DROPS Children 49 · Fullt af nýrri hönnun fyrir börn!

Prjón leiðbeiningar & aðferðir

Lærðu fullt af gagnlegum ráðum og aðferðum til að hjálpa þér að prjóna, eins og hvernig á að prjóna hnappagat, taka upp nýjar lykkjur, prjóna rendur, prjóna stuttar umferðir, endurheimta lykkju sem hefur fallið og svo margt fleira.

Flokkar
Myndbönd: 109
3:39
Hvernig á að prjóna rendur í hring án þess að mynda hak

Í þessu DROPS myndbandi sýnum við hvernig við fáum fallega skiptingu / án þess að það myndist hak á milli lita þegar rendur eru prjónaðar í hring. Skiptið yfir í nýjan lit og prjónið 1 umferð. Fyrsta lykkja í næstu umferð er prjónuð þannig: Lyftið upp lykkjunni undir fyrstu lykkju á vinstri prjóni (lykkjunni er lyft upp aftan frá í fremri lykkjuboga) og setjið þessa lykkju á vinstri prjón. Eftir það er þessi lykkja prjónuð slétt saman með næstu lykkju á vinstri prjóni. Með þessu þá verður skiptingin mun minna sýnileg. Þú getur látinn hinn litinn fylgja með á bakhlið (upp úr). Ef rendurnar eru breiðar þá er hægt að snúa litunum um hvorn annan í lok umferðar, ca með 3 cm millibili. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:16
Hvernig á að prjóna rendur fram og til baka

Í þessu DROPS myndbandi sýnum við hvernig við prjónum rendur fram og til baka. Þegar rendur eru prjónaðar er þráðurinn sem ekki er prjónað með látinn fylgja með upp meðfram kanti. Með þessari aðferð þá þarf ekki að ganga frá fullt af endum í lokin. Í hverri nýrri umferð frá réttu er nýja þræðinum snúið utan um fyrri þráð sem ekki á að nota í þessa rönd, síðan er prjónað áfram. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:43
Hvernig á að skipta um lit innan við kantlykkjur

Í þessu DROPS myndbandi sýnum við hvernig hægt er að skipta um þráð innan við kantlykkjur. Þegar prjónaðar eru rendur er góð hugmynd að skipta um lit innan við kantlykkju, þannig að allir lausir endar eða langir endar á bakhlið á stykkinu liggja ekki meðfram kantinum. Í myndbandinu sýnum við hvernig skipt er um þráð innan við 5 kantlykkjur. Til þess að sýna þetta betur þá höfum við prjónað 5 kantlykkjur í sléttprjóni, skiptinguna innan við kantlykkjurnar í garðaprjóni (slétt frá réttu og brugðið frá röngu) og restin í sléttprjóni. Að lokum sýnum við hvernig skiptingarnar verða þegar kanturinn að framan er prjónaður í perluprjóni og hvernig skiptingarnar verða þegar allt stykkið er prjónað í garðaprjóni með fínu garni. Það myndast alltaf stór eða lítil bunga þegar skipt er um lit. Með þessu grófa garni verður bungan enn stærri. Ef prjónað er með fínu garni með mörgum litum þá sést skiptingin ekki. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:31
Hvernig á að prjóna rendur á þess að fá hak í skiptingunum / Helix prjón

Í þessu DROPS myndbandi sýnum við hvernig hægt er að prjóna í hring með röndum án þess að fá hak í stykkið þegar skipt er um lit, svo kallað Helix prjón. Í þessu myndbandi notum við 3 liti og prjónum 13 lykkjur áður en skipt er um lit. Passið uppá að halda litunum frá og ekki láta dokkurnar krossa þegar skipt er um lit. Í hverri umferð er einn litur sem er prjónaður yfir 26 lykkjur. Ekki herða of mikið á þræðinum þegar skipt er um lit. Við notum garnið DROPS Snow í myndbandinu.
6:02
Hvernig á að prjóna 1. umferð í litaskiptum í stroffi

Í þessu DROPS myndbandi sýnum við hvernig við komum í veg fyrir að fá «punkta» í einingum með brugðnum lykkjum (frá réttu) þegar skipt er um lit. Í umferðinni sem skipt er um lit eru allar lykkjur prjónaðar slétt, en í næstu umferð er haldið áfram að prjóna brugðið (í þessu myndbandi; 2 lykkjur slétt, 2 lykkjur brugðið). Við notum garnið DROPS Snow í myndbandinu.
4:02
Hvernig á að prjóna 1. umferð eftir litaskipti með brugðnum og sléttum lykkjum

Í þessu DROPS myndbandi sýnum við hvernig við komum í veg fyrir „doppur“ í fyrstu umferð á eftir litaskiptum, séð frá réttu. Í umferð, frá réttu, þar sem skipt er um lit prjónum við 10 lykkjur brugðið og 10 lykkjur slétt þannig að auðveldara er að sjá muninn. Í næstu umferð eru allar lykkjur prjónaðar slétt frá röngu. Við notum garnið DROPS Snow í myndbandinu.
1:45
Hvernig á að koma í veg fyrir að fá stóra lykkju þegar skipt eru um þráð

Í þessu DROPS myndbandi sýnum við hvernig hægt er að koma í veg fyrir að fá stóra lykkju í fyrstu og síðustu lykkju þegar skipta á um þráð. Hnýttu nýja þráðinn í gamla þráðinn, ekki með hnút, heldur með lykkju. Herðið að lykkjunni og potið henni niður í stykkið. Haldið nú áfram með því að prjóna með nýja þræðinum, prjónið nokkrar umferðir og eftir það er dregið í lykkjuna þannig að hún losni. Þá kemur þú til með að fá fallega skiptingu þegar skipt er um þráð. Festið síðan þræðina eins og vanalega þegar prjónað hefur verið til loka. Í þessu DROPS myndbandi notum við garnið DROPS Snow.
1:14
Hvernig taka á upp tapaða lykkju

Í þessu DROPS myndbandi sýnum við hvernig við tökum upp tapaða lykkju. Hefur þú misst niður lykkju? Þú getur einfaldlega tekið hana upp með því að nota heklunál.
2:52
Hvernig á að rekja upp sléttar og brugðnar lykkjur - Tinking

Í þessu DROPS myndbandi sýnum við hvernig fara á til baka og rekja upp síðustu prjónuðu lykkjurnar ef upp kemur villa í mynstrinu í lok umferðar. Þetta kallast á ensku tink´ar þar sem tink er enska orðið knit (prjóna) lesið aftur á bak og tæknilega séð þá prjónar maður aftur á bak. Í þessu myndbandi sýnum við hvernig við tink´ar sléttar og brugðnar lykkjur. Stingið vinstri prjóni framan í lykkjuna undir fyrstu lykkjunni á hægri prjóni. Sleppið niður lykkjunni frá hægri prjóni og dragið þráðarendann út og setjið aftur lykkjuna til baka á vinstri prjón. Gerið alveg eins hvort sem er fyrir slétta eða brugðna lykkju.
3:53
Hvernig á að prjóna upp tapaða lykkju í garðaprjóni

Í þessu DROPS myndbandi sýnum við hvernig hægt er að taka upp tapaða lykkju í garðaprjóni. Hefur þú tapað niður lykkju í garðaprjóni? Þú getur auðveldlega lagað það með heklunál. Stingdu heklunálinni í töpuðu lykkjuna. Skoðaðu vel hvort næsta umferð ofan við sé slétt eða brugðin. Ef það er slétt umferð þá eru lykkjurnar í umferðinni hringlaga og ef það er brugðin umferð þá er smá kúla framan við lykkjuna. Ef það er slétt umferð þá tekur þú upp þráðinn með því að stinga heklunálinni í gegnum lykkjuna að framan verðu og ef næsta umferð er brugðin þá færir þú heklunálina þannig að þú getir stungið í lykkjuna að aftan verðu. Þetta er aðeins flóknara í bundnu máli en vonandi þá hjálpar myndbandið þér.
1:53
Hvernig á að rekja upp garðaprjón á öruggan hátt

Í þessu DROPS myndbandi sýnum við hvernig hægt er að rekja upp garðaprjón á öruggan hátt. Þegar þú prjónar garðaprjón og sérð að þú hafir prjónað of langt, eða kemur í ljós að það er villa nokkrum umferðum neðar. Að prjóna aftur á bak tekur tíma og þegar notað er sumt glansandi garn þá er ekki góð hugmynd að draga prjónana út og byrja að rekja upp. Í þessu DROPS myndbandi sýnum við hvernig hægt er að rekja örugglega upp með því að stinga inn prjóninum í lykkjurnar í þeirri umferð sem þú vilt rekja upp að. Síðan getur þú dregið prjóninn út og rakið upp án þess að eiga á hættu að missa niður einhverjar lykkjur á leiðinni. Taktu ákvörðun um hversu langt þú vilt rekja upp. Taktu upp hægri hluta á lykkju í hverja lykkju aftan frá. Þannig koma lykkjurnar til með að snúa í rétta átt þegar þú er búin og getur byrjað að prjóna aftur.
5:52
Hvernig á að laga tapaða lykkju í prjónuðu stykki

Í þessu DROPS myndbandi sýnum við hvernig hægt er að festa tapaða lykkju í prjónað stykki. Við notum annan lit til að sauma lykkjuna niður með. Saumið lykkjuna frá bakhlið og byrjið nokkrum lykkjum á undan gati. Fylgið þræðinum fram að gati/töpuðu lykkjunni og saumið lykkjuna niður. Haldið áfram að sauma smá viðbót eftir gatið/töpuðu lykkjuna. Í þessu myndbandi notum við garnið DROPS Snow.
2:15
Hvernig á að rekja upp sléttprjón á öruggan hátt

Í þessu DROPS myndbandi sýnum við hvernig hægt er að rekja upp í sléttprjóni á öruggan hátt. Þegar þú prjónar sléttprjón og sérð að þú hafir prjónað of langt, eða kemur í ljós að það er villa nokkrum umferðum neðar. Að prjóna aftur á bak tekur tíma og þegar notað er sumt glansandi garn þá er ekki góð hugmynd að draga prjónana út og byrja að rekja upp. Við sýnum hvernig hægt er að rekja örugglega upp með því að stinga inn prjóninum í lykkjurnar í þeirri umferð sem þú vilt rekja upp að. Síðan getur þú dregið prjóninn út og rakið upp án þess að eiga á hættu að missa niður einhverjar lykkjur á leiðinni. Taktu ákvörðun um hversu langt þú vilt rekja upp. Taktu upp hægri hluta á lykkju í hverja lykkju aftan frá. Þannig koma lykkjurnar til með að snúa í rétta átt þegar þú er búin og getur byrjað að prjóna aftur. Ef endinn á þræðinum er ekki á réttri hlið þá er bara að flytja lykkjurnar yfir á hinn prjóninn.
3:05
Hvernig á að prjóna upp tapaða lykkju í klukkuprjóni og setja aftur til baka upp á prjóninn

Í þessu DROPS myndbandi sýnum við hvernig við setjum tapaðar lykkjur í klukkuprjóni með uppslætti aftur á prjóninn. Í myndbandinu sýnum við klukkuprjón þannig: KLUKKUPRJÓN (prjónað fram og til baka): UMFERÐ 1: 1 lykkja garðaprjón, * 1 lykkja slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, endurtakið frá *-* þar til 2 lykkjur eru eftir, endið á 1 lykkja slétt, 1 lykkja garðaprjón. UMFERÐ 2: 1 lykkja garðaprjón, * 1 lykkja slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið saman uppsláttinn og óprjónuðu lykkjuna slétt *, endurtakið frá *-* þar til 2 lykkjur eru eftir, endið á að slá 1 sinni uppá prjóninn, lyftið 1 lykkju af prjóni eins og prjóna eigi bruðgið, 1 lykkja garðaprjón. UMFERÐ 3: 1 lykkja garðaprjón, * prjónið saman uppsláttinn og óprjónuðu lykkjuna slétt, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, endurtakið frá *-* þar til 3 lykkjur eru eftir, prjónið saman uppsláttinn og óprjónuðu lykkjuna slétt, 1 lykkja garðaprjón. Endurtakið umferð 2 og 3. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:33
Hvernig á að taka upp tapaða lykkju í klukkuprjóni með tveimur litum

Það er alltaf erfitt að missa lykkju á meðan verið er að prjóna. Í þessu DROPS myndbandi sýnum við hvernig hægt er að taka upp lykkju prjónaða í klukkuprjóni með tveimur litum. Notið heklunál, * Stingið heklunálinni í lykkjuna með lit-1, «hoppið yfir» 1 þráð með lit-2 og stingið heklunálinni undir 2 næstu þræði með lit-2. Sækið þráðinn með lit-1 og dragið þráðinn undir 2 liti-2 þræðina og aftur í gegnum lykkju á heklunálinni * (= 1 lykkja klár). Endurtakið frá *-* að «toppi», síðasti litur-2 þráðurinn er tekinn upp og settur á vinstri prjón (= 1 uppsláttur). Í þessu myndbandi notum við garnið DROPS Snow.
1:34
Hvernig á að koma í veg fyrir að það myndist hak í byrjun þegar prjónað er í hring

Í þessu DROPS myndbandi sýnum við hvernig hægt er að gera ósýnilega byrjun þegar prjónað er í hring. ATH! Fitjið upp 1 lykkju aukalega en það sem uppskriftin segir til um. Lyftið 1. lykkju af vinstra prjóni eins og prjóna eigi brugðið yfir á hægri prjón. Steypið 2. lykkju á hægri prjóni yfir 1. lykkju. Fækið lykkjuna sem lyft var af prjóni aftur yfir á vinstri prjón. Herðið á þræði. Setjið merki til að merkja byrjun umferðar og byrjið að prjóna. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:01
Hvernig á að laga hak við affellingu þegar prjónað er í hring

Í þessu DROPS myndbandi sýnum við hvernig hægt er að laga til samskeyti sem verða þegar fellt er af eftir að hafa prjónað í hring á hringprjóna eða sokkaprjóna. Létt aðferð sem hægt er að gera þegar festa á þráðinn í lokin. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
3:47
Hvernig er hægt að fá ósýnilega skiptingar þegar maður notar sokkaprjóna

Í þessu DROPS myndbandi sýnum við leiðbeiningar hvernig hægt er að ná fram ósýnilegum skiptingum þegar maður notar sokkaprjóna. LEIÐBEININGAR (prjónað í hring á sokkaprjóna): Til að koma í veg fyrir að lykkjan í skiptingunni á milli sokkaprjóna verði stór og sýnileg, er hægt að prjóna 3 lykkjur frá næsta sokkaprjóni yfir á prjóninn, þannig að skiptingin á milli 4 sokkaprjóna í stykkinu færist til um 3 lykkjur í hvert skipti sem prjónað er. Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
1:16
Hvernig á að nota merkiþráð á milli 2 lykkja

Í þessu DROPS myndbandi sýnum við hvernig við staðsetjum merkiþráð. Það er oft snjallt að nota merkiþráð til að merkja hvar í stykki er aukið út eða lykkjum fækkað, í byrjun á umferð eða í hlið þegar prjónað er í hring á prjóna eða hringprjóna o.s.frv. Þú getur látið þráðinn fylgja með í stykkinu upp úr og dregið hann út í lokin. Í þessu myndbandi er aukið út um 1 lykkju hvoru megin við merkiþráðinn. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
5:17
Hvernig á að prjóna í hring með 2 hringprjónum

Í þessu DROPS myndbandi sýnum við hvernig hægt er að prjóna í hring með 2 hringprjónum. Þegar prjónaðir eru minni stykki á hringprjón eins og sokkar eða stroff og þú vilt ekki nota sokkaprjóna eða þeir eru ekki til taks, er hægt að prjóna í hring á tvo hringprjóna. Fitjið upp með einum hringprjóni, takið síðan helming af lykkjunum og setjið á annan hringprjón. Dragið prjóninn inn að þeirri hlið sem þú ert með þráðinn sem þú ætlar að prjóna með. Passið uppá að lykkjur í umferð eru ekki snúnar þegar þú tengir þær saman. Byrjið að prjóna lykkjur á prjóni þar sem þráðurinn situr ekki fastur. Passið uppá að herða að fyrstu lykkjunni sem er prjónuð. Prjónið með sama prjóni og þær lykkjur sem prjóninn er á, látið hinn prjóninn hvíla. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
4:09
Hvernig á að prjóna brot/fellingu

Í þessu DROPS myndbandi sýnum við hvernig hægt er að prjóna brot/fellingu. Þegar prjónað er brot t.d. við miðju eða undir brjósti myndast mjög glæsilegt og kvenlegt form á stykkið. Myndbandið sýnir fyrst brot sem opnast út til vinstri og síðan brot sem opnast út til hægri. Þetta brot er prjónað yfir 10 lykkjur og við byrjum á að setja 5 lykkjur á hjálparprjón framan við stykkið, prjónið fyrstu lykkju af hjálparprjóni með fyrstu lykkju á prjóni, alls 5 sinnum. Næsta brot vísar í hina áttina og þá eru lykkjurnar settar á hjálparprjón aftan við stykkið. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
8:45
Hvernig á að prjóna kraga sem skarast að framan/sjalkraga

Í þessu DROPS myndbandi sýnum við hvernig við prjónum kraga sem skarast að framan / sjalkraga. Til þess að geta prjónað kraga sem skarast að framan eins og t.d. sjalkraga, er byrjað á að taka upp nýjar lykkjur fyrir aftan skilgreindar miðjulykkjur. Ef þú vilt að kragakanturinn/kantur að framan verði 14 lykkjur á breidd er byrjað 7 lykkjum á undan prjónamerki fyrir miðju. Prjónið 14 kantlykkjur í mynstri og sléttprjón yfir þær lykkjur sem eftir eru. Í lok umferðar eru teknar upp 14 nýjar lykkjur fyrir aftan kantlykkjurnar, snúið við. Í næstu umferð frá röngu: Prjónið fyrstu 14 kantlykkjur í mynstri og sléttprjón yfir þær lykkjur sem eftir eru þar til komið er að 14 lykkjum á hægra framstykki, prjónið þær kantlykkjur í mynstri, snúið við. Haldið áfram að prjóna fram og til baka með 14 kantlykkjur í mynstri í hvorri hlið. Gott er að nota prjónamerki til þess að skilja að lykkjur sem eru kantlykkjur í mynstri og aðrar lykkjur. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
6:18
Hvernig á að prjóna magic loop

Í þessu DROPS myndbandi sýnum við hvernig hægt er að prjóna með magic loop. Í mynstri þar sem nota á sokkaprjóna og hringprjóna með sama númeri í mynstri, þá er hægt að notast við hringprjóna og prjóna magic loop / galdralykkju með hringprjóni í stað sokkaprjóna. Hringprjóninn þarf að vera langur (minnst 80 cm) og vera með sveiganlegri snúru. Fitjið upp þann fjölda lykkja sem á að vera í mynstri, færið lykkjurnar til að miðju á snúrunni. Skiptu lykkjunum í tvennt og dragðu snúruna út á milli lykkja í miðju. Færið til prjónaendana að hvorri hlið, passið að lykkjurnar verði ekki snúnar. Þráðar endinn sem prjóna á með, er á aftari prjóninum og byrjað er að prjóna lykkjur af fremri prjóninum. Dragið út aftari prjóninn til þess að prjóna lykkjur á þeim fremri. Þegar lykkjur af fremri prjóninum hafa verið prjónaðar, snúið við og færið lykkjur til baka á auða prjóninn og prjónið þá hlið á sama hátt. Haldið svona áfram í hring, passið alltaf upp á að draga út þann prjón frá þeirri hlið sem þú hefur þráðar endann. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
2:32
Hvernig á að prjóna blúndu

Í þessu DROPS myndbandi sýnum við hvernig hægt er að prjóna blúndu. Ef þú vilt hafa lausa blúndu utan á flík þá prjónar þú fyrst blúnduna sér. Til að gera blúndu þá verður þú í síðustu umferðinni (frá röngu ef prjónað er fram og til baka) að prjóna lykkjurnar til skiptis saman 2 og 2 (eins og útskýrt er í myndbandi). Ef þú vilt hafa fleiri eða færri fellingar, þá eru prjónaðar saman fleiri eða færri lykkjur, eða samkvæmt uppskrift. Leggið blúnduna utan á stykkið og prjónið lykkjurnar saman 2 og 2. Þ.e.a.s. 1. lykkja á blúndu saman við 1. lykkju á stykki, 2. lykkju á blúndu saman við 2. lykkju á stykki o.s.frv. Haldið áfram að prjóna í hring eða fram og til baka þar til kominn er líning/kantur með blúndu. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.