumið lykkju 3 slétt, dragið þráðinn út. 3 - Saumið lykkju 1 slétt, takið lykkjuna af, dragið þráðinn út, saumið lykkju 3 brugðið, dragið þráðinn út og takið lykkju 1 af. 4 - Saumið lykkju 1 slétt, dragið þráðinn út og takið lykkjuna af. Frá röngu hliðinni, stingið nálinni á milli lykkja 2 og 3, dragið þráðinn út og saumið lykkju 3 slétt.
6:34
Ítölsk affelling - 2 lykkjur slétt / 2 lykkjur brugðið

Í þessu DROPS myndbandi sýnum við hvernig við gerum ítalska affellingu í stykki sem er prjónað með 2 lykkjur slétt og 2 lykkjur brugðið. Áður en affellingin byrjar er prjónuð 1 umferð þar sem 2 lykkjur slétt / 2 lykkjur brugðið verður að 1 lykkju slétt / 1 lykkju brugðið. Þegar maður byrjar með affellinguna verður þráðar endinn sem saumað er með að vera minnst 4 sinnum lengri en stykkið sem fella á af. 1) Stingið inn nálinni í 1. lykkju (slétt lykkja) eins og prjóna eigi slétt og lyftið lykkjunni af. 2) Stingið inn nálinni í 2. lykkju (slétt lykkja) eins og prjóna eigi brugðið. 3) Stingið inn nálinni í 1. lykkju (brugðin lykkja) eins og prjóna eigi brugðið, lyftið lykkjunni af (þráðurinn er nú á bakhlið á stykki). Frá bakhlið, stingið nálinni inn á milli 1. og 2. lykkju. 4) Frá framhlið, stingið nálinni inn í brugðnu lykkjuna (2. lykkju). Endurtakið útskýringu frá 1 til 4. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
15:52
Hvernig á að sauma ítalska affellingu hringinn

Í þessu DROPS myndbandi sýnum við hvernig við fellum af með því að sauma ítalska affellingu hringinn í stroffi með 1 lykkju slétt og 1 lykkju brugðið. Áður en við byrjum affellinguna eru prjónaðar 4 umferð þar sem sléttu lykkjurnar og brugðnu lykkjurnar eru prjónaðar sér. Í umferð 1 og 3 eru sléttu lykkjurnar prjónaðar slétt, á meðan brugðnu lykkjunum er lyft af prjóni eins og prjóna eigi þær brugðið með þráðinn fyrir framan. Í umferð 2 og 4 eru brugðnu lykkjurnar prjónaðar brugðið og sléttu lykkjunum er lyft af prjóni eins og prjóna eigi þær brugðið. Við notum prjónamerki til að sýna byrjun á umferð, en þegar við byrjum affellinguna, setjum við prjónamerki í 1. lykkju slétt og 1. lykkju brugðið. Klippið þráðinn, þráðar endinn sem sauma á með verður að vera minnst 4 sinnum lengri en stykkið sem fella á af. Nú byrjar affellingin. * Stingið inn nálinni í 1. lykkju slétt eins og prjóna eigi slétt, þræðið þráðinn í gegn og lyftið lykkjunni af prjóni. Stingið nálinni í 2. lykkju slétt eins og prjóna eigi brugðið og dragið þráðinn í gegn, látið þessa lykkju hvíla á prjóni. Stingið nálinni inn frá hægri í 1. lykkju brugðið og að þér, dragið þráðinn í gegn og takið lykkjuna laust af. Stingið inn nálinni frá bakhlið á milli 2 næstu lykkja, snúið nálinni og stingið nálinni til baka, en þá í brugðnu lykkjuna eins og prjóna eigi slétt og dragið þráðinn í gegn. Endurtakið frá * umferðina hringinn þar til 2 lykkjur eru eftir, setjið 2 fyrstu lykkjurnar í umferð (lykkjur með prjónamerki), á prjóninn og haldið áfram með affellinguna. Þar sem þráðurinn hefur nú þegar farið í gegnum 2 fyrstu lykkjurnar í byrjun á umferð 1 sinni, saumið þessar lykkjur eingöngu 1 sinni í lokin. Festið þráðinn á bakhlið. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
12:18
Hvernig á að gera ítalska affellingu - 1 lykkja slétt /1 lykkja brugðið án þess að nota nál - tubul

Í þessu DROPS myndbandi sýnum við hvernig við gerum ítalska affellingu - tubular cast off í stroffprjóni 1 lykkju slétt / 1 lykkju brugðið án þess að nota nál. Þetta sýninshorn er prjónað í stroffprjóni, 1 lykkja slétt og 1 lykkja brugðið. Fyrst eru prjónaðar 4 umferðir þar sem helmingur af lykkjunum er prjónaður sér. Það er gert með því að lyfta öllum brugðnu lykkjunum af prjóni eins og prjóna eigi brugðið og prjóna allar sléttu lykkjurnar slétt. Þetta er gert í 4 umferðir. Nú er lykkjunum skipt niður á tvo prjóna, önnur hver lykkja á prjóni. Brugðnar lykkjur saman á prjóni og sléttar lykkjur saman á prjóni. Prjónarnir snúa í sömu átt, í þá átt sem þráðurinn er, þráðurinn á að liggja á aftari prjóni. Hægt er að lykkja saman lykkjurnar með nál eða að prjóna lykkjurnar saman. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:26
Hvernig á að gera saumaða affellingu

Í þessu DROPS myndbandi sýnum við hvernig hægt er að gera saumaða affellingu, teygjanlega affellingu sem er tilvalin t.d. fyrir sokka sem eru prjónaðir frá tá og upp, í kringum kant á hálsmáli, kant á sjali eða kantlykkjum á ermum sem eru prjónaðar ofan frá og niður. Klippið þráðinn nógu langan fyrir affellingu, ca 4 sinnum lengra en kanturinn sem fella á af. * Stingið nálinni í gegnum fyrstu lykkju frá hægri til vinstri, dragið þráðinn í gegn, stingið síðan nálinni í gegnum fyrstu lykkju frá vinstri til hægri, dragið þráðinn í gegn og sleppið síðan þessarri lykkju af prjóninum, endurtakið frá *. Passið uppá að prjónfestan passið við afganginn af stykki.
3:48
Hvernig á að fella af með teygjanlegum kanti

Í þessu DROPS myndbandi sýnum við hvernig við fellum af með teygjanlegum kanti. Endaðu stykkið með fallegum, teygjanlegum kanti. Mjög hentugt á teppum, húfum sem prjónaðar eru ofan frá og niður og sokkum sem prjónaðir eru frá tá og upp úr o.s.frv. Fitjið upp 2 nýjar lykkjur í byrjun umferðar (á myndbandinu notum við skólafit): * Prjónið 2 lykkjur slétt, 2 lykkjur slétt saman í aftari lykkjubogann, setjið 3 lykkjur af hægri prjóni aftur til baka yfir á vinstri prjón *, endurtakið frá *-*. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:26
Hvernig á að fella af með i-cord kanti í garðaprjóni

Í þessu DROPS myndbandi sýnum við hvernig við fellum af með i-cord kanti í stykki í garðaprjóni. Fitjið upp 2 nýjar lykkjur og prjónið upp 1 lykkju í ysta lið í fyrstu umferð í garðaprjóni = 3 lykkjur á prjóni. * Færið lykkjurnar yfir að byrjun á prjóni, þannig að hægt sé að prjóna einu sinni til viðbótar frá réttu án þess að snúa stykkinu. Prjónið 2 lykkjur slétt, lyftið næstu lykkju af prjóni eins og prjóna eigi slétt, prjónið upp eina nýja lykkju yst í næstu umferð í garðaprjóni, steypið lykkjunni sem lyft var af prjóni yfir lykkjuna sem prjónuð var upp *, prjónið frá *-* þar til prjónaður hefur verið upp kantur meðfram öllu stykkinu. Til að koma í veg fyrir að kanturinn verði ekki of stífur þá prjónum við upp 2 auka lykkjur sem viðbót við þegar prjónuð er upp lykkja í annarri hverri umferð í garðaprjóni frá kanti. Prjónið 3 síðustu lykkjurnar á prjóni slétt saman. Við notum garnið DROPS Snow í myndandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
10:50
Hvernig á að setja 2 stykki saman og fella af með i-cord

Í þessu DROPS myndbandi sýnum við hvernig á að tengja saman tvö stykki (A og B), og síðan fella af með I-cord. Setjið allar lykkjurnar frá A og B á sama prjón, þannig að önnur hver lykkja á prjóninum tilheyri A og B. Við fellum af með I-cord þannig: - Fitjið upp 3 lykkjur á hægri prjón. Setjið 3 lykkjur af hægri prjóni yfir á vinstri prjóninn þannig að þráðurinn sem prjónaður er nú staðsettur 3 lykkjum inn á vinstri prjóninn. - UMFERÐ 1 (= rétta): Prjónið 2 lykkjur slétt, 3 lykkjur snúnar slétt saman (þ.e.a.s. 1 lykkja af framstykki og 1 lykkja af bakstykki hefur fækkað). Setjið 3 lykkjur af hægri prjóni aftur yfir á vinstri prjóninn. Ekki snúa við (þegar prjónað er áfram þá herðir þráðurinn á stykkinu og það myndast snúrukantur). - Endurtakið umferð 1 þar til 3 lykkjur eru eftir. Fellið af og festið alla þræði.
8:58
Hvernig á að prjóna skáhallandi öxl ásamt því að fella af með i-cord affellingu á öxl

Í þessu DROPS myndbandi sýnum við aðferð til að fá skáhallandi öxl með stuttum umferðum. Eftir það sýnum við hvernig við fellum af við axlasauminn með i-cord affellingu. Munið að lesa í mynstrinu með réttum fjölda lykkja. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:05
Hvernig á að fella af með I-cord lykkjum

Í þessu DROPS myndbandi sýnum við hvernig hægt er að fella af í stykki með I-cord lykkjum. Þegar fellt er af, * prjónið I-cord snúru ca 6 cm (sjá útskýringu á I-cord snúru aðeins neðar), prjónið lykkjur frá I-cord snúrunni saman við 3 næstu lykkjur á stykkinu *, endurtakið frá *-* út umferðina og fellið af 3 síðustu lykkjur eins og venjulega. Við höfum valið 3 lykkja I-cord snúru ca 6 cm, en hægt er að breyta þessu eftir eigin ósk. I-cord snúra: * Prjónið 1 umferð á sokkaprjón. Færið lykkjurnar á hinn endann á prjóninum, ekki snúa stykkinu við *, endurtakið frá *-*. Við notum garnið DROPS Snow í myndbandinu.