DROPS Super Sale - 30% AFSLÁTTUR á 5 frábærum garntegundum!

Kennslumyndbönd

Flokkar
Myndbönd: 1735
9:12
Hvernig á að prjóna Indverskar krosslykkjur

Í þessu DROPS myndbandi sýnum við hvernig hægt er að prjóna Indverskar krosslykkjur. Í þessu sýnishorni höfum við fitjað upp 32 lykkjur (verður að vera deilanlegt með 8). Við höfum nú þegar prjónað mynstureiningu (1-12 umferð) og umferð 1-4. Í myndbandinu byrjum við á umferð 5 í annað sinn. UMFERÐ1-4: Prjónið garðaprjón. UMFERÐ 5: Prjónið 1 lykkju slétt, * prjónið næstu lykkju slétt án þess að sleppa lykkju niður af prjóni, en sláið 4 sinnum uppá prjóninn áður en lykkjan er prjónuð til loka (allir uppslættir eru látnir falla niður í næstu umferð). Haldið svona áfram út umferðina, en síðasta lykkjan er prjónuð slétt. Snúið við *. UMFERÐ 6: Takið fyrstu lykkju óprjónaða yfir á hægri prjón. Takið næstu lykkju óprjónaða yfir á hægri prjón og takið næstu 3 uppslætti yfir á hægri prjón. Haldið svona áfram þar til 8 lykkjur eru á hægri prjón, dragið lykkjurnar til þannig að þær verði jafn langar. Takið fyrstu 4 lykkjur á hægri prjóni yfir á vinstri prjón, yfir þær 4 síðustu lykkjur, setjið síðan 4 síðustu lykkjur á vinstri prjón (= 8 lausar lykkjur á vinstri prjón sem liggja í kross yfir hverja aðra). Passið uppá að þær liggi í réttri röð. Prjónið þessar 8 lykkjur slétt. Haldið svona áfram með 8 næstu lykkjur og 8 lykkjur á eftir það út umferðina. UMFERÐ 7-10: Prjónið garðaprjón. UMFERÐ 11: Prjónið eins og umferð 5. UMFERÐ 12: Takið fyrstu lykkju óprjónaða yfir á hægri prjón. Takið næstu lykkju óprjónaða yfir á hægri prjón og takið næstu 3 uppslætti yfir á hægri prjón. Haldið áfram 2 sinnum til viðbótar = 4 langar lykkjur á hægri prjóni, dragið lykkjurnar til þannig að þær verði jafn langar. Takið 2 fyrstu lykkjur á hægri prjón yfir á vinstri prjón, yfir 2 síðustu lykkjur, setjið síðan 2 síðustu lykkjur á vinstri prjón (= 4 lausar lykkjur á vinstri prjón sem liggja í kross yfir hverja aðra). Passið uppá að þær liggi í réttri röð. Prjónið þessar 4 lykkjur slétt. Takið næstu 8 uppslætti og setjið á hægri prjón, dragið í lykkjurnar þannig að þær verði jafn langar. Takið fyrstu 4 lykkjur af 8 lykkjum yfir síðustu 4 lykkju yfir á vinstri prjón, takið síðan síðustu 4 l af hægri prjón yfir á vinstri prjón (= 8 langar lykkjur á vinstri prjón sem liggja í kross yfir hverja aðra). Prjónið þessar 8 lykkjur slétt. Haldið svona áfram með 8 næstu lykkjur og 8 lykkjur á eftir þær þar til eftir eru 4 langar lykkjur á hægri prjóni. Dragið í lykkjurnar til þess að þær verði jafn langar. Takið fyrstu 2 lykkjur af þeim 4 yfir síðustu 2 lykkjur, setjið síðustu 2 lykkjur á hægri prjóni yfir á vinstri prjón (= 4 lausar lykkjur á vinstri prjón sem liggja í kross yfir hverja aðra). Prjónið þessar 4 lykkjur slétt. Endurtakið umferð 1-12 að óskaðri lengd. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:14
Hvernig á að prjóna tveggja lita Royal Quilting mynstur

Í þessu DROPS myndbandi sýnum við hvernig við prjónum tveggja lita ROYAL Quilting mynstur. Fitjið upp fjölda lykkja sem hægt er að deila með 6+3 með lit A.1. Í þessu myndbandi höfum við fitjað upp 18+3 lykkjur með lit A með DROPS Snow. Umferð 1: RANGA, litur A, prjónið 2 lykkjur brugðið, * passið uppá að þráðurinn sé nú á réttunni, lyftið 5 næstu lykkjum af vinstri prjóni eins og prjóna eigi brugðið yfir á hægri prjón, 1 lykkja brugðið * (það kemur til með að myndast lykkja frá réttu yfir 5 lykkjur sem voru steyptar yfir) endurtakið frá *-* þar til 1 lykkja er eftir, prjónið 1 lykkju brugðið. Umferð 2: RÉTTA, litur B, prjónið allar lykkjur slétt. Umferð 3: RANGA, litur B, prjónið allar lykkjur brugðið. Umferð 4: RÉTTA, litur A, prjónið 1 lykkju slétt, lyftið 3 lykkjum af vinstri prjóni eins og prjóna eigi brugðið yfir á hægri prjón, prjónið næstu lykkju slétt saman með lykkju sem var gerð í 3 umferð að neðan. * lyftið yfir 5 lykkjur af vinstri prjón eins og prjóna eigi brugðið yfir á hægri prjón, prjónið saman næstu lykkju með lykkju sem var gerð í 3 umferð að neðan *, endurtakið frá *-* þar til fjórar lykkjur eru eftir. Lyftið yfir 3 lykkjum af vinstri prjóni eins og prjóna eigi brugðið yfir á hægri prjón, 1 lykkja slétt. Umferð 5: RANGA, litur A, leggið þráðinn að réttu, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið, * leggið þráðinn að réttu, lyftið yfir 5 lykkjur af vinstri prjóni eins og prjóna brugðið yfir á hægri prjón, 1 lykkja brugðið *, endurtakið frá *-* þar til lykkjur eru eftir, lyftið yfir 3 lykkjur af vinstri prjóni eins og prjóna eigi brugðið yfir á hægri prjón, 1 lykkja brugðið. Umferð 6-7. Endurtakið umferð 2-3. Umferð 8: RÉTTA, með lit A, prjónið 1 lykkju slétt, prjónið næstu lykkju slétt saman með lykkju sem var gerð 3 umferðum að neðan, * lyftið yfir 5 lykkjur af vinstri prjóni eins og prjóna eigi brugðið yfir á hægri prjón, prjónið saman næstu lykkju með lykkju sem var gerð 3 umferðum að neðan *, endurtakið frá *-* þar til 1 lykkja er eftir, prjónið síðustu lykkju slétt. Endurtakið umferð 1-8 að óskaðri lengd. Vínrauða og bleika prjónaprufan er prjónuð úr DROPS Cotton Merino.
10:37
Hvernig á að prjóna spennandi áferðamynstur

Í þessu DROPS myndbandi sýnum við hvernig við prjónum smá hluta af áferðamynstri í peysu í DROPS 194-5. Þessi aðferð er einnig notuð í öðrum mynstrum. Í mynstrinu prjónar maður hringinn, en í þessu myndbandi þá prjónum við einungis frá hægri til vinstri og sýnum einungis 3 umferðir af mynsturteikningu, sjá mynsturteikningu merkta með rauðum lit. Umferð 1: (svartur þríhyrningur sem nær yfir 3 rúður í mynsturteikningu): = þræðið hægri prjón í gegnum miðju af 3 lykkjum slétt 4 umferðum að neðan, sláið 1 sinni uppá prjóninn og dragið þráðinn til baka að réttu, uppslátturinn má ekki vera of stífur, prjónið 3 lykkjur slétt, þræðið hægri prjóni í gegnum sömu lykkju, sláið 1 sinni uppá prjóninn og dragið þráðinn til baka að réttu. Umferð 2 (strik yfir 5 rúður): = lyftið 1. lykkju af prjóni (= uppslátturinn sem var gerður frá fyrri umferð) eins og prjóna eigi slétt, 3 lykkjur slétt, lyftið næstu lykkju af prjóni (= uppslátturinn sem var gerður í fyrri umferð) eins og prjóna eigi brugðið. Umferð 3: 1.-3 og 5. svartur þríhyrningur yfir 2 rúður = prjónið 2 lykkjur snúnar slétt saman. 2.-4. og 6. svarti þríhyrningur yfir 2 rúður = prjónið 2 lykkjur slétt saman. Þessi peysa er prjónuð úr DROPS Air, en í myndbandinu notum við grófara garn; DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
10:38
Hvernig á að prjóna einfalt fiðrilda mynstur

Í þessu DROPS myndbandi sýnum við hvernig við prjónum einfalt fiðrildamynstur sem endurtekur sig. Eitt fiðrildi er prjónað yfir 7 lykkjur + lykkjur á milli hverra fiðrilda og 2 lykkjur í garðaprjóni í hvorri hlið (garðaprjón = prjónið slétt í hverri umferð). Við höfum fitjað upp 29 lykkjur og prjónað 1 umferð slétt með aðallit (grænn), 2 lykkjur í hvorri hlið eru prjónaðar í garðaprjóni. Við byrjum myndbandið á að prjóna þannig: Frá réttu: Prjónið 2 lykkjur garðaprjón, * leggið auka litinn framan við stykkið/að þér, prjónið 7 lykkjur slétt, leggið auka litinn aftan við stykkið/frá þér, prjónið 2 lykkjur slétt *, endurtakið þetta frá *-* út umferðina. Frá röngu: Prjónið 2 lykkjur garðaprjón , * leggið auka litinn aftan við stykkið/frá þér, prjónið 7 lykkjur brugðið, leggið auka litinn framan við stykkið/að þér, prjónið 2 lykkjur brugðið *, endurtakið frá *-* út umferðina, en 2 síðustu lykkjurnar eru prjónaðar í garðaprjóni, snúið stykkinu. Endurtakið þessar tvær umferðir þar til þú ert með 6 lausa þræði á framhlið. Frá réttu: Prjónið nú bara með aðallit. Prjónið 2 lykkjur garðaprjón, 3 lykkjur slétt * stingið hægri prjón undir alla 6 löngu þræðina (notið e.t.v. þumalinn til aðstoðar), prjónið næstu lykkju, lyftið ekki lykkju af vinstri prjóni, en dragið lykkjuna undir 6 löngu þræðina, setjið lykkjuna á hægri prjón, prjónið þessar tvær lykkjur snúnar slétt saman, 8 lykkjur slétt, endurtakið frá *-* 1 sinni til viðbótar. Stingið hægri prjóni undir alla 6 löngu þræðina, prjónið næstu lykkju, lyftið ekki lykkjunni af vinstri prjóni, setjið lykkjuna á hægri prjón, prjónið þessar tvær lykkjur snúnar slétt saman, 3 lykkjur slétt og 2 lykkjur garðaprjón, snúið stykkinu og prjónið 1 umferð brugðið frá röngu með 2 lykkjur garðaprjón í hvorri hlið. Við notum garnið DROPS Snow í þessu myndbandi.
5:49
Hvernig á að prjóna langar lykkjur

Í þessu DROPS myndbandi sýnum við hvernig við prjónum langar lykkjur. Þetta er fallegt lykkjumynstur sem við höfum notað nokkrum sinnum í mynstrum okkar. UMFERÐ 1: Prjónið 4 lykkjur brugðið, 2 lykkjur brugðið saman, 2 lykkjur snúnar brugðið saman, endurtakið út umferðina. UMFERÐ 2: Ef prjónað er í hring þá er prjónuð 1 umferð brugðið ef prjónað er fram og til baka þá er prjónuð 1 umferð slétt til baka. UMFERÐ 3: Prjónið 4 lykkjur brugðið, stingið inn hægri prjón á milli úrtöku 2 umferð undir, prjónið upp 1 lykkju slétt sem dregin er upp í langa lykkju á hægri prjóni, 2 lykkjur brugðið, gerið eina langa lykkju í sama gat og sú fyrsta. UMFERÐ 4: Prjónið á sama hátt og umferð 2. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:12
Hvernig á að prjóna hnút yfir 3 lykkjur

Í þessu DROPS myndbandi sýnum við hvernig við prjónum hnút yfir 3 lykkjur, sem er meðal annar í jakkapeysu í DROPS 186-16. Við prjónum 3 lykkjur án þess að sleppa þeim af vinstri prjón og prjónum þannig: 3 lykkjur brugðið saman, 3 lykkjur slétt saman, 3 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
5:03
Hvernig á að prjóna hnút yfir 4 lykkjur

Í þessu DROPS myndbandi sýnum við hvernig við prjónum hnút yfir 4 lykkjur, sem er meðal annar í jakkapeysu í DROPS 186-16. Við sýnum hnútinn 2 sinnum. Prjónið 4 lykkjur án þess að sleppa þeim af vinstri prjón og prjónum þannig: 4 lykkjur brugðið saman, 4 lykkjur slétt saman, 4 lykkjur brugðið saman, sleppið síðan lykkjunum af vinstri prjóni. Í myndbandinu notum við garnið DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
2:53
Hvernig á að prjóna 3 lykkjur saman 2 sinnum - stjörnumynstur

Í þessu DROPS myndbandi sýnum við hvernig við prjónum 3 lykkjur slétt saman 2 sinnum þannig að það myndist stjörnumynstur. Við prjónum samkvæmt mynsturteikningu og höfum prjónað 3 sinnum á hæðina, endurtökum þetta 3 sinnum á breiddina og prjónum 2 lykkjur í garðaprjóni í hvorri hlið. Prjónið svona þegar prjóna á 3 lykkjur saman: Prjónið 3 lykkjur slétt saman (rétta) án þess að lyfta lykkjum af prjóni, sláið 1 sinni uppá prjóninn, prjónið 3 lykkjur slétt saman í sömu 3 lykkjurnar og sleppið þeim af prjóni (= 3 lykkjur). Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
12:03
Hvernig á að prjóna samkvæmt mynsturteikningu til að fá langar lykkjur

Í þessu DROPS myndbandi sýnum við hvernig við prjónum samkvæmt mynsturteikningu A.1 og A.2 í barnateppinu «Terracotta Dreams» í DROPS Baby 39-6 til að fá langar lykkjur. Við höfum nú þegar prjónað A.1 og A.2 1 sinni á hæðina og við prjónum A.1 2 sinnum á breiddina, A.2 1 sinni á breiddina og 4 lykkjur garðaprjón í hvorri hlið. Þessi aðferð er einnig notuð í öðrum mynstrum. Þetta teppi er prjónað úr DROPS Merino Extra Fine, en í myndbandinu notum við grófara garn; DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstrið með því að smella á myndina að neðan.
5:07
Hvernig á að prjóna körfumynstur

Í þessi DROPS myndbandi sýnum við hvernig hægt er að prjóna körfumynstur. Fín en þétt áferð, fullkomin til þess að nota í körfur og innanhúsmuni eins og púða, diskamottur og ipad töskur, en einnig fyrir vindþéttar húfur og vettlinga. Prjónið fram og til baka. Fitjið upp lykkjur með oddatölu fjölda lykkja, prjónið 1 umferð brugðið frá röngu. UMFERÐ 1 (rétta): Prjónið 1 umferð slétt, * 1 lykkja slétt aftan í lykkjubogann á 2. lykkjur af vinstri prjóni, síðan 1 lykkja slétt í fyrstu lykkju frá vinstri prjóni, sleppið síðan niður þessar 2 lykkju af vinstri prjóni, endurtakið frá *-* þar til 2 lykkjur eru eftir, 2 lykkjur slétt. UMFERÐ 2 (ranga): Prjónið 1 umferð slétt, * 1 lykkja brugðið framan í lykkjubogann á 2. lykkjur af vinstri prjóni, síðan 1 lykkja brugðið í fyrstu lykkju á vinstri prjóni, sleppið síðan niður þessar 2 lykkjur af vinstra prjóni, endurtakið frá *-* þar til 2 lykkjur eru eftir, 1 lykkja brugðið, 1 lykkja slétt. Endurtakið umferð 1-2.
3:43
Hvernig á að prjóna körfumynstur fram og til baka

Í þessu DROPS myndbandi sýnum við hvernig við prjónum körfumynstur fram og til baka. Við höfum nú þegar prjónað nokkrar umferðir svo að það sé auðveldara að sjá mynstrið. Við byrjum myndbandið með: UMFERÐ 1 (= ranga): * 1 lykkja brugðið í 2. lykkju (1. lykkja er enn á prjóni), prjónið 1. lykkju brugðið, sleppið henni niður af prjóni *, endurtakið frá *-* þar til 1 lykkja er eftir á prjóni, 1 lykkja brugðið. UMFERÐ 2 (= rétta): * 2. lykkja á prjóni er prjónuð snúin slétt fyrir aftan 1. lykkju (þ.e.a.s. aftan í lykkjubogann), 1. lykkja er enn á prjóni, prjónið 1. lykkju slétt, sleppið henni niður af prjóni *, endurtakið frá *-* þar til 1 lykkja er eftir á prjóni, 1 lykkja slétt. Endurtakið þessar 2 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
7:24
Hvernig á að prjóna körfumynstur í hring á hringprjóna

Í þessu DROPS myndandi sýnum við hvernig við prjónum körfumynstur í hring á hringprjóna. Við höfum nú þegar prjónað nokkrar umferðir svo að auðveldara sé að sjá mynstrið. Við byrjum myndbandið á: UMFERÐ 1: * 2. lykkja á prjóni er prjónuð snúin slétt fyrir aftan 1. lykkju (þ.e.a.s. aftan í lykkjubogann) 1. lykkja er enn á prjóni, prjónið 1. lykkju slétt, sleppið þeim af prjóni *, endurtakið frá *-* þar til 1 lykkja er eftir á prjóninum, 1 lykkja slétt. UMFERÐ 2: 1 lykkja slétt, sleppið henni niður af prjóni, * 2. lykkju á prjóni eru prjónaðar slétt, 1. lykkja er enn á prjóni, prjónið 1. lykkju slétt, sleppið henni niður af prjóni *, endurtakið frá *-* út umferðina. Endurtakið þessar 2 umferðir. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:20
Hvernig á að prjóna fiskibeinamynstur á hringprjóna

Í þessu DROPS myndbandi sýnum við hvernig við prjónum fiskibeinamynstur í hring á hringprjóna. Þetta fallega fiskibeinamynstur er ekki eins flókið og það sýnist vera. Þessi sígilda áferð er fullkomin fyrir mynstur í hálsklúta, hálsskjól, húfur og innanhúsmuni fyrir heimilið. Stykkið verður stíft og þess vegna eru notaðir grófari prjónar en þá sem mælt er með fyrir grófleika á garni. FISKIBEINAMYNSTUR (deilanlegt með fjölda í pari): Passið fyrst uppá að lykkjurnar séu ekki snúnar utan um prjóninn og tengið saman með því að lyfta síðustu lykkjunni sem fitjuð var upp frá hægri prjóni yfir á vinstri prjón (svo að hún er við hliðina á fyrstu lykkjunni sem fitjuð var upp). Setjið eitt prjónamerki á hægri prjón. Prjónið 2 lykkjur slétt saman og sleppið niður fyrstu lykkjunni á vinstri prjón (látið hinar lykkjurnar vera eftir á prjóninum). UMFERÐ 1: Prjónið 2 lykkjur slétt saman og sleppið niður fyrstu lykkjunni á vinstri prjón, endurtakið þar til 1 lykkja er eftir á undan prjónamerki. Þegar þú hefur 1 lykkju eftir á undan prjónamerki þá færir þú prjónamerkið yfir á hægri prjón. Prjónið 2 lykkjur slétt saman og sleppið bara niður fyrstu lykkjunni á vinstri prjón. Takið næstu lykkju á vinstri prjón, snúið henni í hina áttina og setjið hana til baka á prjóninn. UMFERÐ 2: Prjónið 2 lykkjur slétt saman í gegnum aftari lykkjubogann og sleppið bara niður fyrstu lykkjunni á vinstri prjóni, endurtakið þar til 1 lykkja er eftir á undan prjónamerki. Þegar þú ert með 1 lykkju eftir á undan prjónamerki þá færir þú prjónamerkið yfir á hægri prjón. Prjónið 2 lykkjur slétt saman í gegnum aftari lykkjubogann og sleppið bara niður fyrstu lykkjunni á vinstra prjóni. Takið næstu lykkju yfir á vinstri prjón, snúið henni í hina áttina og setjið til baka á prjóninn. Endurtakið umferð 1 og 2.
4:57
Hvernig á að prjóna býkúpumynstur

Í þessu DROPS myndbandi sýnum við hvernig við prjónum býkúpumynstur. Fitjið upp fjölda lykkja með sléttri tölu. Prjónið fyrstu og síðustu lykkju í hverri umferð slétt en aðrar lykkjur með mynstri þannig: UMFERÐ 1 (ranga): * 1 lykkja slétt, lyftið 1 lykkju af prjóni eins og prjóna eigi brugðið með þráðinn aftan við stykkið *, endurtakið frá *-*. UMFERÐ 2 (rétta): Prjónið allar lykkjur slétt. UMFERÐ 3: * Lyftið 1 lykkju af prjóni eins og prjóna eigi brugðið með þráðinn aftan við stykkið, 1 lykkja slétt *, endurtakið frá *-*. UMFERÐ 4: Prjónið allar lykkjur slétt. Endurtakið umferð 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:07
Hvernig á að prjóna grjónamynstur

Í þessu DROPS myndbandi sýnum við hvernig við prjónum grjónamynstur. Þetta er einfalt og fallegt mynstur með áferð, einungis endurtekningar á tveimur umferðum. Fitjið upp lykkjur með sléttri tölu. UMFERÐ 1 (rétta): Prjónið 1 lykkju slétt, * 1 lykkja brugðið, 1 lykkja snúin slétt (þ.e.a.s. prjónið aftan í lykkjubogann) *, endurtakið frá *-* og endið umf á 1 lykkju slétt. UMFERÐ 2 (ranga): Prjónið allar lykkjur í umferð slétt. Endurtakið umferð 1-2 til að búa til mynstur.
4:37
Hvernig á að prjóna einfalt vöfflumynstur með sléttum og brugðnum lykkjum

Í þessu DROPS myndbandi sýnum við hvernig við prjónum einfalt vöfflumynstur með sléttum og brugðnum lykkjum. Fitjið upp fjölda lykkja sem er deilanlegur með 3+1. Í myndbandinu höfum við fitjað upp 16 lykkjur (15+1) og við höfum nú þegar prjónað 4 endurtekningar (umferð 1-4, 4 sinnum) svo að áferðin verði sýnileg. UMFERÐ 1 (ranga): Prjónið 1 lykkju slétt, * 2 lykkjur brugðið, 1 lykkja slétt *, endurtakið frá *-* út umferðina. UMFERÐ 2 (rétta): Prjónið 1 lykkju brugðið, * 2 lykkjur slétt, 1 lykkja brugðin *, endurtakið frá *-* út umferðina. UMFERÐ 3 (ranga): Allar lykkjur eru prjónaðar slétt. UMFERÐ 4 (rétta): Alveg eins og umferð 2 Endurtakið umferð 1-4 að óskaðri lengd og fellið af í umferð 3.
8:01
Hvernig á að prjóna vöfflumynstur

Í þessu DROPS myndbandi sýnum við hvernig við prjónum vöfflumynstur í teppinu A Patch of Comfort í DROPS 157-21. Í myndbandinu höfum við þegar prjónað smá stykki til þess að sjá mynstrið betur. Við byrjum á umferð 2. UMFERÐ 1 (ranga): slétt fá röngu. UMFERÐ 2 (rétta): 2 lykkjur slétt, * prjónið 1 lykkju slétt í lykkju frá fyrri umferð og sleppið niður lykkju af vinstri prjóni, 1 lykkja slétt *, endurtakið frá *-* þar til 2 lykkjur eru eftir á prjóni, 2 lykkjur slétt. UMFERÐ 3 (ranga): 2 lykkjur slétt, * prjónið 1 lykkju slétt, takið upp lykkjuna sem liggur í kringum lykkju og prjónið þá lykkju slétt saman með lykkju af prjóni *, endurtakið frá *-* þar til 2 lykkjur eru eftir á prjóni, 2 lykkjur slétt. UMFERÐ 4 (rétta): 2 lykkjur slétt, * 1 lykkja slétt, prjónið 1 lykkja slétt í lykkju frá fyrri umferð og sleppið síðan niður lykkju af vinstri prjóni *, endurtakið frá *-* þar til 2 lykkjur eru eftir á prjóni, 2 lykkjur slétt. UMFERÐ 5 (ranga): 2 lykkjur slétt, * takið upp lykkjuna sem liggur í kringum lykkju og prjónið hana slétt saman með lykkju á prjóni, 1 lykkja slétt *, endurtakið frá *-* þar til 2 lykkjur eru eftir á prjóni, 2 lykkjur slétt. Endurtakið umf 2-5. Þetta teppi er prjónað úr DROPS Nepal, en í myndbandinu notum við grófara garn; DROPS Snow. Fylgja þarf uppskrift til þess að geta fylgt myndbandinu eftir. Þú finnur mynstrið með því að smella á myndina að neðan.
5:15
Hvernig á að prjóna stjörnumynstur

Í þessu DROPS myndbandi sýnum við hvernig við prjónum stjörnumynstur. Við byrjum myndbandið á umferð 1. UMFERÐ 1 (= rétta): 1 umferðir slétt. UMFERÐ 2 (= ranga): 1 lykkjur slétt, * 3 lykkjur brugðið saman án þess að taka þær af prjóni, sláið 1 sinni uppá prjóninn, 3 l brugðið saman í sömu 3 lykkju og sleppið þeim niður af prjóni, 1 lykkja slétt *, endurtakið frá *-* út umferðina. UMFERÐ 3 (= rétta): 1 umferðir slétt. UMFERÐ 4 (= ranga): 3 lykkjur slétt, * 3 lykkjur brugðið saman án þess að taka þær af prjóni, sláið 1 sinni uppá prjóninn, 3 l brugðið saman í sömu lykkju og sleppið þeim af prjóni, 1 lykkjur slétt *, endurtakið frá *-* þar til 2 lykkjur eru eftir á prjóni, endið á 2 lykkjur slétt. Endurtakið umferð 1-4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:47
Hvernig á að prjóna brómberjamynstur á hringprjóna

Í þessu DROPS myndbandi sýnum við hvernig við prjónum brómberjamynstur í hring á hringprjóna. Þegar þetta mynstur er prjónað í hring kemur réttan til með að vera á innanverðu á stykki. Þ.e.a.s. stykkið er prjónað með rönguna út og er snúið við þegar það er tilbúið. Við höfum nú þegar prjónað 4 umferðir svo að auðveldara sé að sjá mynstrið. Við byrjum myndbandið á: UMFERÐ 1: * 1 lykkja brugðið, 3 lykkjur slétt*, endurtakið frá *-* umferðina hringinn. UMFERÐ 2: * Prjónið 3 lykkjur í sömu lykkju þannig: 1 lykkja slétt, 1 lykkja brugðið, 1 lykkja slétt, prjónið síðan næstu 3 lykkjur brugðið saman *, endurtakið frá *-*. UMFERÐ 3: * 3 lykkjur slétt, 1 lykkja brugðið *, endurtakið frá *-*. UMFERÐ 4: * 3 lykkjur brugðið saman, prjónið síðan 3 lykkjur í næstu lykkju þannig: 1 lykkja slétt, 1 lykkja brugðið, 1 lykkja slétt *, endurtakið frá *-*. Endurtakið umferð 1-4, stillið af að endað er eftir umferð 2 eða 4. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:49
Hvernig á að prjóna stjörnumynstur með 2 litum

Í þessu DROPS myndbandi sýnum við hvernig hægt er að prjóna stjörnumynstur með tveimur litum. Við byrjum á að fitja upp, síðan prjónum við umferð 1-4 þannig: UMFERÐ 1 (ranga): Með litnum grænn – brugðið út umferðina. UMFERÐ 2 (rétta): 2 lykkjur slétt * sláið 1 sinni uppá prjóninn, 3 lykkjur slétt, steypið fyrstu af þeim 3 lykkjum yfir 2. og 3. lykkju * endurtakið frá *-*, endið á 1 lykkju slétt. UMFERÐ 3 (ranga): Með litnum bleikur – brugðið út umferðina. UMFERÐ 4 (rétta): 1 lykkja slétt * 3 lykkjur slétt, steypið fyrstu af 3 lykkjum yfir 2. og 3. lykkju, sláið 1 sinni uppá prjóninn * endurtakið frá *-*, endið á 2 lykkjum slétt. Endurtakið umferð 1-4.
2:24
Hvernig á að prjóna bambusmynstur

Í þessu DROPS myndbandi sýnum við hvernig við prjónum bambusmynstur. UMFERÐ 1 (rétta): * Sláið 1 sinni uppá prjóninn, 2 lykkjur slétt, steypið uppslættinum yfir 2 lykkjur slétt *, endurtakið frá *-*. UMFERÐ 2 (ranga): Prjónið allar lykkjur brugðið. Ef prjónað er í hring á hringprjóna þá er önnur hver umferð prjónuð með bambusmynstri og í annarri hverri umferð eru allar lykkjur prjónaðar slétt. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:58
Hvernig á að prjóna brómberjamynstur

Í þessu DROPS myndbandi sýnum við hvernig við prjónum brómberjamynstur. Mynstrið er deilanlegt með 4 (= 1 mynstureining). UMFERÐ 1 og 3 (rétta): Prjónið brugðið. UMFERÐ 2 (ranga): * Prjónið 1 lykkju slétt, 1 lykkja brugðið, 1 lykkja slétt og síðan 3 lykkjur slétt saman *, endurtakið frá *-* út umferðina. UMFERÐ 4: * Prjónið 3 lykkjur brugðið saman, prjónið 1 lykkju slétt, 1 lykkja brugðið, 1 lykkja slétt *, endurtakið frá *-* út umferðina. Endurtakið umferð 1-4 áfram uppúr. (ATH: Auðveldast er að prjóna 3 lykkjur brugðið saman með þráðinn framan við stykkið). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:27
Hvernig á að prjóna entrelac fram og til baka

Í þessu DROPS myndbandi sýnum við hvernig við prjónum entrelac á paraprjóna. Entrelac eru ferningar sem prjónaðir eru í ólíkar stefnur. Byrjað er á einni rönd með þríhyrningum, síðan eru lykkjur prjónaðar upp meðfram hliðum. Prjónaður er hálfur ferningur í hliðum og heill fyrir miðju. Í hverjum ferningi á að vera t.d. 5 lykkjur á breidd, síðan eru fitjaðar upp 5 lykkjur fyrir hvern þríhyrning til þess að byrja með. Þannig að fyrir t.d. 3 þríhyrninga þá eru fitjaðar upp 15 lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:53
Hvernig á að prjóna tvöfaldar langar lykkjur

Í þessu DROPS myndbandi sýnum við hvernig hægt er að prjóna tvöfaldar langar lykkjur. Þú getur notað þessa aðferð í hálsklút með löngum lykkjum, stroff, kraga eða tösku. Tvöfaldar lykkjur eru prjónaðar fram og til baka þannig: Lykkjurnar eru prjónaðar frá röngu en sjást frá réttu. UMFERÐ 1 (rétta): Prjónið allar lykkjur slétt. UMFERÐ 2 (ranga): Prjónið 1 lykkju slétt, * gerið tvöfalda lykkju þannig: Vefjið þræðinum laust 3 sinnum yfir og í kringum vinstri vísifingur og löngutangar. Prjónið næstu lykkju slétt með því að draga alla 3 þræðina á vinstri vísifingri í gegnum lykkjuna. Sleppið nú niður lykkjunum af fingrunum – en lykkjur eru áfram á vinstri prjóni, leggið aðal þráðinn yfir vinstri vísifingur jafnframt er haldið þétt um 2 lykkjurnar inn við stykkið með fingrum hægri handar. Prjóni 1 lykkju slétt í sömu lykkju aftan í lykkjubogann (= 1 lykkja snúin slétt). Nú eru 3 lykkjur + 1 lykkja snúin slétt á hægri prjóni. Takið 3 síðustu lykkjur yfir fyrstu lykkju = 1 lykkja, 1 lykkja slétt *, endurtakið frá *-*. Endurtakið þessar 2 umferðir, prjónið lykkju í aðra hverja lykkju í annað hvert skipti þannig að þær komi ekki í röð yfir hverja aðra. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.