Hvernig á að prjóna magic loop

Í þessu DROPS myndbandi sýnum við hvernig hægt er að prjóna með magic loop. Í mynstri þar sem nota á sokkaprjóna og hringprjóna með sama númeri í mynstri, þá er hægt að notast við hringprjóna og prjóna magic loop / galdralykkju með hringprjóni í stað sokkaprjóna.
Hringprjóninn þarf að vera langur (minnst 80 cm) og vera með sveiganlegri snúru. Fitjið upp þann fjölda lykkja sem á að vera í mynstri, færið lykkjurnar til að miðju á snúrunni.
Skiptu lykkjunum í tvennt og dragðu snúruna út á milli lykkja í miðju. Færið til prjónaendana að hvorri hlið, passið að lykkjurnar verði ekki snúnar. Þráðar endinn sem prjóna á með, er á aftari prjóninum og byrjað er að prjóna lykkjur af fremri prjóninum. Dragið út aftari prjóninn til þess að prjóna lykkjur á þeim fremri. Þegar lykkjur af fremri prjóninum hafa verið prjónaðar, snúið við og færið lykkjur til baka á auða prjóninn og prjónið þá hlið á sama hátt. Haldið svona áfram í hring, passið alltaf upp á að draga út þann prjón frá þeirri hlið sem þú hefur þráðar endann.
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.
Annað tungumál:

Myndband #120, skráð í: Knitting Videos, Knitting tips & tricks, Önnur prjónaráð og aðferðir

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Johanna skrifaði:

Hej! Ni gör så fantastiskt bra instruktionsvideos, korta och rakt på sak! Får man önska en film om "travelling loop", tekniken som liknar "magic loop" men med en kortare rundsticka? Håller tummarna :)

05.08.2024 - 20:06

DROPS Design :

Hei Johanna. Takk for ditt innspill (og ros), vi tar alltid i mot tips til nye hjelpevideoer :) Så tusen takk, vi legger det på vår liste og håper vi kan få laget en video i nær fremtid. mvh DROPS Design

12.08.2024 - 09:40

Leonor skrifaði:

Buenas tardes,quiero seguir un patrón pero con lana más fina de la que utilizan en ese padrón,los números de abajo que están en el dibujo son centímetros? Gracias

29.11.2023 - 21:44

DROPS Design :

Hola Leonor, ¿puedes indicar qué patrón estás trabajando para que podamos ayudarte mejor?

03.12.2023 - 18:32

Kerstin Andersson skrifaði:

Tydlig och bra video. Kommer att använda denna metod framöver då ofta det går.

18.10.2023 - 22:23

Helgard Rémy skrifaði:

Ich stricke seit langem mit magic Loop 2 Socken gleichzeitig und finde es ideal, weil ich keine Reihen mehr zählen muss. Kann man auch 2 Ärmel (bei Raglan von oben nach unten!) gleichzeitig stricken? Da jetzt 2 Pullover anstehen, wäre ich sehr dankbar für Tipps, wie man das machen könnte! Danke im Voraus für Ihre Ideen! Helgard

06.10.2023 - 20:48

DROPS Design :

Liebe Helgard, dafür haben wir keine Erfahrung aber wahrscheinlich können Sie auch 2 Ärmel wie 2 Socken auf vielleicht lieber 2 Rundnadel (anstatt nur 1 Aufgrund von der Maschenanzahl) stricken. Vielleicht kann Ihnen Ihr Wollladen - auch per Telefon oder per E-Mail weiter helfen. Viel Spaß beim stricken!

09.01.2024 - 08:27

Kerstin skrifaði:

Und wie stricke ich mit dieser Methode Zöpfe?

23.08.2023 - 00:26

DROPS Design :

Liebe Kerstin, it dieser Methode wird man Zöpfe stricken, wie man Zöpfe in Runden strickt, dh immer nur Hin-Reihen keine Reihen von der Innenseite/Rückseite. Viel Spaß beim stricken!

23.08.2023 - 09:23

Veronica skrifaði:

Been trying to use the \'magic loop\' system. I am using Alpaca wool and needle 2.5mm, but finding it impossible to do the loop without distorting the knitting. Does the magic loop system only work with thick wool?

14.07.2023 - 09:52

Pia skrifaði:

Hej. Bruger tit magic loop men kan ikke finde ud af at lave et omslag til sidst i omgangen? Lige nu bruger jeg magic loop i opskriften Drops 40-30 Cherry Blossom, pandebånd og snore bare garnet rundt et par gange til sidst, men ser ikke helt rigtigt ud når man skal lave et hul. Håber i kan hjælpe :-)

08.02.2023 - 12:45

DROPS Design :

Hej Pia, kan du ikke starte med omslaget istedet for at slutte med omslaget, det vil jo komme på samme sted :)

14.02.2023 - 09:47

Agneta Herou skrifaði:

Istället för magic loop använder jag två rundstickor. Det är mycket enklare🤗

13.12.2022 - 21:34

Helga Gelsebach skrifaði:

Da ich das erste Mal "Magic Loop" stricke, habe ich eine Frage: Wie kann ich bei Magic Loop zu- und abnehmen?

06.11.2022 - 21:17

DROPS Design :

Liebe Frau Gelsebach, Zu- und Abnehmen stricken Sie wie bei der Anleitung erklärt - also wie in Runden. Viel Spaß beim stricken!

07.11.2022 - 16:17

Sofianou Diamantoula skrifaði:

I want translation to my language please

22.10.2022 - 11:10

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

8:41
Hvernig á að prjóna German Short Rows - með tvöfaldri lykkju utan um prjóninn

German short rows= Stykkinu er snúið mitt í umferð. Með því að prjóna stuttar umferðir þá myndast lítið gat - hægt er að loka þessu gati með því að herða á þræði eða nota aðferðina German short row. Umferð 1 (= rétta): Prjónið fram að þeim stað sem snúa á stykkinu, snúið, þegar prjónað er áfram þá myndast lítið gat við snúninginn – það er hægt að loka þessu gati þannig: Umferð 2 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju (með einni lykkju og einum þræði yfir prjóninn). Prjónið fram að þeim stað þar sem snúa á stykkinu. Snúið stykkinu. Umferð 3 (= rétta): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjunni þannig að þráðurinn sem var lagður yfir prjóninn og lykkjuna er prjónað slétt saman = 1 lykkja. Prjónið fram að þeim stað þar sem snúa á stykkinu. Snúið stykkinu. Umferð 4 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan stykkið að þér, leggið þráðinn yfir hægri prjón og herðið á þræðinum vel áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem var lagður yfir prjóninn og lykkjuna er prjónað brugðið saman = 1 lykkja. Prjónið fram að þeim stað þar sem snúa á stykkinu. Snúið stykkinu. Endurtakið 3. og 4. umferð. Við notum garnið DROPS Snow í myndbandinu. Þessi aðferð er notuð í mörgum af mynstrunum okkar – Þú finnur mynstur þar sem þessi aðferð er notuð með því að smella á myndirnar að neðan.
5:17
Hvernig á að prjóna German Short Rows - með tvöfaldri lykkju fram og til baka

German short rows = Stykkinu er snúið mitt í umferð. Stykkinu er snúið mitt í umferð. Með því að prjóna stuttar umferðir þá myndast lítið gat - hægt er að loka þessu gati með því að herða á þræði eða nota aðferðina German short row. Umferð 1 (rétta): Prjónið fram að þeim stað þar sem snúa á stykkinu, snúið, þegar prjónað er áfram verðu lítið gat við snúninginn – hægt er að loka þessu gati þannig: Umferð 2 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju (lykkja og þráður yfir prjóninum). Prjónið fram að þeim stað þar sem snúa á við. Snúið stykkinu. Umferð 3 (= rétta): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem liggur yfir prjóninum og lykkjan er prjónað slétt saman = 1 lykkja. Prjónið fram að þeim stað þar sem snúa á við. Snúið stykkinu. Umferð 4 (= ranga): Lyftið 1. lykkju af vinstri prjóni eins og prjóna eigi brugðið, hafið þráðinn fyrir framan að þér, leggið þráðinn yfir hægri prjón og herðið vel á endanum áður en næsta lykkja er prjónuð = fyrsta lykkja á hægri prjóni hefur nú orðið að tvöfaldri lykkju. Prjónið fram að tvöföldu lykkjunni frá fyrri umferð og prjónið tvöföldu lykkjuna þannig að þráðurinn sem liggur yfir prjóninum og lykkjan er prjónað slétt saman = 1 lykkja. Prjónið fram að þeim stað þar sem snúa á við. Snúið stykkinu. Endurtakið umferð 3. og 4. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
6:35
Hvernig á að prjóna upp lykkjur fyrir kant í hálsmáli á peysu með evrópskri öxl

Í þessu DROPS myndbandi sýnum við hvernig við prjónum upp lykkjur í kringum hálsmál á peysu með evrópskri öxl, notið prjón eða heklunál. Eftir það er stroffið prjónað eins og útskýrt er í mynstri. Það eru margar aðferðir við að prjóna stroff (t.d. 1 lykkja slétt / 1 lykkja brugðið, 2 lykkjur slétt / 2 lykkjur brugðið, 1 lykkja snúið slétt / 1 lykkja brugðið o.s.frv.) Hægt er að prjóna einfaldan kant í hálsmáli, tvöfaldan kant í hálsmáli eða háan kant í hálsmáli. Í myndbandinu sýnum við tvöfaldan kant í hálsmáli í stroffpróni prjónað þannig: 2 lykkjur slétt, 2 lykkjur brugðið, fellt er af með sléttum lykkjum yfir sléttar lykkjur og brugðnum lykkjum yfir brugðnar lykkjur og eftir það er stroffið brotið niður að innan verðu á stykki og fest. Í þessu myndbandi prjónum við með 2 garntegundum, DROPS Lima litur nr 9029 salvíu grænn og DROPS Kid-Silk litur nr 45, mjúk mynta og prjón 5 mm. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
13:07
Hvernig á að prjóna ermi í flík með evrópskri öxl með stuttum umferðum

Í þessu DROPS myndbandi sýnum við hvernig við prjónum upp lykkjur fyrir ermi, prjónaðar eru stuttar umferðir, lykkjum fækkað undir ermi, lykkjur auknar út á undan stroffi, skipt er yfir í styttri prjón og smá brot af affellingu (fellt er af með sléttum lykkjum yfir sléttar lykkjur og brugðnum lykkjum yfir brugðnar lykkjur). Setjið 1 prjónamerki efst í handvegi (ATH! Ekki þar sem lykkjur voru prjónaðar upp fyrir framstykki, en nokkra cm neðar á framstykki, þetta er mitt ofan á öxl). Byrjið mitt í nýjum lykkjum sem fitjaðar voru upp undir ermi og prjónið upp þann fjölda lykkja sem stendur í mynstri hringinn í handvegi – passið uppá að prjónaðar séu upp jafnmargar lykkjur hvoru megin við prjónamerki meðfram handvegi. Prjónið sléttprjón fram og til baka með stuttum umferðum yfir ermakúpuna, þetta er gert til að ermin passi betur og fái betra form. Eftir það er prjónað í hring með úrtöku undir ermi. Fylgið útskýringu í mynstri hvernig stuttar umferðir eru prjónaðar, hversu mörgum sinnum úrtaka er gerð, hversu lengi á að prjóna ermina fyrir stroff. Í þessu myndbandi prjónum við með 2 garntegundum, DROPS Lima litur nr 9029 salvíu grænn og DROPS Kid-Silk litur nr 45, mjúk mynta og prjón 5 mm. Fylgja þarf uppskrift og mynsturteikningu til þess að geta fylgt myndbandinu eftir. Þú getur séð viðeigandi mynstur með því að smella á myndina að neðan.
8:36
Hvernig á að prjóna einfalt v-hálsmál

Í þessu DROPS myndbandi sýnum við hvernig við prjónum einfalt v-hálsmál í stroffprjóni með 1 lykkju slétt / 1 lykkju brugðið. Hægt er að nota sömu aðferð þegar lykkjur eru prjónaðar 2 lykkjur slétt / 2 lykkjur brugðið. Fyrst sýnum við þegar lykkjur eru prjónaðar upp, síðan prjónum við allar lykkjur slétt frá röngu, eftir það er prjónað stroffprjón jafnframt því sem lykkjum er fækkað mitt að framan í annarri hverri umferð þannig: Prjónið þar til 1 lykkja er eftir á undan sléttri lykkju mitt framan í hálsmáli, lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð (= 2 lykkjur færri). Með þessu þá kemur kanturinn til með að leggjast fallega og slétta lykkjan kemur til með að halda áfram sem bein lína. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
9:57
Hvernig á að prjóna tvöfalt V-hálsmál með 2 lykkjur slétt / 2 lykkjur brugðið

Í þessu DROPS myndbandi sýnum við hvernig við prjónum tvöfalt V-hálsmál. Kantur í hálsmáli er prjónaður í hring, en við sýnum einungis hluta um hvað gerist á framstykkinu. Við sýnum: 1) Tími: 00.04-01.36. Hvernig 2 miðjulykkjurnar eru settar á prjón og prjónaðar slétt, jafnframt því sem lykkjur eru teknar upp í kringum hálsmál. Setjið eitt prjónamerki á milli þessa 2 lykkja (= miðjulykkjur sem alltaf eru prjónaðar slétt). Það eru teknar upp 2 lykkjur fleiri á vinstri hlið en á þeirri hægri og stillið lykkjufjöldann af þannig að hann sé deilanlegur með 4. 2) Tími: 01:37 -03:12. Nú er prjónað stroff (2 lykkjur slétt / 2 lykkjur brugðið), teljið frá miðjulykkjum og til baka að byrjun þannig að stroffið geti byrjað þannig að það verða 2 lykkjur brugðið á undan 2 miðjulykkjum sem eru prjónaðar slétt. Þegar 2 lykkjur eru eftir á undan prjónamerki eru þessar 2 lykkjur prjónaðar slétt saman, (einnig ef önnur lykkjan eigi að vera brugðin lykkja). Lyftið næst 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð = 2 lykkjur slétt mitt að framan, prjónið 1 lykkju brugðið og haldið áfram með stroff (2 lykkjur slétt / 2 lykkjur brugðið). Stroffið á að vera alveg eins hvoru megin við miðjulykkjurnar. 3) Tími: 03:13 -04:10. Fækkið lykkjum einnig svona í næstu umferð. Yfir 6 miðjulykkjurnar verða þá bara sléttar lykkjur. 4) Tími: 04:12 -04:29. Haldið áfram með stroffprjón og úrtöku að uppgefnu máli. 5) Tími: 04:30-05:52. Prjónið 1 umferð stroffprjón án þess að fækka lykkjum við prjónamerki, hér á síðar að brjóta uppá kantinn í hálsmáli þannig að hann verði tvöfaldur. 6) Tími: 05:54-08:21. Nú á að auka út hvoru megin við miðjulykkjurnar í hverri umferð þannig: Prjónið stroff eins og áður fram þar til 1 lykkja er eftir að prjónamerki, sláið 1 sinni uppá prjóninn, prjónið 2 lykkjur slétt (miðjulykkjur), sláið 1 sinni uppá prjóninn, prjónið stroff eins og áður út umferðina, uppslátturinn er prjónaður snúinn í næstu umferð. 7) Tími: 08:25-09:06. Þegar stykkið hefur náð réttu máli, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. 8) Tími: 09:10-09:38. Brjótið kant í hálsmáli inn og festið affellingarkantinn með nokkrum sporum að innanverðu á flíkinni þannig að hálsmálið liggi fallega. 9) Tími: 09:39-09:56. Tilbúið tvöfalt prjónað V-hálsmál. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.